ທ່ານ ຟູ້ຫຼິງຮຸ່ຍ ໂຄສົກກົມສະຖິຕິແຫ່ງຊາດຈີນໄດ້ກ່າວໃນກອງປະຊຸມຖະແຫຼງຂ່າວທີ່ຫ້ອງການຖະແຫຼງຂ່າວຂອງລັດຖະບານຈີນທີ່ຈັດຂຶ້ນໃນວັນທີ 16 ມີນາ ຜ່ານມາວ່າ: ໂດຍລວມແລ້ວ, ນັບແຕ່ເດືອນມັງກອນ ຫາ ເດືອນກຸມພາປີນີ້, ຕົວຊີ້ວັດທາງດ້ານເສດຖະກິດທີ່ສຳຄັນໄດ້ເພີ່ມຂຶ້ນຢ່າງຈະແຈ້ງ, ເສດຖະກິດຈີນໄດ້ເລີ່ມຕົ້ນເປັນຢ່າງດີ. ຢ່າງໃດກໍຕາມ, ຕ້ອງໄດ້ສັງເກດຜົນກະທົບຈາກການປ່ຽນແປງຂອງສະພາບແວດລ້ອມພາຍນອກທີ່ເພີ່ມຂຶ້ນ, ຄວາມສ່ຽງດ້ານພູມສາດການເມືອງຍັງສືບຕໍ່ເພີ່ມຂຶ້ນຢ່າງຕໍ່ເນື່ອງ, ບັນຫາທີ່ຍັງຄົງຄ້າງ ແລະ ສິ່ງທ້າທາຍໃໝ່ໃນການພັດທະນາ ແລະ ການຫັນປ່ຽນຮູບແບບຂອງເສດຖະກິດພາຍໃນປະເທດຍັງຫຼາຍຢູ່ ຊຶ່ງເຮັດໃຫ້ການດຳເນີນທຸລະກິດຂອງວິສາຫະກິດຈຳນວນໜຶ່ງປະສົບຄວາມຫຍຸ້ງຍາກ.
ຫວຽດນາມ ພົບເຫັນ ແລະ ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ 256 ອັດຖິ
ວິທະຍຸກະຈາຍສຽງຫວຽດນາມລາຍງານວ່າ: ຫວ່າງມໍ່ໆມານີ້, ກອງບັນຊາການນະຄອນໂຮ່ຈິມິນ ໃຫ້ຮູ້ວ່າ, ນັບແຕ່ວັນທີ 23 ມິຖຸນາ ມາຮອດປັດຈຸບັນ, ບັນດາກຳລັງປະຕິບັດໜ້າທີ່ຄົ້ນຫາ, ທ້ອນໂຮມ ອັດຖິນັກຮົບເສຍສະຫຼະຊີວິດເພື່ອຊາດ, ຢັ້ງຢືນຊື່ ແລະ ນາມສະກຸນນັກຮົບເສຍສະຫຼະຊີວິດເພື່ອຊາດ ຢູ່ສວນສາທາລະນະ ເລທິຣຽງ ຕາແສງຮວ່າຮຶງ ນະຄອນໂຮ່ຈິມິນ ໄດ້ພົບເຫັນ ແລະ ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ 256 ອັດຖິ.
ຄໍາເຫັນ