ກະຊວງປ້ອງກັນສະຫງົບ (ປກສ) ໄດ້ຈັດກອງປະຊຸມສະຫຼຸບຜົນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດໃນໄລຍະ 3 ປີ ( 2021-2023 ) ແລະ ທິດທາງແຜນການຮອດປີ 2025 ຂຶ້ນໃນວັນທີ 13 ທັນວານີ້ ທີ່ສະໂມສອນກະຊວງ ປກສ (ສະໜາມມ້າ)ພາຍໃຕ້ການເປັນປະທານຂອງທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງ ປກສ,ມີເຈົ້າແຂວງ-ຮອງເຈົ້າແຂວງ, ບັນດາທ່ານການນໍາຂັ້ນສູງຈາກກະຊວງຕ່າງໆທີ່ກ່ຽວຂ້ອງເຂົ້າຮ່ວມ.
ທ່ານ ພົອ ວິໄລ ຫຼ້າຄຳຟອງ ກ່າວວ່າ: ສປປ ລາວ ໄດ້ເປີດກວ້າງກັບພາກພື້ນ ແລະ ສາກົນໄປຕາມທິດເຊື່ອມໂຍງ, ເຊື່ອມຈອດກັບບັນດາປະເທດ ຊຶ່ງເປັນເງື່ອນໄຂໃຫ້ ສປປ ລາວ ກາຍເປັນທາງຜ່ານຂອງການລັກລອບຄ້າຂາຍ, ຂົນສົ່ງຢາເສບຕິດ ແລະ ສານເຄມີຕົ້ນທີ່ເປັນສ່ວນປະສົມໃນການຜະລິດຢາເສບຕິດ. ສະພາບບັນຫາຢາເສບຕິດຢູ່ ສປປ ລາວ ໄດ້ແຜ່ລະບາດເປັນວົງກວ້າງ ແຕ່ຕົວເມືອງໄປສູ່ຊົນນະບົດໃນຫຼາຍລະດັບທີ່ແຕກຕ່າງກັນ ໄດ້ກາຍເປັນສາເຫດພາໃຫ້ເກີດບັນຫາປະກົດການຫຍໍ້ທໍ້ ແລະ ອາຊະຍາກໍາປະເພດຕ່າງໆ, ຈໍານວນຄະດີຢາເສບຕິດ, ຜູ້ຖືກຫາ, ນັກໂທດ, ຜູ້ຕິດຢາເສບຕິດ ແລະ ຈໍານວນຢາເສບຕິດແຕ່ລະປະເພດທີ່ຢຶດ ແລະ ຈັບໄດ້ເພີ່ມຂຶ້ນຢ່າງໜ້າເປັນຫ່ວງໃນແຕ່ລະປີ, ເລ່ຫຼ່ຽມການເຄື່ອນໄຫວຂົນສົ່ງ, ຄ້າຂາຍ, ຜະລິດຢາເສບຕິດມີລັກສະນະເລິກແລບແນບນຽນດ້ວຍຫຼາຍວິທີການ-ຮູບການທີ່ສະລັບສັບຊ້ອນ, ມີການຈັດຕັ້ງເຄື່ອນໄຫວເປັນກຸ່ມເຄືອຂ່າຍແໜ້ນໜາເຊື່ອມໂຍງທັງ ພາຍໃນ ແລະ ຕ່າງປະເທດ, ນໍາໃຊ້ພາຫະນະ ແລະ ອຸປະກອນທີ່ທັນສະໄໝ, ມີອາວຸດກຽມພ້ອມຕອບໂຕ້ກັບເຈົ້າໜ້າທີ່ຂອງພວກເຮົາ. ຕະຫຼອດໄລຍະເວລາຜ່ານມາ, ລັດຖະບານໄດ້ຖືເອົາການແກ້ໄຂບັນຫາຢາເສບຕິດເປັນວຽກໜຶ່ງທີ່ສໍາຄັນ ແນໃສ່ເຮັດໃຫ້ປະຊາຊົນໃນທົ່ວສັງຄົມປອດໄພຈາກບັນຫາຢາເສບຕິດ ເພື່ອເຮັດໃຫ້ປະຊາຊົນລາວມີຄວາມຜາສຸກຢູ່ດີກິນດີ. ກະຊວງປ້ອງກັນຄວາມສະຫງົບໄດ້ເປັນເຈົ້າການເພີ່ມທະວີ, ຍົກລະດັບການນໍາພາ-ຊີ້ນໍາການເຄື່ອນໄຫວພາລະບົດບາດເປັນໃຈກາງໃນການປະສານສົມທົບກັບບັນດາກະຊວງ-ອົງການ ແລະ ທ້ອງຖິ່ນເພື່ອຈັດຕັ້ງຜັນຂະຫຍາຍວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດໄປຕາມ 3 ຫຼັກການຄື: ເດັດຂາດ, ໂປ່ງໃສ, ມືອາຊີບ, ໄປຕາມຄໍາຂວັນທີ່ວ່າ: ອັດ 3 ທາງ, ມ້າງ 3 ເປົ້າ, ເປັນເຈົ້າ 3 ຫຼັກ ແລະ ໄປຕາມ 6 ວຽກຈຸດສຸມຂອງວາລະແຫ່ງຊາດ. ຜ່ານການເຄື່ອນໄຫວຕົວຈິງ ໃນໄລຍະເກືອບ 3 ປີຜ່ານມາສາມາດຍາດໄດ້ຜົນສໍາເລັດໃນຫຼາຍດ້ານ.
ທ່ານ ພົຈວ ແກ່ນຈັນ ພົມມະຈັກ ຮອງຫົວໜ້າກົມໃຫຍ່ຕຳຫຼວດ ກະຊວງ ປກສ ໄດ້ລາຍງານຜົນການເຄື່ອນໄຫວຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດໃນໄລຍະ 3 ປີ ( 2021-2023 ) ຕໍ່ກອງປະຊຸມວ່າ: ຜ່ານການເຄື່ອນໄຫວຕົວຈິງແຕ່ເດືອນກໍລະກົດ 2021ຫາ ເດືອນພະຈິກ 2023 ສາມາດເຮັດສໍາເລັດໃນຫຼາຍດ້ານເປັນຕົ້ນດ້ານການແກ້ໄຂ ແລະ ຕ້ານຢາເສບຕິດ ແມ່ນໄດ້ຊີ້ນຳໃນການປະຕິບັດໄປຕາມຄໍາຂວັນທີ່ວ່າ “ ອັດ 3 ທາງ, ມ້າງ 3 ເປົ້າ, ເປັນເຈົ້າ 3 ຫຼັກການ ” ເຫັນວ່າມີຜົນສໍາເລັດເປັນຢ່າງດີ ໃນນີ້ສາມາດແກ້ໄຂຄະດີຢາເສບຕິດໄດ້ທັງໝົດ 11.558 ເລື່ອງ, ຈັບຜູ້ຖືກຫາໄດ້ 17.074 ຄົນ ຍິງ 1.913 ຄົນ ເປັນຄົນຕ່າງປະເທດ 346 ຄົນ ຍິງ 24 ຄົນ, ຢືດຢາບ້າໄດ້ 330.751.984 ເມັດ, ຢາບ້າເປັນຝຸ່ນ 59,52 ກິໂລກຣາມ ນໍ້າໜັກລວມ 33.134,71 ກິໂລກຣາມ, ຢາໄອສ 8.712,72 ກິໂລກຣາມ, ເຮໂຣອິນ 800,86 ກິໂລກຣາມ, ຄັນຊາ 21.566,41 ກິໂລກຣາມ, ຢາຝິ່ນ 386,39 ກິໂລກຣາມ, ຢາອີ 8.575 ເມັດ ກັບ 31 ກິໂລກຣາມ, ແປ້ງຝຸ່ນປະສົມຢາເສບຕິດ 51.169,52 ກິໂລກຣາມ, ເຄຕາມິນ 2.977,53 ກິໂລກຣາມ, ໂຄເຄນ 3 ກິໂລກຣາມ, ຄາເຟອິນ 168 ກຣາມ, ນໍ້າຢາສານເຄມີ 10,84 ກຣາມ ແລະ ນໍ້າກົດ 9.400 ລິດ, ຢຶດລົດໃຫຍ່ໄດ້ 384 ຄັນ, ລົດຈັກ 1.932 ຄັນ, ເຮືອ 6 ລຳ, ອາວຸດປືນ 73 ກະບອກ, ລູກປືນ 1.496 ລູກ, ໝາກແຕກ 1 ໜ່ວຍ ແລະ ຍັງສາມາດແກ້ໄຂຈຸດມົ້ວສຸມຮ້ານ ບັນເທີງຢູ່ບັນດາຕົວເມືອງໃຫຍ່ອີກຫຼາຍແຫ່ງ.
ດ້ານການບຳບັດປິ່ນປົວ ແລະ ຝຶກວິຊາຊີບຜູ້ຕິດຢາເສບຕິດໄດ້ມີຜູ້ຕິດຢາເສບຕິດເຂົ້າມາປິ່ນປົວຢູ່ສູນບຳບັດປິ່ນປົວ ແລະ ຟື້ນຟູສຸຂະພາບຜູ້ຕິດຢາເສບຕິດ 13 ແຫ່ງ, ມີທັງໝົດ 12.275 ຄົນ ຍິງ 459 ຄົນ. ໃນນີ້ປິ່ນປົວດີແລ້ວກັບຄືນບ້ານມີທັງໝົດ 9.396 ຄົນ ຍິງ 374 ຄົນ, ຍັງສືບຕໍ່ປິ່ນປົວ 2.879 ຄົນຍິງ 85 ຄົນ. ປັດຈຸບັນກໍາ ລັງປັບປຸງ 3 ສູນປິ່ນປົວຜູ້ຕິດຢາເສບຕິດຄື: ສູນບໍາບັດປິ່ນປົວຜູ້ຕິດຢາເສບຕິດແຂວງຜົ້ງສາລີ, ຊຽງຂວາງ ແລະ ແຂວງສະຫວັນນະເຂດ. ກຳລັງກໍ່ສ້າງເພີ່ມອີກ 2 ແຫ່ງຄື: ສູນບໍາບັດປິ່ນປົວຜູ້ຕິດຢາເສບຕິດແຂວງເຊກອງ ແລະ ສູນບໍາບັດປິ່ນປົວຜູ້ຕິດຢາເສບຕິດແຂວງວຽງຈັນ.
ສຳລັບທິດທາງແຜນການຮອດປີ 2025 ສືບຕໍ່ຈັດຕັ້ງປະຕິບັດໄປຕາມ 6 ວຽກຈຸດສຸມເປັນຕົ້ນ 1. ສ້າງຄວາມຮັບຮູ້ໃນທົ່ວສັງຄົມດ້ວຍການສຶກສາອົບຮົມໂຄສະນາເຜີຍແຜ່ລະບຽບກົດໝາຍ ແລະ ຜົນຮ້າຍຂອງຢາເສບຕິດໃຫ້ກວ້າງຂວາງ, ສ້າງບ້ານ, ໂຮງຮຽນ, ສະຖາບັນການສຶກສາປອດຢາເສບຕິດໃຫ້ຫຼາຍຂຶ້ນ, ສ້າງຫຼັກສູດການຮຽນ-ການສອນກ່ຽວກັບການປ້ອງກັນ, ສະກັດກັ້ນບັນຫາຢາເສບ; 2. ສືບຕໍ່ສ້າງ, ປັບປຸງກົດໝາຍ ແລະ ນິຕິກໍາໃຕ້ກົດໝາຍ; 3. ປັບປຸງກົງຈັກການຈັດຕັ້ງ ແລະ ຍົກລະດັບຄວາມສາມາດໃນການເຄື່ອນໄຫວເຮັດໜ້າທີ່ການເມືອງຂອງອົງການສືບສວນ-ສອບສວນ, ໄອຍະການປະຊາຊົນ, ສານປະຊາຊົນ, ອົງການປະຕິບັດຄໍາຕັດສິນຂອງສານ ແລະ ພາກສ່ວນທີ່ກ່ຽວຂ້ອງຕໍ່ການແກ້ໄຂບັນຫາຢາເສບຕິດ; 4. ຍົກສູງປະສິດທິພາບດ້ານການຄຸ້ມຄອງ, ຊີ້ນໍາໃນການຈັດຕັ້ງປະຕິບັດຮອບດ້ານໃນວຽກງານແກ້ໄຂບັນຫາຢາເສບຕິດ; 5. ປັບປຸງຂີດຄວາມສາມາດການເຄື່ອນໄຫວເຮັດໜ້າທີ່ຂອງລະບົບການເມືອງແຕ່ລະຂັ້ນ ເພື່ອນຳພາ-ຊີ້ນຳການແກ້ໄຂບັນຫາຢາເສບຕິດທີ່ເກີດຂຶ້ນຢູ່ໃນຂອບເຂດຄວາມຮັບຜິດຊອບ; 6. ເພີ່ມທະວີການຮ່ວມມືກັບສາກົນ.ກອງປະຊຸມບັນດາຜູ້ຕາງໜ້າຈາກພາກສ່ວນທີ່ກ່ຽວຂ້ອງໄດ້ພ້ອມກັນແລກປ່ຽນບົດຮຽນ, ແລກປ່ຽນເຕັກນິກວິທີການ, ແລກປ່ຽນຄວາມຮູ້ ແລະ ສະພາບການບັນຫາຢາເສບຕິດໃນຂົງເຂດຄວາມຮັບຜິດຊອບ ເພື່ອຮ່ວມກັນປືກສາຫາລືຊອກຫາວິທີການແກ້ໄຂຮ່ວມກັນຢ່າງກົງໄປກົງມາ, ເລິກເຊິ່ງເຖິງຖ່ອງ ເພື່ອເຮັດໃຫ້ການແກ້ໄຂບັນຫາຢາເສບຕິດໃນຕໍ່ໜ້າໄດ້ຮັບຜົນສຳເລັດຕາມລະດັບຄາດໝາຍທີ່ວາງໄວ້.
ຂ່າວ-ພາບ: ວັນເພັງ, ພູວັນ
ທ່ານ ພົອ ວິໄລ ຫຼ້າຄຳຟອງ ກ່າວວ່າ: ສປປ ລາວ ໄດ້ເປີດກວ້າງກັບພາກພື້ນ ແລະ ສາກົນໄປຕາມທິດເຊື່ອມໂຍງ, ເຊື່ອມຈອດກັບບັນດາປະເທດ ຊຶ່ງເປັນເງື່ອນໄຂໃຫ້ ສປປ ລາວ ກາຍເປັນທາງຜ່ານຂອງການລັກລອບຄ້າຂາຍ, ຂົນສົ່ງຢາເສບຕິດ ແລະ ສານເຄມີຕົ້ນທີ່ເປັນສ່ວນປະສົມໃນການຜະລິດຢາເສບຕິດ. ສະພາບບັນຫາຢາເສບຕິດຢູ່ ສປປ ລາວ ໄດ້ແຜ່ລະບາດເປັນວົງກວ້າງ ແຕ່ຕົວເມືອງໄປສູ່ຊົນນະບົດໃນຫຼາຍລະດັບທີ່ແຕກຕ່າງກັນ ໄດ້ກາຍເປັນສາເຫດພາໃຫ້ເກີດບັນຫາປະກົດການຫຍໍ້ທໍ້ ແລະ ອາຊະຍາກໍາປະເພດຕ່າງໆ, ຈໍານວນຄະດີຢາເສບຕິດ, ຜູ້ຖືກຫາ, ນັກໂທດ, ຜູ້ຕິດຢາເສບຕິດ ແລະ ຈໍານວນຢາເສບຕິດແຕ່ລະປະເພດທີ່ຢຶດ ແລະ ຈັບໄດ້ເພີ່ມຂຶ້ນຢ່າງໜ້າເປັນຫ່ວງໃນແຕ່ລະປີ, ເລ່ຫຼ່ຽມການເຄື່ອນໄຫວຂົນສົ່ງ, ຄ້າຂາຍ, ຜະລິດຢາເສບຕິດມີລັກສະນະເລິກແລບແນບນຽນດ້ວຍຫຼາຍວິທີການ-ຮູບການທີ່ສະລັບສັບຊ້ອນ, ມີການຈັດຕັ້ງເຄື່ອນໄຫວເປັນກຸ່ມເຄືອຂ່າຍແໜ້ນໜາເຊື່ອມໂຍງທັງ ພາຍໃນ ແລະ ຕ່າງປະເທດ, ນໍາໃຊ້ພາຫະນະ ແລະ ອຸປະກອນທີ່ທັນສະໄໝ, ມີອາວຸດກຽມພ້ອມຕອບໂຕ້ກັບເຈົ້າໜ້າທີ່ຂອງພວກເຮົາ. ຕະຫຼອດໄລຍະເວລາຜ່ານມາ, ລັດຖະບານໄດ້ຖືເອົາການແກ້ໄຂບັນຫາຢາເສບຕິດເປັນວຽກໜຶ່ງທີ່ສໍາຄັນ ແນໃສ່ເຮັດໃຫ້ປະຊາຊົນໃນທົ່ວສັງຄົມປອດໄພຈາກບັນຫາຢາເສບຕິດ ເພື່ອເຮັດໃຫ້ປະຊາຊົນລາວມີຄວາມຜາສຸກຢູ່ດີກິນດີ. ກະຊວງປ້ອງກັນຄວາມສະຫງົບໄດ້ເປັນເຈົ້າການເພີ່ມທະວີ, ຍົກລະດັບການນໍາພາ-ຊີ້ນໍາການເຄື່ອນໄຫວພາລະບົດບາດເປັນໃຈກາງໃນການປະສານສົມທົບກັບບັນດາກະຊວງ-ອົງການ ແລະ ທ້ອງຖິ່ນເພື່ອຈັດຕັ້ງຜັນຂະຫຍາຍວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດໄປຕາມ 3 ຫຼັກການຄື: ເດັດຂາດ, ໂປ່ງໃສ, ມືອາຊີບ, ໄປຕາມຄໍາຂວັນທີ່ວ່າ: ອັດ 3 ທາງ, ມ້າງ 3 ເປົ້າ, ເປັນເຈົ້າ 3 ຫຼັກ ແລະ ໄປຕາມ 6 ວຽກຈຸດສຸມຂອງວາລະແຫ່ງຊາດ. ຜ່ານການເຄື່ອນໄຫວຕົວຈິງ ໃນໄລຍະເກືອບ 3 ປີຜ່ານມາສາມາດຍາດໄດ້ຜົນສໍາເລັດໃນຫຼາຍດ້ານ.
ທ່ານ ພົຈວ ແກ່ນຈັນ ພົມມະຈັກ ຮອງຫົວໜ້າກົມໃຫຍ່ຕຳຫຼວດ ກະຊວງ ປກສ ໄດ້ລາຍງານຜົນການເຄື່ອນໄຫວຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດໃນໄລຍະ 3 ປີ ( 2021-2023 ) ຕໍ່ກອງປະຊຸມວ່າ: ຜ່ານການເຄື່ອນໄຫວຕົວຈິງແຕ່ເດືອນກໍລະກົດ 2021ຫາ ເດືອນພະຈິກ 2023 ສາມາດເຮັດສໍາເລັດໃນຫຼາຍດ້ານເປັນຕົ້ນດ້ານການແກ້ໄຂ ແລະ ຕ້ານຢາເສບຕິດ ແມ່ນໄດ້ຊີ້ນຳໃນການປະຕິບັດໄປຕາມຄໍາຂວັນທີ່ວ່າ “ ອັດ 3 ທາງ, ມ້າງ 3 ເປົ້າ, ເປັນເຈົ້າ 3 ຫຼັກການ ” ເຫັນວ່າມີຜົນສໍາເລັດເປັນຢ່າງດີ ໃນນີ້ສາມາດແກ້ໄຂຄະດີຢາເສບຕິດໄດ້ທັງໝົດ 11.558 ເລື່ອງ, ຈັບຜູ້ຖືກຫາໄດ້ 17.074 ຄົນ ຍິງ 1.913 ຄົນ ເປັນຄົນຕ່າງປະເທດ 346 ຄົນ ຍິງ 24 ຄົນ, ຢືດຢາບ້າໄດ້ 330.751.984 ເມັດ, ຢາບ້າເປັນຝຸ່ນ 59,52 ກິໂລກຣາມ ນໍ້າໜັກລວມ 33.134,71 ກິໂລກຣາມ, ຢາໄອສ 8.712,72 ກິໂລກຣາມ, ເຮໂຣອິນ 800,86 ກິໂລກຣາມ, ຄັນຊາ 21.566,41 ກິໂລກຣາມ, ຢາຝິ່ນ 386,39 ກິໂລກຣາມ, ຢາອີ 8.575 ເມັດ ກັບ 31 ກິໂລກຣາມ, ແປ້ງຝຸ່ນປະສົມຢາເສບຕິດ 51.169,52 ກິໂລກຣາມ, ເຄຕາມິນ 2.977,53 ກິໂລກຣາມ, ໂຄເຄນ 3 ກິໂລກຣາມ, ຄາເຟອິນ 168 ກຣາມ, ນໍ້າຢາສານເຄມີ 10,84 ກຣາມ ແລະ ນໍ້າກົດ 9.400 ລິດ, ຢຶດລົດໃຫຍ່ໄດ້ 384 ຄັນ, ລົດຈັກ 1.932 ຄັນ, ເຮືອ 6 ລຳ, ອາວຸດປືນ 73 ກະບອກ, ລູກປືນ 1.496 ລູກ, ໝາກແຕກ 1 ໜ່ວຍ ແລະ ຍັງສາມາດແກ້ໄຂຈຸດມົ້ວສຸມຮ້ານ ບັນເທີງຢູ່ບັນດາຕົວເມືອງໃຫຍ່ອີກຫຼາຍແຫ່ງ.
ດ້ານການບຳບັດປິ່ນປົວ ແລະ ຝຶກວິຊາຊີບຜູ້ຕິດຢາເສບຕິດໄດ້ມີຜູ້ຕິດຢາເສບຕິດເຂົ້າມາປິ່ນປົວຢູ່ສູນບຳບັດປິ່ນປົວ ແລະ ຟື້ນຟູສຸຂະພາບຜູ້ຕິດຢາເສບຕິດ 13 ແຫ່ງ, ມີທັງໝົດ 12.275 ຄົນ ຍິງ 459 ຄົນ. ໃນນີ້ປິ່ນປົວດີແລ້ວກັບຄືນບ້ານມີທັງໝົດ 9.396 ຄົນ ຍິງ 374 ຄົນ, ຍັງສືບຕໍ່ປິ່ນປົວ 2.879 ຄົນຍິງ 85 ຄົນ. ປັດຈຸບັນກໍາ ລັງປັບປຸງ 3 ສູນປິ່ນປົວຜູ້ຕິດຢາເສບຕິດຄື: ສູນບໍາບັດປິ່ນປົວຜູ້ຕິດຢາເສບຕິດແຂວງຜົ້ງສາລີ, ຊຽງຂວາງ ແລະ ແຂວງສະຫວັນນະເຂດ. ກຳລັງກໍ່ສ້າງເພີ່ມອີກ 2 ແຫ່ງຄື: ສູນບໍາບັດປິ່ນປົວຜູ້ຕິດຢາເສບຕິດແຂວງເຊກອງ ແລະ ສູນບໍາບັດປິ່ນປົວຜູ້ຕິດຢາເສບຕິດແຂວງວຽງຈັນ.
ສຳລັບທິດທາງແຜນການຮອດປີ 2025 ສືບຕໍ່ຈັດຕັ້ງປະຕິບັດໄປຕາມ 6 ວຽກຈຸດສຸມເປັນຕົ້ນ 1. ສ້າງຄວາມຮັບຮູ້ໃນທົ່ວສັງຄົມດ້ວຍການສຶກສາອົບຮົມໂຄສະນາເຜີຍແຜ່ລະບຽບກົດໝາຍ ແລະ ຜົນຮ້າຍຂອງຢາເສບຕິດໃຫ້ກວ້າງຂວາງ, ສ້າງບ້ານ, ໂຮງຮຽນ, ສະຖາບັນການສຶກສາປອດຢາເສບຕິດໃຫ້ຫຼາຍຂຶ້ນ, ສ້າງຫຼັກສູດການຮຽນ-ການສອນກ່ຽວກັບການປ້ອງກັນ, ສະກັດກັ້ນບັນຫາຢາເສບ; 2. ສືບຕໍ່ສ້າງ, ປັບປຸງກົດໝາຍ ແລະ ນິຕິກໍາໃຕ້ກົດໝາຍ; 3. ປັບປຸງກົງຈັກການຈັດຕັ້ງ ແລະ ຍົກລະດັບຄວາມສາມາດໃນການເຄື່ອນໄຫວເຮັດໜ້າທີ່ການເມືອງຂອງອົງການສືບສວນ-ສອບສວນ, ໄອຍະການປະຊາຊົນ, ສານປະຊາຊົນ, ອົງການປະຕິບັດຄໍາຕັດສິນຂອງສານ ແລະ ພາກສ່ວນທີ່ກ່ຽວຂ້ອງຕໍ່ການແກ້ໄຂບັນຫາຢາເສບຕິດ; 4. ຍົກສູງປະສິດທິພາບດ້ານການຄຸ້ມຄອງ, ຊີ້ນໍາໃນການຈັດຕັ້ງປະຕິບັດຮອບດ້ານໃນວຽກງານແກ້ໄຂບັນຫາຢາເສບຕິດ; 5. ປັບປຸງຂີດຄວາມສາມາດການເຄື່ອນໄຫວເຮັດໜ້າທີ່ຂອງລະບົບການເມືອງແຕ່ລະຂັ້ນ ເພື່ອນຳພາ-ຊີ້ນຳການແກ້ໄຂບັນຫາຢາເສບຕິດທີ່ເກີດຂຶ້ນຢູ່ໃນຂອບເຂດຄວາມຮັບຜິດຊອບ; 6. ເພີ່ມທະວີການຮ່ວມມືກັບສາກົນ.ກອງປະຊຸມບັນດາຜູ້ຕາງໜ້າຈາກພາກສ່ວນທີ່ກ່ຽວຂ້ອງໄດ້ພ້ອມກັນແລກປ່ຽນບົດຮຽນ, ແລກປ່ຽນເຕັກນິກວິທີການ, ແລກປ່ຽນຄວາມຮູ້ ແລະ ສະພາບການບັນຫາຢາເສບຕິດໃນຂົງເຂດຄວາມຮັບຜິດຊອບ ເພື່ອຮ່ວມກັນປືກສາຫາລືຊອກຫາວິທີການແກ້ໄຂຮ່ວມກັນຢ່າງກົງໄປກົງມາ, ເລິກເຊິ່ງເຖິງຖ່ອງ ເພື່ອເຮັດໃຫ້ການແກ້ໄຂບັນຫາຢາເສບຕິດໃນຕໍ່ໜ້າໄດ້ຮັບຜົນສຳເລັດຕາມລະດັບຄາດໝາຍທີ່ວາງໄວ້.
ຂ່າວ-ພາບ: ວັນເພັງ, ພູວັນ
ຄໍາເຫັນ