ຫວ່າງບໍ່ດົນມານີ້ທີ່ນະຄອນຫຼວງຮ່າໂນ້ຍ, ສະຖານທູດລາວປະຈຳສສຫວຽດນາມໄດ້ຈັດພິທີມອບ-ຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2023 ໃຫ້ແກ່ໜ່ວຍພັກສະຖານທູດລາວ ທີ່ນະຄອນຫຼວງຮ່າໂນ້ຍ ແລະ ໜ່ວຍພັກສະຖານກົງສູນໃຫຍ່ລາວ ປະຈຳນະຄອນດາໜັງ ສສ ຫວຽດນາມ. ໃຫ້ກຽດມອບໃບຢັ້ງຢືນຄັ້ງນີ້ແມ່ນສະຫາຍໄມທອງ ທໍາມະວົງສາກຳມະການຄະນະພັກກະຊວງຫົວໜ້າກົມຈັດຕັ້ງ ແລະ ພະນັກງານ ກະຊວງການຕ່າງປະເທດແຫ່ງສປປລາວໂດຍການເຂົ້າຮ່ວມເປັນສັກຂີພິຍານຂອງສະຫາຍນາງຄຳເພົາເອີນທະວັນເລຂາຄະນະພັກຮາກຖານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສປປລາວປະຈຳສສຫວຽດນາມພ້ອມດ້ວຍຄະນະໜ່ວຍພັກແລະສະມາຊິກພັກສະຖານທູດແລະສະຖານກົງສູນໃຫຍ່ລາວປະຈຳສສຫວຽດນາມ.
ໜ່ວຍພັກສະຖານທູດລາວ ແລະ ໜ່ວຍພັກສະຖານກົງສູນໃຫຍ່ລາວ ປະຈຳນະຄອນດາໜັງສສຫວຽດນາມເປັນໜ່ວຍພັກຂຶ້ນກັບຄະນະພັກຮາກຖານສະຖານທູດລາວປະຈຳສສຫວຽດນາມແມ່ນໄດ້ມີຜົນງານພົ້ນເດັ່ນຫຼາຍດ້ານໃນການປະຕິບັດໜ້າທີ່ກໍຄືທິດທາງແຜນການຂອງປີທີ່ວາງໄວ້. ປີ 2023 ແມ່ນໄດ້ຮັບໃບຢັ້ງຢືນເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ເປັນປີທີ 4 ຕິດຕໍ່ກັນ.
ຂ່າວ - ພາບ: ສະຖານທູດລາວປະຈຳຫວຽດນາມ
ຄໍາເຫັນ