ກອງປະຊຸມ ບັນດາສະຫາຍຜູ້ແທນໄດ້ເຊີດຊູຄວາມຮັບຜິດຊອບຂອງຕົນ ເຂົ້າໃນການຄົ້ນຄວ້າ, ປຶກສາຫາລືປະກອບຄໍາຄິດຄໍາເຫັນ ແລະ ຕົກລົງຮັບຮອງເອົາວຽກງານທີ່ສໍາຄັນເຊັ່ນ: ຮັບຮອງເອົາທິດທາງແຜນການ, ຄາດໝາຍສູ້ຊົນ ແລະ ໜ້າທີ່ຈຸດສຸມວຽກງານໃນແຕ່ລະດ້ານນັບແຕ່ 2025-2029 ບັນດາຄາດໝາຍສູ້ຊົນເປັນຕົ້ນ: ວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກງານກໍ່ສ້າງພະນັກງານ ແລະ ການປັບປຸງລະບົບການເມືອງ-ການປົກຄອງແຕ່ລະຂັ້ນໃຫ້ສອດຄ່ອງກັບແນວທາງນະໂຍບາຍປ່ຽນແປງໃໝ່ຢ່າງມີຫຼັກການຂອງພັກ ພ້ອມກັນເສີມຂະຫຍາຍລະບອບປະຊາທິປະໄຕປະຊາຊົນ ໃຫ້ມີຄວາມໜັກແໜ້ນເຂັ້ມແຂງ ທາງດ້ານການເມືອງ, ດ້ານແນວຄິດ ແລະ ການຈັດຕັ້ງແນໃສ່ເຮັດໃຫ້ເມືອງບົວລະພາ ມີບາດກ້າວຂະຫຍາຍຕົວຢ່າງບໍ່ຢຸດຢັ້ງ, ນໍາເອົາຄວາມຮັ່ງມີ ແລະ ຄວາມສົມບູນພູນສຸກມາໃຫ້ປະຊາຊົນບັນດາເຜົ່າໃນທົ່ວເມືອງ ນັບມື້ນັບກ້າວເຂົ້າສູ່ຄວາມຮຸ່ງເຮືອງ, ສັງຄົມມີຄວາມສີວິໄລຂຶ້ນເທື່ອລະກ້າວ. ຈາກນັ້ນ, ຜູ້ແທນສົມບູນໄດ້ໃຊ້ສິດປະຊາທິປະໄຕ ປ່ອນບັດຄັດເລືອກເອົາຄະນະບໍລິຫານງານພັກເມືອງຊຸດໃໝ່ ຊຶ່ງມີຜູ້ສະໝັກຈໍານວນທັງໝົດ 32 ສະຫາຍ, ຜ່ານການປ່ອນບັດ ແລະ ຜົນການດໍາເນີນກອງປະຊຸມຄັ້ງປະຖົມມະລຶກໄດ້ເປັນເອກະພາບເລືອກເອົາຄະນະບໍລິຫານງານພັກເມືອງບົວລະພາ ສະໄໝທີ XII ມີຈຳນວນ 27 ສະຫາຍ ຍິງ 4 ສະຫາຍ. ເລືອກຕັ້ງເອົາຄະນະປະຈໍາພັກເມືອງ ຈໍານວນ 9 ສະຫາຍ ຍິງ 1 ສະຫາຍ. ໂດຍຕົກລົງເຫັນດີໃຫ້ ສະຫາຍ ພັອ ຄຳສິງ ນົນທະສອນ ເປັນເລຂາຄະນະບໍລິຫານພັກເມືອງ, ສະຫາຍ ນາງ ໄລວັນ ດວງສະຫວັນ ແລະ ສະຫາຍ ຄູນໄຊ ໄພປັນຍາ ເປັນຮອງເລຂາ. ເລືອກເອົາ ສະຫາຍ ພົງສະຫວັນ ສີສະຫວາດ ເປັນປະທານຄະນະກວດກາພັກເມືອງ, ເລືອກເອົາ ສະຫາຍ ສີທົນ ຈັນທະຈອນ ແລະ ສະຫາຍ ພັນທະມິດ ສຸນິລະວົງ ເປັນຮອງປະທານຄະນະກວດກາ, ພ້ອມດຽວກັນກໍ່ໄດ້ ປ່ອນບັດເລືອກເອົາຜູ້ແທນສົມບູນ ໄປຮ່ວມກອງປະຊຸມໃຫຍ່ຜູ້ແທນອົງຄະນະພັກແຂວງ ສະໄໝທີ XI ຈໍານວນ 20 ສະຫາຍ ຍິງ 2 ສະຫາຍ. (ຂ່າວ: ມະນີວັນ)
ກອງປະຊຸມໃຫຍ່ຜູ້ແທນຄະນະພັກຮາກຖານ ດ່ານສາກົນຂົວມິດຕະພາບ 1 ຄັ້ງທີ II
ກອງປະຊຸມໃຫຍ່ຜູ້ແທນຄະນະພັກຮາກຖານ ດ່ານສາກົນຂົວມິດຕະພາບ 1 ຄັ້ງທີ II ຈັດຂຶ້ນວັນທີ 13 ມັງກອນນີ້ ທີ່ດ່ານສາກົນຂົວມິດຕະພາບ 1 ເມືອງຫາດຊາຍຟອງ ນະຄອນຫຼວງວຽງຈັນ (ນວ) ໂດຍການເປັນປະທານຂອງສະຫາຍ ດາວເພັດ ອາລຸນ ກຳມະການພັກ ນວ ເລຂາຄະນະພັກຮາກຖານດ່ານສາກົນຂົວມິດຕະ ພາບ 1, ມີສະຫາຍ ອານຸພາບ ຕຸນາລົມ ຄະນະເລຂາທິການສູນກາງພັກ ເລຂາຄະນະພັກ ນວ ປະທານສະພາປະຊາຊົນ ນວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ຄໍາເຫັນ