 |
ເປັນກຽດປາຖະກະຖາໂດຍທ່ານ ບົວເງິນ ຊາພູວົງ ກໍາມະການ ສນຊ, ສິລະປິນແຫ່ງຊາດ, ຮອງປະທານສະ ມາຄົມມິດຕະພາບລາວ-ຫວຽດນາມຂັ້ນສູນກາງ, ຫົວໜ້າຄະນະຂົນຂວາຍປະຊາຊົນ ສນຊ ຊຶ່ງທ່ານໄດ້ຫວນຄືນຄວາມເປັນມາວັນສະຖາປະນາ ສສ ຫວຽດນາມ ຄົບຮອບ 80 ປີ ຍົກໃຫ້ເຫັນ 3 ເນື້ອໃນໃຫຍ່ເປັນຕົ້ນ: 1) ຄວາມໝາຍສໍາຄັນຂອງການປະຕິວັດເດືອນສິງຫາ 1945 ທີ່ໄດ້ສົ່ງຜົນສະທ້ອນອັນໃຫຍ່ຫຼວງໃນການສ້າງເງື່ອນໄຂ ແລະ ກາລະໂອ ກາດໃຫ້ການປະຕິວັດຢູ່ຫວຽດນາມ ໂດຍໄດ້ທໍາລາຍຕ່ອງໂສ້ຄວາມເປັນຂ້າທາດຂອງຈັກກະພັກລ່າເມືອງຂຶ້ນແບບເກົ່ານັບເປັນເວລາຫຼາຍສິບປີນັ້ນລົງ ພ້ອມທັງປະກາດເອກະລາດ ແລະ ກ້າວສູ່ສັງກາດໃໝ່ ໂດຍແມ່ນພັກນໍາພາ ຊຶ່ງມີປະທານໂຮ່ຈິມິນເປັນຜູ້ນໍາ; 2) ຜົນງານ 80 ປີແຫ່ງການກໍ່ສ້າງ, ປົກປັກຮັກສາ ແລະ ພັດທະນາປະເທດຊາດຫວຽດນາມ ຊຶ່ງທ່ານໄດ້ເນັ້ນສີ່ເນື້ອໃນເຊັ່ນວ່າ: ໄຊຊະນະອັນໃຫຍ່ຫຼວງໃນການທ້ອນໂຮມປະເທດຊາດ, ການປະຕິບັດພັນທະສາກົນ, ການນໍາພາປະເທດຊາດກ້າວສູ່ເສັ້ນທາງສັງຄົມນິຍົມ, ຜົນສໍາເລັດການນໍາພາປ່ຽນແປງໃໝ່ຢ່າງມີຫຼັກການຂອງພັກເປັນເວລາ 4 ທົດສະວັດຜ່ານມາ ໄດ້ພິສູດໃຫ້ເຫັນໝາກຜົນຮອບດ້ານໃນການພັດທະນາປະເທດ ເປັນຕົ້ນການສ້າງລັດແຫ່ງກົດໝາຍສັງຄົມນິຍົມ ແລະ 3) ທ່ານໄດ້ຍົກໃຫ້ເຫັນມູນເຊື້ອ-ໝາກຜົນຂອງການພົວພັນຮ່ວມມືແບບພິເສດຫວຽດນາມ-ລາວຕະຫຼອດໄລຍະຜ່ານມາ ໂດຍແມ່ນບັນພະບູລຸດຫວຽດນາມ-ລາວເປັນຜູ້ກໍ່ຕັ້ງໄວ້ ຊຶ່ງສອງພັກ-ສອງລັດ, ສອງກອງ ທັບ ແລະ ປະຊາຊົນສອງຊາດເຄີຍຊ່ວຍເຫຼືອຊຶ່ງກັນ ແລະ ກັນ, ຮ່ວມຂຸມຄອງດຽວກັນ ຕີສັດຕູໂຕດຽວກັນ ແລະ ມີພັກກອມມູນິດອິນດູຈີນອັນດຽວໃນການກໍ່ຕັ້ງພັກຕົນ ແລະ ນໍາພາຍາດເອົາໄຊຊະນະເປັນກ້າວໆມາ. ພາຍຫຼັງ ສປປ ລາວ ໄດ້ຮັບການປົດປ່ອຍໃນປີ 1975 ສອງປະເທດໄດ້ລົງນາມສົນທິສັນຍາມິດຕະພາບ ແລະ ການຮ່ວມມືນໍາກັນ. ມາຮອດປັດຈຸບັນສາຍພົວພັນ ແລະ ຄວາມສາມັກຄີພິເສດຂອງສອງປະເທດຍິ່ງໄດ້ຮັບການເພີ່ມພູນຄູນສ້າງທັງລວງກວ້າງ ແລະ ລວງເລິກ ພ້ອມກັນນີ້, ທ່ານໄດ້ຍົກບາງທິດທາງກ່ຽວກັບການພົວພັນຮ່ວມມືຫວຽດນາມ-ລາວໃນໄລຍະຕໍ່ໜ້າຕື່ມອີກ.
 |
ຂ່າວ: ລີ, ພາບ: ສຸກສໍາລານ
ຄໍາເຫັນ