ສາຍພົວພັນມິດຕະພາບ ລາວ-ຈີນ ປຽບເໝືອນເຫຼັກທີ່ຊຸບແລ້ວ ຍິ່ງໜຽວແໜ້ນທົນທານ ແລະ ກ້າວເດີນໄປໜ້າຢ່າງມີໄຊ

ເປັນຫຍັງຜູ້ຂຽນ ຈຶ່ງຍົກຫົວຂໍ້ນີ້ຂຶ້ນມາ, ກໍເພາະວ່າ ມາຮອດປັດຈຸບັນນີ້, ການພົວພັນຈີນ-ລາວແມ່ນຢູ່ໃນໄລຍະກຳລັງຕັ້ງ

ໜ້າຊຸກຍູ້ການສ້າງຄູ່ຮ່ວມຊາ ຕາກຳ ຈີນ-ລາວ ທີ່ມີມາດຕະ ຖານສູງ, ຄຸນນະພາບສູງ ແລະ ລະດັບສູງຂຶ້ນກວ່າເກົ່າ, ຍິ່ງເຮັດ ໃຫ້ການພົວພັນແລກປ່ຽນໃນ ທຸກລະດັບ ນັບມື້ແໜ້ນແຟ້ນຍິ່ງໆຂຶ້ນ, ພ້ອມນັ້ນ ການຮ່ວມມືໃນທຸກຂົງເຂດສືບຕໍ່ລົງເລິກຢ່າງຕໍ່ເນື່ອງ. ນີ້ສ່ອງແສງໃຫ້ເຫັນວ່າ ຍາມໃດປະເທດຈີນກັບປະເທດລາວກໍ ຢຶດໝັ້ນສະໜັບສະໜູນຊຶ່ງກັນ ແລະ ກັນຢ່າງໜັກແໜ້ນໃນບັນ ຫາທີ່ທັງສອງຝ່າຍເອົາໃຈໃສ່ ແລະ ພົວພັນເຖິງຜົນປະໂຫຍດອັນເປັນແກນກາງຂອງກັນ ແລະ ກັນຢ່າງສະເໝີຕົ້ນສະເໝີປາຍ ຊຶ່ງໄດ້ປະກອບສ່ວນເຂົ້າໃນການເພີ່ມທະວີຄວາມມີສະຖຽນລະພາບ ແລະ ຄວາມແນ່ນອນອັນລ້ຳຄ່າຂອງພາກພື້ນ ແລະ ສາກົນ.

ທ່ານ ສີ ຈິ້ນຜິງ ເລຂາທິການໃຫຍ່ ປະທານປະເທດ ແຫ່ງສປ ຈີນ ໄດ້ກ່າວວ່າ: ພັກ ແລະລັດຖະບານຈີນໄດ້ປະຕິບັດຕໍ່ການ ພົວພັນລະຫວ່າງ ຈີນ-ລາວ ຈາກທາງດ້ານຍຸດທະສາດ ແລະ ວິ ໄສທັດໄລຍະຍາວຢ່າງສະເໝີ ຕົ້ນສະເໝີປາຍ, ຖືລາວເປັນທິດທາງທີ່ສຳຄັນໃນວຽກງານການ ຕ່າງປະເທດກັບປະເທດອ້ອມຂ້າງ. ຂ້າພະເຈົ້າຍິນດີສຸມຄວາມ ພະຍາຍາມຮ່ວມກັບທ່ານ ທອງລຸນ ສີສຸລິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ຖືເອົາການສ້າງຕັ້ງສາຍພົວພັນທາງການທູດ ລະ ຫວ່າງຈີນ-ລາວ ຄົບຮອບ 65 ປີ ແລະ “ປີມິດຕະພາບຈີນ-ລາວ” 2026 ເປັນໂອກາດ ເພື່ອຊຸກຍູ້ການຮ່ວມມືທີ່ແທ້ຈິງ ລະ ຫວ່າງສອງປະເທດໃນຂົງເຂດຕ່າງໆໃຫ້ໄດ້ຮັບໝາກ ຜົນຫຼາຍກວ່າເກົ່າ ແລະ ສ້າງຄວາມ

ຜາສຸກໃຫ້ປະຊາຊົນສອງຊາດໃຫ້ດີກວ່າເກົ່າ.

ໃນຂະນະທີ່ທ່ານ ທອງລຸນ ສີສຸລິດ ເລຂາທິການໃຫຍ່ ປະທານ ປະເທດ ແຫ່ງ ສປປ ລາວ ກໍໄດ້ກ່າວວ່າ: ຕະຫຼອດ 65 ປີຜ່ານມາ, ການພົວພັນທີ່ມີໄມຕີຈິດມິດຕະ ພາບລະຫວ່າງສອງພັກ-ສອງລັດ ແລະ ປະຊາຊົນສອງປະເທດໄດ້ກ້າວຂຶ້ນສູ່ລະດັບສູງໃໝ່ຢ່າງບໍ່ຢຸດຢັ້ງ, ການສ້າງຄູ່ຮ່ວມຊາຕາກຳ ລາວ-ຈີນ ໄດ້ຮັບໝາກຜົນທີ່ອຸດົມສົມບູນ. ສະແດງຄວາມຂອບໃຈມາຍັງພັກ, ລັດຖະບານ ແລະ ປະຊາຊົນຈີນທີ່ໄດ້ໃຫ້ການສະໜັບສະໜູນ ແລະ ການຊ່ວຍເຫຼືອອັນລ້ຳຄ່າແກ່ລາວມາເປັນເວລາຍາວນານ, ລາວເຄົາລົບ ແລະ ປະຕິບັດຕາມຫຼັກການປະເທດຈີນດຽວຢ່າງສະເໝີຕົ້ນສະ ເໝີປາຍ, ສະໜັບສະໜູນຈີນປົກປ້ອງຜົນປະໂຫຍດແກນກາງຂອງປະເທດຕົນ, ຍິນດີຮ່ວມກັບຈີນສືບຕໍ່ຈັດຕັ້ງປະຕິບັດແຜນປະຕິບັດງານ 5 ປີສະບັບໃໝ່ຂອງຄູ່ຮ່ວມຊາຕາກຳ ລາວ-ຈີນ ໃຫ້ດີ ເພື່ອເຮັດໃຫ້ມິດຕະພາບອັນເປັນມູນເຊື້ອ ແລະ ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງລາວ-ຈີນ ນັບມື້ແຕກດອກອອກຜົນອັນໃໝ່ຢ່າງບໍ່ຢຸດຢັ້ງ.

ເຊັ່ນດຽວກັນກັບທ່ານ ນາງຟາງ ຫົງ ເອກອັກຄະລັດຖະທູດ ສປ ຈີນ ປະຈຳລາວ ກໍໄດ້ກ່າວໄວ້ວ່າ: ເມື່ອທົບທວນຄືນເສັ້ນທາງມິດຕະພາບ ຈີນ-ລາວ 65 ປີ ຜ່ານມາ ທີ່ໄດ້ຜ່າການທົດສອບຈາກສະພາບການສາກົນ ແຕ່ຍັງຄົງຮັກສາອຸດົມການເບື້ອງຕົ້ນໄວ້ໄດ້ຢ່າງໝັ້ນຄົງ. ຢັ້ງຢືນໄດ້ວ່າ ສາຍພົວພັນ ຈີນ-ລາວ ແມ່ນເສັ້ນທາງຕົວແບບແຫ່ງການຢູ່ຮ່ວມກັນຢ່າງສັນຕິ ແລະ ການຮ່ວມມືແບບຕ່າງຝ່າຍຕ່າງມີຜົນປະໂຫຍດ ພາຍໃຕ້ຄວາມເຫັນດີເປັນເອກະພາບໃນການສ້າງ “ຄູ່ຮ່ວມຊາຕາກຳ ຈີນ-ລາວ” ໂດຍມີແຜນປະຕິບັດງານສອງສະບັບ (2019 ແລະ 2023) ໄດ້ກາຍເປັນເຂັມທິດນຳພາສອງຊາດກ້າວສູ່ຍຸກສະໄໝໃໝ່.

ທ່ານ ຄຳພັນ ເຜີຍຍະວົງ ກຳມະການກົມການເມືອງສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ກໍໄດ້ກ່າວວ່າ: ການຮ່ວມມື ລະຫວ່າງ ລາວ-ຈີນ ໄດ້ປະກົດຜົນເປັນຮູບປະທຳຢ່າງຊັດເຈນ, ການລົງທຶນ ສປ ຈີນ ຄອງອັນດັບ 1 ຂອງການລົງທຶນຕ່າງປະເທດໃນລາວ, ຈີນເປັນຄູ່ຄ້າໃຫຍ່ອັນດັບ 2 ແລະ ມີນັກທ່ອງທ່ຽວເຂົ້າມາລາວຫຼາຍເປັນອັນດັບ 2, ທາງລົດໄຟ ລາວ-ຈີນ, ທາງດ່ວນ ລາວ-ຈີນ ແລະ ການສ້າງແລວເສດຖະກິດ ລາວ-ຈີນ ໄດ້ກາຍເປັນພື້ນຖານອັນສຳຄັນໃນການຂັບເຄື່ອນເສດຖະກິດ ແລະ ການເຊື່ອມໂຍງພາກພື້ນຂອງ ສປປ ລາວ. ນີ້ຢັ້ງຢືນເຖິງພະລັງແຫ່ງຄວາມສາມັກຄີ ແລະ ຄວາມມຸ່ງໝັ້ນຂອງສອງຊາດ ລາວ-ຈີນ ທີ່ຈະສືບຕໍ່ຈັບມືກັນສ້າງອະນາຄົດທີ່ຮຸ່ງເຮືອງ ພາຍໃຕ້ການເປັນຄູ່ຮ່ວມຊາຕາກຳທີ່ໝັ້ນຄົງ. ຕະຫຼອດໄລຍະຜ່ານມາ, ສາຍພົວພັນ ລາວ-ຈີນ ໄດ້ຮັບການຍົກລະດັບຂຶ້ນຢ່າງຕໍ່ເນື່ອງ, ຈົນກາຍເປັນ “ຄູ່ຮ່ວມຊາຕາກຳລາວ-ຈີນ” ທີ່ເປັນຮູບປະທຳ. ພວກເຮົາໄດ້ເຫັນໝາກ ຜົນອັນພົ້ນເດັ່ນທີ່ປ່ຽນແປງໂສມໜ້າການພັດທະນາຂອງປະເທດລາວ ຢ່າງປະຈັກຕາຄື: ໜຶ່ງ; ເສັ້ນທາງລົດໄຟ ລາວ-ຈີນ; ບໍ່ພຽງແຕ່ເປັນໂຄງລ່າງພື້ນຖານ, ແຕ່ແມ່ນ “ເສັ້ນເລືອດໃຫຍ່” ທີ່ເຊື່ອມ

ໂຍງລາວເຂົ້າກັບພາກພື້ນ ແລະ ໂລກ, ຫັນປ່ຽນລາວຈາກປະເທດ ທີ່ບໍ່ມີທາງອອກສູ່ທະເລໃຫ້ກາຍເປັນສູນກາງການເຊື່ອມໂຍງທາງບົກ. ສອງ; ການຮ່ວມມືດ້ານພະລັງງານ ແລະ ອຸດສາຫະກຳ ໂດຍສະເພາະໂຄງການເຂື່ອນໄຟຟ້າ, ທາງດ່ວນ ແລະ ເຂດເສດຖະກິດກວມລວມຕ່າງໆ ໄດ້ສ້າງວຽກເຮັດງານທຳ ແລະ ຍົກລະດັບຊີວິດການເປັນຢູ່ຂອງປະຊາຊົນ ລາວໃຫ້ດີຂຶ້ນເປັນກ້າວໆ. ສາມ; ການຊ່ວຍເຫຼືອດ້ານສັງຄົມ, ບໍ່ວ່າຈະເປັນດ້ານການສຶກສາ, ສາທາລະນະສຸກ ແລະ ການລຶບລ້າງຄວາມທຸກຍາກ, ເພື່ອນຈີນໄດ້ຢືນຄຽງບ່າຄຽງໄຫຼ່ກັບ ສປປ ລາວ ສະເໝີມາ ໂດຍສະເພາະໃນຍາມທີ່ລາວຜ່ານຜ່າຄວາມຫຍຸ້ງຍາກຂອງພະຍາດລະບາດ ແລະ ວິກິດການເສດຖະກິດໂລກ.

ເມື່ອເວົ້າເຖິງລົດໄຟ ລາວ-ຈີນ, ທ່ານ ເຫຼັກໄຫຼ ສີວິໄລ ລັດຖະມົນຕີກະຊວງໂຍທາທິການ ແລະ ຂົນສົ່ງ ໄດ້ກ່າວວ່າ: ພາຍ

ຫຼັງເປີດການບໍລິການລົດໄຟລາວ-ຈີນ ມາຮອດປັດຈຸບັນເຫັນວ່າ ເສັ້ນທາງດັ່ງກ່າວນີ້ ໄດ້ປະກອບສ່ວນກະຕຸກຊຸກຍູ້ຢ່າງແຂງແຮງເຂົ້າໃນການຈັດຕັ້ງປະຕິບັດວາ ລະແຫ່ງຊາດວ່າດ້ວຍການແກ້ ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ໂດຍໄດ້ສະແດງອອກໃນໂຕເລກການຂົນສົ່ງຜູ້ໂດຍສານ ແລະ ຂົນສົ່ງສິນຄ້າ ໃນໄລຍະສີ່ປີກວ່າທີ່ຜ່ານມາ, ສະເພາະຢູ່ເບື້ອງລາວ ລົດໄຟ ລາວ-ຈີນ ສາມາດຂົນສົ່ງ ຜູ້ ໂດຍສານໄດ້ຫຼາຍກວ່າ 12.8 ລ້ານກວ່າເທື່ອຄົນ, ຂົນສົ່ງສິນຄ້າໄດ້ຫຼາຍກວ່າ 18 ລ້ານກວ່າໂຕນ; ຖ້າໄລ່ສະເລ່ຍທັງເບື້ອງລາວ ແລະ ເບື້ອງຈີນ ນະຄອນຫຼວງວຽງຈັນ-ຄຸນໝິງ ການຂົນສົ່ງໂດຍສານໄດ້ 62 ລ້ານເທື່ອຄົນ ແລະ ຂົນສົ່ງສິນຄ້າໄດ້ 72 ລ້ານໂຕນ; ການຂົນສົ່ງທາງລົດໄຟທີ່ທັນສະໄໝນີ້ໄດ້ເຮັດໃຫ້ລະບົບການຂົນສົ່ງມີຄວາມປອດ ໄພສູງ, ມີຜົນກະທົບຕໍ່ສິ່ງແວດລ້ອມຕາໍ່, ຫຼຸດຜ່ອນຄວາມແອອັດໃນການສັນຈອນທາງຖະໜົນ, ຄ່າຂົນສົ່ງຖືກກວ່າ, ໄລຍະເວລາການຂົນສົ່ງສັ້ນກວ່າ, ຂົນສົ່ງໄດ້ຈຳນວນຫຼວງຫຼາຍ ແລະ ຕົງຕໍ່ເວລາກວ່າ, ເຮັດໃຫ້ເສັ້ນທາງດັ່ງກ່າວໄດ້ຫັນປ່ຽນຮູບໂສມຂະແໜງ ການບໍລິການຂອງ ສປປ ລາວ ເວົ້າລວມ, ເວົ້າສະເພາະແມ່ນພື້ນ ຖານໂຄງລ່າງດ້ານຄົມມະນາຄົມ-ຂົນສົ່ງຂອງ ສປປ ລາວ ໃຫ້ກາຍເປັນໃຈກາງສຳຄັນຂອງການເຊື່ອມຈອດ ແລະ ເຊື່ອມໂຍງດ້ານການຄ້າ, ການຜະລິດ,

ການທ່ອງທ່ຽວ ແລະ ໂລຈິສຕິກຂອງພາກພື້ນ ແລະ ສາກົນ, ເຮັດໃຫ້ ສປປ ລາວ ກ້າວເຂົ້າສູ່ຍຸກ ສະໄໝໃໝ່ຂອງການບໍລິການຂົນສົ່ງທາງລາງຢ່າງແທ້ຈິງ. ສັງລວມແລ້ວ, ສອງຊາດລາວ-ຈີນຈະບໍ່ຢຸດຢູ່ພຽງແຕ່ຜົນສຳເລັດໃນອະດີດ, ແຕ່ພວກເຮົາຈະຮ່ວມ ກັນສ້າງ “ມາດຕະຖານໃໝ່” ຂອງການຮ່ວມມືຄື: ໜຶ່ງ; ສ້າງປະຫວັດສາດໜ້າໃໝ່ຂອງການຮ່ວມມື ແບບອັດສະລິຍະດ້ວຍການຮ່ວມມືກັນໃນການຫັນເປັນທັນສະ ໄໝ, ນຳໃຊ້ AI ແລະ ເຕັກໂນໂລຊີ 5G ເພື່ອພັດທະນາກະສິກຳສະອາດ ແລະ ການບໍລິຫານລັດທີ່ວ່ອງໄວ. ສອງ; ສ້າງປະຫວັດສາດໜ້າໃໝ່ຂອງການເຊື່ອມໂຍງຈິດໃຈ; ຜ່ານການທ່ອງທ່ຽວ ແລະ ການແລກ ປ່ຽນວັດທະນະທຳ. ສາມ; ສ້າງປະຫວັດສາດໜ້າໃໝ່ຂອງຄວາມຍືນຍົງດ້ວຍການ ສ້າງ “ແລວທາງເສດຖະກິດສີຂຽວ” ທີ່ເນັ້ນການປົກປັກຮັກສາສິ່ງແວດລ້ອມໄປພ້ອມໆກັບການ ສ້າງຄວາມຮັ່ງມີ. ໃນຂະນະທີ່ໂລກພວມປະເຊີນກັບຄວາມຜັນແປຫຼາຍຢ່າງ ແລະ ສິ່ງທ້າທາຍທີ່ສະຫຼັບສັບຊ້ອນ, ແຕ່ສາຍພົວພັນ ລາວ-ຈີນ ຍັງຄົງໜັກແໜ້ນຄືດັ່ງສາຍພູຫຼວງ ແລະ ຍືນຍົງຄືດັ່ງ

ສາຍນ້ຳຂອງ. ພວກເຮົາເຊື່ອໝັ້ນຢ່າງເດັດດ່ຽວວ່າ: ພາຍໃຕ້ແສງສະຫວ່າງຂອງ “ລະດູບານໃໝ່” ໃນປະເທດຈີນຈະນຳພາໃຫ້ການສ້າງສາຄູ່ຮ່ວມຊາຕາກຳ ລາວ-ຈີນກ້າວຂຶ້ນສູ່ລະດັບໃໝ່ທີ່ສະ ຫວ່າງສະໄຫວ ແລະ ຮຸ່ງເຮືອງກວ່າເກົ່າ.

ທັງໝົດນັ້ນ, ສະແດງໃຫ້ເຫັນວ່າ, ບົນເສັ້ນທາງເດີນທີ່ຍາວກວ່າເຄິ່ງສະຕະວັດຜ່ານມາຈີນ ແລະ ລາວ ໄດ້ຮ່ວມກັນຜ່ານຜ່າອຸປະສັກ ແລະ ຍາດໄດ້ຜົນສຳເລັດຢ່າງໃຫຍ່ຫຼວງກາຍເປັນສັນຍາລັກ ແລະ ແບບຢ່າງທີ່ດີທີ່ສຸດຂອງການເປັນຄູ່ຮ່ວມຊາຕາກຳດຽວກັນທີ່ມີຊີວິດຊີວາ, ຍືນຍົງຄົງຕົວຕາມທິດ 4 ດີຄື: “ບ້ານໃກ້ເຮືອນຄຽງທີ່ດີ, ໝູ່ເພື່ອນທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ” ແລະ ກາຍເປັນຕົວແບບການປະກອບ ສ່ວນຢ່າງຕັ້ງໜ້າທີ່ມີຊີວິດຊີວາໃນການສ້າງປະຊາຄົມຮ່ວມຊາຕາກຳຂອງມວນມະນຸດຢ່າງແທ້ຈິງ.

ຂໍ່ານັບຊົມເຊີຍວັນສ້າງຕັ້ງສາຍພົວພັນການທູດ ລາວ-ຈີນ ຄົບຮອບ 65 ປີ ຢ່າງສຸດໃຈ!