ມີທ່ານ ນາງ ອິນລາວັນ ແກ້ວບຸນພັນ ຮອງປະທານ ສນຊຫົວໜ້າຄະນະຮັບຜິດຊອບລະດົມການຊ່ວຍເຫຼືອ ບັນເທົາທຸກ ຜູ້ປະສົບໄພພິບັດ ຂອງ ສນຊ ພ້ອມດ້ວຍຄະນະ ແລະ ກ່າວມອບໂດຍ ທ່ານ ຄຳຮຸ່ງ ໄຊຈະເລີນ ປະທານສະມາຄົມໃຫຍ່ຊາວຫວຽດນາມ ປະຈຳ ສປປ ລາວ, ຄູ່ຮ່ວມງານຂອງ ສນຊ.
ໃນໂອກາດນີ້, ທ່ານປະທານສູນກາງແນວລາວສ້າງຊາດ ໄດ້ສະແດງຄວາມຂອບໃຈຕໍ່ສະມາຄົມໃຫຍ່ຊາວຫວຽດນາມ ປະຈຳ ສປປ ລາວ ທີ່ໄດ້ນຳເອົາເງິນຈຳນວນດັ່ງກ່າວມາມອບໃຫ້ ສນຊ ເພື່ອເປັນການແບ່ງເບົາບັນເທົາທຸກຂອງປະຊາຊົນທີ່ໄດ້ຮັບຜົນກະທົບຈາກໄພພິບັດນໍ້າຖ້ວມ ແລະ ທ່ານກ່າວຕື່ມອີກວ່າ: ເງິນຈຳນວນດັ່ງກ່າວ, ຈະນຳໄປມອບໃຫ້ເຖິງມືປະຊາຊົນຜູ້ທີ່ໄດ້ຮັບຜົນກະທົບໃນຂອບເຂດທົ່່ວປະເທດ.
ພ້ອມກັນນີ້, ທ່ານປະທານ ສນຊ ຍັງໄດ້ສະແດງຄວາມເສຍໃຈຕໍ່ຜົນກະທົບຈາກໄພພິບັດນໍ້າຖ້ວມ ຊຶ່ງໄດ້ສ້າງຄວາມເສຍຫາຍອັນໜັກໜ່ວງ ຕໍ່ປະຊາຊົນ ຫວຽດນາມ ນີ້ເປັນການສະແດງເຖິງຄວາມເປັນຫວ່ງເປັນໃຍຈາກພັກ-ລັດຖະບານ ແລະ ປະຊາຊົນລາວ ກໍຄືສູນກາງແນວລາວສ້າງຊາດ ແລະ ຂໍປະຊາຊົນ 2 ຊາດ ລາວ-ຫຽດນາມ ຈົ່ງພ້ອມກັນຜ່ານຜ່າ ສະພາບວິກິດນີ້ ໄປໂດຍໄວ.
(ຂ່າວ-ພາບ: ເລົ່າລໍ່)
ຄໍາເຫັນ