ສະຫຼຸບການເຄື່ອນໄຫວຂອງ ຄະນະທີ່ປຶກສາ ແລະ ຄູ່ຮ່ວມງານວຽກງານຊົນເຜົ່າ

12:43 08/03/2024

ໃນວັນທີ 7 ມີນາ ນີ້, ຄະນະທີ່ປຶກສາວຽກງານຊົນເຜົ່າສູນກາງແນວລາວສ້າງຊາດ ໄດ້ຈັດກອງປະຊຸມສະຫຼຸບຕີລາຄາຜົນງານການເຄື່ອນໄຫວຂອງຄະນະທີ່ປຶກສາ ແລະ ຄູ່ຮ່ວມງານວຽກງານຊົນເຜົ່າຂຶ້ນ ໂດຍການເປັນປະທານ ຂອງທ່ານ ພູວົງ ພະມີສິດ ກຳມະການສູນກາງແນວລາວສ້າງຊາດ ຫົວໜ້າຄະນະທີ່ປຶກສາວຽກງານຊົນເຜົ່າ ເປັນກຽດເຂົ້າຮ່ວມ ຂອງທ່ານ ຄໍາໄຫຼ ສີປະເສີດ ກຳມະການສູນກາງພັກ ຮອງປະທານສູນກາງແນວລາວສ້າງຊາດ ຜູ້ປະຈໍາການ, ມີທ່ານ ໄທລໍ່ ຫວາເຊັ້ງ ຄະນະປະຈຳ ສນຊ ຫົວໜ້າກົມຊົນເຜົ່າ, ບັນດາທ່ານຄະນະທີ່ປຶກສາວຽກງານຊົນເຜົ່າ ແລະ ຄູ່ຮ່ວມງານ ພ້ອມດ້ວຍພະນັກງານ ກົມຊົນເຜົ່າເຂົ້າຮ່ວມ ທີ່ສູນກາງແນວລາວສ້າງຊາດ.
ໃນກອງປະຊຸມໄດ້ຮັບຟັງບົດສະຫຼຸບການເຄື່ອນໄຫວ ຂອງຄະນະທີ່ປຶກສາ ແລະ ຄູ່ຮ່ວມງານວຽກງານຊົນເຜົ່າ ປະຈໍາປີ 2023 ແລະ ທິດທາງແຜນການ ປີ 2024 ຕະຫຼອດໄລຍະຜ່ານມາຄະນະທີ່ປຶກສາ ແລະ ຄູ່ຮ່ວມງານວຽກງານຊົນເຜົ່າໄດ້ເຄື່ອນໄຫວຕາມສິດ ແລະ ໜ້າທີ່ຂອງຕົນ ເປັນຕົ້ນແມ່ນໄດ້ປຸກລະດົມສຶກສາອົບຮົມການເມືອງ-ແນວຄິດໃຫ້ແກ່ປະຊາຊົນລາວບັນດາຊົນເຜົ່າໃນການເຕົ້າໂຮມຄວາມສາມັກຄີເປັນປຶກແຜ່ນ ພາຍໃນຂົງເຂດໜ້າທີ່ຮັບຜິດຊອບ, ໄດ້ລົງເຄື່ອນໄຫວພົບປະຢ້ຽມຢາມ ແລະ ໃຫ້ການຊ່ວຍເຫຼືອປະຊາຊົນລາວບັນດາເຜົ່າທີ່ມີຄວາມທຸກຍາກ ອັນພົ້ນເດັ່ນກວ່າໝູ່ ແມ່ນຄະນະທີ່ປຶກສາວຽກງານຊົນເຜົ່າໄດ້ລະດົມທືນ ສ້າງໂຮງຮຽນ ຢູ່ບ້ານຄອນວັດ ເມືອງລ້ອງຊານ ແຂວງໄຊສົມບູນ ແລະ ໂຄງການສ້າງໂຮງຮຽນ ມສ ໂພໄຊຄຸນ ທີ່ເປັນມູນຄ່າຫຼາຍພັນໂດລາ, ນອກຈາກນັ້ນ, ຍັງໄດ້ປຸກລະດົມຊຸກຍູ້ປະຊາຊົນລາວບັນດາເຜົ່າປະຕິສັງຂອນພັດທະສີມາ ແລະ ສ້າງພະພຸດທະຮູບພະອົງຕື້ຈໍາລອງ ຢູ່ເມືອງອາດສະພອນ ແຂວງສະຫວັນນະເຂດ ເປັນມູນຄ່າ ຫຼາຍພັນໂດລາ ແລະ ຍັງໄດ້ຊ່ວຍເຫຼືອດ້ານອື່ນໆ, ພ້ອມກັນນີ້, ກອງປະຊຸມໄດ້ວາງທິດທາງແຜນການທີ່ຈະສືບຕໍ່ໃນປີ 2024 ຄື: ປີ 2024 ພັກ-ລັດຖະບານລາວ ເປັນປະທານກອງປະຊຸມອາຊຽນ ແລະ ເປັນປີທ່ອງທ່ຽວລາວ ເປັນເຫດການການເມືອງທີ່ສໍາຄັນທີ່ພວກເຮົາທຸກຂົງເຂດວຽກງານຈະຕ້ອງໄດ້ປະກອບສ່ວນປຸກລະດົມປະຊາຊົນລາວບັນດາເຜົ່າ ເພື່ອເປັນເຈົ້າພາບທີ່ດີ, ຮັກສາຄວາມສະຫງົບ, ຄວາມສະອາດ, ຄວາມເປັນລະບຽບຮຽບຮ້ອຍ ຕີຖອຍປະກົດການຫຍໍ້ທໍ້, ລວມທັງການເສີມຂະຫຍາຍຮິດຄອງປະເພນີອັນດີງາມຂອງບັນດາເຜົ່າ ແລະ ອັນສໍາຄັນແມ່ນໃຫ້ສືບຕໍ່ປຸກລະດົມທຶນຮອນເພື່ອຈະນໍາໄປຊ່ວຍເຫຼືອພັດທະນາຊີວິດການເປັນຢູຂອງຊົນເຜົ່າກຣີ ທີ່ເມືອງພຽງ, ແຂວງໄຊຍະບູລີ ແລະ ວຽກອື່ນໆ. ຂ່າວ-ພາບ: ສຸວັນລີ

ຄໍາເຫັນ

ຂ່າວວັດທະນະທຳ-ສັງຄົມ

ຮອງປະທານປະເທດເນັ້ນ7 ບັນຫາສໍາຄັນໃຫ້ຄະນະບໍລິຫານງານຊາວໜຸ່ມແຕ່ລະຂັ້ນເອົາໃຈໃສ່ຢ່າງຕັ້ງໜ້າ

02/07/2025 09:46

ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດ ຜູ້ຊີ້ນໍາອົງການຈັດຕັ້ງມະຫາຊົນຂັ້ນສູນກາງໄດ້ມີຄໍາເຫັນເນັ້ນໜັກ 7 ບັນຫາສຳຄັນໃຫ້ຄະນະບໍລິຫານງານຊາວໜຸ່ມແຕ່ລະຂັ້ນເອົາໃຈໃສ່ເພື່ອເຮັດໃຫ້ວຽກງານຊາວໜຸ່ມມີການຫັນປ່ຽນຢ່າງຕັ້ງໜ້າ ໃນໂອກາດເຂົ້າຮ່ວມກອງປະຊຸມວິສາມັນຄົບຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ (ສຊປລ) ສະໄໝທີ VIII ໃນລະຫວ່າງວັນທີ 30 ມິຖຸນາ ຫາວັນທີ 1 ກໍລະກົດນີ້ ທີ່ສູນກິດຈະກຳຄົບວົງຈອນຊາວໜຸ່ມ ສຊປລ ໂດຍມີສະຫາຍ ມອນໄຊ ລາວມົວຊົ່ງ ກໍາມະການສໍາຮອງສູນກາງພັກ ເລຂາຄະນະບໍລິຫານງານພັກ ເລຂາຄະນະບໍລິຫານງານ ສຊປລ ພ້ອມດ້ວຍແຂກຖືກເຊີນ, ບັນດາສະຫາຍເລຂາຊາວໜຸ່ມສູນກາງ-ແຂວງທົ່ວປະເທດເຂົ້າຮ່ວມ.

ສະມາຄົມເມຍການນຳມອບເຄື່ອງໃຫ້ທະຫານ ທີ່ປະຈໍາປ່ອມແນວໜ້າ

02/07/2025 09:32

ໃນວັນທີ 1 ກໍລະກົດນີ້, ສະມາຄົມເມຍການນໍາເມືອງບໍ່ແຕນ ແຂວງໄຊຍະບູລີ ອຸປະໂພກ ແລະບໍລິໂພກ ໃຫ້ທະຫານທີ່ເຮັດໜ້າທີ່ປະຈຳປ່ອມແນວໜ້າ, ເປັນກຽດເຂົ້າຮ່ວມພິທີມອບເຄື່ອງດັ່ງກ່າວ, ມີທ່ານບຸນພະລັງ ວິໄລສັກ ເລຂາພັກເມືອງ ປະທານປ້ອງກັນຊາດ-ປ້ອງກັນຄວາມສະຫງົບເມືອງ ພ້ອມດ້ວຍຄະນະ.

ເຜີຍແຜ່ເອກະສານການຫັນເປັນດິຈິຕອນ ໃຫ້ພະນັກງານເມືອງປາກກະດິງ

02/07/2025 09:27

ໃນວັນທີ 1 ກໍລະກົດນີ້ ຢູ່ຫ້ອງປະຊຸມກຸ່ມເສດຖະກິດເມືອງປາກກະດິງ, ພະແນກເຕັກໂນໂລຊີ ແລະ ການສື່ສານ ແຂວງບໍລິຄຳໄຊ ໄດ້ຈັດກອງປະຊຸມ ເຜີຍແຜ່ເອກະສານການຫັນເປັນດິຈິຕອນ ໃຫ້ພະນັກງານ ແລະ ພາກທຸລະກິດ ອ້ອມຂ້າງເມືອງ ພາຍໃຕ້ການເປັນປະທານຂອງທ່ານ ວັດທະນາ ໄຊຍະແສງ ຮອງຫົວໜ້າພະແນກເຕັກໂນໂລຊີ ແລະ ການສື່ສານແຂວງ.

ບໍລິສັດ ໄບຣຊອຍສ ມອບເຄື່ອງຊ່ວຍເຫຼືອໃຫ້ນັກຮຽນເຂດຫ່າງໄກສອກຫຼີກ

01/07/2025 16:26

ບໍລິສັດ ໄບຣຊອຍສ ຈໍາກັດຜູ້ດຽວ ໄດ້ນໍາເຄື່ອງຊ່ວຍເຫຼືອປະເພດເກີບແພຈໍານວນ 100 ກວ່າຄູ່ ມາມອບໃຫ້ໜັງສືພິມປະຊາຊົນ ເພື່ອນໍາໄປມອບຕໍ່ໃຫ້ນັກຮຽນຢູ່ເຂດຫ່າງໄກສອກຫຼີກ ໃນວັນທີ 1 ກໍລະກົດນີ້ ທີ່ສໍານັກງານໜັງສືພິມປະຊາຊົນ ກ່າວມອບໂດຍທ່ານນາງ ລັດຕະນະໄຊ ແສນກີດຈະນຸລັກ ຜູ້ອໍານວຍການບໍລິສັດ ໄບຣຊອຍສ ຈໍາກັດຜູ້ດຽວ (BRIGHT CHOICE) ພ້ອມດ້ວຍຄອບຄົວ ໂດຍການກ່າວຮັບຂອງທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ ຫົວໜ້າບັນນາທິການໃຫຍ່ໜັງສືພິມປະຊາຊົນ.

ປະກາດເລື່ອນຊັ້ນ-ເລື່ອນທຽບຊັ້ນໃຫ້ນາຍທະຫານ

01/07/2025 16:21

ກົມໃຫຍ່ການເມືອງກອງທັບ ປະກາດເລື່ອນຊັ້ນ-ເລື່ອນທຽບຊັ້ນໃຫ້ນາຍທະຫານ ແລະ ປະດັບທຽບຊັ້ນໃຫ້ນັກ ຮຽນທີ່ຈົບຈາກສາຍລັດຢູ່ບັນດາກົມກອງທີ່ຂຶ້ນກັບກົມໃຫຍ່ການເມືອງກອງທັບ ຂຶ້ນໃນວັນທີ 30 ມິຖຸນາຜ່ານມາ ໂດຍການເປັນປະທານຂອງ ສະຫາຍ ພົນຕີ ວົງສອນ ອິນປານພິມ ຮອງລັດຖະມົນຕີກະຊວງປ້ອງກັນປະເທດ, ມີຫົວໜ້າກົມໃຫຍ່ການເມືອງກອງທັບ, ຄະນະພັກ-ຄະນະບັນຊາກົມ, ຫ້ອງການ, ກອງ ແລະ ພາກສ່ວນກ່ຽວຂ້ອງເຂົ້າຮ່ວມ.

ເມືອງໂຂງ ປາຖະກະຖາວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ,

01/07/2025 16:16

ພິທີປາຖະກະຖາວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ (20 ກໍລະກົດ 1955-20 ກໍລະກົດ 2025) ຕິດພັນກັບການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຜູ້ແທນແມ່ຍິງແຂວງຈຳປາສັກ ຄັ້ງທີ VIII, ມະຕິກອງປະຊຸມວິສາມັນຄົບຄະນະບໍລິຫານງານແມ່ຍິງແຂວງສະໄໝທີ 8 ທີ່ເມືອງ ໂຂງ ແຂວງຈຳປາສັກ ຂຶ້ນໃນວັນທີ 1 ກໍລະກົດນີ້ ທີ່ສະໂມສອນຂອງເມືອງ ໂດຍການເຂົ້າຮ່ວມຂອງທ່ານ ນາງ ເຕດາວັນ ແກ້ວພິລາວັນ ກຳມະການພັກແຂວງ ປະທານສະຫະພັນແມ່ຍິງແຂວງ, ມີບັນດາທ່ານໃນຄະນະບໍລິຫານງານພັກເມືອງ, ກຳມະການພັກເມືອງ, ປະທານສະຫະພັນແມ່ຍິງເມືອງ, ຄະນະບໍລິຫານງານສະຫະພັນແມ່ຍິງເມືອງ, ພະນັກງານອາວຸໂສບຳນານເຂົ້າຮ່ວມຢ່າງພ້ອມພຽງ.

ປາກກະດິງ ປະດັບຫຼຽນກາລະນຶກ 70 ປີ ວັນສ້າງຕັ້ງພັກປະຊາຊົນປະຕິວັດລາວ

01/07/2025 16:13

ພິທີປະດັບຫຼຽນກາລະນຶກ 70 ປີ, ວັນສ້າງຕັ້ງພັກປະຊາຊົນປະຕິວັດລາວ ແລະ ມອບໃບຍ້ອງຍໍຜົນງານການກະກຽມກອງປະຊຸມໃຫຍ່ຄັງທີ VIII ຂອງອົງຄະນະພັກເມືອງປາກກະດິງ ພ້ອມທັງອະນຸມັດພະນັກງານເຂົ້າຮັບອຸດໜູນບຳນານ ໄດ້ຈັດຂຶ້ນເມື່ອບໍ່ດົນຜ່ານມານີ້ ຢູ່ທີ່ຫ້ອງປະຊຸມ ກຸ່ມເສດຖະກິດຂອງເມືອງ. ພາຍໄຕ້ການເປັນປະທານຂອງທ່ານ ບຸນຄົບ ຈັນທະວົງ ເລຂາຄະນະບໍລິຫານງານພັກເມືອງປາກກະດິງ.

ໄຊພູທອງ ປັກດໍາເຂົ້ານາປີໄດ້ແລ້ວ 3,450 ເຮັກຕາ

01/07/2025 12:50

ຕາມການລາຍງານຂອງ ທ່ານ ສຸວັນ ໄຊຍະມັງດາລາ ຫົວໜ້າຫ້ອງການກະສິກໍາ ແລະ ປ່າໄມ້ເມືອງໄຊພູທອງ ແຂວງສະຫວັນນະເຂດ ໃນຄັ້ງວັນທີ 1 ກໍລະກົດນີ້ວ່າ: ສໍາລັບແຜນການຜະລິດເຂົ້ານາປີນີ້ ມີເນື້ອທີ່ 14,351.35 ເຮັກຕາ ຄາດຂະເນສະມັດຕະພາບ 5 ໂຕນ/ເຮັກຕາ, ຄາດຄະເນຜົນຜະລິດ 71,756.75 ໂຕນ, ແຜ່ນການຈັດຕັ້ງປະຕິບັດ 1,590.4 ເຮັກຕາ, ໃນລະບົບຊົນລະປະທານ 200 ເຮັກຕາ. ການປູກເຂົ້າລະດູຝົນແຜນ 14,351.35 ເຮັກຕາ, ແນວປູກ 861.06 ໂຕນ, ປະຕິບັດໄດ້ແລ້ວ 819.54 ໂຕນ ເທົ່າກັບ 94.82%, ໄຖຮຸດສໍາເລັດ 94.82% ເທົ່າກັບ 13,607.95 ເຮັກຕາ, ຕົກກ້າແລ້ວ 450 ໂຕນ ເທົ່າກັບ 52.26% ຂອງແນວປູກທັງໝົດ, ນາວ່ານໄດ້ 5,760 ເຮັກຕາ, ແນວປູກ 345.6 ໂຕນ ເທົ່າກັບ 40.13% ຂອງແນວປູກທັງໝົດ, ນາຢອດໄດ້ 349 ເຮັກຕາ, ແນວປູກ 20.94 ໂຕນ ເທົ່າກັບ 2.43% ຂອງແນວປູກທັງໝົດ, ປັກດຳໄດ້ແລ້ວ 3,450 ເຮັກຕາ ເທົ່າກັບ 40%, ລວມປະຕິບັດໄດ້ທັງໝົດ 11,848.44 ເັກຮຕາ ເທົ່າກັບ 82.56%

ສື່ມວນຊົນສໍາເລັດຊຸດອົບຮົມການລາຍງານຂ່າວສີຂຽວ

01/07/2025 11:21

ບັນດາສື່ມວນຊົນຈາກແຂວງພາກກາງ ສຳເລັດການເຂົ້າຮ່ວມຝຶກອົບຮົມການລາຍງານຂ່າວສີຂຽວຢູ່ນະຄອນຫຼວງວຽງຈັນ ໃນລະຫວ່າງວັນທີ 23-27 ມິຖຸນາ ຜ່ານມາ ເພື່ອສົ່ງເສີມການພັດທະນາແບບຍືນຍົງໃນ ສປປ ລາວ ໂດຍການສະໜັບສະໜູນຈາກໂຄງການສ້າງຄວາມເຂັ້ມແຂງໃຫ້ແກ່ສື່ມວນຊົນ (ແກມຊິວ).

ຫັດຖະກໍາຕໍ່າຫູກຕິດພັນກັບແມ່ຍິງຈາກອາຊີບສໍາຮອງກາຍເປັນອາຊີບຫຼັກ

01/07/2025 11:19

ໂດຍ: ແສງຈັນ ແມ່ຍິງລາວ ແມ່ນຜູ້ທີ່ມີຄວາມອົດທົນ, ດຸໝັ່ນໃນໜ້າທີ່ວຽກງານ ເປັນຕົ້ນແມ່ນຫັດຖະກໍາ, ຕໍ່າຫູກ-ທໍໄໝ ແມ່ນວຽກງານທີ່ມີຄວາມສໍາຄັນ ຕິດພັນກັບແມ່ຍິງລາວ ທັງເປັນການສ້າງລາຍຮັບໃຫ້ກັບຄອບຄົວສະເໝີມາ.

ເພີ່ມເຕີມ