ສະຫາຍຜູ້ປະຈຳການເລຂາທິການສູນກາງພັກໃຫ້ທິດຊີ້ນຳຮອບດ້ານ ຕໍ່ການນຳພາຂອງອົງຄະນະພັກແຂວງສະຫວັນນະເຂດ

ທັງເປັນຜູ້ຊີ້ນຳແຂວງສະຫວັນນະເຂດ ໄດ້ໃຫ້ກຽດໂອ້ລົມ ແລະ ທິດຊີ້ນຳອັນໜັກແໜ້ນ ພ້ອມທັງສະແດງຄວາມຊົມເຊີຍຕໍ່ຜົນສຳເລັດໃນການນຳພາ-ຊີ້ນຳຮອບດ້ານຂອງຄະນະພັກແຂວງ ທີ່ໄດ້ເຮັດໃຫ້ແຂວງສະຫວັນນະເຂດກາຍເປັນແຂວງທີ່ມີທ່ວງທ່ານຳໜ້າໃນການພັດທະນາເສດຖະກິດ-ສັງຄົມທີ່ເຂັ້ມແຂງຂຶ້ນ.
ໃນໂອກາດນີ້, ສະຫາຍຜູ້ປະຈຳການເລຂາທິການສູນກາງພັກ ໄດ້ມີຄຳເຫັນເຈາະຈີ້ມບາງບັນຫາດັ່ງນີ້: ໃຫ້ສືບຕໍໍ່ເຮັດວຽກງານການເມືອງ-ແນວຄິດຢູ່ແຕ່ລະຂະແໜງການຂອງແຂວງ, ບັນດາເມືອງ-ຮາກຖານໃຫ້ແຂງແຮງ ແລະ ເລິກເຊິ່ງກວ່າເກົ່າ, ຍູ້ແຮງຂະບວນການເຄື່ອນໄຫວຂອງທຸກພາກສ່ວນພາຍໃນແຂວງ ພ້ອມກັນສືບຕໍໍ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມ ແຫ່ງຊາດກໍ່ຄືມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ, ແຜນພັດທະນາເສດຖະກິດ-ສັງຄົມຂອງແຂວງຕິດພັນກັບການສືບຕໍໍ່ປະຕິບັດ 2 ວາລະແຫງຊາດ ແລະ ການແກ້ໄຂບັນຫາເຄັ່ງຮ້ອນຂອງປະເທດໃນປັດຈຸບັນ ເປັນຕົ້ນບັນຫາເງິນເຟີ້, ຄ່າຄອງຊີບສູງ, ອັດຕາແລກປ່ຽນເງິນຕາ, ໜີ້ສິນສາທາລະນະ, ຍົກສູງສິດເປັນເຈົ້າຂອງປະຊາຊົນ, ຍູ້ແຮງການສ້າງເສດຖະກິດເອກະລາດ ເປັນເຈົ້າຕົນເອງ ສ້າງຄວາມເຂັ້ມແຂງດ້ວຍຕົນເອງ, ເຕົ້າໂຮມໃຫ້ໄດ້ກໍາລັງແຮງສັງລວມທົ່ວປວງຊົນ, ໃຫ້ເອົາໃຈໃສ່ວຽກງານວັດທະນະທໍາ-ສັງຄົມ ໃຫ້ສົມສ່ວນກັບການພັດທະນາດ້ານເສດຖະກິດ, ຮັບປະກັນການພັດທະນາຊັບພະຍາກອນມະນຸດຢ່າງຮອບດ້ານ, ຕ້ອງເພີ່ມທະວີຄວາມເອົາໃຈໃສ່ປັບປຸງກໍາລັງ ປກຊ-ປກສ ຂອງທ້ອງຖິ່ນໃຫ້ເຂັ້ມແຂງ, ມີລະບຽບວິໄນເຂັ້ມງວດ ແລະ ມີແບບແຜນທັນສະໄໝ, ສືບຕໍໍ່ເພີ່ມທະວີການນໍາພາ-ຊີ້ນໍາວຽກງານຫັນລົງກໍໍ່ສ້າງຮາກຖານການເມືອງ, ວຽກງານພັດທະນາຊົນນະບົດຮອບດ້ານ-ແກ້ໄຂຄວາມທຸກຍາກ ແລະ ເຮັດວຽກງານ 3 ສ້າງໃຫ້ແຂງແຮງກວ່າເກົ່າ; ສໍາລັບການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງພັກ ໂດຍສະເພາະຂັ້ນເມືອງ ແລະ ແຂວງກໍຄືພະແນກການ, ຫ້ອງການ ແລະ ການຈັດຕັ້ງຕ່າງໆອ້ອມຂ້າງເມືອງ ແລະ ແຂວງໃຫ້ພວກສະຫາຍສຸມໃສ່ 3 ວຽກຕົ້ນຕໍຄື: ດ້ານຂະບວນການແມ່ນໃຫ້ສືບຕໍໍ່ປຸກລະດົມມະຫາຊົນໃຫ້ເຂົ້າຮ່ວມຂະບວນການຕ່າງໆຢ່າງແຂງແຮງ, ກວ້າງຂວາງ, ຟົດຟື້ນ ແລະ ຕໍໍ່ເນື່ອງ, ດ້ານເນື້ອໃນຕ້ອງໄດ້ຕີລາຄາໃຫ້ເຫັນການນໍາພາ-ຊີ້ນໍາ ຈັດຕັ້ງປະຕິບັດມະຕິກອງປະຊຸມໃຫຍ່ຂອງອົງຄະນະພັກແຕ່ລະຂັ້ນຜ່ານມາໃຫ້ຖືກກັບຄວາມເປັນຈິງ, ພາວະວິໄສ, ຊອກໃຫ້ເຫັນດ້ານຕັ້ງໜ້າ ແລະ ຂໍ້ຄົງຄ້າງ ອັນໃດເຮັດໄດ້ຕາມຄາດໝາຍທີ່ວາງໄວ້, ອັນໃດບໍ່ໍ່ໄດ້, ຍ້ອນຫຍັງ ເພື່ອຖອດຖອນບົດຮຽນ ກໍານົດທິດທາງ, ໜ້າທີ່ ແກ້ໄຂໃນຕໍໍ່ໜ້າໃຫ້ສອດຄ່ອງແທດເໝາະກັບຈຸດພິເສດທ່າແຮງຂອງແຕ່ລະເມືອງກໍໍຄືຂອງແຂວງພວກສະຫາຍ; ດ້ານເນື້ອໃນຕ້ອງເອົາໃຈໃສ່ເຮັດໃຫ້ດີ, ໃຫ້ເລິກເຊິ່ງທັງ 3 ເນື້ອໃນຕົ້ນຕໍ ຄື: ລາຍງານການເມືອງ, ແຜນພັດທະນາເສດຖະກິດ-ສັງຄົມ ແລະ ບົດສໍາຫຼວດການນໍາພາລວມຂອງຄະນະບໍລິຫານງານພັກ. ດ້ານບຸກຄະລາກອນຕ້ອງເອົາໃຈໃສ່ 2 ປັດໄຈ ຫຼື 2 ຂອດຕົ້ນຕໍຄື: ຂອດການດໍາເນີນຊີວິດການເມືອງພາຍໃນພັກ ໃຫ້ເລີ່ມແຕ່ສະມາຊິກພັກ, ບ່ອນອີງໃນການດໍາເນີນຊີວິດການເມືອງໃຫ້ກໍາແໜ້ນ ແລະ ປະຕິບັດຖືກຕ້ອງຕາມບົດແນະນໍາ ຂອງຄະນະກວດກາສູນກາງພັກ ແລະ ກົດລະບຽບພັກ. ນອກນັ້ນ ຍັງມີ 12 ຂໍ້ຫ້າມ ສໍາລັບພະນັກງານ-ນໍາພາຄຸ້ມຄອງທີ່ກໍານົດໄວ້ໃນກົດໝາຍຕ້ານການສໍ້ລາດບັງຫຼວງ, ຕ້ອງໃຫ້ແຕ່ລະສະຫາຍ ເອົາມາສົມທຽບກວດເບິ່ງຄືນຕົນເອງ ໃຫ້ເລິກເຊິ່ງ. ສະຫາຍຍັງໄດ້ກ່າວຕື່ມວ່າ: ຂ້າພະເຈົ້າມີຄວາມເຊື່ອໝັ້ນວ່າ ພາຍໃຕ້ການນໍາພາຂອງຄະນະປະຈໍາພັກແຂວງ ກໍຄືການນໍາຫຼັກແຫຼ່ງຂອງແຂວງຈະເຮັດໃຫ້ຄະນະພັກແຂວງສະຫວັນນະເຂດ ສືບຕໍໍ່ມີຄວາມປອດໃສ, ເຂັ້ມແຂງ ແລະ ໜັກແໜ້ນ, ນໍາພາ-ຊີ້ນໍາສ້າງແຂວງສະຫວັນນະເຂດ ໃຫ້ກ້າວຂຶ້ນຢ່າງໜັກແໜ້ນຕາມຈຸດປະສົງ ແລະ ລະດັບຄາດໝາຍທີ່ວາງໄວ້.
(ແຫຼ່ງຂ່າວ: ແຂວງສະຫວັນນະເຂດ)