ເສັ້ນທາງລົດໄຟຈີນ-ລາວ ທິດເໜືອເລີ່ມຈາກນະຄອນຄຸນມິງ ສປ ຈີນ, ທິດໃຕ້ຍາວຢຽດໄປເຖິງນະຄອນຫຼວງວຽງຈັນ ສປປ ລາວ ຊຶ່ງໄດ້ເນັ່ງຜ່ານພາກຕາເວັນຕົກແຂວງຢູນນານຈີນ ແລະ ເຂດພູດອຍພາກເໜືອລາວ, ເປັນທາງລົດໄຟສາກົນສາຍທຳອິດທີ່ນຳໃຊ້ມາດຕະຖານຈີນ, ສອງປະເທດຈີນ-ລາວ ຮ່ວມກັນກໍ່ສ້າງ ແລະ ດຳເນີນທຸລະກິດ ກໍຄືເປັນເສັ້ນທາງລົດໄຟທີ່ເຊື່ອມຕໍ່ກັບເຄືອຂ່າຍທາງລົດໄຟຂອງຈີນ. ເສັ້ນທາງລົດໄຟຈີນ - ລາວ ໄດ້ເປີດນຳໃຊ້ຕະຫຼອດສາຍຢ່າງເປັນທາງການໃນວັນທີ 3 ທັນວາ 2021 ຊຶ່ງໄດ້ຊຸກຍູ້ການຮ່ວມມືດ້ານເສດຖະກິດການຄ້າ ແລະ ການແລກປ່ຽນດ້ານວັດທະນະທຳລະຫວ່າງສອງປະເທດຈີນ-ລາວກໍຄືລະຫວ່າງບັນດາປະເທດທີ່ຮ່ວມກັນສ້າງ “ໜຶ່ງແລວໜຶ່ງເສັ້ນທາງ”.
ແຕ່ກ່ອນ, ຂໍ້ຫຍຸ້ງຍາກດ້ານຄົມມະນາຄົມເປັນປັດໄຈສຳຄັນອັນໜຶ່ງທີ່ຜູກມັດການພັດທະນາເສດຖະກິດຂອງລາວ. ປີ 2015, ຄືຫຼັງຈາກຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ສະເໜີອອກມາໄດ້ສອງປີ, ທ່ານ ສີຈິ້ນຜິງ ປະທານປະເທດຈີນໄດ້ຮ່ວມກັບຜູ້ນຳລາວກຳນົດນະໂຍບາຍສຳຄັນແຫ່ງການຮ່ວມກັນສ້າງເສັ້ນທາງລົດໄຟຈີນ-ລາວ.
ວັນທີ 3 ທັນວາ 2021, ທ່ານ ສີຈິ້ນຜິງ ປະທານປະເທດແຫ່ງ ສປ ຈີນ ແລະ ທ່ານ ທອງລຸນ ສີສຸລິດ ປະທານປະເທດແຫ່ງ ສປປ ລາວ ໄດ້ເຂົ້າຮ່ວມພິທີເປີດນຳໃຊ້ເສັ້ນທາງລົດໄຟຈີນ-ລາວ ໂດຍຜ່ານຮູບແບບວິດີໂອ. ໃນໂອກາດດັ່ງກ່າວ, ທ່ານ ສີຈິ້ນຜິງ ຊີ້ໃຫ້ເຫັນວ່າ: ເສັ້ນທາງລົດໄຟຈີນ-ລາວ ເປັນໂຄງການຂີດໝາຍແຫ່ງການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ດ້ວຍຄຸນນະພາບສູງ. ໃນຊຸມປີຜ່ານມານີ້, ຝ່າຍຈີນໄດ້ຖືເອົາມາດຕະຖານສູງ, ແບບຍືນຍົງ, ສ້າງຜົນປະໂຫຍດໃຫ້ແກ່ປະຊາຊົນເປັນເປົ້າໝາຍ, ໂດຍໄດ້ຍົກລະດັບການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ໃຫ້ສູງຂຶ້ນຢ່າງບໍ່ຢຸດຢັ້ງ ຊຶ່ງໄດ້ບັນລຸເປົ້າໝາຍທີ່ເຮັດໃຫ້ບັນດາປະເທດທີ່ຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ຕ່າງຝ່າຍຕ່າງໄດ້ຮັບຜົນປະໂຫຍດ, ໄດ້ເປີດຊ່ອງທາງໃໝ່ໃຫ້ແກ່ການພັດທະນາເສດຖະກິດໂລກ.
ນັບມາຮອດປັດຈຸບັນ, ເສັ້ນທາງລົດໄຟຈີນ-ລາວໄດ້ຂົນສົ່ງຜູ້ໂດຍສານລວມທັງໝົດຫຼາຍກວ່າ 20 ລ້ານເທື່ອຄົນ. ວັນທີ 13 ເມສາ 2023, ເສັ້ນທາງລົດໄຟຈີນ-ລາວ ໄດ້ເປີດຂະບວນລົດໄຟໂດຍສານສາກົນຢ່າງເປັນທາງການ, ລະຫວ່າງນະຄອນຄຸນມິງ ຫາ ນະຄອນຫຼວງວຽງຈັນ, ຜູ້ໂດຍສານສາມາດຂີ່ລົດໄຟໄປເຖິງປາຍທາງໄດ້ພາຍໃນມື້ດຽວກັນ, ສິ່ງນີ້ໄດ້ພາໃຫ້ການທ່ອງທ່ຽວຂ້າມຊາຍແດນພັດທະນາຂຶ້ນຢ່າງຟົດຟື້ນ. ນັບລວມແລ້ວ, ມີນັກທ່ອງທ່ຽວຫຼາຍໝື່ນຄົນຈາກປະມານ 50 ປະເທດ ແລະ ເຂດແຄ້ວນໄດ້ເລືອກຂີ່ລົດໄຟຈີນ-ລາວ ເດີນທາງທ່ອງທ່ຽວຂ້າມຊາດ.
ນັບຕັ້ງແຕ່ເປີດນຳໃຊ້ເສັ້ນທາງລົດໄຟຈີນ-ລາວເປັນຕົ້ນມາ, ນັບລວມແລ້ວ, ໄດ້ຂົນສົ່ງສິນຄ້າຫຼາຍກວ່າ 25 ລ້ານໂຕນ, ສິນຄ້າລາວກຳລັງຜ່ານຈາກເສັ້ນທາງລົດໄຟຈີນ-ລາວຂົນສົ່ງອອກໄປສູ່ໂລກ.
ເສັ້ນທາງລົດໄຟຈີນ-ລາວ ໄດ້ນຳເອົາການປ່ຽນແປງຕົວຈິງມາສູ່ຊີວິດການເປັນຢູ່ຂອງປະຊາຊົນທ້ອງຖິ່ນກໍຄືການພັດທະນາເສດຖະກິດຂອງລາວ. ທ່ານທອງລຸນ ສີສຸລິດ ປະທານປະເທດແຫ່ງ ສປປ ລາວ ໄດ້ກ່າວວ່າ: “ທາງລົດໄຟເສັ້ນນີ້ເປັນທາງລົດໄຟທັນສະໄໝ ແລະ ມີຄວາມໄວສູງ, ອັນນີ້ແມ່ນຄວາມພາກພູມໃຈຂອງປະເທດລາວ ແລະ ປະຊາຊົນລາວ, ທາງລົດໄຟເສັ້ນນີ້ຈະຊ່ວຍໃຫ້ປະເທດລາວມີເສັ້ນທາງຄົມມະນາຄົມໂດຍຕາໜ່າງໂລຈິສຕິກອອກສູ່ທະເລ ແລະ ໄປສູ່ບັນດາປະເທດພາກພື້ນນີ້ຢ່າງສະດວກ, ທັງສະດວກຕໍ່ຜູ້ໂດຍສານລວມທັງການຂົນສົ່ງສິນຄ້າ ແລະ ດ້ານຕ່າງໆ ທັງກະຕຸກຊຸກຍູ້ຜູ້ລົງທຶນ ນັກທ່ອງທ່ຽວມາປະເທດລາວຫຼາຍຂຶ້ນ, ເສັ້ນທາງລົດໄຟແຫ່ງປະຫວັດສາດເສັ້ນນີ້ໄດ້ມາຈາກຂໍ້ລິເລີ່ມ ຫຼື ນະໂຍບາຍ ສຸດທີ່ສຳຄັນຂອງທ່ານປະທານ ສີຈິ້ນຜິງ ກ່ຽວກັບ ‘ໜຶ່ງແລວໜຶ່ງເສັ້ນທາງ’, ຊຶ່ງປະເທດລາວທັງເປັນຜູ້ສະໜັບສະໜູນນະໂຍບາຍນີ້, ທັງເປັນປະເທດທີ່ຈະໄດ້ປະຕິບັດອອກມາຢ່າງເປັນຮູບປະທຳທັງເປັນປະເທດທີ່ຈະໄດ້ຮັບຜົນປະໂຫຍດສູງສຸດສາມາດຈັບຕ້ອງໄດ້.”
ຂ່າວ: ຊີອາໄອ
ແຕ່ກ່ອນ, ຂໍ້ຫຍຸ້ງຍາກດ້ານຄົມມະນາຄົມເປັນປັດໄຈສຳຄັນອັນໜຶ່ງທີ່ຜູກມັດການພັດທະນາເສດຖະກິດຂອງລາວ. ປີ 2015, ຄືຫຼັງຈາກຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ສະເໜີອອກມາໄດ້ສອງປີ, ທ່ານ ສີຈິ້ນຜິງ ປະທານປະເທດຈີນໄດ້ຮ່ວມກັບຜູ້ນຳລາວກຳນົດນະໂຍບາຍສຳຄັນແຫ່ງການຮ່ວມກັນສ້າງເສັ້ນທາງລົດໄຟຈີນ-ລາວ.
ວັນທີ 3 ທັນວາ 2021, ທ່ານ ສີຈິ້ນຜິງ ປະທານປະເທດແຫ່ງ ສປ ຈີນ ແລະ ທ່ານ ທອງລຸນ ສີສຸລິດ ປະທານປະເທດແຫ່ງ ສປປ ລາວ ໄດ້ເຂົ້າຮ່ວມພິທີເປີດນຳໃຊ້ເສັ້ນທາງລົດໄຟຈີນ-ລາວ ໂດຍຜ່ານຮູບແບບວິດີໂອ. ໃນໂອກາດດັ່ງກ່າວ, ທ່ານ ສີຈິ້ນຜິງ ຊີ້ໃຫ້ເຫັນວ່າ: ເສັ້ນທາງລົດໄຟຈີນ-ລາວ ເປັນໂຄງການຂີດໝາຍແຫ່ງການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ດ້ວຍຄຸນນະພາບສູງ. ໃນຊຸມປີຜ່ານມານີ້, ຝ່າຍຈີນໄດ້ຖືເອົາມາດຕະຖານສູງ, ແບບຍືນຍົງ, ສ້າງຜົນປະໂຫຍດໃຫ້ແກ່ປະຊາຊົນເປັນເປົ້າໝາຍ, ໂດຍໄດ້ຍົກລະດັບການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ໃຫ້ສູງຂຶ້ນຢ່າງບໍ່ຢຸດຢັ້ງ ຊຶ່ງໄດ້ບັນລຸເປົ້າໝາຍທີ່ເຮັດໃຫ້ບັນດາປະເທດທີ່ຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ຕ່າງຝ່າຍຕ່າງໄດ້ຮັບຜົນປະໂຫຍດ, ໄດ້ເປີດຊ່ອງທາງໃໝ່ໃຫ້ແກ່ການພັດທະນາເສດຖະກິດໂລກ.
ນັບມາຮອດປັດຈຸບັນ, ເສັ້ນທາງລົດໄຟຈີນ-ລາວໄດ້ຂົນສົ່ງຜູ້ໂດຍສານລວມທັງໝົດຫຼາຍກວ່າ 20 ລ້ານເທື່ອຄົນ. ວັນທີ 13 ເມສາ 2023, ເສັ້ນທາງລົດໄຟຈີນ-ລາວ ໄດ້ເປີດຂະບວນລົດໄຟໂດຍສານສາກົນຢ່າງເປັນທາງການ, ລະຫວ່າງນະຄອນຄຸນມິງ ຫາ ນະຄອນຫຼວງວຽງຈັນ, ຜູ້ໂດຍສານສາມາດຂີ່ລົດໄຟໄປເຖິງປາຍທາງໄດ້ພາຍໃນມື້ດຽວກັນ, ສິ່ງນີ້ໄດ້ພາໃຫ້ການທ່ອງທ່ຽວຂ້າມຊາຍແດນພັດທະນາຂຶ້ນຢ່າງຟົດຟື້ນ. ນັບລວມແລ້ວ, ມີນັກທ່ອງທ່ຽວຫຼາຍໝື່ນຄົນຈາກປະມານ 50 ປະເທດ ແລະ ເຂດແຄ້ວນໄດ້ເລືອກຂີ່ລົດໄຟຈີນ-ລາວ ເດີນທາງທ່ອງທ່ຽວຂ້າມຊາດ.
ນັບຕັ້ງແຕ່ເປີດນຳໃຊ້ເສັ້ນທາງລົດໄຟຈີນ-ລາວເປັນຕົ້ນມາ, ນັບລວມແລ້ວ, ໄດ້ຂົນສົ່ງສິນຄ້າຫຼາຍກວ່າ 25 ລ້ານໂຕນ, ສິນຄ້າລາວກຳລັງຜ່ານຈາກເສັ້ນທາງລົດໄຟຈີນ-ລາວຂົນສົ່ງອອກໄປສູ່ໂລກ.
ເສັ້ນທາງລົດໄຟຈີນ-ລາວ ໄດ້ນຳເອົາການປ່ຽນແປງຕົວຈິງມາສູ່ຊີວິດການເປັນຢູ່ຂອງປະຊາຊົນທ້ອງຖິ່ນກໍຄືການພັດທະນາເສດຖະກິດຂອງລາວ. ທ່ານທອງລຸນ ສີສຸລິດ ປະທານປະເທດແຫ່ງ ສປປ ລາວ ໄດ້ກ່າວວ່າ: “ທາງລົດໄຟເສັ້ນນີ້ເປັນທາງລົດໄຟທັນສະໄໝ ແລະ ມີຄວາມໄວສູງ, ອັນນີ້ແມ່ນຄວາມພາກພູມໃຈຂອງປະເທດລາວ ແລະ ປະຊາຊົນລາວ, ທາງລົດໄຟເສັ້ນນີ້ຈະຊ່ວຍໃຫ້ປະເທດລາວມີເສັ້ນທາງຄົມມະນາຄົມໂດຍຕາໜ່າງໂລຈິສຕິກອອກສູ່ທະເລ ແລະ ໄປສູ່ບັນດາປະເທດພາກພື້ນນີ້ຢ່າງສະດວກ, ທັງສະດວກຕໍ່ຜູ້ໂດຍສານລວມທັງການຂົນສົ່ງສິນຄ້າ ແລະ ດ້ານຕ່າງໆ ທັງກະຕຸກຊຸກຍູ້ຜູ້ລົງທຶນ ນັກທ່ອງທ່ຽວມາປະເທດລາວຫຼາຍຂຶ້ນ, ເສັ້ນທາງລົດໄຟແຫ່ງປະຫວັດສາດເສັ້ນນີ້ໄດ້ມາຈາກຂໍ້ລິເລີ່ມ ຫຼື ນະໂຍບາຍ ສຸດທີ່ສຳຄັນຂອງທ່ານປະທານ ສີຈິ້ນຜິງ ກ່ຽວກັບ ‘ໜຶ່ງແລວໜຶ່ງເສັ້ນທາງ’, ຊຶ່ງປະເທດລາວທັງເປັນຜູ້ສະໜັບສະໜູນນະໂຍບາຍນີ້, ທັງເປັນປະເທດທີ່ຈະໄດ້ປະຕິບັດອອກມາຢ່າງເປັນຮູບປະທຳທັງເປັນປະເທດທີ່ຈະໄດ້ຮັບຜົນປະໂຫຍດສູງສຸດສາມາດຈັບຕ້ອງໄດ້.”
ຂ່າວ: ຊີອາໄອ
ຄໍາເຫັນ