ຜູ້ບໍລິຫານໂຄງການສ້າງຄວາມເຂັ້ມແຂງດ້ານຮັກສາສຸຂະພາບ, ມີຄະນະຮັບຜິດຊອບຊຸດອົບຮົມ, ຄູຝຶກ ແລະ ຜູ້ເຂົ້າຮ່ວມອົບຮົມ.
ໃນພິທີ ທ່ານ ນາງ ບຸນຖະໜອມ ສີສຸມານ ຫົວໜ້າຂະແໜງພັດທະນາແມ່ຍິງ ແລະ ຝຶກອົບຮົມວິຊາຊີບ ໄດ້ຂຶ້ນຜ່ານບົດລາຍງານ ການຝຶກອົບຮົມວິຊາຊີບຕັດຫຍິບຂັ້ນພື້ນຖານ ພາກປົກກະຕິ ຊຸດທີ XVIII ໄລຍະເວລາ 2 ເດືອນກວ່າ. ຊຸດຝຶກອົບຮົມຄັ້ງນີ້, ໄດ້ເລີ່ມຈັດຕັ້ງປຕິບັດມາແຕ່ວັນທີ 23 ຕຸລາ ແລະ ສໍາເລັດລົງໃນວັນທີ 16 ທັນວາ 2024, ມີຄູຝຶກ 2 ຄົນ, ມີນັກຮຽນທັງໝົດ 14 ຄົນ; ການຝຶກອົບຮົມມີທັງພາກທິດສະດີ ແລະ ພາກປະຕິບັດຕົວຈິງ ມີ 9 ບົດຄື: ຄຸນສົມບັດຂອງຊ່າງຕັດຫຍິບ, ຄວາມຮູ້ພື້ນຖານກ່ຽວກັບຈັກຫຍິບ, ການຫຍິບດ້ວຍມື, ວິທີຮຽນຫຍິບດ້ວຍຈັກ, ການຕັດ ແລະ ຫຍິບສິ້ນສໍາເລັດ, ການສ້າງແບບເສື້ອແມ່ຍິງ, ການຕັດ ແລະ ຫຍິບເສື້ອຄໍມົນ, ການຕັດ ແລະ ຫຍິບເສື້ອຄໍ 4 ແຈ ແລະ 5 ແຈ. ຜ່ານການຝຶກອົບຮົມຕົວຈິງເຫັນວ່າ ນັກຮຽນສາມາດຕັດຫຍິບສິ້ນໄດ້ຕາມພາບຄູ່ມື 69 ຜືນ, ຕັດຫຍິບເສື້ອສໍາເລັດ ໄດ້ 71 ຜືນ. ໃນນີ້, ມີເສື້ອຄໍມົນ 22 ຜືນ, ເສື້ອຄໍ 4 ແຈ 23 ຜືນ, ເສື້ອຄໍ 5 ແຈ 26 ຜືນ, ຕໍ່ຜົນໄດ້ຮັບດັ່ງກ່າວສາມາດປະເມີນໄດ້ນັກຮຽນທີ່ໄດ້ເກດ A 11 ຄົນ ເທົ່າກັບ 78.57%, ເກດB+ ມີ 3 ຄົນ, ເທົ່າກັບ 21.43%.
ໂອກາດນີ້ ທ່ານ ນາງ ມະນີວອນ ສາຍນໍ້າລິນ ໄດ້ເນັ້ນໃຫ້ຜູ້ທີ່ໄດ້ຝຶກອົບຮົມທຸກຄົນ ຈົ່ງນໍາເອົາບົດຮຽນຄັ້ງນີ້ ໄປນຳໃຊ້ປະຕິບັດຕົວຈິງປະກອບອາຊີບເພື່ອສ້າງວຽກເຮັດງານທຳ, ມີອາຊີບເສີມ, ສ້າງລາຍຮັບໃຫ້ກັບຕົນເອງ ແລະ ຄອບຄົວ, ໃຫ້ທຸກຄົນສ້າງແຜນໃຫ້ເປັນອາຊີບເພື່ອສ້າງລາຍຮັບແກ້ໄຂຊີວິດຄອບຄົວໃຫ້ດີຂຶ້ນ ກ້າວໄປສູ່ການຫຼຸດພົ້ນອອກຈາກຄວາມທຸກຍາກເທື່ອລະກ້າວ, ເອົາໃຈໃສ່ຮຽນຮູ້ນໍາສິ່ງຕ່າງໆເພື່ອເພີ່ມຄວາມຮູ້, ຄວາມຊໍານານໃຫ້ແກ່ຕົນເອງໃນການປະດິດສ້າງອອກແບບຕ່າງໆໄປຕາມຍຸກສະໄໝ, ຕາມຄວາມຕ້ອງການຂອງລູກຄ້າໃນຍຸກໃໝ່.
(ຂ່າວ: ພຸດທະສອນ)
ຄໍາເຫັນ