ຫ້ອງວ່າການສໍານັກງານນາຍົກ ໄດ້ຈັດກອງປະຊຸມເຜີຍແຜ່ກົດໝາຍວ່າດ້ວຍລັດຖະບານ ແລະ ນິຕິກຳກ່ຽວຂ້ອງໃຫ້ກະຊວງ-ອົງການຈັດຕັ້ງຂັ້ນສູນກາງ ແລະ ນະຄອນຫຼວງວຽງຈັນ ໃນວັນທີ29 ມີນານີ້ ທີ່ຫໍປະຊຸມແຫ່ງຊາດ, ໂດຍເປັນປະທານຂອງທ່ານ ອາລຸນໄຊ ສູນນະລາດ ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກລັດຖະມົນຕີ, ມີບັນດາຮອງລັດຖະມົນຕີ, ຫົວໜ້າກົມ, ຮອງກົມ, ຕາງໜ້າຈາກອົງການຈັດຕັ້ງຂັ້ນສູນກາງ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ອາລຸນໄຊ ສູນນະລາດ ກ່າວວ່າ: ກົດໝາຍວ່າດ້ວຍລັດຖະບານ ແມ່ນເຄື່ອງມືໜຶ່ງທີ່ສຳຄັນ ໃນການເຄື່ອນໄຫວວຽກງານຂອງລັດຖະບານ ເພື່ອເຮັດໃຫ້ການຄຸ້ມຄອງລັດ ຄຸ້ມຄອງເສດຖະກິດ-ສັງຄົມ ມີປະສິດທິຜົນ ແລະ ສອດຄ່ອງກັບແນວທາງແຜນນະໂຍບາຍຂອງພັກ. ນັບແຕ່ໄດ້ຮັບການປະກາດໃຊ້ຄັ້ງທຳອິດໃນປີ1995 ເປັນຕົ້ນມາ ກົດໝາຍສະບັບດັ່ງກ່າວ ໄດ້ຮັບການປັບປຸງມາແລ້ວ 4ຄັ້ງຄື: ໃນປີ 2003, 2015, 2016 ແລະ 2021 ຊຶ່ງການປັບປຸງໃນແຕ່ລະຄັ້ງ ເພື່ອແນໃສ່ໃຫ້ສອດຄ່ອງກັບສະພາບການພັດທະນາເສດຖະກິດ-ສັງຄົມ, ສອດຄ່ອງກັບຈຸດພິເສດເງື່ອນໄຂຂອງການບໍລິຫານຄຸ້ມຄອງລັດ, ຄຸ້ມຄອງສັງຄົມ ໃນແຕ່ລະໄລຍະ ແລະ ສອດຄ່ອງກັບການປັບປຸງກົດໝາຍທີ່ກ່ຽວຂ້ອງ.
ສໍາລັບກົດໝາຍວ່າດ້ວຍລັດຖະບານສະບັບປີ2016 ທີ່ໄດ້ມີການປັບປຸງເປັນສະບັບປີ2021 ນັ້ນກໍເນື່ອງຈາກວ່າຢາກໃຫ້ສອດຄ່ອງກັບໂຄງປະກອບກົງຈັກ ແລະ ບຸກຄະລາກອນຂອງລັດຖະບານ ຊຸດທີ IX ສອດຄ່ອງກັບການປັບປຸງແບບແຜນວິທີເຮັດວຽກຂອງລັດຖະບານແລະ ການປັບປຸງກົດໝາຍທີ່ກ່ຽວຂ້ອງ ເປັນຕົ້ນ: ກົດໝາຍວ່າດ້ວຍສະພາປະຊາຊົນສູງສຸດ ແລະ ກົດໝາຍວ່າດ້ວຍສະພາປະຊາຊົນຂັ້ນແຂວງເພື່ອໃຫ້ແທດເໝາະກັບສະພາບຄວາມເປັນຈິງ ແລະ ຄວາມຮຽກຮ້ອງຕ້ອງການຂອງວຽກງານໃນໄລຍະໃໝ່, ອີກດ້ານໜຶ່ງ ກໍເຫັນວ່າຍັງມີບາງບັນຫາບໍ່ສອດຄ່ອງກັບສະພາບຕົວຈິງ. ສະນັ້ນ, ຈຶ່ງມີຄວາມຈຳເປັນຕ້ອງໄດ້ປັບປຸງ ເພື່ອໃຫ້ສອດຄ່ອງກັບການເຄື່ອນໄຫວວຽກງານຂອງລັດຖະບານຊຸດທີIXຈາກເຫດຜົນດັ່ງກ່າວກົດໝາຍວ່າດ້ວຍລັດຖະບານສະບັບເລກທີ04/ສພຊ ຈຶ່ງໄດ້ຮັບການປັບປຸງປ່ຽນແທນດ້ວຍກົດໝາຍວ່າດ້ວຍລັດຖະບານສະບັບເລກທີ 03/ສພຊລົງວັນທີ 16 ພະຈິກ2021 ທີ່ນໍາໃຊ້ໃນປັດຈຸບັນ.
ພາຍຫຼັງ ກົດໝາຍວ່າດ້ວຍລັດຖະບານສະບັບປີ2021 ໄດ້ຮັບການປະກາດໃຊ້ຢ່າງເປັນທາງການເປັນຕົ້ນມາ ເຫັນວ່າລະບົບການຈັດຕັ້ງການເຄື່ອນໄຫວວຽກງານຂອງລັດຖະບານ ໄດ້ຮັບການປັບປຸງໃຫ້ດີຂຶ້ນເປັນກ້າວໆເປັນບ່ອນອີງໃນການກຳນົດ ແລະ ຈັດແບ່ງໜ້າທີ່ຄວາມຮັບຜິດຊອບໃຫ້ສະມາຊິກລັດຖະບານຢ່າງລະອຽດຈະແຈ້ງເປັນຕົ້ນຂໍ້ຕົກລົງ ສະບັບເລກທີ41/ນຍ ວ່າດ້ວຍລະບຽບການ ແລະ ກົນໄກການເຮັດວຽກ ຂອງລັດຖະບານ ຊຸດທີIX, ຂໍ້ຕົກລົງ ສະບັບເລກທີ04/ນຍ ວ່າດ້ວຍການແບ່ງວຽກລະຫວ່າງ ນາຍົກລັດຖະມົນຕີ ແລະ ບັນດາຮອງນາຍົກລັດຖະມົນຕີ ແລະ ຂໍ້ຕົກລົງວ່າດ້ວຍ ການມອບຄວາມຮັບຜິດຊອບ ຂອງຄະນະຫ້ອງວ່າການສໍານັກງານນາຍົກລັດຖະມົນຕີ ເວົ້າລວມແລ້ວກົດໝາຍວ່າດ້ວຍ ລັດຖະບານ ສະບັບປີ2021 ແມ່ນໄດ້ຮັບການຜັນຂະຫຍາຍເປັນນິຕິກຳໃຕ້ກົດໝາຍ ແລະ ນຳໃຊ້ເຂົ້າໃນການເຄື່ອນໄຫວວຽກງານຂອງລັດຖະບານຢ່າງເປັນປະຈຳ.
ກອງປະຊຸມຄັ້ງນີ້,ນອກຈາກໄດ້ຮັບຟັງການເຜີຍແຜ່ກົດໝາຍວ່າດ້ວຍລັດຖະບານແລ້ວຍັງຈະໄດ້ຮັບຟັງການເຜີຍແຜ່ນິຕິກຳທີ່ກ່ຽວຂ້ອງ ເປັນຕົ້ນຂໍ້ຕົກລົງວ່າດ້ວຍລະບຽບການ ແລະ ກົດໄກການເຮັດວຽກຂອງລັດຖະບານຊຸດທີIX ສະບັບເລກທີ41/ນຍການຕິດຕາມປະຕິບັດກົດໝາຍການສ້າງເອກະສານທາງການ, ການສ້າງຄວາມເຂັ້ມແຂງກ່ຽວກັບວຽກງານຄົ້ນຄວ້າ-ສັງລວມ ແລະ ສ້າງຄວາມເຂັ້ມແຂງວຽກງານໂຄສະນາປະຊາສຳພັນການເຂົ້າເຖິງຂໍ້ມູນຂ່າວສານທາງການຜ່ານເວັບໄຊພາກລັດແລະ ການຫັນເປັນທັນສະໄໝ ອີກຈຳນວນໜຶ່ງ ເພື່ອແນໃສ່ໃຫ້ຂະແໜງການກ່ຽວຂ້ອງນຳໄປຈັດຕັ້ງຜັນຂະຫຍາຍເຂົ້າໃນວຽກງານຕົວຈິງໃຫ້ຖືກຕ້ອງ ແລະ ສອດຄ່ອງຍິ່ງຂຶ້ນ.
(ຂ່າວ-ພາບ: ແສງຈັນ)
ທ່ານ ອາລຸນໄຊ ສູນນະລາດ ກ່າວວ່າ: ກົດໝາຍວ່າດ້ວຍລັດຖະບານ ແມ່ນເຄື່ອງມືໜຶ່ງທີ່ສຳຄັນ ໃນການເຄື່ອນໄຫວວຽກງານຂອງລັດຖະບານ ເພື່ອເຮັດໃຫ້ການຄຸ້ມຄອງລັດ ຄຸ້ມຄອງເສດຖະກິດ-ສັງຄົມ ມີປະສິດທິຜົນ ແລະ ສອດຄ່ອງກັບແນວທາງແຜນນະໂຍບາຍຂອງພັກ. ນັບແຕ່ໄດ້ຮັບການປະກາດໃຊ້ຄັ້ງທຳອິດໃນປີ1995 ເປັນຕົ້ນມາ ກົດໝາຍສະບັບດັ່ງກ່າວ ໄດ້ຮັບການປັບປຸງມາແລ້ວ 4ຄັ້ງຄື: ໃນປີ 2003, 2015, 2016 ແລະ 2021 ຊຶ່ງການປັບປຸງໃນແຕ່ລະຄັ້ງ ເພື່ອແນໃສ່ໃຫ້ສອດຄ່ອງກັບສະພາບການພັດທະນາເສດຖະກິດ-ສັງຄົມ, ສອດຄ່ອງກັບຈຸດພິເສດເງື່ອນໄຂຂອງການບໍລິຫານຄຸ້ມຄອງລັດ, ຄຸ້ມຄອງສັງຄົມ ໃນແຕ່ລະໄລຍະ ແລະ ສອດຄ່ອງກັບການປັບປຸງກົດໝາຍທີ່ກ່ຽວຂ້ອງ.
ສໍາລັບກົດໝາຍວ່າດ້ວຍລັດຖະບານສະບັບປີ2016 ທີ່ໄດ້ມີການປັບປຸງເປັນສະບັບປີ2021 ນັ້ນກໍເນື່ອງຈາກວ່າຢາກໃຫ້ສອດຄ່ອງກັບໂຄງປະກອບກົງຈັກ ແລະ ບຸກຄະລາກອນຂອງລັດຖະບານ ຊຸດທີ IX ສອດຄ່ອງກັບການປັບປຸງແບບແຜນວິທີເຮັດວຽກຂອງລັດຖະບານແລະ ການປັບປຸງກົດໝາຍທີ່ກ່ຽວຂ້ອງ ເປັນຕົ້ນ: ກົດໝາຍວ່າດ້ວຍສະພາປະຊາຊົນສູງສຸດ ແລະ ກົດໝາຍວ່າດ້ວຍສະພາປະຊາຊົນຂັ້ນແຂວງເພື່ອໃຫ້ແທດເໝາະກັບສະພາບຄວາມເປັນຈິງ ແລະ ຄວາມຮຽກຮ້ອງຕ້ອງການຂອງວຽກງານໃນໄລຍະໃໝ່, ອີກດ້ານໜຶ່ງ ກໍເຫັນວ່າຍັງມີບາງບັນຫາບໍ່ສອດຄ່ອງກັບສະພາບຕົວຈິງ. ສະນັ້ນ, ຈຶ່ງມີຄວາມຈຳເປັນຕ້ອງໄດ້ປັບປຸງ ເພື່ອໃຫ້ສອດຄ່ອງກັບການເຄື່ອນໄຫວວຽກງານຂອງລັດຖະບານຊຸດທີIXຈາກເຫດຜົນດັ່ງກ່າວກົດໝາຍວ່າດ້ວຍລັດຖະບານສະບັບເລກທີ04/ສພຊ ຈຶ່ງໄດ້ຮັບການປັບປຸງປ່ຽນແທນດ້ວຍກົດໝາຍວ່າດ້ວຍລັດຖະບານສະບັບເລກທີ 03/ສພຊລົງວັນທີ 16 ພະຈິກ2021 ທີ່ນໍາໃຊ້ໃນປັດຈຸບັນ.
ພາຍຫຼັງ ກົດໝາຍວ່າດ້ວຍລັດຖະບານສະບັບປີ2021 ໄດ້ຮັບການປະກາດໃຊ້ຢ່າງເປັນທາງການເປັນຕົ້ນມາ ເຫັນວ່າລະບົບການຈັດຕັ້ງການເຄື່ອນໄຫວວຽກງານຂອງລັດຖະບານ ໄດ້ຮັບການປັບປຸງໃຫ້ດີຂຶ້ນເປັນກ້າວໆເປັນບ່ອນອີງໃນການກຳນົດ ແລະ ຈັດແບ່ງໜ້າທີ່ຄວາມຮັບຜິດຊອບໃຫ້ສະມາຊິກລັດຖະບານຢ່າງລະອຽດຈະແຈ້ງເປັນຕົ້ນຂໍ້ຕົກລົງ ສະບັບເລກທີ41/ນຍ ວ່າດ້ວຍລະບຽບການ ແລະ ກົນໄກການເຮັດວຽກ ຂອງລັດຖະບານ ຊຸດທີIX, ຂໍ້ຕົກລົງ ສະບັບເລກທີ04/ນຍ ວ່າດ້ວຍການແບ່ງວຽກລະຫວ່າງ ນາຍົກລັດຖະມົນຕີ ແລະ ບັນດາຮອງນາຍົກລັດຖະມົນຕີ ແລະ ຂໍ້ຕົກລົງວ່າດ້ວຍ ການມອບຄວາມຮັບຜິດຊອບ ຂອງຄະນະຫ້ອງວ່າການສໍານັກງານນາຍົກລັດຖະມົນຕີ ເວົ້າລວມແລ້ວກົດໝາຍວ່າດ້ວຍ ລັດຖະບານ ສະບັບປີ2021 ແມ່ນໄດ້ຮັບການຜັນຂະຫຍາຍເປັນນິຕິກຳໃຕ້ກົດໝາຍ ແລະ ນຳໃຊ້ເຂົ້າໃນການເຄື່ອນໄຫວວຽກງານຂອງລັດຖະບານຢ່າງເປັນປະຈຳ.
ກອງປະຊຸມຄັ້ງນີ້,ນອກຈາກໄດ້ຮັບຟັງການເຜີຍແຜ່ກົດໝາຍວ່າດ້ວຍລັດຖະບານແລ້ວຍັງຈະໄດ້ຮັບຟັງການເຜີຍແຜ່ນິຕິກຳທີ່ກ່ຽວຂ້ອງ ເປັນຕົ້ນຂໍ້ຕົກລົງວ່າດ້ວຍລະບຽບການ ແລະ ກົດໄກການເຮັດວຽກຂອງລັດຖະບານຊຸດທີIX ສະບັບເລກທີ41/ນຍການຕິດຕາມປະຕິບັດກົດໝາຍການສ້າງເອກະສານທາງການ, ການສ້າງຄວາມເຂັ້ມແຂງກ່ຽວກັບວຽກງານຄົ້ນຄວ້າ-ສັງລວມ ແລະ ສ້າງຄວາມເຂັ້ມແຂງວຽກງານໂຄສະນາປະຊາສຳພັນການເຂົ້າເຖິງຂໍ້ມູນຂ່າວສານທາງການຜ່ານເວັບໄຊພາກລັດແລະ ການຫັນເປັນທັນສະໄໝ ອີກຈຳນວນໜຶ່ງ ເພື່ອແນໃສ່ໃຫ້ຂະແໜງການກ່ຽວຂ້ອງນຳໄປຈັດຕັ້ງຜັນຂະຫຍາຍເຂົ້າໃນວຽກງານຕົວຈິງໃຫ້ຖືກຕ້ອງ ແລະ ສອດຄ່ອງຍິ່ງຂຶ້ນ.
(ຂ່າວ-ພາບ: ແສງຈັນ)
ຄໍາເຫັນ