, ມີສະຫາຍ ລິນຄຳ ດວງສະຫວັນ ກຳມະການສຳຮອງສູນກາງພັກເລຂາຄະນະພັກລັດຖະມົນຕີກະຊວງກະສິກຳ ແລະ ປ່າໄມ້ ພ້ອມດ້ວຍຄະນະພັກ, ຫົວໜ້າກົມ-ຮອງກົມທີ່ກ່ຽວຂ້ອງເຂົ້າຮ່ວມ.
ການພົບປະຄັ້ງນີ້, ສະຫາຍ ຄຳໄຫຼ ສີປະເສີດ ໄດ້ສະແດງຄວາມຍິນດີຕ້ອນຮັບສະຫາຍ ລິນຄຳ ດວງສະຫວັນພ້ອມທັງຍົກໃຫ້ເຫັນບາງວຽກງານທີ່ ສນຊ ແລະ ກະຊວງກະສິກຳ ແລະ ປ່າໄມ້ຈະໄດ້ສືບຕໍ່ເຄື່ອນໄຫວຮ່ວມກັນໃນຕໍ່ໜ້າ ເປັນຕົ້ນການກະກຽມສ້າງຕັ້ງພະແນກຊາວກະສິກອນລາວຂຶ້ນກັບ ສນຊຍົກໃຫ້ເຫັນຄວາມສຳຄັນຄວາມຈຳເປັນທີ່ຕ້ອງໄດ້ສ້າງຕັ້ງພະແນກຊາວກະສິກອນລາວ.
ທ່ານ ເຍ່ຍເກີ ຢ່າໜໍຈໍຈົງຕົວ ຄະນະປະຈຳພັກຮອງປະທານ ສນຊ ໄດ້ລາຍງານການຜັນຂະຫຍາຍທິດຊີ້ນຳ ຂອງກົມການເມືອງສູນກາງພັກຕໍ່ວຽກງານຊາວກະສິກອນລາວ, ຮ່າງມະຕິຂອງຄະນະພັກ ສນຊ. ພ້ອມກັນນີ້, ທ່ານ ວັນດີ ຈັນສົມບັດ ກຳມະການຄະນະພັກຫົວໜ້າກົມຊັ້ນຄົນ-ການຈັດຕັ້ງສັງຄົມ ສນຊ ໄດ້ຜ່ານຮ່າງບົດວິພາກສະເໜີສ້າງຕັ້ງພະແນກ "ຊາວກະສິກອນລາວ" ຢູ່ ສນຊ.
ສະຫາຍ ລິນຄຳ ດວງສະຫວັນ ໄດ້ຍົກໃຫ້ເຫັນຄວາມສຳຄັນຂອງວຽກງານຊາວກະສິກອນລາວທີ່ຕ້ອງໄດ້ເອົາໃຈໃສ່ ຊຶ່ງເປັນຄວາມຮັບຜິດຊອບຂອງສອງອົງການເພື່ອປຸກລະດົມຊາວກະສິກອນລາວໃຫ້ເຂັ້ມແຂງ, ໄດ້ຮັບການສະໜັບສະໜູນ ແລະ ສະຫາຍໄດ້ມີຄຳເຫັນແລກປ່ຽນ 7 ປະເດັນສຳຄັນຄື: 1.ຍູ້ແຮງດ້ານເສດຖະກິດທາງດ້ານກະສິກຳ, 2.ຍູ້ແຮງການຜະລິດກະສິກຳໃຫ້ເປັນສິນຄ້າໂດຍເນັ້ນໃສ່ຄຸນນະພາບ ແລະ ປະລິມານ, 3.ປຸກລະດົມຊາວກະສິກອນລາວ ແລະ ກຳນົດໃຫ້ເປັນເຂດການຜະລິດສະເພາະ, 4.ຊຸກຍູ້ສົ່ງເສີມການຜະລິດກະສິກຳໃຫ້ຫຼາຍຂຶ້ນຈຶ່ງກາຍເປັນສິນຄ້າ, 5.ພົວພັນໂດຍກົງກັບກົມສົ່ງເສີມກະຊວງກະສິກຳ, 6.ການພັດທະນາທາງດ້ານກະສິກຳໃຫ້ຮອບດ້ານ, 7.ອີງໃສ່ຕົວຊີ້ວັດການພັດທະນາດ້ານກະສິກຳແຫ່ງຊາດ.ຈາກນັ້ນຜູ້ເຂົ້າຮ່ວມໄດ້ປະກອບຄຳຄິດຄຳເຫັນຕໍ່ບັນດາຮ່າງເອກະສານດັ່ງກ່າວເພື່ອເຮັດໃຫ້ເອກະສານມີເນື້ອໃນຄົບຖ້ວນສົມບູນແທດເໝາະກັບຊາວກະສິກອນລາວໃນໄລຍະໃໝ່ຕື່ມອີກ.
ຂ່າວ-ພາບ: ສນຊ
ຄໍາເຫັນ