 |
ໂອກາດນີ້, ທ່ານ ໂຢເກສວາ ສັງວານ ໄດ້ຍົກໃຫ້ເຫັນສະພາບລວມ ຂອງຄວາມສຳພັນທະວີພາຄີ ແລະ ເນັ້ນເຖິງຜົນສຳເລັດຂອງອິນເດຍ ໃນຕະຫຼອດໄລຍະ 77 ປີຜ່ານມາ, ພ້ອມທັງໄດ້ກ່າວເຖິງຄຸນຄ່າຮ່ວມກັນ ຊຶ່ງເປັນພື້ນຖານສຳຄັນຂອງຄວາມສຳພັນລະຫວ່າງ ສ ອິນເດຍ-ສປປ ລາວ. ສ ອິນເດຍ ແລະ ສປປ ລາວ ກຳລັງສະເຫຼີມສະຫຼອງຄົບຮອບ 70 ປີ ແຫ່ງການສາຍສຳພັນທາງການທູດໃນປີນີ້, ໄດ້ກຳນົດກິດຈະກຳສະເຫຼີມສະຫຼອງຕ່າງໆຕະຫຼອດທັງປີ ເພື່ອສະແດງເຖິງຄວາມສຳພັນອັນໃກ້ຊິດ ແລະ ມໍລະດົກທາງວັດທະນະທຳຮ່ວມກັນຂອງສອງປະເທດ.
ໃນງານລ້ຽງຄັ້ງນີ້, ນັກສະແດງຈາກໂຮງຮຽນສິລະປະການສະແດງແຫ່ງຊາດ ໄດ້ສະແດງສິລະປະຕອນໜຶ່ງ ຈາກມະຫາກາບ ຣາມາຍະນະ ຫຼື ຣາມະກຽນ ຊຶ່ງເປັນສ່ວນສຳຄັນຂອງມໍລະດົກຮ່ວມກັນ ຂອງສອງປະເທດ. ນອກຈາກນັ້ນ, ຄະນະນາງລໍາຮ່ວມສະໄໝ “ຟັງລາວ” ຍັງໄດ້ສະແດງການເຕັ້ນປະກອບເພງ ທີ່ສ້າງຄວາມປະທັບ ໃຈແກ່ແຂກຜູ້ຮ່ວມງານ.
 |
ກ່ອນຈັດງານລ້ຽງດັ່ງກ່າວ, ໄດ້ມີການຈັດພິທີສະເຫຼີມສະຫຼອງ ຢູ່ສະຖານທູດອິນເດຍ ປະຈຳລາວ ໂດຍໄດ້ມີພິທີຊັກທຸງຊາດຂຶ້ນສູ່ຍອດເສົາ ແລະ ການສະແດງດ້ານວັດທະນະທຳ ໂດຍຊຸມຊົນຊາວອິນເດຍໃນ ສປປ ລາວ.
ແຫຼ່ງຂ່າວ: ຂປລ
ຄໍາເຫັນ