ປີ 2024 ພວກເຮົາມາລົມເລື່ອງ “ງົວ” ຄອກງົວກໍດີເຊັ່ນກັນ

ໃນຕ່ອງໂສ້ການຜະລິດນົມງົວໄດ້ກວມທັງອຸດສາຫະກຳທີ 1, ອຸດສາຫະກຳທີ 2 ແລະ ອຸດສາຫະກຳທີ 3, ຖ້າຢາກບັນລຸ “ປອດການລະບາຍກາກບອນດິອອກຊິດ” “ການລະບາຍກາກບອນດິອອກຊິດຕ່ຳ” ແລະ “ການລະບາຍ ແລະ ການບົວລະບັດກາກບອນດິອອກຊິດດຸ່ນດ່ຽງກັນ” ໃນຕ່ອງໂສ້ການຜະລິດທີ່ຍາວສົມຄວນແບບນີ້ ຈະຍາກຫຼາຍ. ພາຍຫຼັງຢ້ຽມຊົມໂຮງງານແລ້ວ, ທ່ານ ລົງເວີຍ ໄດ້ເກີດຄວາມຄິດໃນໃຈຫຼາຍຢ່າງ, ເລີຍຕັດສິນໃຈໄປຢ້ຽມຢາມທົ່ງລ້ຽງສັດສຸນຕ້ຽນຢຸນນານ ຂອງບໍລິສັດໂຢ່ຣານມູ້ເຢ້ ທີ່ຂຶ້ນກັບກຸ່ມບໍລິສັດຢີ່ລີ້ ທີ່ເປັນທົ່ງຫຍ້າລ້ຽງງົວນົມ. ເຮັດແນວໃດ, ຈຶ່ງຈະເຮັດໃຫ້ງົວລະບາຍກາກບອນດິອອກຊິດໜ້ອຍ “ອາຫານຂອງງົວຕ້ອງພິຖີພິຖັນແນວໃດ. ເມື່ອເດີນທາງໄປເຖິງທົ່ງລ້ຽງສັດແລ້ວ, ເຈົ້າໜ້າທີ່ ທີ່ກ່ຽວຂ້ອງກໍໄດ້ນໍາພາທ່ານໄປຢ້ຽມຊົມ “ຫ້ອງອາຫານ” ຂອງງົວ. ຢູ່ໃນຄອກງົວລຽນເປັນແຖວທີ່ສະອາດ, ງົວນົມ ພັນກວ່າໂຕ ພວມກິນຫົວອາຫານຕາມສະບາຍ. ເບິ່ງແລ້ວຄືຫຍ້າທຳມະດາ, ແຕ່ຕ້ອງພິຖີພິຖັນທີ່ສຸດ, ໃນນັ້ນຕ້ອງມີລຸເຊິນ, ກ້ານເຂົ້າເບຼດິບ, ຫົວອາຫານ, ຫຍ້າແກະ, ເຂົ້າໂອດ ທີ່ນຳເຂົ້າຈາກຕ່າງປະເທດ, ຍັງມີເກືອ ແລະ ທາດມູນມີໂຄຼ ຈຳນວນໜຶ່ງ. ຫົວອາຫານກາກບອນຕ່ຳເຫຼົ່ານີ້ ບໍ່ພຽງແຕ່ສາມາດຍົກປະສິດທິພາບຂອງຫົວອາຫານເທົ່ານັ້ນ, ແຕ່ຫາກ ຍັງໄດ້ຫຼຸດການລະບາຍອາຍເມຕານໃນທ້ອງງົວ. “ການລະບາຍ” ຂອງງົວໜ້ອຍລົງແລ້ວ, ການລະບາຍກາກບອນດິອອກຊິດ ກໍໄດ້ຫຼຸດລົງເຊັ່ນກັນ. ບວກກັບການປະສົມພັນໃໝ່ ຕາມຫຼັກວິທະຍາສາດ, ລູກຂອງງົວນົມເຫຼົ່ານີ້ ກໍຈະມີພັນທຸກຳ “ກາກບອນຕ່ຳ” ເຊັ່ນກັນ. ນອກຈາກ “ຫ້ອງອາຫານທີ່ມີທາດໂປຣຕິນທີ່ອຸດົມສົມບູນ” ແລ້ວ, ຄອກງົວນົມ ກໍເຮັດໃຫ້ທ່ານ ລົງເວີຍ ຮູ້ສຶກເປີດຫູເປີດຕາຫຼາຍ. ງົວນົມສາມາດ “ຍ່າງຕາມສະບາຍ” ໃນຄອກ, ກຽມນອນເວັນໃນ “ຫ້ອງນອນສະເພາະ ແລະ ຫັດກາຍຢູ່ເດີ່ນກິລາສະເພາະ… ພາຍຫຼັງໄດ້ຢ້ຽມຊົມແລ້ວ, ທ່ານ ລົງເວີຍ ເວົ້າດ້ວຍນ້ຳສຽງອິດສາວ່າ: “ຄອກງົວກໍດີເຊັ່ນກັນ” ເມື່ອໄປຢ້ຽມຊົມທົ່ງລ້ຽງງົວນົມ ທີ່ຢູ່ໄກແສນໄກແລ້ວ, ທ່ານ ລົງເວີຍ ກ່າວອຸທານວ່າ: “ລ້ຽງງົວນົມ ມັນບໍ່ແມ່ນເລື່ອງງ່າຍ”. ຄຳເວົ້າຂອງທ່ານ ກໍໄດ້ຮັບຄວາມເຫັນດີເຫັນພ້ອມ ຈາກເຈົ້າໜ້າທີ່ທົ່ງລ້ຽງສັດເຊັ່ນກັນ. ເຈົ້າໜ້າທີ່ທ່ານນີ້ກ່າວວ່າ: ນອກຈາກຕ່ອງໂສ້ການຜະລິດນົມງົວກາກບອນຕ່ຳຄົບຊຸດແລ້ວ, ການປະດິດສ້າງໃໝ່ ຂອງຖັນແຖວພະນັກງານ ທີ່ມີລະດັບວິຊາການສູງ ກໍເປັນປັດໄຈສຳຄັນຢ່າງໜຶ່ງ ທີ່ເຮັດໃຫ້ນົມງົວ “ກາກບອນຕ່ຳ” ໄດ້ຮັບຄວາມນິຍົມຊົມຊອບຈາກລູກຄ້າຫຼາຍ. ບໍລິສັດໂຢ່ຣານມູ້ເຢ້ ມີພະນັກງານລະດັບ ປະລິນຍາເອກ 23 ຄົນ ແລະ ນັກສຶກສາທີ່ຮຽນຈົບຈາກອາເມຣິກາ 30 ກວ່າຄົນ ໄດ້ຮ່ວມກັນຄົ້ນຄວ້າເຕັກນິກການ ລ້ຽງງົວນົມ, ໄດ້ສ້າງຂັ້ນຕອນມາດຕະຖານໃນການລ້ຽງງົວນົມ ທີ່ເຜີຍແຜ່ໄດ້ 650 ກວ່າລາຍການ. ເດືອນມີນາປີນີ້, ບໍລິສັດຢີ່ລີ້ຢຸນນານ ກຽມຈະຜະລິດນົມສົ້ມລົດຊາດອາໂວກາໂດ. ຍາມຕາເວັນຄ້ອຍຄ່ຳ, ທ່ານ ລົງເວີຍ ໄດ້ສິ້ນສຸດການຢ້ຽມຊົມຂອງຕົນ. ໃນຂະນະນັ້ນ, ແສງຕາເວັນໄດ້ຍ້ອມສີຄຳໃຫ້ແກ່ຈອມພູ ແລະ ສາດໃສ່ງົວນົມເຊັ່ນກັນ. ນີ້ເປັນຊີວິດທີ່ດີງາມສຳລັບງົວນົມ ແລະ ຈະສ້າງຊີວິດທີ່ດີງາມໃຫ້ແກ່ມະນຸດເຮົາເຊັ່ນກັນ.
ຂ່າວ: Han Chengyuan, Huang Yixian, Zhang Ruogu, Li Wenjun; ພາບໂດຍ: Zhang Ruogu, Guo Yao