 |
ການແລກປ່ຽນບົດຮຽນເຊິ່ງກັນ ແລະ ກັນ ຮ່ວມກັນວາງແຜນເສັ້ນທາງແຫ່ງການຫຼຸດຜ່ອນຄວາມທຸກຍາກ, ການລົບລ້າງ ແລະ ຫຼຸດຜ່ອນຄວາມທຸກຍາກ ແມ່ນໜຶ່ງໃນເນື້ອໃນຕົ້ນຕໍຂອງການແລກປ່ຽນບົດຮຽນການບໍລິຫານ ແລະ ຄຸ້ມຄອງປະເທດ ລະຫວ່າງ ຈີນ-ລາວ, ທັງແມ່ນທິດທາງທີ່ສຳຄັນຂອງການຮ່ວມມືທີ່ເປັນຮູບປະທຳ ຈີນ-ລາວ. ການນຳຂັ້ນຕ່າງໆຂອງສອງຝ່າຍ ຈີນ-ລາວ ໄດ້ມີການແລກປ່ຽນຢ່າງເລິກເຊິ່ງກ່ຽວກັບບັນຫານີ້ຫຼາຍຄັ້ງ. ໃນເດືອນມິຖຸນາ 2018, ທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ ໃນເວລານັ້ນ ໄດ້ເດີນທາງໄປຢ້ຽມຢາມ ແລະ ເຮັດວຽກຢູ່ ບ້ານສືປາຕົ່ງ ນະຄອນຊຽງຊີ ແຂວງຫູນານ ເພື່ອທັດສະນະສຶກສາ "ການແກ້ໄຂຄວາມທຸກຍາກແບບຖືກຈຸດ", ຊຶ່ງໄດ້ສ້າງເລື່ອງລາວອັນດີງາມທີ່ເລຂາທິການໃຫຍ່ຂອງສອງພັກ ຈີນ-ລາວ ໄດ້ຮ່ວມເດີນທາງບົນເສັ້ນທາງສາຍດຽວກັນໃນການລົບລ້າງຄວາມທຸກຍາກ. ຫຼັງຈາກນັ້ນ, ທ່ານ ທອງລຸນ ສີສຸລິດ ເລຂາ ທິການໃຫຍ່ຂອງລາວ ໃນລະຫວ່າງການຢ້ຽມຢາມຈີນ ກໍໄດ້ໄປທັດສະນະສຶກສາຖອດຖອນບົດຮຽນກ່ຽວກັບການລົບລ້າງຄວາມທຸກຍາກ ແລະ ການພັດທະນາຊົນນະບົດຫຼາຍຄັ້ງ.
 |
ນອກຈາກນີ້, ອົງການຈັດຕັ້ງຂອງພັກ-ລັດ ແລະ ກະຊວງຕ່າງໆຂອງສອງຝ່າຍ ກໍໄດ້ຈັດກິດຈະກຳແລກປ່ຽນ ແລະ ຮຽນຮູ້ເຊິ່ງກັນ ແລະ ກັນ ໃນຮູບແບບທີ່ຫຼາກຫຼາຍອຸດົມສົມບູນປິ່ນອ້ອມຮອບຫົວຂໍ້ນີ້; ນອກຈາກນີີ້, ຈີນ-ລາວ ຍັງມີການຮ່ວມມືກໍ່ສ້າງພື້ນຖານໂຄງລ່າງ ສ້າງພື້ນຖານຊີວິດການເປັນຢູ່ຂອງປະຊາຊົນໃຫ້ແໜ້ນແກ່ນ.
ໃນປີ 2017, ໃນລະຫວ່າງການຢ້ຽມຢາມລາວຂອງ ທ່ານ ສີ ຈິ້ນຜິງ ປະທານປະເທດຈີນ, ໄດ້ປະກາດປະຕິບັດ "8 ໂຄງການໃຫຍ່ຊ່ວຍເຫຼືອລາວ", ໂດຍມີຈຸດປະສົງເພື່ອຊ່ວຍເຫຼືອເຂດຊົນນະບົດຂອງລາວ ປັບປຸງເງື່ອນໄຂດ້ານການສຶກສາ, ສາທາລະນະສຸກ, ການສະໜອງນ້ຳປະປາ ແລະ ການສະໜອງໄຟຟ້າ, ຍົກລະດັບເງື່ອນໄຂການດຳລົງຊີວິດ ແລະ ການພັດທະນາໃນເຂດຊົນນະບົດຂອງລາວຢ່າງສຸດຄວາມສາມາດ. ພ້ອມດຽວກັນນັ້ນ, ບັນດາໂຄງການຊ່ວຍເຫຼືອ ເຊັ່ນ: ບ້ານຈັດສັນຍົກຍ້າຍຂອງໂຄງການທາງລົດໄຟ, ໂຮງໝໍຫຼວງພະບາງ, ໂຮງໝໍມະຫົດສົດ, ໂຮງຮຽນມັດທະຍົມສົມບູນເພຍວັດ, ວິທະຍາໄລເຕັກນິກ-ວິຊາຊີບທາງລົດໄຟລາວ ແລະ ອື່ນໆ ໄດ້ຍົກລະດັບການສຶກສາ ແລະ ລະດັບການແພດຂອງລາວຢ່າງແຂງແຮງ, ມີບົດບາດສຳຄັນໃນການສົ່ງເສີມການພັດທະນາສັງຄົມ ແລະ ການປັບປຸງຊີວິດການເປັນຢູ່ຂອງປະຊາຊົນໃນທ້ອງຖິ່ນ. ໄປຄ່ຽງຄູ່ກັນນັ້ນ, ຈີນຍັງຊ່ວຍ ດ້ານອຸດສາຫະກໍາທົດແທນ ບຸກເບີກເສັ້ນທາງໃໝ່ໃນການຫຼຸດຜ່ອນຄວາມທຸກຍາກ. ນັບແຕ່ຊຸມປີ 90 ຂອງສະຕະວັດທີ 20 ເປັນຕົ້ນມາ, ແຂວງຢຸນນານ ໄດ້ດຳເນີນການປູກພືດທົດແທນຢູ່ພາກເໜືອຂອງລາວມາຢ່າງຍາວນານ, ຊ່ວຍຊາວກະສິ ກອນທ້ອງຖິ່ນຫຼຸດພົ້ນອອກຈາກຄວາມທຸກຍາກ ແລະ ສ້າງຄວາມຮັ່ງມີ, ຄົ້ນພົບເສັ້ນທາງການຮ່ວມມືຫຼຸດຜ່ອນຄວາມທຸກຍາກສາກົນທີ່ມີເອກະລັກຂອງຈີນ. ໂຄງການສາທິດຄົບວົງຈອນອຸດສາຫະກຳທົດແທນ ຈີນ-ລາວ ຢູ່ແຂວງຜົ້ງສາລີ ທີ່ກໍ່ສ້າງໂດຍ ກຸ່ມບໍລິສັດພັດທະນາກະສິກຳ ແຂວງຢຸນນານ ໄດ້ຖືກຄັດເລືອກເຂົ້າເປັນກໍລະນີສຶກສາທີ່ດີເລີດດ້ານການຫຼຸດຜ່ອນຄວາມທຸກຍາກທົ່ວໂລກ. ກຸ່ມບໍລິສັດໄດ້ຮ່ວມມືປູກຢາງພາ ລາທຳມະຊາດ, ສາລີ, ໝາກເດືອຍ, ມັນຕົ້ນ ແລະ ຖົ່ວດິນ ແລະ ພືດກະສິກຳອື່ນໆ ຫຼາຍກວ່າ 6000 ເຮັກຕາ ຢູ່ເມືອງຍອດອູ, ເມືອງບຸນເໜືອ ແຂວງຜົ້ງສາລີ, ພ້ອມທັງກໍ່ສ້າງເຂດສວນສາທິດການປຸງແຕ່ງທົດແທນ ທີ່ເນັ້ນການປຸງແຕ່ງຜະລິດຕະພັນກະສິກຳເປັນຫຼັກ, ສ້າງຖານສາທິດການປຸງແຕ່ງຜະລິດຕະພັນກະສິກຳ, ສາງເກັບມ້ຽນສິນຄ້າ, ໂລຈິສຕິກ ແລະ ການຄ້າ, ເພີ່ມລາຍຮັບໃຫ້ແກ່ຊາວກະສິກອນຢ່າງມີປະສິດທິຜົນ, ໃນຂະນະທີ່ສົ່ງເສີມການພັດທະນາເສດຖະກິດທ້ອງຖິ່ນ, ກໍຍັງໄດ້ສືບຕໍ່ຊ່ວຍເຫຼືອລັດຖະບານລາວໃນການປົກປັກຮັກສາໝາກຜົນຂອງການສະກັດກັ້ນຢາເສບຕິດ ແລະ ການລົບລ້າງຄວາມທຸກຍາກ.
 |
ຜ່ານມາ, ຈີນ ຍັງຮ່ວມມືສ້າງຂີດຄວາມສາມາດ ສະໜອງການສະໜັບສະໜູນດ້ານການພັດທະນາ
ຂໍ້ລິເລີ່ມການພັດທະນາທົ່ວໂລກ ເນັ້ນໜັກການຍົກສູງແຮງຂັບເຄື່ອນພາຍໃນຂອງປະເທດກໍາລັງພັດທະນາ ຜ່ານການສ້າງຂີດຄວາມສາມາດ, ຈີນຖືເອົາການແບ່ງປັນບົດຮຽນ ແລະ ການສ້າງຊັບພະຍາ
ກອນມະນຸດ ເປັນເນື້ອໃນສຳຄັນຂອງການຮ່ວມມືຫຼຸດຜ່ອນຄວາມທຸກຍາກສະເໝີມາ. ການຮ່ວມມືຫຼຸດຜ່ອນຄວາມທຸກຍາກ ຈີນ-ລາວ ໄດ້ເອົາໃຈໃສ່ເປັນພິເສດຕໍ່ການ "ສ້າງຄວາມເຂັ້ມແຂງໃຫ້ກຸ້ມຕົນເອງໄດ້", ຊ່ວຍເຫຼືອລາວສ້າງຄວາມສາມາດ ໃນການຫຼຸດຜ່ອນຄວາມທຸກຍາກທີ່ເປັນຂອງທ້ອງຖິ່ນເອງ. ຕົວຢ່າງຢູ່ບ້ານຊໍ້ ເມືອງສັງທອງ, ຄະນະຊ່ຽວຊານຝ່າຍຈີນ ໄດ້ນຳພາຊາວບ້ານສ້າງຕັ້ງກຸ່ມການຜະລິດ ບົນພື້ນຖານອຸດສາຫະກຳທີ່ມີຢູ່ແລ້ວ, ພັດທະນາການລ້ຽງງົວ, ການປູກສາລີ ແລະ ການຕໍ່າແຜ່ນ ລວມທັງອຸດສາຫະ ກຳທີ່ມີເອກະລັກອື່ນໆ, ຖ່າຍທອດເຕັກນິກການຜະລິດທີ່ທັນສະໄໝ ແລະ ນຳໃຊ້ໄດ້ຈິງໃຫ້ແກ່ຊາວບ້ານ, ສ້າງແຮງຂັບເຄື່ອນໃຫ້ແກ່ການບັນລຸການພັດທະນາແບບຍືນຍົງຂອງບ້ານຊໍ້. ພາຍໃຕ້ການຊ່ວຍເຫຼືອດ້ານເຕັກນິກກະສິກຳຂອງຈີນ, ບ້ານຈິນຫົວ ໄດ້ປ່ຽນຈາກການປູກແບບດັ້ງເດີມ ມາເປັນເຮືອນຮົ່ມອັດສະລິຍະ, ຈາກການ "ອາໄສທຳມະຊາດໃນການທຳມາຫາກິນ" ມາເປັນການປູກພືດໝູນວຽນຕະຫຼອດປີ, ວິທີການປູກຜັກແບບໃໝ່ເຮັດໃຫ້ກະສິກອນຈຳນວນຫຼາຍຫຼຸດພົ້ນອອກຈາກຄວາມທຸກຍາກ ແລະ ສ້າງຄວາມຮັ່ງມີ, ບ້ານຈິນຫົວ ໄດ້ກາຍເປັນແບບຢ່າງ "ການແກ້ໄຂຄວາມທຸກຍາກແບບຖືກຈຸດ" ຂອງເມືອງໄຊທານີ ກໍຄືທົ່ວປະເທດລາວ.
ຄໍາເຫັນ