 |
ໃນນັ້ນ, ຮັບຮອງເອົາການສະເໜີແຕ່ງຕັ້ງ ທ່ານ ບຸນເຫຼືອ ສິນໄຊວໍຣະວົງ ເປັນປະທານຄະນະກໍາມະການປົກຄອງແຂວງ, ທ່ານ ນາງ ວຽນວິໄລ ດີລະພັນ ແລະ ທ່ານ ຈີນດາວົງ ໂພສີຄໍາ ເປັນຮອງປະທານ ຄະນະກໍາມະການປົກຄອງແຂວງ, ທັງຮັບຮອງໂຄງປະກອບກົງຈັກການຈັດຕັ້ງ ຂອງຄະນະກໍາມະການປົກຄອງແຂວງ ຈຳນວນ 14 ພະແນການ ແລະ 3 ອົງການທຽບເທົ່າ; ຮັບຮອງ ເອົາບົດລາຍງານການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ແລະ ງົບປະມານຂອງແຂວງ ປະຈໍາປີ 2025 ແລະ ທິດທາງແຜນການ ປະຈຳປີ 2026; ໂດຍໄດ້ສະເໜີໃຫ້ ອົງການປົກຄອງແຂວງ ສືບຕໍ່ຊຸກຍູ້ການຈັດຕັ້ງປະຕິບັດ ບັນດາຈຸດສຸມຕ່າງໆ ໃຫ້ສໍາເລັດຕາມແຜນການທີ່ວາງໄວ້, ເພີ່ມທະວີວຽກງານຊຸກຍູ້ ແລະ ສົ່ງເສີມການລົງທຶນທັງພາຍໃນ ແລະ ຕ່າງປະເທດ, ບູລະນະ ແລະ ສ້ອມແປງເສັ້ນທາງ, ຊຸກຍູ້ການຜະລິດກະສິກໍາ ເພື່ອຕອບສະໜອງໃຫ້ການບໍລິໂພກພາຍໃນແຂວງ, ໄປພ້ອມໆກັບການຊຸກຍູ້ໃຫ້ອົງການທີ່ກ່ຽວຂ້ອງ ສຸມໃສ່ການສໍາຫຼວດ ແລະ ວັດແທກໃບຕາດິນ ໃຫ້ບັນລຸຕາມແຜນການທີ່ວາງໄວ້; ພ້ອມນັ້ນໄດ້ຮັບຮອງ ບົດລາຍງານການຈັດຕັ້ງປະຕິບັດວຽກງານ ປະຈໍາປີ 2025 ແລະ ທິດທາງແຜນການ ປະຈໍາປີ 2026 ຂອງອົງການກວດສອບ ປະຈໍາພາກເໜືອ1, ບົດລາຍງານຜົນການກວດສອບຄືນ ແລະ ການສະຫຼຸບງົບປະມານຂາດຕົວ ປະຈໍາປີ 2024 ຂອງແຂວງຫຼວງພະບາງ, ບົດລາຍງານ ການຈັດຕັ້ງປະຕິບັດວຽກງານ ປະຈຳປີ 2025 ແລະ ທິດທາງແຜນການ ປະຈຳປີ 2026 ຂອງອົງການກວດກາລັດແຂວງ, ອົງການໄອຍະການປະຊາຊົນພາກ ເໜືອ, ອົງການໄອຍະການປະຊາຊົນແຂວງ, ສານປະຊາຊົນພາກເໜືອ, ສານປະຊາຊົນແຂວງ ແລະ ຂອງສະພາປະຊາຊົນແຂວງ, ພ້ອມນັ້ນ ໄດ້ຮັບຟັງບົດປະກອບຄໍາເຫັນ ຂອງແນວລາວສ້າງຊາດແຂວງ ກ່ຽວກັບ ການຕິດຕາມກວດກາ ການຈັດຕັ້ງປະຕິບັດ ພາລະບົດບາດ, ສິດ ແລະ ໜ້າທີ່ ຂອງສະພາປະຊາຊົນແຂວງ ໃນໄລຍະ 5 ປີ ແລະ ການຈັດຕັ້ງປະຕິບັດວຽກງານ ປະຈໍາປີ 2025, ທິດທາງແຜນການ ປະຈຳປີ 2026 ແລະ ໄດ້ຮັບຟັງການຊີ້ແຈງບັນຫາ ທີ່ກໍາລັງເປັນບັນຫາຢູ່ໃນສັງຄົມ, ກໍຄືບັນຫາທີ່ປະຊາຊົນໃຫ້ຄວາມສົນໃຈ ໂດຍໄດ້ຮັບການຊີ້ແຈງຈາກພະແນກການ ທີ່ກ່ຽວຂ້ອງ ຢ່າງສົມເຫດສົມຜົນ ແລະມີຄວາມເປັນເອກະພາບສູງ.
 |
ຕອນທ້າຍກອງປະຊຸມ ໄດ້ມີການປະດັບຫຼຽນກາລະນຶກຂອງສະພາແຫ່ງຊາດ ໃຫ້ຜູ້ທີ່ມີຜົນງານປະກອບສ່ວນວຽກງານສະພາໃນໄລຍະຜ່ານມາ ຕື່ມອີກ.
(ຂ່າວ: ອາພຸດເດດ ບຸບຜາ, ພາບ: ທະນູສີນ ອິດທິພົນ)
ຄໍາເຫັນ