ສະພາປະຊາຊົນແຂວງໄຊຍະບູລີ ຊຸດທີ II ສໍາເລັດຫຼາຍວຽກງານຕາມເປົ້າໝາຍ

ສະພາປະຊາຊົນແຂວງໄຊຍະບູລີ ຊຸດທີ II ສໍາເລັດຫຼາຍວຽກງານຕາມເປົ້າໝາຍ
ໂດຍ:ວັນໄຊ ຕະວິນຍານ
ໃນຕະຫຼອດ ປີ 2023 ຜ່ານມາ,ເຖິງວ່າແຂວງໄຊຍະບູລີຈະພົບກັບຄວາມຫຍຸ້ງຍາກໃນຫຼາຍດ້ານ. ແຕ່ ດ້ວຍຄວາມເປັນເຈົ້າການຂອງສະມາຊິກສະພາແຫ່ງຊາດເຂດເລືອກຕັ້ງທີ 7 ແລະສະມາຊິກສະພາປະຊາຊົນແຂວງທີ່ຕັ້ງໜ້າປະຕິບັດຕາມພາລະບົດບາດຂອງສະພາແຫ່ງຊາດ ແລະ ພາລະບົດບາດ ສິດໜ້າທີ່ຂອງສະພາປະຊາຊົນແຂວງໄດ້ເຮັດໃຫ້ສະພາປະຊາຊົນແຂວງໄຊຍະບູລີ ຊຸດທີ II  ມີຜົນສໍາເລັດວຽກງານຫຼາຍດ້ານຕາມເປົ້າໝາຍທີ່ວາງໄວ້.
ທ່ານ ເພັງນິລັນ ຄໍາພັນເພັງ ປະທານສະພາປະຊາຊົນແຂວງໄຊຍະບູລີກ່າວວ່າ: ອັນພົ້ນເດັ່ນແມ່ນສະພາປະຊາຊົນແຂວງໄດ້ຈັດກອງປະຊຸມທາບທາມຄໍາເຫັນໃສ່ຮ່າງກົດໝາຍຢູ່ຂັ້ນທ້ອງຖິ່ນໄດ້  3 ຄັ້ງ, ຈໍານວນ 11 ສະບັບ,ປັບປຸງ 6 ສະບັບ ເຂົ້າຮ່ວມປະກອບຄໍາເຫັນ ໃສ່ຮ່າງກົດໝາຍ ທີ່ສະພາແຫ່ງຊາດ ແລະ ກະຊວງກ່ຽວຂ້ອງຈັດຂຶ້ນ ໄດ້ 12 ຄັ້ງ, ມີ 13 ສະບັບ.ຈັດກອງປະຊຸມປະເມີນຜົນການຈັດຕັ້ງປະຕິບັດກົດໝາຍໄດ້ 11 ສະບັບ, ໃນນີ້ຂົງເຂດສະພາແຫ່ງຊາດ ແລະ ສະພາປະຊາຊົນແຂວງ 4 ສະບັບ,ຂົງເຂດປ້ອງກັນຊາດ-ປ້ອງກັນຄວາມສະຫງົບ  3 ສະບັບ,ຂົງເຂດຍຸຕິທໍາ 4 ສະບັບ; ໄດ້ພິຈາລະນາ ແລະ ຮັບຮອງເອົານິຕິກໍາໃຕ້ກົດໝາຍ ຂອງອົງການປົກຄອງແຂວງ ໄດ້ 1 ສະບັບ (ຂໍ້ຕົກລົງ ຂອງທ່ານເຈົ້າແຂວງ ວ່າດ້ວຍການຄຸ້ມຄອງນໍ້າລິນ ແຂວງໄຊຍະບູລີ);ຄົ້ນຄວ້າ, ພິຈາລະນາ,ຮັບຮອງ ເອົານິຕິກໍາຮັບໃຊ້ສະເພາະ ມີ 12 ສະບັບ ເປັນຕົ້ນ: ມະຕິ ວ່າດ້ວຍການຫັນປ່ຽນທີ່ດິນກະສິກໍາ ໄປເປັນດິນປະເພດອື່ນ ມີ 11 ສະບັບ ແລະ ນິຕິກໍາ ວ່າດ້ວຍການທົດແທນຄ່າເສຍຫາຍ, ຈັດສັນ, ຍົກຍ້າຍ ແລະ ຟື້ນຟູຊີວິດການເປັນຢູ່ຂອງປະຊາຊົນຜູ້ໄດ້ຮັບຜົນກະທົບຈາກໂຄງການເຂື່ອນໄຟຟ້ານໍ້າພູນ ເມືອງປາກລາຍ 1 ສະບັບ; ເຂົ້າຮ່ວມກອງປະຊຸມເຜີຍແຜ່ນິຕິກໍາໃຕ້ກົດໝາຍ ທີ່ສູນກາງ ແລະ ທ້ອງຖິ່ນຈັດຂຶ້ນ ໄດ້  4 ຄັ້ງມີ 4 ສະບັບ.
ສະພາປະຊາຊົນແຂວງ ໄດ້ເອົາໃຈໃສ່ຄົ້ນຄວ້າບັນຫາສໍາຄັນຂອງແຂວງ ໂດຍຜ່ານກົນໄກການດໍາເນີນກອງປະຊຸມສະໄໝສາມັນ ເທື່ອທີ 4 ແລະ ເທື່ອທີ 5 ຂອງສະພາປະຊາຊົນແຂວງ ຊຸດທີ II ມີ 21 ເນື້ອໃນ ແລະ ຮັບຮອງເອົາມະຕິ  19 ສະບັບ, ຜ່ານກົນໄກການດໍາເນີນກອງປະຊຸມຄະນະປະຈໍາສະພາປະຊາຊົນແຂວງ  15 ຄັ້ງ, ມີ 120 ເນື້ອໃນ, ພິຈາລະນາຕົກລົງອອກເປັນມະຕິ  13 ສະບັບ; ໃນນີ້ ວຽກງານສະພາປະຊາຊົນແຂວງ  1 ສະບັບ, ອົງການປົກຄອງແຂວງ 12 ສະບັບ; ພ້ອມນີ້, ຍັງໄດ້ດໍາເນີນກອງປະຊຸມຄົບຄະນະ ປະຈໍາປີ 2023 ຂອງ 3 ຄະນະກໍາມະການ ແລະ ຄະນະເລຂາທິການ ເພື່ອຄົ້ນຄວ້າບັນຫາສໍາຄັນພື້ນຖານ ສະໜອງຂໍ້ມູນຮັບໃຊ້ກອງປະຊຸມສະໄໝສາມັນ ເທື່ອທີ 6 ຂອງສະພາປະຊາຊົນແຂວງ ຊຸດທີ IIແລະວຽກງານອື່ນໆອີກ.
ສໍາລັບວຽກຕິດຕາມກວດການັ້ນ ສະພາປະຊາຊົນແຂວງໄດ້ເຄື່ອນໄຫວຕິດຕາມ ຊຸກຍູ້ການຈັດຕັ້ງປະຕິບັດລັດຖະທໍາມະນູນ, ກົດໝາຍ,ນິຕິກໍາໃຕ້ກົດໝາຍ,ແຜນພັດທະນາເສດຖະກິດ-ສັງຄົມແຜນງົບປະມານແຫ່ງລັດ,ມະຕິກອງປະຊຸມສະພາແຫ່ງຊາດ,ສະພາປະຊາຊົນແຂວງ,ບັນດາໂຄງການລົງທຶນຂອງລັດທີ່ຈັດຕັ້ງປະຕິບັດຢູ່ແຂວງໄຊຍະບູລີ;ຕິດຕາມການຈັດຕັ້ງປະຕິບັດນະໂຍບາຍ ແລະ ຕິດຕາມວຽກງານຟື້ນຟູປ່າໄມ້,ການສົ່ງເສີມການຜະລິດກະສິກຳ,ການຄຸ້ມຄອງລາຄາສິນຄ້າ ແລະ ຕິດຕາມການນໍາເຂົ້າ-ສົ່ງອອກສິນຄ້າຢູ່ບັນດາດ່ານສາກົນ ມີ6 ຄັ້ງ.
ນອກນີ້,ຍັງໄດ້ຕິດຕາມ,ກວດກາ,ຊຸກຍູ້ການຈັດຕັ້ງປະຕິບັດພາລະບົດບາດ ຂອງຄະນະສະມາຊິກສະພາປະຊາຊົນແຂວງປະຈຳເຂດເລືອກຕັ້ງ ຢູ່ 10 ເມືອງ ແລະ ຕິດຕາມກວດກາຄຸ້ມຄອງວຽກງານສາສະ
ໜາ ໄດ້ 4 ເມືອງ (ເມືອງຊຽງຮ່ອນ,ເມືອງເງິນ,ເມືອງພຽງ ແລະ ເມືອງປາກລາຍ); ເຊື່ອມຊຶມ ແລະ ຜັນຂະຫຍາຍຄໍາແນະນໍາຂອງຄະນະປະຈໍາສະພາແຫ່ງຊາດ ເລກທີ 04/ຄປຈ, ລົງວັນທີ 18 ກໍລະກົດ 2022 ວ່າດ້ວຍການຮັບຮອງເອົາແຜນການຕິດຕາມກວດກາ ສອງວາລະແຫ່ງຊາດ ມາເປັນແຜນການເຄື່ອນໄຫວລະອຽດຂອງຕົນ ເພື່ອລົງຕິດຕາມກວດກາການຈັດຕັ້ງປະຕິບັດ ສອງວາລະດັ່ງກ່າວ, ຕາມນິຕິກໍາຂອງສູນກາງ, ຂອງແຂວງ ແລະ ເມືອງ ວາງອອກ ຢູ່ພະແນກການທີ່ກ່ຽວຂ້ອງ ແລະ ບັນດາເມືອງໄດ້ 8 ຄັ້ງ;ໃນລະຫວ່າງ ກອງປະຊຸມສະໄໝສາມັນ ເທື່ອທີ 4-5 ຂອງສະພາແຫ່ງຊາດ ແລະ ສະພາປະຊາຊົນແຂວງ ໄດ້ເກັບກໍາ-ສັງລວມ ວິເຄາະຂໍ້ມູນ ຄໍາສະເໜີ, ສາຍດ່ວນ ຂອງປະຊາຊົນ ແລະ ສົ່ງໃຫ້ອົງການປົກຄອງແຂວງ,  ຄົ້ນຄວ້າແກ້ໄຂ 240 ເລື່ອງ, ຍັງ 17 ເລື່ອງ (ພວມສືບຕໍ່ຊຸກຍູ້ພາກສ່ວນກ່ຽວຂ້ອງແກ້ໄຂ 17 ເລື່ອງມີ 4 ພາກສ່ວນຄື: 1) ຫ້ອງວ່າການແຂວງ 7 ເລື່ອງ, 2) ພະແນກສຶກສາທິການ ແລະ ກິລາ 8 ເລື່ອງ 3) ກປສ ແຂວງ 1 ເລື່ອງ ແລະ  4) ບໍລິສັດ ລາວໂທລະຄົມ 1 ເລື່ອງ; ໄດ້ຮັບຄໍາຮ້ອງຂໍຄວາມເປັນທໍາຂອງປະຊາຊົນ10 ເລື່ອງ,ຄົ້ນຄວ້າ,ພິຈາລະນາ, ແກ້ໄຂ ສໍາເລັດ 9 ເລື່ອງ,ພວມສືບຕໍ່ຄົ້ນຄວ້າ 1 ເລື່ອງ; ຕ້ອນຮັບ ແລະ ໃຫ້ຄໍາປຶກສາດ້ານກົດໝາຍໃຫ້ປະຊາຊົນ ມີ 12 ຄັ້ງ 18 ເທື່ອຄົນຍິງ 4 ເທື່ອຄົນ,ພ້ອມດຽວກັນນີ້,ຍັງໄດ້ຈັດກອງປະຊຸມຮ່ວມອົງການປົກຄອງແຂວງ,ເມືອງ ເພື່ອສະຫຼຸບຕີລາຄາການຈັດຕັ້ງປະຕິບັດວຽກງານຄົ້ນຄວ້າ,ແກ້ໄຂຄໍາຮ້ອງ,ຄໍາສະເໜີ (ແຕ່ປີ 2021-2023) ແລະ ຮ່ວມກັນວາງກໍານົດທິດທາງແຜນການແກ້ໄຂແຕ່ນີ້ຮອດທ້າຍສະໄໝ (2023-2025).
ສະພາປະຊາຊົນແຂວງ, ຄະນະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງ ປະສານສົມທົບກັບອົງການປົກຄອງເມືອງ ປະຕິບັດພາລະບົດບາດ, ສິດ ແລະ ໜ້າທີ່ ໃນການລົງເຜີຍແຜ່ຜົນສໍາເລັດກອງປະຊຸມສະໄໝສາມັນ ເທື່ອທີ 4 ແລະ ເທື່ອທີ 5 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II ທັງໝົດ 254 ຈຸດ, 118 ບ້ານ ມີຜູ້ເຂົ້າຮ່ວມທັງໝົດ 39.704 ຄົນຍິງ23.130 ຄົນ ແລະ ໄດ້ຮັບຄໍາສະເໜີຈາກຜູ້ມີສິດເລືອກຕັ້ງ 234 ເລື່ອງ; ນອກນັ້ນ ສະມາຊິກສະພາປະຊາຊົນແຂວງ ໄດ້ສົມທົບ ກັບ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 7 ໃນການລະດົມທຶນຊ່ວຍເຫຼືອພາກສ່ວນຕ່າງໆ ເປັນຕົ້ນແມ່ນ: ເຄື່ອງກິລາ, ອຸປະກອນການຮຽນ ແລະ ວັດສະດຸກໍ່ສ້າງ ມອບໃຫ້ບັນດາເມືອງ,ກົມກອງ,ບ້ານ, ໂຮງຮຽນ ລວມມູນຄ່າ 697 ລ້ານກວ່າກີບ.

ຄໍາເຫັນ

ຂ່າວການເມືອງ

ກອງປະຊຸມໃຫຍ່ຜູ້ແທນສະມາຊິກພັັກ ຄັ້ງທີ VI ອົງຄະນະພັກກະຊວງຍຸຕິທໍາ

ກອງປະຊຸມໃຫຍ່ຜູ້ແທນສະມາຊິກພັັກ ຄັ້ງທີ VI ອົງຄະນະພັກກະຊວງຍຸຕິທໍາ

ກອງປະຊຸມໃຫຍ່ ຜູ້ແທນສະມາຊິກພັັກ ຄັ້ງທີ VI ຂອງອົງຄະນະພັກກະຊວງຍຸຕິທໍາ ໄດ້ເປີດຂຶ້ນຢ່າງເປັນທາງການ ໃນຕອນເຊົ້າວັນທີ 28 ສິງຫານີ້ ທີ່ໂຮງແຮມລາດຊະວົງວັນດ້າ ວິສຕ້ານະຄອນຫຼວງວຽງຈັນ ພາຍໃຕ້ການເປັນປະທານຂອງ ສະຫາຍ ໄພວີ ສີບົວລິພາ ກໍາມະການສູນກາງພັກ ເລຂາຄະນະບໍລິຫານງານພັກກະຊວງຍຸຕິທໍາ, ເປັນກຽດເຂົ້າຮ່ວມຂອງ ສະຫາຍ ນາງ ສີໃສ ລືເດດມູນສອນ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ຫົວໜ້າຄະນະຈັດຕັ້ງສູນກາງພັກ, ມີຄະນະປະຈໍາພັກກະຊວງ, ຄະນະບໍລິຫານງານພັກກະຊວງ, ອະດີດການນໍາຂອງກະຊວງຍຸຕິທໍາ, ບັນດາຜູ້ແທນອົງຄະນະພັກກະຊວງຍຸຕິທໍາ, ພ້ອມດ້ວຍແຂກຖືກເຊີນກ່ຽວຂ້ອງເຂົ້າຮ່ວມ.
ໄຂກອງປະຊຸມໃຫຍ່ຜູ້ແທນອົງຄະນະພັກແຂວງເຊກອງ ຄັ້ງທີ XI

ໄຂກອງປະຊຸມໃຫຍ່ຜູ້ແທນອົງຄະນະພັກແຂວງເຊກອງ ຄັ້ງທີ XI

ກອງປະຊຸມໃຫຍ່ຜູ້ແທນອົງຄະນະພັກແຂວງເຊກອງ ຄັ້ງທີ XI ໄຂຂຶ້ນຢ່າງເປັນທາງການໃນວັນທີ 28 ສິງຫານີ້, ທີ່ສະໂມສອນໃຫຍ່ຂອງແຂວງ ພາຍໃຕ້ການເປັນປະທານຂອງສະຫາຍ ບຸນຫຼາຍ ບຸດທິ ຮັກສາການແທນເລຂາພັກແຂວງ ຮັກສາການແທນເຈົ້າແຂວງເຊກອງ,ເປັນກຽດເຂົ້າຮ່ວມຂອງສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີແຫ່ງສປປ ລາວ, ສະຫາຍ ຄໍາພັນ ເຜີຍຍະວົງ ຄະນະເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ, ມີແຂກຖືກເຊີນຈາກສູນກາງ, ແຂວງອ້ອມຂ້າງ ພ້ອມດ້ວຍພະນັກງານປະຕິວັດອາວຸໂສບໍານານເຂົ້າຮ່ວມ.
ກອງປະຊຸມໃຫຍ່ ຜູ້ແທນສະມາຊິກພັກ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ກອງປະຊຸມໃຫຍ່ ຜູ້ແທນສະມາຊິກພັກ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ໃນຕອນເຊົ້າຂອງວັນທີ 26 ສິງຫາ ນີ້ ທີ່ ສູນຮ່ວມມືສາກົນ ແລະ ການຝຶກອົບຮົມ (ICTC) ໄດ້ດໍາເນີນກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ (ກຕສ), ພາຍໃຕ້ການເປັນປະທານຂອງ ສະຫາຍ ບໍ່ວຽງຄໍາ ວົງດາລາ ກໍາມະການສູນກາງພັກ ເລຂາຄະນະບໍລິຫານງານພັກ ລັດຖະມົນຕີກະຊວງເຕັກໂນໂລຊີ ແລະ ການສື່ສານ, ໃຫ້ກຽດເຂົ້າຮ່ວມໂດຍ ສະຫາຍ ພົນເອກ ວິໄລ ຫຼ້າຄໍາຟອງ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ ປະທານຄະນະຄຸ້ມຄອງອິນເຕີເນັດແຫ່ງຊາດ, ພ້ອມດ້ວຍສະມາຊິກພັກ-ແຂກຖືກເຊີນເຂົ້າຮ່ວມ.
ສະຫາຍ ທອງລີ ສີສຸລິດ ເປັນເລຂາ ຄຊປປລ ສະໄໝທີ IX

ສະຫາຍ ທອງລີ ສີສຸລິດ ເປັນເລຂາ ຄຊປປລ ສະໄໝທີ IX

ກອງປະຊຸມໃຫຍ່ ຜູ້ແທນຊາວໜຸ່ມທົ່ວປະເທດ ຄັ້ງທີ IX ໄດ້ເຫັນດີເປັນເອກະສັນເລືອກຕັ້ງເອົາ ສະຫາຍ ທອງລີ ສີສຸລິດ ເປັນເລຂາຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ (ຄຊປປລ) ສະໄໝທີ IX. ກອງປະຊຸມດັ່ງກ່າວ ໄດ້ປິດລົງດ້ວຍຜົນສໍາເລັດອັນຈົບງາມໃນວັນທີ 26 ສິງຫານີ້ ທີ່ຫໍປະຊຸມແຫ່ງຊາດ ໂດຍເປັນກຽດເຂົ້າຮ່ວມຂອງ ສະຫາຍ ບຸນທອງ ຈິດມະນີ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດແຫ່ງ ສປປ ລາວ, ໂດຍການເປັນປະທານຂອງ ສະຫາຍ ມອນໄຊ ລາວມົວຊົ່ງ ກໍາມະການສໍາຮອງສູນກາງພັກ ເລຂາ ຄຊປປລ, ມີບັນດາການນໍາພັກ-ລັດ, ພະນັກງານອາວຸໂສ-ບໍານານ, ບັນດາສະຫາຍຜູ້ແທນສົມບູນ ພ້ອມດ້ວຍແຂກທີ່ຖືກເຊີນເຂົ້າຮ່ວມ.
ສະຫາຍ ສອນທະນູ ທຳມະວົງ ໄດ້ຮັບເລືອກເປັນເລຂາຄະນະບໍລິຫານງານພັກແຂວງບໍລິຄຳໄຊ  ຄັ້ງທີ VIII

ສະຫາຍ ສອນທະນູ ທຳມະວົງ ໄດ້ຮັບເລືອກເປັນເລຂາຄະນະບໍລິຫານງານພັກແຂວງບໍລິຄຳໄຊ ຄັ້ງທີ VIII

ກອງປະຊຸມໃຫຍ່ຜູ້ແທນອົງຄະນະພັກແຂວງບໍລິຄຳໄຊ ຄັ້ງທີ VIII ໄດ້ເປີດຂຶ້ນໃນວັນທີ 25 ສິງຫາ ແລະ ປິດລົງດ້ວຍຜົນສຳເລັດຢ່າງຈົບງານ ໃນວັນທີ 26 ສິງຫານີ້ ທີ່ຫ້ອງປະຊຸມຫ້ອງວ່າການແຂວງ ໃຫ້ກຽດເຂົ້າຮ່ວມໂດຍ ສະຫາຍ ນາງ ສີໃສ ລືເດດມູນສອນ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ຫົວໜ້າຄະນະຈັດຕັ້ງສູນກາງພັກ, ມີບັນດາສະຫາຍຄະນະພັກ,ສະມາຊິກພັກ ແລະ ແຂກຖືກເຊີນ ທີ່ມາຈາກສູນກາງ ແລະ ຕາງໜ້າຄະນະລິຫານງານພັກນະຄອນຫຼວງ, ແຂວງວຽງຈັນ, ແຂວງໄຊສົມບູນ, ແຂວງຊຽງຂວາງ ແລະ ແຂວງຄຳມ່ວນ ເຂົ້າຮ່ວມ.
ສະຫາຍ ວຽງສະຫວັດ ສີພັນດອນ ຖືກເລືອກເປັນເລຂາຄະນະບໍລິຫານງານພັກແຂວງ ຫຼວງນໍ້າທາ

ສະຫາຍ ວຽງສະຫວັດ ສີພັນດອນ ຖືກເລືອກເປັນເລຂາຄະນະບໍລິຫານງານພັກແຂວງ ຫຼວງນໍ້າທາ

ໃນວັນທີ 25-26 ສິງຫາ 2025 ນີ້ ແຂວງຫຼວງນໍ້າທາ ໄດ້ຈັດກອງປະຊຸມໃຫຍ່ ຜູ້ແທນອົງຄະນະພັກ ຄັ້ງທີ IX ຂຶ້ນ ທີ່ຫໍວັດທະນະທຳແຂວງ ໂດຍການເປັນປະທານຂອງສະຫາຍ ວຽງສະຫວັດ ສີພັນດອນ ກຳມະການສູນກາງພັກ, ເລຂາຄະນະບໍລິຫານງານພັກແຂວງຫຼວງນໍ້າທາ, ໃຫ້ກຽດເຂົ້າຮ່ວມໂດຍ ສະຫາຍ ຄຳພັນ ພົມມະທັດ ກຳມະການກົມການເມືອງສູນກາງພັກ,ຄະນະເລຂາທິການສູນກາງພັກ, ປະທານຄະນະກວດກາສູນກາງພັກ, ປະທານອົງການກວດກາແຫ່ງລັດ, ຜູ້ຊີ້ນຳແຂວງ ຫຼວງນໍ້າທາ,ມີຜູ້ຕາງໜ້າຈາກຄະນະຈັດຕັ້ງສູນກາງພັກ,ຫ້ອງວ່າການສູນກາງພັກ, ຄະນະກວດກາສູນກາງພັກ, ບັນດາສະຫາຍຄະນະປະຈຳພັກແຂວງ, ກຳມະການພັກແຂວງ, ພະນັກງານອະວຸໂສບຳນານ, ຜູ້ແທນສົມບູນ ແລະ ແຂກຖືກເຊີນເຂົ້າຮ່ວມ
ກອງປະຊູມໃຫ່ຍຜູ້ແທນອົງຄະນະພັກແຂວງຫຼວງນໍ້າທາ ຄັ້ງທີ IX ໄຂຂຶ້ນຢ່າງເປັນທາງການ

ກອງປະຊູມໃຫ່ຍຜູ້ແທນອົງຄະນະພັກແຂວງຫຼວງນໍ້າທາ ຄັ້ງທີ IX ໄຂຂຶ້ນຢ່າງເປັນທາງການ

ກອງປະຊູມໃຫ່ຍຜູ້ແທນອົງຄະນະພັກແຂວງຫຼວງນໍ້າທາຄັ້ງທີ IX ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 25 ສິງຫານີ້ ໂດຍພາຍໃຕ້ການເປັນປະທານຂອງ ສະຫາຍ ວຽງສະຫວັດ ສີພັນດອນ ກຳມະການສຸນກາງພັກ ເລຂາຄະນະບໍລີຫານງານພັກແຂວງ ເຈົ້າແຂວງຫຼວງນໍ້າທາ, ໃຫ້ກຽດເຂົ້າຮ່ວມໂດຍ ສະຫາຍ ຄຳພັນ ພົມມະທັດ ກຳມະການກົມການເມືອງ ເລຂາທິການສູນກາງພັກ ປະທານຄະນະກວດກາສູນກາງພັກ ປະທານອົງການກວດກາແຫ່ງລັດ, ມີການນຳຂັ້ນສຸນກາງ. ຂັ້ນແຂວງ, ແຂກຖືກເຊີນ, ແລະ ຜູ້ແທນສົມບູນເຂົ້າຮ່ວມ ທັງໝົດມີ 261 ສະຫາຍ ຍິງ 34 ສະຫາຍ ທີ່ເປັນຕົວແທນໃຫ້ແກ່ສະມາຊີກພັກທົ່ວແຂວງຫຼວງນໍ້າທາ.
ກອງປະຊຸມໃຫຍ່ຜູ້ແທນອົງຄະນະພັກແຂວງບໍລິຄຳໄຊ ຄັ້ງທີ VIII

ກອງປະຊຸມໃຫຍ່ຜູ້ແທນອົງຄະນະພັກແຂວງບໍລິຄຳໄຊ ຄັ້ງທີ VIII

ກອງປະຊຸມໃຫຍ່ຜູ້ແທນອົງຄະນະພັກແຂວງບໍລິຄຳໄຊ ຄັ້ງທີ VIII ໄດ້ເປີດຂຶ້ນໃນວັນທີ 25 ສິງຫານີ້ ທີ່ຫ້ອງປະຊຸມຫ້ອງວ່າການແຂວງ ໂດຍການເປັນປະທານຂອງ ສະຫາຍ ສອນທະນູ ທໍາມະວົງ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງບໍລິຄຳໄຊ, ເປັນກຽດເຂົ້າຮ່ວມໂດຍ ສະຫາຍ ນາງ ສີໃສ ລືເດດມູນສອນ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ຫົວໜ້າຄະນະຈັດຕັ້ງສູນກາງພັກ, ມີບັນດາສະຫາຍຄະນະພັກ, ສະມາຊິກພັກ ແລະ ແຂກທີ່ຖືກເຊີນ ທີ່ມາຈາກສູນກາງ ແລະ ຕາງໜ້າຄະນະລິຫານງານພັກນະຄອນຫຼວງ, ແຂວງວຽງຈັນ, ແຂວງໄຊສົມບູນ, ແຂວງຊຽງຂວາງ ແລະ ແຂວງຄຳມ່ວນ ເຂົ້າຮ່ວມ.
ກອງປະຊຸມໃຫຍ່ ສະມາຊິກພັກ ອົງຄະນະພັກອົງການກວດສອບແຫ່ງລັດ ຄັ້ງທີ III

ກອງປະຊຸມໃຫຍ່ ສະມາຊິກພັກ ອົງຄະນະພັກອົງການກວດສອບແຫ່ງລັດ ຄັ້ງທີ III

ກອງປະຊຸມໃຫຍ່ສະມາຊິກພັກ ຄັ້ງທີ III ອົງຄະນະພັກ ອົງການກວດສອບແຫ່ງລັດ ໄດ້ເປີດຂຶ້ນຢ່າງເປັນທາງການໃນຕອນເຊົ້າວັນທີ 25 ສິງຫາ ນີ້ ທີ່ ນະຄອນຫຼວງວຽງຈັນ ໂດຍພາຍໃຕ້ການເປັນປະທານຂອງ ສະຫາຍ ວຽງທະວີສອນ ເທບພະຈັນ ກໍາມະການສຳຮອງສູນກາງພັກ ເລຂາຄະນະບໍລິຫານງານພັກ ອົງການກວດສອບແຫ່ງລັດ, ໃຫ້ກຽດເຂົ້າຮ່ວມໂດຍ ສະຫາຍ ພົນເອກ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ, ສະຫາຍ ນາງ ວຽງທອງ ສີພັນດອນ ຄະນະເລຂາທິການສູນກາງພັກ ປະທານສານປະຊາຊົນສູງສຸດ, ມີແຂກຖືກເຊີນ, ຜູ້ແທນກອງປະຊຸມ ແລະ ພະນັກງານປະຕິວັດອາວຸໂສບຳນານ ເຂົ້າຮ່ວມ.
ສສຊ ແລະ ສສ ນວ ລົງພົບປະຜູ້ມີສິດເລືອກຕັ້ງ ຢູ່ເມືອງໄຊທານີ

ສສຊ ແລະ ສສ ນວ ລົງພົບປະຜູ້ມີສິດເລືອກຕັ້ງ ຢູ່ເມືອງໄຊທານີ

ໃນວັນທີ 22 ສິງຫານີ້, ບັນດາສະມາຊິກສະພາແຫ່ງຊາດ (ສສຊ) ແລະ ສະມາຊິກສະພາປະຊາ ຊົນ ນະຄອນຫຼວງວຽງຈັນ (ສສ ນວ), ນຳໂດຍ ທ່ານ ບຸນຕາ ເທບພະວົງ ສະມາຊິກສະພາແຫ່ງຊາດຊຸດທີ IX ປະຈຳເຂດເລືອກຕັ້ງທີ 1 ນະຄອນຫຼວງວຽງຈັນ ປະທານກຳມາທິການວັດທະນະທຳ-ສັງຄົມ ສະພາແຫ່ງຊາດ ໄດ້ລົງພົບປະຜູ້ມີສິດເລືອກຕັ້ງ ແລະ ເຜີຍແຜ່ຜົນສຳເລັດ ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX, ສະພາປະຊາຊົນນະຄອນຫຼວງວຽງຈັນ ຊຸດທີ IV ທີ່ສະໂມສອນປົກຄອງເມືອງໄຊທານີ ນະຄອນຫຼວງວຽງງຈັນ ຊຶ່ງມີຮອງເລຂາພັກເມືອງ, ຮອງເຈົ້າເມືອງ, ຫົວໜ້າຫ້ອງການ, ຮອງຫົວໜ້າຫ້ອງການ, ນາຍ-ພົນຕຳຫຼວດ, ນາຍ-ພົນທະຫານ ແລະ ພະນັກງານ-ລັດຖະກອນພາຍໃນເມືອງດັ່ງກ່າວເຂົ້າຮ່ວມ.
ເພີ່ມເຕີມ