ກອງປະຊຸມສະຫຼຸບການຈັດຕັ້ງປະຕິບັດ ກອງທຶນພັດທະນານ້ຳເທີນ (2 NT2DF) ໄດ້ຈັດຂຶ້ນ ໃນວັນທີ 11 ມັງກອນ ນີ້ ທີ່ຫ້ອງປະຊຸມກອງທຶນພັດທະນານໍ້າເທີນ 2 ເມືອງນາກາຍ ໂດຍການເປັນກຽດເຂົ້າຮ່ວມເປັນປະທານຮ່ວມຂອງ ທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນ, ທ່ານ ມາກ ອັງຕວນ ຣູບ ຜູ້ອຳນວຍການໃຫຍ່ບໍລິສັດໄຟຟ້ານໍ້າເທີນ 2, ມີທ່ານເຈົ້າເມືອງນາກາຍ, ບັນດາຄະນະກຳມະການຊີ້ນຳ, ກອງເລຂາ ກອງທຶນພັດທະນານ້ຳເທີນ 2 ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ຈຸດປະສົງຂອງກອງປະຊຸມຄັ້ງນີ້ ເພື່ອລາຍງານຄວາມຄືບໜ້າ, ການທົບທວນ ແລະ ປະເມີນບັນດາໂຄງການຂອງກອງທຶນ NT2DF (Nan Theun 2 Development Fund) ປະຈໍາປີ 2023 ລວມເຖິງຂໍ້ຄົງຄ້າງໃນໄລຍະຜ່ານມາ ແລະ ແຜນງົບປະມານປະຈໍາປີ 2024ຊຶ່ງກອງທຶນພັດທະນານໍ້າເທີນ 2 ແມ່ນເປັນການສະໝັກໃຈຂອງຜູ້ຖືຫຸ້ນ ຂອງບໍລິສັດໄຟຟ້ານ້ຳເທີນ 2 ຈາກການຜະລິດໄຟຟ້າຂອງເຂື່ອນນ້ຳເທີນ 2 ໃນແຕ່ລະປີ.
ສຳລັບປີ 2023 ແມ່ນໄດ້ຈັດຕັ້ງປະຕິບັດໃນຈຳນວນ 6 ໂຄງການ ໃນຈໍານວນ 16 ບ້ານເປົ້າໝາຍ ປະກອບມີ: ໂຄງການທຶນການສຶກສາໄລຍະຍາວ ເພື່ອສົ່ງເສີມໃຫ້ນັກຮຽນ ໄດ້ສຶກສາຕໍ່ໃນລະດັບທີ່ສູງຂຶ້ນ, ໂຄງການເຄືອຂ່າຍສະຫວັດດີການສັງຄົມ ເພື່ອເຮັດໃຫ້ຜູ້ດ້ອຍໂອກາດ ໄດ້ເຂົ້າເຖິງຄວາມຕ້ອງການຂັ້ນພື້ນຖານສຳລັບການປິ່ນປົວສຸຂະພາບ, ໂຄງການຄວາມປອດໄພທາງນໍ້າ ສຳລັບອ່າງນໍ້າເທີນ 2 ເພື່ອປ້ອງການອຸບັດເຫດທາງນໍ້າ, ສ້າງຕັ້ງໜ່ວຍກູ້ໄພ ແລະ ດຳເນີນການໃຫ້ການຊ່ວຍເຫຼືອທີ່ຈຳເປັນ, ໂຄງການສ້າງຄວາມເຂັ້ມແຂງໃຫ້ທີມງານກອງທຶນ NT2DF ເພື່ອສະໜັບສະໜູນອຳນາດການປົກຄອງເມືອງນາກາຍ ແລະ ເມືອງຍົມມະລາດ ໃນການກຳນົດ ແລະ ຈັດຕັ້ງປະຕິບັດແຜນຍຸດທະສາດ ເພື່ອໝູນໃຊ້ການບໍລິຫານຈັດການຂີ້ເຫຍື້ອໃຫ້ດີຂຶ້ນ ແລະ ມີຄວາມຍືນຍົງ ແລະ ໂຄງການສະໜັບສະໜູນອາຫານກາງເວັນໃຫ້ບັນດາໂຮງຮຽນໃນເມືອງນາກາຍ ເພື່ອສະໜັບສະໜູນ ການຈັດຕັ້ງປະຕິບັດໂຄງການອາຫານກາງເວັນແບບຍືນຍົງ ໃນ 16 ໂຮງຮຽນຂອງເມືອງນາກາຍ.
ກອງປະຊຸມຄັ້ງນີ້ ຍັງໄດ້ປະກອບຄຳຄິດຄຳເຫັນໃສ່ບົດລາຍງານຄວາມຄືບໜ້າໂຄງການ ພ້ອມທັງໄດ້ພິຈາລະນາ ແລະ ຮັບຮອງເອົາແຜນງົບປະມານປະຈຳປີ 2024, ຮັບຮອງເອົາຍຸດທະສາດໄລຍະໃໝ່ 2024-2035 ແລະ ຮັບຮອງເອົາບົດສະເໜີໂຄງການໃໝ່.
ສໍາລັບປີ 2024 ແມ່ນຈະໄດ້ຈັດຕັ້ງປະຕິບັດໃນຈຳນວນ 4 ໂຄງການ ໃນນີ້ມີໂຄງການສືບຕໍ່ ຈຳນວນ 03 ໂຄງການຄື: ທຶນການສຶກສາໄລຍະຍາວ, ເຄືອຂ່າຍສະຫວັດດີການ-ສັງຄົມ, ສະໜັບສະໜູນອາຫານກາງເວັນ ແລະ ໂຄງການໃໝ່ 1 ໂຄງການຄື: ໂຄງການປ້ອງກັນ ແລະ ປິ່ນປົວພະຍາດສັດ ເຂດ 16 ຄຸ້ມບ້ານ ລວມມູນຄ່າໂຄງການທັງໝົດໃນປີ 2024 ຈຳນວນ 3,53 ຕື້ກວ່າກີບ.
ໂອກາດເຂົ້າຮ່ວມກອງປະຊຸມຢູ່ເມືອງນາກາຍຄັ້ງນີ້ ທ່ານ ວັນໄຊ ພອງສະຫວັນ ຍັງໄດ້ລົງຢ້ຽມຢາມຄອບຄົວແປຮູບຜະລິດຕະພັນປາ ແລະ ຢ້ຽມຢາມຄອບຄົວລ້ຽງງົວ ຢູ່ບ້ານອຸດົມສຸກ ເມືອງນາຍກາຍຕື່ນອີກ.
ຂ່າວ-ພາບ: ກອງຄໍາ
ຈຸດປະສົງຂອງກອງປະຊຸມຄັ້ງນີ້ ເພື່ອລາຍງານຄວາມຄືບໜ້າ, ການທົບທວນ ແລະ ປະເມີນບັນດາໂຄງການຂອງກອງທຶນ NT2DF (Nan Theun 2 Development Fund) ປະຈໍາປີ 2023 ລວມເຖິງຂໍ້ຄົງຄ້າງໃນໄລຍະຜ່ານມາ ແລະ ແຜນງົບປະມານປະຈໍາປີ 2024ຊຶ່ງກອງທຶນພັດທະນານໍ້າເທີນ 2 ແມ່ນເປັນການສະໝັກໃຈຂອງຜູ້ຖືຫຸ້ນ ຂອງບໍລິສັດໄຟຟ້ານ້ຳເທີນ 2 ຈາກການຜະລິດໄຟຟ້າຂອງເຂື່ອນນ້ຳເທີນ 2 ໃນແຕ່ລະປີ.
ສຳລັບປີ 2023 ແມ່ນໄດ້ຈັດຕັ້ງປະຕິບັດໃນຈຳນວນ 6 ໂຄງການ ໃນຈໍານວນ 16 ບ້ານເປົ້າໝາຍ ປະກອບມີ: ໂຄງການທຶນການສຶກສາໄລຍະຍາວ ເພື່ອສົ່ງເສີມໃຫ້ນັກຮຽນ ໄດ້ສຶກສາຕໍ່ໃນລະດັບທີ່ສູງຂຶ້ນ, ໂຄງການເຄືອຂ່າຍສະຫວັດດີການສັງຄົມ ເພື່ອເຮັດໃຫ້ຜູ້ດ້ອຍໂອກາດ ໄດ້ເຂົ້າເຖິງຄວາມຕ້ອງການຂັ້ນພື້ນຖານສຳລັບການປິ່ນປົວສຸຂະພາບ, ໂຄງການຄວາມປອດໄພທາງນໍ້າ ສຳລັບອ່າງນໍ້າເທີນ 2 ເພື່ອປ້ອງການອຸບັດເຫດທາງນໍ້າ, ສ້າງຕັ້ງໜ່ວຍກູ້ໄພ ແລະ ດຳເນີນການໃຫ້ການຊ່ວຍເຫຼືອທີ່ຈຳເປັນ, ໂຄງການສ້າງຄວາມເຂັ້ມແຂງໃຫ້ທີມງານກອງທຶນ NT2DF ເພື່ອສະໜັບສະໜູນອຳນາດການປົກຄອງເມືອງນາກາຍ ແລະ ເມືອງຍົມມະລາດ ໃນການກຳນົດ ແລະ ຈັດຕັ້ງປະຕິບັດແຜນຍຸດທະສາດ ເພື່ອໝູນໃຊ້ການບໍລິຫານຈັດການຂີ້ເຫຍື້ອໃຫ້ດີຂຶ້ນ ແລະ ມີຄວາມຍືນຍົງ ແລະ ໂຄງການສະໜັບສະໜູນອາຫານກາງເວັນໃຫ້ບັນດາໂຮງຮຽນໃນເມືອງນາກາຍ ເພື່ອສະໜັບສະໜູນ ການຈັດຕັ້ງປະຕິບັດໂຄງການອາຫານກາງເວັນແບບຍືນຍົງ ໃນ 16 ໂຮງຮຽນຂອງເມືອງນາກາຍ.
ກອງປະຊຸມຄັ້ງນີ້ ຍັງໄດ້ປະກອບຄຳຄິດຄຳເຫັນໃສ່ບົດລາຍງານຄວາມຄືບໜ້າໂຄງການ ພ້ອມທັງໄດ້ພິຈາລະນາ ແລະ ຮັບຮອງເອົາແຜນງົບປະມານປະຈຳປີ 2024, ຮັບຮອງເອົາຍຸດທະສາດໄລຍະໃໝ່ 2024-2035 ແລະ ຮັບຮອງເອົາບົດສະເໜີໂຄງການໃໝ່.
ສໍາລັບປີ 2024 ແມ່ນຈະໄດ້ຈັດຕັ້ງປະຕິບັດໃນຈຳນວນ 4 ໂຄງການ ໃນນີ້ມີໂຄງການສືບຕໍ່ ຈຳນວນ 03 ໂຄງການຄື: ທຶນການສຶກສາໄລຍະຍາວ, ເຄືອຂ່າຍສະຫວັດດີການ-ສັງຄົມ, ສະໜັບສະໜູນອາຫານກາງເວັນ ແລະ ໂຄງການໃໝ່ 1 ໂຄງການຄື: ໂຄງການປ້ອງກັນ ແລະ ປິ່ນປົວພະຍາດສັດ ເຂດ 16 ຄຸ້ມບ້ານ ລວມມູນຄ່າໂຄງການທັງໝົດໃນປີ 2024 ຈຳນວນ 3,53 ຕື້ກວ່າກີບ.
ໂອກາດເຂົ້າຮ່ວມກອງປະຊຸມຢູ່ເມືອງນາກາຍຄັ້ງນີ້ ທ່ານ ວັນໄຊ ພອງສະຫວັນ ຍັງໄດ້ລົງຢ້ຽມຢາມຄອບຄົວແປຮູບຜະລິດຕະພັນປາ ແລະ ຢ້ຽມຢາມຄອບຄົວລ້ຽງງົວ ຢູ່ບ້ານອຸດົມສຸກ ເມືອງນາຍກາຍຕື່ນອີກ.
ຂ່າວ-ພາບ: ກອງຄໍາ
ຄໍາເຫັນ