ກະຊວງຍຸຕິທຳ, ກະຊວງວັດທະນະທຳ ແລະ ກະຊວງອື່ນໆ ຂອງ ສ ເກົາຫຼີ ໄດ້ອອກຖະແຫຼງການຮ່ວມໃນວັນທີ 7 ກັນຍາ ຜ່ານມາວ່າ, ພາຍໃຕ້ໂຄງການຍົກເວັ້ນວີຊາ, ນັກທ່ອງທ່ຽວຈີນທີ່ເດີນທາງມາເປັນກຸ່ມຕັ້ງແຕ່ 3 ຄົນຂຶ້ນໄປສາມາດເຂົ້າໄປ ສ ເກົາຫຼີ ໄດ້ໂດຍບໍ່ເສຍວີຊາເປັນເວລາ 15 ວັນ, ເລີ່ມແຕ່ວັນທີ 29 ກັນຍາ ແລະ ສືບຕໍ່ໄປຮອດເດືອນມິຖຸນາປີໜ້າ.
ການເຄື່ອນໄຫວດັ່ງກ່າວແມ່ນປະຕິບັດຕາມການປະກາດຂອງຈີນໃນເດືອນພະຈິກປີທີ່ຜ່ານມາວ່າ: ຈະຍົກເວັ້ນວີຊາໃຫ້ແກ່ນັກທ່ອງທ່ຽວຈາກ ສ ເກົາຫຼີ ແລະ ອີກຫຼາຍປະເທດ, ໂດຍມີຜົນບັງຄັບໃຊ້ຮອດທ້າຍປີໜ້າ.
ທັງນີ້, ເພື່ອສະກັດກັ້ນການເຂົ້າເມືອງແບບຜິດກົດໝາຍ, ກະຊວງຍຸຕິທຳໄດ້ຮຽກຮ້ອງໃຫ້ບັນດາບໍລິສັດທ່ອງທ່ຽວຂອງ ສ ເກົາຫຼີ ລົງທະບຽນກຸ່ມທ່ອງທ່ຽວຂອງຕົນຢູ່ໃນເວັບໄຊຂອງລັດຖະບານໜຶ່ງມື້ກ່ອນການເດີນທາງເຂົ້າສູ່ ສ ເກົາຫຼີ.
ຄໍາເຫັນ