ຫ້ອງການຄົ້ນຄວ້າເສດຖະກິດມະຫາພາກອາຊຽນ-ຈີນ, ຍີ່ປຸ່ນ, ສ ເກົາຫຼີ ຄາດຄະເນວ່າ: ຈັງຫວະເຕີບໂຕເສດຖະກິດຢູ່ພາກພື້ນໃນປີ 2026 ແລະ 2027 ແມ່ນ 4.1%, ອັດຕາເງິນເຟີ້ແມ່ນ 1.6% ແລະ 1.7% ຕາມລຳດັບ. ການສົ່ງອອກ ແລະ ການລົງທຶນດ້ານປັນຍາປະດິດເພີ່ມຂຶ້ນ ຈະເປັນສິ່ງຄ້ຳປະກັນຕໍ່ການເຕີບໂຕຂອງເສດຖະກິດ, ສ່ວນລາຄາພະລັງງານເພີ່ມຂຶ້ນ ແລະ ລາຄາອາຫານເພີ່ມຂຶ້ນຍ້ອນປະກົດການແອວນີໂຢ ອາດຈະເຮັດໃຫ້ອັດຕາເງິນເຟີ້ສູງຂຶ້ນ. ເຖິງວ່າຈະປະເຊີນກັບປັດໄຈທາງລົບຈາກພາຍນອກ ແລະ ອັດຕາດອກເບ້ຍໂດລາເພີ່ມຂຶ້ນ, ແຕ່ກຸ່ມເສດຖະກິດອາຊຽນ-ຈີນ, ຍີ່ປຸ່ນ, ສ ເກົາຫຼີ ຍັງມີຄວາມເຂັ້ມແຂງສົມຄວນ.
ອູແກຣນ ໄດ້ຮັບເງິນສະໜັບສະໜູນຈາກ EU 2.9 ຕື້ເອີໂຣ
ສຳນັກຂ່າວສານຊິນຮວາລາຍງານໃນວັນທີ 4 ຕຸລາ ຜ່ານມາວ່າ: ກະຊວງການເງິນຂອງອູແກຣນເປີດເຜີຍວ່າ, ອູແກຣນໄດ້ຮັບເງິນສະໜັບສະໜູນ ຈາກສະຫະພາບເອີຣົບ (EU) ຈຳນວນ 2.9 ຕື້ເອີໂຣ ເພື່ອສ້າງສະຖຽນລະພາບທາງເສດຖະກິດ, ສະໜັບສະໜູນລາຍຈ່າຍງົບປະມານທີ່ສຳຄັນ, ການຟື້ນຟູ ແລະ ສ້າງຄວາມທັນສະໄໝ, ລວມທັງການດຳເນີນການປະຕິຮູບ ເພື່ອມຸ່ງໄປສູ່ການເປັນສະມາຊິກຂອງ EU.
ຄໍາເຫັນ