ສະຫະກອນສົ່ງເສີມກະສິກຳເມືອງຫົງສາ ແຂວງໄຊຍະບູລີ ໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານ ປະຈຳປີ 2023 ຂຶ້ນໃນວັນທີ 29 ມັງກອນຜ່ານມາທີ່ຫ້ອງການພາກສະໜາມພະແນກພັດທະນາສັງຄົມ ບໍລິສັດໄຟຟ້າຫົງສາ ຈໍາກັດໂດຍການເປັນທານຂອງທ່ານ ບຸນຊື່ນ ຕະວະ ປະທານສະຫະກອນສົ່ງເສີມກະສິກຳເມືອງຫົງສາ, ມີທ່ານ ຈັນເພັງ ອູ່ທອງຄໍາ ຮອງເຈົ້າເມືອງຫົງສາ, ມີພາກສ່ວນກ່ຽວຂ້ອງເຂົ້າຮວ່ມ.
ທ່ານ ບຸນຊື່ນ ຕະວະ ໄດ້ຜ່ານບົດສະຫຼຸບການເຄື່ອນໄຫວຈັດຕັ້ງປະຕິບັດວຽກງານຂອງສະຫະກອນສົ່ງເສີມກະສິກໍາເມືອງຫົງສາ ປະຈໍາປີ 2023 ແລະ ແຜນການປີ 2024ຊຶ່ງໄດ້ຍົກໃຫ້ເຫັນດ້ານດີ, ດ້ານອ່ອນ,ຂໍ້ຄົງຄ້າງ,ບົດຮຽນທີ່ຖອດຖອນໄດ້ ແລະ ທິດທາງແຜນຈຸດສຸມໃນຕໍ່ໜ້າ.
ສະຫະກອນສົ່ງເສີມກະສິກໍາເມືອງຫົງສາ ແມ່ນອົງການຈັດຕັ້ງລວມໝູ່ ປະກອບມີ 11 ກຸ່ມໃນການຈັດຕັ້ງສະຫະກອນ, ໃນນັ້ນ, ມີກຸ່ມຜະລິດກະສິກໍາ3 ກຸ່ມ, ກຸ່ມປຸງແຕ່ງຜົນຜະລິດກະສິກໍາ2 ກຸ່ມ, ກຸ່ມລວບລວມຜົນຜະລິດ 1 ກຸ່ມ, ກຸ່ມຕັດຫຍິບ 1ກຸ່ມ, ກຸ່ມລ້ຽງສັດ 2 ກຸ່ມ, ກຸ່ມຫັດຖະກໍາຈັກສານ 1 ກຸ່ມ ແລະ ກຸ່ມລ້ຽງເຜິ້ງ 1 ກຸ່ມ, ມີສະມາຊິກທັງໝົດ 145 ຄອບຄົວ, ໃນສົກປີ 2023 ສະຫະກອນສົ່ງເສີມກະສິກໍາເມືອງຫົງສາ ມີລູກຄ້າທັງໝົດ 93 ລູກຄ້າ ສ່ວນຫຼາຍແມ່ນລູກຄ້າຢູ່ພາຍໃນເມືອງຫົງສາ, ມີເຄືອຂ່າຍສະຫະກອນຢູ່ເມືອງພຽງ 4 ເຄືອຂ່າຍ, ເມືອງເງິນ 2 ເຄືອຂ່າຍ, ເມືອງຊຽງຮ່ອນ 3 ເຄືອຂ່າຍ, ເມືອງໄຊຍະບູລີ 3 ເຄືອຂ່າຍ, ນະຄອນຫຼວງວຽງຈັນ 6 ເຄືອຂ່າຍ ແລະ 1 ບໍລິສັດ ລາວ-ໄທອີຕາລຽນ.
ຜ່ານການເຄື່ອນໄຫວຈັດຕັ້ງປະຕິບັດວຽກງານໃນໄລຍະ 1 ປີຜ່ານມາ ສາມາດສ້າງລາຍຮັບໄດ້ທັງໝົດ 1,9 ຕື້ກວ່າກີບ, ປະຕິບັດລາຍຈ່າຍທັງໝົດ 1,6 ຕື້ກວ່າກີບ ແລະ ກຳໄລສຸດທິຈາກການດຳເນີນທຸລະກິດ 355 ລ້ານກວ່າກີບ.
ຫຼັງຈາກນັ້ນ ໄດ້ປະຕິບັດນະໂຍບາຍແບ່ງປັນຜົນກຳໄລຕາມອັດຕາສ່ວນຄື: ປັນຜົນໃຫ້ສະມາຊິກ 36%, ເປັນທຶນພັດທະນາສະຫະກອນ 30%, ເປັນທຶນສຳຮອງ 15%, ເປັນຄ່າແຮງງານໃຫ້ແກ່ຄະນະບໍລິຫານງານ 10%, ເປັນທຶນສະຫວັດດີການ 8% ແລະ ເປັນທຶນຊ່ວຍເຫຼືອສັງຄົມ 1%. ຈາກນັ້ນ ກອງປະຊຸມຍັງໄດ້ຜ່ານລະບຽບຂອງສະຫະກອນ (ສະບັບປັບປຸ່ງໃໝ່) ຕື່ມອີກ.
ທ່ານຈັນເພັງ ອູ່ທອງຄໍາ ໄດ້ເນັ້ນໜັກໃຫ້ສືບຕໍ່ຈັດຕັ້ງປະຕິບັດວຽກງານດ້ານຕ່າງໆ ຕາມທິດທາງແຜນການວາງອອກໃຫ້ໄດ້ຮັບໝາກຜົນຫຼາຍຂຶ້ນກວ່າເກົ່າ, ຊຸກຍູ້ສົ່ງເສີມຄະນະກຳມະການ, ສະມາຊິກກຸ່ມໃຫ້ມີຄວາມຮູ້ຄວາມສາມາດ, ປະສົບການ ແລະ ຮຽນຮູ້ບົດຮຽນອັນໃໝ່ໃນການບໍລິຫານຈັດການສະຫະກອນ, ຄະນະບໍລິຫານກຸ່ມຜະລິດທີ່ແຕ່ງຕັ້ງໄວ້ຕ້ອງມີຄວາມຕື່ນຕົວ, ມີສ່ວນຮ່ວມໃນການບໍລິການຄຸ້ມຄອງກິດຈະກຳຂອງກຸ່ມ, ມີຄວາມຮັບຜິດຊອບໃນການນຳເອົາແຜນທຸລະກິດ, ແຜນຜະລິດຂອງສະຫະກອນໄປເຜີຍແຜ່ ແລະ ນຳພາສະມາຊິກຈັດຕັ້ງປະຕິບັດໃຫ້ໄດ້ຕາມແຜນທີ່ວາງໄວ້, ສ້າງພະນັກງານໜຸ່ມນ້ອຍ ເປັນພະນັກງານສະຫະກອນປ່ຽນແທນພະນັກງານບໍລິສັດໄຟຟ້າຫົງສາຈຳກັດໃຫ້ໄດ້ ແລະ ພ້ອມກັນຈັດຕັ້ງປະຕິບັດເຮັດໃຫ້ສະຫະກອນສາມາດຕອບສະໜອງສິນຄ້າໃຫ້ໄດ້ຕາມຄວາມຕ້ອງການຂອງລູກຄ້າຢ່າງຕໍ່ເນື່ອງ.
ຂ່າວ-ພາບ: ກິດຕິສັກ ບົວໄລ
ທ່ານ ບຸນຊື່ນ ຕະວະ ໄດ້ຜ່ານບົດສະຫຼຸບການເຄື່ອນໄຫວຈັດຕັ້ງປະຕິບັດວຽກງານຂອງສະຫະກອນສົ່ງເສີມກະສິກໍາເມືອງຫົງສາ ປະຈໍາປີ 2023 ແລະ ແຜນການປີ 2024ຊຶ່ງໄດ້ຍົກໃຫ້ເຫັນດ້ານດີ, ດ້ານອ່ອນ,ຂໍ້ຄົງຄ້າງ,ບົດຮຽນທີ່ຖອດຖອນໄດ້ ແລະ ທິດທາງແຜນຈຸດສຸມໃນຕໍ່ໜ້າ.
ສະຫະກອນສົ່ງເສີມກະສິກໍາເມືອງຫົງສາ ແມ່ນອົງການຈັດຕັ້ງລວມໝູ່ ປະກອບມີ 11 ກຸ່ມໃນການຈັດຕັ້ງສະຫະກອນ, ໃນນັ້ນ, ມີກຸ່ມຜະລິດກະສິກໍາ3 ກຸ່ມ, ກຸ່ມປຸງແຕ່ງຜົນຜະລິດກະສິກໍາ2 ກຸ່ມ, ກຸ່ມລວບລວມຜົນຜະລິດ 1 ກຸ່ມ, ກຸ່ມຕັດຫຍິບ 1ກຸ່ມ, ກຸ່ມລ້ຽງສັດ 2 ກຸ່ມ, ກຸ່ມຫັດຖະກໍາຈັກສານ 1 ກຸ່ມ ແລະ ກຸ່ມລ້ຽງເຜິ້ງ 1 ກຸ່ມ, ມີສະມາຊິກທັງໝົດ 145 ຄອບຄົວ, ໃນສົກປີ 2023 ສະຫະກອນສົ່ງເສີມກະສິກໍາເມືອງຫົງສາ ມີລູກຄ້າທັງໝົດ 93 ລູກຄ້າ ສ່ວນຫຼາຍແມ່ນລູກຄ້າຢູ່ພາຍໃນເມືອງຫົງສາ, ມີເຄືອຂ່າຍສະຫະກອນຢູ່ເມືອງພຽງ 4 ເຄືອຂ່າຍ, ເມືອງເງິນ 2 ເຄືອຂ່າຍ, ເມືອງຊຽງຮ່ອນ 3 ເຄືອຂ່າຍ, ເມືອງໄຊຍະບູລີ 3 ເຄືອຂ່າຍ, ນະຄອນຫຼວງວຽງຈັນ 6 ເຄືອຂ່າຍ ແລະ 1 ບໍລິສັດ ລາວ-ໄທອີຕາລຽນ.
ຜ່ານການເຄື່ອນໄຫວຈັດຕັ້ງປະຕິບັດວຽກງານໃນໄລຍະ 1 ປີຜ່ານມາ ສາມາດສ້າງລາຍຮັບໄດ້ທັງໝົດ 1,9 ຕື້ກວ່າກີບ, ປະຕິບັດລາຍຈ່າຍທັງໝົດ 1,6 ຕື້ກວ່າກີບ ແລະ ກຳໄລສຸດທິຈາກການດຳເນີນທຸລະກິດ 355 ລ້ານກວ່າກີບ.
ຫຼັງຈາກນັ້ນ ໄດ້ປະຕິບັດນະໂຍບາຍແບ່ງປັນຜົນກຳໄລຕາມອັດຕາສ່ວນຄື: ປັນຜົນໃຫ້ສະມາຊິກ 36%, ເປັນທຶນພັດທະນາສະຫະກອນ 30%, ເປັນທຶນສຳຮອງ 15%, ເປັນຄ່າແຮງງານໃຫ້ແກ່ຄະນະບໍລິຫານງານ 10%, ເປັນທຶນສະຫວັດດີການ 8% ແລະ ເປັນທຶນຊ່ວຍເຫຼືອສັງຄົມ 1%. ຈາກນັ້ນ ກອງປະຊຸມຍັງໄດ້ຜ່ານລະບຽບຂອງສະຫະກອນ (ສະບັບປັບປຸ່ງໃໝ່) ຕື່ມອີກ.
ທ່ານຈັນເພັງ ອູ່ທອງຄໍາ ໄດ້ເນັ້ນໜັກໃຫ້ສືບຕໍ່ຈັດຕັ້ງປະຕິບັດວຽກງານດ້ານຕ່າງໆ ຕາມທິດທາງແຜນການວາງອອກໃຫ້ໄດ້ຮັບໝາກຜົນຫຼາຍຂຶ້ນກວ່າເກົ່າ, ຊຸກຍູ້ສົ່ງເສີມຄະນະກຳມະການ, ສະມາຊິກກຸ່ມໃຫ້ມີຄວາມຮູ້ຄວາມສາມາດ, ປະສົບການ ແລະ ຮຽນຮູ້ບົດຮຽນອັນໃໝ່ໃນການບໍລິຫານຈັດການສະຫະກອນ, ຄະນະບໍລິຫານກຸ່ມຜະລິດທີ່ແຕ່ງຕັ້ງໄວ້ຕ້ອງມີຄວາມຕື່ນຕົວ, ມີສ່ວນຮ່ວມໃນການບໍລິການຄຸ້ມຄອງກິດຈະກຳຂອງກຸ່ມ, ມີຄວາມຮັບຜິດຊອບໃນການນຳເອົາແຜນທຸລະກິດ, ແຜນຜະລິດຂອງສະຫະກອນໄປເຜີຍແຜ່ ແລະ ນຳພາສະມາຊິກຈັດຕັ້ງປະຕິບັດໃຫ້ໄດ້ຕາມແຜນທີ່ວາງໄວ້, ສ້າງພະນັກງານໜຸ່ມນ້ອຍ ເປັນພະນັກງານສະຫະກອນປ່ຽນແທນພະນັກງານບໍລິສັດໄຟຟ້າຫົງສາຈຳກັດໃຫ້ໄດ້ ແລະ ພ້ອມກັນຈັດຕັ້ງປະຕິບັດເຮັດໃຫ້ສະຫະກອນສາມາດຕອບສະໜອງສິນຄ້າໃຫ້ໄດ້ຕາມຄວາມຕ້ອງການຂອງລູກຄ້າຢ່າງຕໍ່ເນື່ອງ.
ຂ່າວ-ພາບ: ກິດຕິສັກ ບົວໄລ
ຄໍາເຫັນ