ສະຫະພັນແມ່ຍິງແຂວງເຊກອງ ຈັດຝຶກອົບຮົມວິຊາຕັດຫຍິບ

, ມີທ່ານ ນາງ ອາຊີເລຍ ທີ່ປຶກສາໂຄງການຊ່ວຍເຫຼືອເຊິ່ງກັນ ແລະ ກັນ (SFE), ພ້ອມດ້ວຍຂະແໜງການກ່ຽວຂ້ອງເຂົ້າຮ່ວມ.
ທ່ານ ນາງ ບຸນຖະໜອມ ສີສຸມານ ຫົວໜ້າຂະແໜງພັດທະນາແມ່ຍິງ ແລະ ຝຶກອົບຮົມວິຊາຊີບ ກ່າວວ່າ: ການເປີດຝຶກອົບຮົມຄັ້ງນີ້, ແມ່ນຝຶກອົບຮົມວິຊາຊີບຕັດຫຍິບຂັ້ນພື້ນຖານ ພາກປົກກະຕິ ຊຸດທີ 18 ຂອງສູນພັດທະນາແມ່ຍິງບັນດາເຜົ່າແຂວງເຊກອງ ໃຫ້ແມ່ຍິງທີ່ຕ້ອງການຢາກມີອາຊີບເສີມ ເພື່ອສ້າງລາຍໄດ້ໃຫ້ກັບຕົນເອງ ແລະ ຄອບຄົວ ໂດຍມີຈຳນວນນັກສຳມະນາກອນທັງໝົດ 13 ຄົນ ຍິງ 13 ຄົນ ມາຈາກ 4 ເມືອງພາຍໃນແຂວງ ແລະ ຄູຝຶກມີ 3 ຄົນ ມາຈາກສູນພັດທະນາແມ່ຍິງບັນດາເຜົ່າແຂວງ, ໄລຍະການຝຶກອົບຮົມແມ່ນໃຊ້ເວລາ 2 ເດືອນ 10 ວັນ, ເລີ່ມແຕ່ວັນທີ 23 ກັນຍາ ຫາ 20 ທັນວາ 2024 ຊຶ່ງສຳມະນາກອນຈະໄດ້ຮຽນຮູ້ບົດຮຽນວິຊາຊີບຕັດຫຍິບ 9 ບົດຄື: ຄຸນສົມບັດຂອງຊ່າງຕັດຫຍິບ, ຄວາມຮູ້ພື້ນຖານກ່ຽວກັບຈັກຫຍິບ, ການຫຍິບດ້ວຍມື, ວິທີຮຽນດ້ວຍຈັກ, ການຕັດ ແລະ ການຫຍິບ ສຳເລັດ, ການສ້າງແບບເສື້ອແມ່ຍິງ ເບື້ອງຕົ້ນຂັ້ນພື້ນຖານ, ການຕັດ ແລະ ຫຍິບເສື້ອຄໍກົມ, ການຕັດ ແລະ ຫຍິບເສືິອຄໍ 4 ແຈ, ການຕັດ ແລະ ຫຍິບເສື້ອຄໍເຊີດ. ໂດຍແນໃສ່ພັດທະນາສີມືຂອງເອື້ອຍນ້ອງແມ່ໃຫ້ມີວຽກເຮັດງານທໍາສ້າງລາຍຮັບໃຫ້ແກ່ຕົນເອງໄດ້ມີຢູ່ມີກິນ.
(ພາບ-ຂ່າວ: ອັດສະວິນ)