ສະຖາບັນຄົ້ນຄວ້າ ແລະ ຝຶກອົບຮົມ ສານປະຊາຊົນສູງສຸດ ໄດ້ຈັດພິທີປິດຊຸດຝຶກອົບຮົມ ແລະ ປະກາດແຕ່ງຕັ້ງຜູ້ຊ່ວຍຜູ້ພິພາກສາ ຊຸດທີ 13 ໃຫ້ພະນັກງານວິຊາການກົດ ໝາຍ ຂອງສານປະຊາຊົນ ແລະ ສານທະຫານ ໃນຂອບເຂດທົ່ວປະເທດ ຜູ້ທີ່ມີເງື່ອນໄຂມາດຖານຕາມທີ່ໄດ້ກໍານົດໄວ້ໃນມະຕິ 0132 ວ່າດ້ວຍລະບຽບລັດຖະກອນຕຸລາການ ແລະ ແຜນຍຸດທະສາດການພັດທະນາຊັບພະຍາກອນມະນຸດ ໃນຂົງເຂດສານປະຊາຊົນ ໃນວັນທີ 9 ຕຸລາ ນີ້ ທີ່ສະຖາບັນດັ່ງກ່າວ ໂດຍມີ ທ່ານ ບຸນຂວາງ ທະວີສັກ ຮອງປະທານສານປະຊາຊົນສູງສຸດ ແລະ ພາກສ່ວນກ່ຽວຂ້ອງເຂົ້າຮ່ວມ ຊຸດຝຶກອົບຮົມໃນຄັ້ງນີ້ໃຊ້ເວລາ 20 ວັນ. ນັບແຕ່ວັນທີ 12 ກັນຍາ ຫາ09 ຕຸລາ 2023 ມີຜູ້ເຂົ້າຮ່ວມທັງໝົດ 93 ທ່ານ ຍິງ 24 ທ່ານ ຊຶ່ງໃນນັ້ນມາຈາກສານປະຊາຊົນສູງສຸດ ຈຳນວນ 17 ທ່ານ, ສານປະຊາຊົນທ້ອງຖິ່ນ ຈໍານວນ 70 ທ່ານ ແລະ ສານທະຫານ 6 ທ່ານ.
ໃນໂອກາດດັ່ງກ່າວ, ທ່ານ ບຸນຂວາງ ທະວີສັກ ໄດ້ຍົກໃຫ້ເຫັນວ່າ: ຊຸດຝຶກອົບຮົມວຽກງານຜູ້ຊ່ວຍຜູ້ພິພາກສາ ສຸດທີ່ມີຄວາມໝາຍສໍາຄັນເປັນຢ່າງຍິ່ງ ສໍາລັບພະນັກງານຂອງສານປະຊາຊົນ ທີ່ກ້າວຂຶ້ນເປັນຜູ້ຊ່ວຍຜູ້ພິພາກສາ ເນື່ອງຈາກວ່າກ່ອນຈະເປັນຜູ້ຊ່ວຍຜູ້ພິພາກສາ ຕ້ອງໄດ້ຜ່ານການຝຶກອົບຮົມກ່ອນ ຊຶ່ງຜູ້ຊ່ວຍຜູ້ພິພາກສາແມ່ນບຸກຄົນໜຶ່ງໃນການຊ່ວຍຜູ້ພິພາກສາຄົ້ນຄວ້າສໍານວນຄະດີ ເພື່ອໃຫ້ຜູ້ພິພາກສາເປັນຜູ້ທີ່ຕັດສິນຊີ້ຂາດກ່ຽວກັບຄະດີ ໃຫ້ມີຄວາມຍຸຕິທໍາແກ່ສັງຄົມ ແລະ ທ່ານຍັງໄດ້ມີບາງຄໍາເຫັນໂອ້ລົມ ໃຫ້ຜູ້ຊ່ວຍຜູ້ພິພາກທີ່ຖືກແຕ່ງຕັ້ງໃໝ່ບາງດ້ານດັ່ງນີ້: ຕ້ອງຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ມີຄຸນທາດການເມືອງ, ມີຄຸນສົມບັດ, ສິນທໍາປະຕິວັດ ມີຈັນຍາບັນ, ຈັນຍາທໍາ, ມີຄວາມຮູ້, ມີວິຊາສະເພາະໃຫ້ນັບມື້ນັບສູງ; ສ້າງໃຫ້ຕົນເອງມີຄວາມເຊື່ອຖື, ມີບົດບາດຢູ່ໃນສັງຄົມດ້ວຍການເປັນແບບຢ່າງໃນການປະຕິບັດກົດໝາຍ, ກ້າຫານປົກປ້ອງສິ່ງທີ່ຖືກກົດໝາຍ ແລະ ແກ້ໄຂສິ່ງທີ່ບໍ່ຖືກຕ້ອງໃນສັງຄົມ; ເອົາໃຈໃສ່ຄົ້ນຄວ້າຄະດີ, ເກັບກຳຂໍ້ມູນຫຼັກຖານໃຫ້ຄົບຖ້ວນ, ຮອບດ້ານ ແລະ ພາວະວິໄສ ເຮັດໃຫ້ການຕັດ ສິນຄະດີມີຄວາມຖືກຕ້ອງເປັນທໍາ ແລະ ເປັນທີ່ເພິ່ງອັນໄວ້ເນື້ອເຊື່ອໃຈຂອງປະຊາຊົນ. ຕັ້ງໜ້າປັບປຸງ ແລະ ສ້າງກົນໄກ, ແບບແຜນ ວິທີການເຮັດວຽກການພິຈາລະນາຄະດີໃຫ້ມີຄວາມວ່ອງໄວໂປ່ງໃສ, ຖືກຕ້ອງຕາມຂັ້ນຕອນຂອງກົດໝາຍ ແລະ ການພິຈາລະນາຄະດີຕ້ອງບໍ່ແກ່ຍາວເວລາ ຖືກຕ້ອງຕາມທີ່ກົດໝາຍກຳນົດໄວ້, ການຄົ້ນຄວ້າຄະດີກໍຄວນເຮັດລະອຽດ, ຮັບປະກັນຄວາມຮອບດ້ານ ແລະ ພາວະວິໄສ.
ຂ່າວ-ພາບ: ຕຸໄລເພັດ
ໃນໂອກາດດັ່ງກ່າວ, ທ່ານ ບຸນຂວາງ ທະວີສັກ ໄດ້ຍົກໃຫ້ເຫັນວ່າ: ຊຸດຝຶກອົບຮົມວຽກງານຜູ້ຊ່ວຍຜູ້ພິພາກສາ ສຸດທີ່ມີຄວາມໝາຍສໍາຄັນເປັນຢ່າງຍິ່ງ ສໍາລັບພະນັກງານຂອງສານປະຊາຊົນ ທີ່ກ້າວຂຶ້ນເປັນຜູ້ຊ່ວຍຜູ້ພິພາກສາ ເນື່ອງຈາກວ່າກ່ອນຈະເປັນຜູ້ຊ່ວຍຜູ້ພິພາກສາ ຕ້ອງໄດ້ຜ່ານການຝຶກອົບຮົມກ່ອນ ຊຶ່ງຜູ້ຊ່ວຍຜູ້ພິພາກສາແມ່ນບຸກຄົນໜຶ່ງໃນການຊ່ວຍຜູ້ພິພາກສາຄົ້ນຄວ້າສໍານວນຄະດີ ເພື່ອໃຫ້ຜູ້ພິພາກສາເປັນຜູ້ທີ່ຕັດສິນຊີ້ຂາດກ່ຽວກັບຄະດີ ໃຫ້ມີຄວາມຍຸຕິທໍາແກ່ສັງຄົມ ແລະ ທ່ານຍັງໄດ້ມີບາງຄໍາເຫັນໂອ້ລົມ ໃຫ້ຜູ້ຊ່ວຍຜູ້ພິພາກທີ່ຖືກແຕ່ງຕັ້ງໃໝ່ບາງດ້ານດັ່ງນີ້: ຕ້ອງຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ມີຄຸນທາດການເມືອງ, ມີຄຸນສົມບັດ, ສິນທໍາປະຕິວັດ ມີຈັນຍາບັນ, ຈັນຍາທໍາ, ມີຄວາມຮູ້, ມີວິຊາສະເພາະໃຫ້ນັບມື້ນັບສູງ; ສ້າງໃຫ້ຕົນເອງມີຄວາມເຊື່ອຖື, ມີບົດບາດຢູ່ໃນສັງຄົມດ້ວຍການເປັນແບບຢ່າງໃນການປະຕິບັດກົດໝາຍ, ກ້າຫານປົກປ້ອງສິ່ງທີ່ຖືກກົດໝາຍ ແລະ ແກ້ໄຂສິ່ງທີ່ບໍ່ຖືກຕ້ອງໃນສັງຄົມ; ເອົາໃຈໃສ່ຄົ້ນຄວ້າຄະດີ, ເກັບກຳຂໍ້ມູນຫຼັກຖານໃຫ້ຄົບຖ້ວນ, ຮອບດ້ານ ແລະ ພາວະວິໄສ ເຮັດໃຫ້ການຕັດ ສິນຄະດີມີຄວາມຖືກຕ້ອງເປັນທໍາ ແລະ ເປັນທີ່ເພິ່ງອັນໄວ້ເນື້ອເຊື່ອໃຈຂອງປະຊາຊົນ. ຕັ້ງໜ້າປັບປຸງ ແລະ ສ້າງກົນໄກ, ແບບແຜນ ວິທີການເຮັດວຽກການພິຈາລະນາຄະດີໃຫ້ມີຄວາມວ່ອງໄວໂປ່ງໃສ, ຖືກຕ້ອງຕາມຂັ້ນຕອນຂອງກົດໝາຍ ແລະ ການພິຈາລະນາຄະດີຕ້ອງບໍ່ແກ່ຍາວເວລາ ຖືກຕ້ອງຕາມທີ່ກົດໝາຍກຳນົດໄວ້, ການຄົ້ນຄວ້າຄະດີກໍຄວນເຮັດລະອຽດ, ຮັບປະກັນຄວາມຮອບດ້ານ ແລະ ພາວະວິໄສ.
ຂ່າວ-ພາບ: ຕຸໄລເພັດ
ຄໍາເຫັນ