ງານພົບປະຕັ້ງຄ້າຍເຍົາວະຊົນທັນວາ 5 ແຂວງພາກກາງ ຄັ້ງທີ X ທີ່ແຂວງສະຫວັນນະເຂດ ໄດ້ຮັບກຽດເປັນເຈົ້າພາບ ພາຍໃຕ້ຫົວຂໍ້: ເຍົາວະຊົນຍຸກໃໝ່ໃສ່ໃຈການສຶກສາ ພັດທະນາສິ່ງແວດລ້ອມ ກຽມພ້ອມຕ້ານຢາເສບຕິດໄດ້ຈັດຂຶ້ນໃນວັນທີ 20 ທັນວາ ຜ່ານມາ ທີ່ຫໍວັດທະນະທຳ ໄກສອນ ພົມວິຫານ ໂດຍການເປັນປະທານຂອງທ່ານ ພູວັງ ເກດແກ້ວພົມພອນ ຮອງເລຂາພັກແຂວງ ຜູ້ຊີ້ນຳວຽກງານການເມືອງ-ແນວຄິດ ວຽກພັກ-ພະນັກງານ ແລະ ອົງການຈັດຕັ້ງມະຫາຊົນຂັ້ນແຂວງ, ມີທ່ານ ທອງຈັນ ພູມີພັນ ຮອງເລຂາຄະນະບໍລິຫານງານສູນກາງຊາວໜຸ່ມປະຊາ ຊົນປະຕິວັດລາວ (ສຊປປລ), ທ່ານ ປະສົງສິນ ຈະເລີນສຸກ ເຈົ້ານະຄອນໄກສອນ ພົມວິຫານ, ມີເລຂາ-ຮອງເລຂາຄະນະບໍລິຫານງານຊາວໜຸ່ມ 5 ແຂວງ (ສະຫວັນນະເຂດ, ນະຄອນຫຼວງວຽງຈັນ, ວຽງຈັນ, ບໍລິຄຳໄຊ, ຄຳມ່ວນ), ຊາວໜຸ່ມເມືອງ-ນະຄອນ-ພະແນກການ, ສະມາຊິກຊາວໜຸ່ມ-ເຍົາວະຊົນກ່ຽວຂ້ອງເຂົ້າຮ່ວມ.
ທ່ານນາງ ບັງອອນ ພິມມະສານ ວ່າການເລຂາຄະນະບໍລິຫານງານຊາວໜຸ່ມແຂວງ ໄດ້ລາຍງານການຫ້າງຫາກະກຽມງານພົບປະ-ຕັ້ງຄ້າຍເຍົາວະຊົນທັນວາ ຄັ້ງທີ X ຂອງ 5 ແຂວງພາກກາງ. ຈາກນັ້ນ, ທ່ານ ພູວັງ ເກດແກ້ວພົມພອນ ກ່າວວ່າ: ການຈັດງານຄັ້ງນີ້ເພື່ອເປັນການຫວນຄືນມູນເຊື້ອຂອງອົງການຈັດຕັ້ງເຍົາວະຊົນທັນວາຊຶ່ງແມ່ນອົງການຈັດຕັ້ງໜຶ່ງຂອງພັກ, ເປັນອົງການຈັດຕັ້ງສູງສຸດຂອງເດັກນ້ອຍລາວບັນດາເຜົ່າ, ມີໜ້າທີ່ເຕົ້າໂຮມຄວາມສາມັກຄີເພື່ອຝຶກຝົນຫຼໍ່ຫຼອມເຍົາວະຊົນ-ອະນຸຊົນທີ່ມີອາຍຸນັບແຕ່ 6-14 ປີໃຫ້ກາຍເປັນກຳລັງແຮງທີ່ເຂັ້ມແຂງຂອງປະເທດຊາດ ກາຍເປັນກຳລັງຜູ້ສືບທອດເສີມຂະຫຍາຍມູນເຊື້ອອັນດີງາມຂອງບັນພະບູລຸດ ເພື່ອປະກອບສ່ວນສະຕິປັນຍາ, ເຫື່ອແຮງຂອງຕົນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາໃຫ້ກາຍເປັນລູກຮັກຫຼານແພງຂອງພໍ່ແມ່, ເປັນນັກຮຽນດີຂອງຄູ-ອາຈານ, ເປັນຊາວໜຸ່ມທີ່ດີໃນອະນາຄົດ, ກາຍເປັນຜູ້ສືບທອດທີ່ດີຂອງພັກ-ລັດ, ເປັນພົນລະເມືອງດີຂອງປະເທດຊາດ, ນຳພາປະເທດຊາດກ້າວຂຶ້ນສູ່ສັງຄົມນິຍົມ ຕາມອຸດົມການຂອງພັກທີ່ກຳນົດໄວ້.
ການຈັດງານໃນຄັ້ງນີ້ໄດ້ມີການແລກປ່ຽນບົດຮຽນຊຶ່ງກັນ ແລະ ກັນທາງດ້ານກິດຈະກຳຕ່າງໆເຊັ່ນ: ແບບ ແຜນຂອງກອງເຍົາວະຊົນທັນວາ, ບົດຟ້ອນ, ບົດເພງ, ບົດລະຄອນສັ້ນ, ຟັງທຳມະເທສະໜາ, ກິດຈະກຳຖາມ-ຕອບຄວາມຮູ້ຮອບຕົວ, ການສະແດງສິລະປະ-ວັນນະຄະດີ ແລະ ທັດສະນະສຶກສາສະຖານທີ່ສຳຄັນຕ່າງໆທາງປະຫວັດ ສາດ; ກິດຈະກຳດັ່ງກ່າວນີ້ເປັນການພັດທະນາໃຫ້ເຍົາວະຊົນ-ອະນຸຊົນທັນວາຕັ້ງແຕ່ເຍົາໄວ, ສົ່ງເສີມໃຫ້ມີຄວາມຮູ້, ຄວາມສາມາດ, ກ້າຄິດ, ກ້າເຮັດ, ກ້າສະແດງອອກຢ່າງມີຫົວຄິດປະດິດສ້າງ; ໃນນາມຕາງໜ້າການນໍາຂອງແຂວງ ຂໍສະແດງຄວາມຍິນດີຕ້ອນຮັບບັນດາທ່ານແຂກທີ່ມີກຽດທັງໝົດເຂົ້າສູ່ງານພົບປະ-ຕັ້ງຄ້າຍເຍົາວະຊົນທັນວາ 5 ພາກກາງຄັ້ງທີ X ທີ່ແຂວງສະຫວັນນະເຂດ ເປັນເຈົ້າພາບຈັດໃນປີ 2023 ແລະ ຂໍເຊີນຊວນບັນດາທ່ານແຂກທັງໝົດທີ່ມາຮ່ວມງານຄັ້ງນີ້, ທ່ຽວຊົມແຂວງຂອງພວກເຮົາ ຊຶ່ງມີສະຖານທີ່ທ່ອງທ່ຽວຫຼາຍແຫ່ງເຊັ່ນ: ພະທາດອີງຮັງ, ພະທາດໂຜ່ນ, ຫໍໄຕປີດົກ, ດົງລີງ, ເຮືອນຫີນ ແລະ ແຫ່ງອື່ນໆ. ພ້ອມດຽວກັນນີ້, ບັນດາທ່ານຄະນະປະທານ, ແຂກ, ຜູ້ແທນ ແລະ ເຍົາວະຊົນ ຍັງໄດ້ຮັບຟັງການເລົ່າຄືນມູນເຊື້ອປະຫວັດຄວາມເປັນມາຂອງການພົບປະ-ຕັ້ງຄ້າຍເຍົາວະຊົນທັນວາ. ຈາກນັ້ນ, ຍັງໄດ້ເຂົ້າຊົມການສະແດງກິດຈະກຳຕ່າງໆພາຍໃນຄ້າຍຈຳລອງ ແລະ ຍັງໄດ້ມີພິທີບາສີສູ່ ຂວັນແຂກທີ່ເຂົ້າຮ່ວມງານນຳອີກ, ຊຶ່ງງານຕັ້ງຄ້າຍເຍົາວະຊົນທັນວາ ຈະໄດ້ດຳເນີນໄປເປັນເວລາ 3 ວັນນັບແຕ່ວັນທີ 20-22 ທັນວາ 2023.
ຂ່າວ-ພາບ: ສະຫວັນນະເຂດ
ທ່ານນາງ ບັງອອນ ພິມມະສານ ວ່າການເລຂາຄະນະບໍລິຫານງານຊາວໜຸ່ມແຂວງ ໄດ້ລາຍງານການຫ້າງຫາກະກຽມງານພົບປະ-ຕັ້ງຄ້າຍເຍົາວະຊົນທັນວາ ຄັ້ງທີ X ຂອງ 5 ແຂວງພາກກາງ. ຈາກນັ້ນ, ທ່ານ ພູວັງ ເກດແກ້ວພົມພອນ ກ່າວວ່າ: ການຈັດງານຄັ້ງນີ້ເພື່ອເປັນການຫວນຄືນມູນເຊື້ອຂອງອົງການຈັດຕັ້ງເຍົາວະຊົນທັນວາຊຶ່ງແມ່ນອົງການຈັດຕັ້ງໜຶ່ງຂອງພັກ, ເປັນອົງການຈັດຕັ້ງສູງສຸດຂອງເດັກນ້ອຍລາວບັນດາເຜົ່າ, ມີໜ້າທີ່ເຕົ້າໂຮມຄວາມສາມັກຄີເພື່ອຝຶກຝົນຫຼໍ່ຫຼອມເຍົາວະຊົນ-ອະນຸຊົນທີ່ມີອາຍຸນັບແຕ່ 6-14 ປີໃຫ້ກາຍເປັນກຳລັງແຮງທີ່ເຂັ້ມແຂງຂອງປະເທດຊາດ ກາຍເປັນກຳລັງຜູ້ສືບທອດເສີມຂະຫຍາຍມູນເຊື້ອອັນດີງາມຂອງບັນພະບູລຸດ ເພື່ອປະກອບສ່ວນສະຕິປັນຍາ, ເຫື່ອແຮງຂອງຕົນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາໃຫ້ກາຍເປັນລູກຮັກຫຼານແພງຂອງພໍ່ແມ່, ເປັນນັກຮຽນດີຂອງຄູ-ອາຈານ, ເປັນຊາວໜຸ່ມທີ່ດີໃນອະນາຄົດ, ກາຍເປັນຜູ້ສືບທອດທີ່ດີຂອງພັກ-ລັດ, ເປັນພົນລະເມືອງດີຂອງປະເທດຊາດ, ນຳພາປະເທດຊາດກ້າວຂຶ້ນສູ່ສັງຄົມນິຍົມ ຕາມອຸດົມການຂອງພັກທີ່ກຳນົດໄວ້.
ການຈັດງານໃນຄັ້ງນີ້ໄດ້ມີການແລກປ່ຽນບົດຮຽນຊຶ່ງກັນ ແລະ ກັນທາງດ້ານກິດຈະກຳຕ່າງໆເຊັ່ນ: ແບບ ແຜນຂອງກອງເຍົາວະຊົນທັນວາ, ບົດຟ້ອນ, ບົດເພງ, ບົດລະຄອນສັ້ນ, ຟັງທຳມະເທສະໜາ, ກິດຈະກຳຖາມ-ຕອບຄວາມຮູ້ຮອບຕົວ, ການສະແດງສິລະປະ-ວັນນະຄະດີ ແລະ ທັດສະນະສຶກສາສະຖານທີ່ສຳຄັນຕ່າງໆທາງປະຫວັດ ສາດ; ກິດຈະກຳດັ່ງກ່າວນີ້ເປັນການພັດທະນາໃຫ້ເຍົາວະຊົນ-ອະນຸຊົນທັນວາຕັ້ງແຕ່ເຍົາໄວ, ສົ່ງເສີມໃຫ້ມີຄວາມຮູ້, ຄວາມສາມາດ, ກ້າຄິດ, ກ້າເຮັດ, ກ້າສະແດງອອກຢ່າງມີຫົວຄິດປະດິດສ້າງ; ໃນນາມຕາງໜ້າການນໍາຂອງແຂວງ ຂໍສະແດງຄວາມຍິນດີຕ້ອນຮັບບັນດາທ່ານແຂກທີ່ມີກຽດທັງໝົດເຂົ້າສູ່ງານພົບປະ-ຕັ້ງຄ້າຍເຍົາວະຊົນທັນວາ 5 ພາກກາງຄັ້ງທີ X ທີ່ແຂວງສະຫວັນນະເຂດ ເປັນເຈົ້າພາບຈັດໃນປີ 2023 ແລະ ຂໍເຊີນຊວນບັນດາທ່ານແຂກທັງໝົດທີ່ມາຮ່ວມງານຄັ້ງນີ້, ທ່ຽວຊົມແຂວງຂອງພວກເຮົາ ຊຶ່ງມີສະຖານທີ່ທ່ອງທ່ຽວຫຼາຍແຫ່ງເຊັ່ນ: ພະທາດອີງຮັງ, ພະທາດໂຜ່ນ, ຫໍໄຕປີດົກ, ດົງລີງ, ເຮືອນຫີນ ແລະ ແຫ່ງອື່ນໆ. ພ້ອມດຽວກັນນີ້, ບັນດາທ່ານຄະນະປະທານ, ແຂກ, ຜູ້ແທນ ແລະ ເຍົາວະຊົນ ຍັງໄດ້ຮັບຟັງການເລົ່າຄືນມູນເຊື້ອປະຫວັດຄວາມເປັນມາຂອງການພົບປະ-ຕັ້ງຄ້າຍເຍົາວະຊົນທັນວາ. ຈາກນັ້ນ, ຍັງໄດ້ເຂົ້າຊົມການສະແດງກິດຈະກຳຕ່າງໆພາຍໃນຄ້າຍຈຳລອງ ແລະ ຍັງໄດ້ມີພິທີບາສີສູ່ ຂວັນແຂກທີ່ເຂົ້າຮ່ວມງານນຳອີກ, ຊຶ່ງງານຕັ້ງຄ້າຍເຍົາວະຊົນທັນວາ ຈະໄດ້ດຳເນີນໄປເປັນເວລາ 3 ວັນນັບແຕ່ວັນທີ 20-22 ທັນວາ 2023.
ຂ່າວ-ພາບ: ສະຫວັນນະເຂດ
ຄໍາເຫັນ