ຫົວໜ້າຫ້ອງການສະຫະພັນແມ່ຍິງກອງທັບ ກະຊວງປ້ອງກັນປະເທດ, ມີທ່ານ ພັນເອກ ວິລະສິນ ມິດຕະພອນ ຮອງຫົວໜ້າກອງບັນຊາການ ປະທານກວດກາພັກ ຫົວໜ້າຫ້ອງການເມືອງ ກອງບັນຊາການທະຫານແຂວງ.
ທ່ານ ພັນໂທ ນາງ ແພງດີ ສົມສະນິດ ຫົວໜ້າພະແນກແຜນການ-ສັງລວມ ຫ້ອງການສະຫະພັນແມ່ຍິງກອງທັບ ໄດ້ຂຶ້ນເຜີຍແຜ່ມະຕິ ກອງປະຊຸມຜູ້ແທນແມ່ຍິງທົ່ວກອງທັບຄັ້ງທີ IX ແລະ ຜ່ານບົດສະຫຼຸບແຜນພັດທະນາແມ່ຍິງກອງທັບ ໃນໄລຍະ 2021-2025 ແລະ ທິດທາງແຜນພັດທະນາໄລຍະ 2025-2030, ໂດຍປະຕິບັດຕາມວິໄສທັດຍຸດທະສາດ ແລະ ແຜນພັດທະນາແມ່ຍິງແຫ່ງຊາດຄັ້ງທີ VIII ປີ 2021-2025 ເພື່ອບັນລຸເປົ້າໝາຍ 10 ແຜນງານ 65 ໂຄງການ ຂອງແຜນພັດທະນາແມ່ຍິງແຫ່ງຊາດວາງອອກ, ສະຫະພັນແມ່ຍິງກອງທັບໄດ້ຫັນເອົາ ມາເປັນແຜນພັດທະນາແມຍິງກອງທັບ ປະກອບມີ 10 ແຜນງານ 54 ໂຄງການ ເຂົ້າໃນວຽກງານຕົວຈິງ ຕາມສະພາບຈຸດພິເສດ ແລະ ເງື່ອນໄຂຕົວຈິງ ຂອງສະຫະພັນແມ່ຍິງກອງທັບ ເຫັນໄດ້ວ່າ: ສະມາຊິກສະຫະພັນແມ່ຍິງ ມີຄຸນທາດການເມືອງທີໜັກແໜ້ນ ເຊື່ອມຊຶມຕໍ່ແນວທາງນະໂຍບາຍຂອງພັກ, ກົດໝາຍຂອງລັດ, ມະຕິຄໍາສັ່ງຂອງຂັ້ນເທິງ ມີຄວາມສາມັກຄີເປັນເອກະພາບພາຍໃນ-ພາຍນອກ ຢ່າງແໜ້ນແຟ້ນ ແລະ ມີຄວາມຫ້າວຫັນ ຕໍ່ການປະຕິບັດໜ້າທີ່ການເມືອງດ້ວຍຄວາມຮັບຜິດຊອບສູງ.
ຕອນທ້າຍທ່ານ ພົນຈັດຕະວາ ນາງ ໄພວອນ ອິນທະບຸດ ໄດ້ເໜັ້ນໜັກໃຫ້ສະມາຊິກສະຫະພັນແມ່ຍິງທຸກຄົນ ຈົ່ງພ້ອມກັນຍົກສູງຄວາມຮັບຜິດຊອບຕໍ່ໜ້າທີວງກງານຂອງຕົນ, ເອົາໃຈໃສ່ປະຕິບັດມະຕິຄຳສັ່ງ ຂໍ້ກຳນົດກົດລະບຽບຂອງກອງທັບ ກໍຄືສະຫະພັນແມ່ຍິງລາວວາງອອກຢ່າງເຂັ້ມງວດ, ກຳແໜ້ນແນວທາງນະໂຍບາຍຂອງພັກ, ກົດໝາຍຂອງລັດ, ມີສະຕິລະວັງຕົວ ຕໍ່ກົນອຸບາຍຫັ່ນປ່ຽນໂດຍສັນຕິຂອງກຸມຄົນບໍ່ຫວັງດີ, ຕັ້ງໜ້າຝຶກຝົນຫຼ່ໍຫຼອມຕົນເອງຢ່າງຮອບດ້ານ, ພ້ອມນີ້ ກໍຕ້ອງໄດ້ຜູກແໜ້ນຄວາມສາມັກຄີພາຍໃນໃຫ້ແໜ້ນແຟ້ນ, ພ້ອມກັນເຮັດສໍາເລັດໜ້າທີ່ອັນມີກຽດສະຫງ່າທີ່ຊາດ ແລະ ປະຊາຊົນມອບໝາຍໃຫ້.
(ຂ່າວ: ບຸນເພັງ ວົງແກ້ວມະນີ; ພາບ: ທອງລິດ ແກ້ວທຸມມາ)
ຄໍາເຫັນ