 |
ເປັນກຽດໃນພິທີ ມີສະຫາຍ ອາດສະພັງທອງ ສີພັນດອນ ກໍາມະການສູນກາງພັກ ເລຂາຄະນະບໍລິຫານງານພັກ ປະທານສະພາປະຊາຊົນ ນະຄອນຫຼວງວຽງຈັນ, ບັນດາສະຫາຍ ກໍາມະການປະຈໍາພັກ, ກໍາມະການພັກ ນະຄອນຫຼວງວຽງຈັນ, ສະຫາຍຕາງໜ້າເອກອັກຄະລັດຖະທູດ ສປ ຈີນ ປະຈໍາ ສປປ ລາວ, ພ້ອມດ້ວຍບັນດາແຂກຖືກເຊີນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ອາດສະພັງທອງ ສີພັນດອນ ກ່າວບາງເນື້ອໃນສໍາຄັນວ່າ: ລາວ ແລະ ຈີນ ໄດ້ສ້າງຕັ້ງສາຍພົວພັນການທູດນໍາກັນ ເປັນເວລາ 65 ປີ, ການພົວພັນສອງຝ່າຍໄດ້ຮັບການເພີ່ມພູນຄູນສ້າງ ແລະ ພັດທະນາຢ່າງຕໍ່ເນື່ອງເຂົ້າສູ່ລວງເລິກ ຢ່າງບໍ່ຢຸດຢັ້ງ ຈາກການເປັນຄູ່ຮ່ວມມືຍຸດທະສາດຮອບດ້ານໝັ້ນຄົງຍາວນານ ຕາມທິດ 4 ດີ ໄດ້ສືບຕໍ່ຍົກສູງຂຶ້ນເປັນຄູ່ຮ່ວມຊາຕາກໍາ ລາວ-ຈີນ, ກອງປະຊຸມສໍາມະນາວິທະຍາສາດດ້ານວິຊາການ ລະຫວ່າງ ສອງໂຮງຮຽນພັກ ຂອງສອງນະຄອນຫຼວງ ນວ ແລະ ນະຄອນຫຼວງປັກກິ່ງ ໃນຄັ້ງນີ້ ສຸດທີ່ມີຄວາມໝາຍສໍາຄັນ ເພື່ອສ້າງຄວາມຮັບຮູ້ການນໍາໃຊ້ທິດສະດີ ແລະ ພຶດຕິກຳໃຫ້ສົມຄູ່ເຂົ້າໃນການນໍາພາ ແລະ ຈັດຕັ້ງປະຕິບັດຕົວຈິງ ບົດຮຽນຂອງພັກກອມມູນິດຈີນ ຊຶ່ງຈະໄດ້ພ້ອມກັນຮັບຟັງການລາຍງານ ແລະ ພ້ອມກັນແລກປ່ຽນບົດຮຽນໃນ 4 ຫົວຂໍ້ສໍາຄັນ ຄື: 1. ຈິດໃຈພັກກອມມູນິດຈີນ ຕາມຮອຍການປະຕິວັດ ຂອງ ຫຼີ ຕ້າເຈົ້າ ຢູ່ປັກກິ່ງ, 2. ແນວຄິດ ສີ ຈິ້ນຜິງ ກ່ຽວກັບສັງຄົມນິຍົມ ທີ່ມີສີສັນພິເສດ ຂອງຈີນ ໃນສະໄໝໃໝ່ ໄດ້ບຸກເບີກຂົງເຂດໃໝ່ໃນການຫັນປ່ຽນລັດທິມາກໃຫ້ເຂົ້າກັບຈີນ ແລະ ເຂົ້າກັບຍຸກສະໄໝ, 3. ເສັ້ນທາງການປະຕິວັດ ແລະ ຄວາມຄາດຫວັງໃນອະນາຄົດ ຂອງນະຄອນຫຼວງປັກກິ່ງ ການກໍ່ສ້າງ “ນະຄອນແຫ່ງສິລະປະການສະແດງ”, 4. ຮຽນຮູ້ ແລະ ເຂົ້າໃຈລະບຽບວິໄນ, ຮູ້ແຈ້ງ ແລະ ປະຕິບັດຕາມລະບຽບວິໄນ ການແຍກວິເຄາະ “ລະບຽບການກ່ຽວກັບ ການລົງວິໄນ ຂອງພັກກອມມູນິດຈີນ”
 |
ເນື້ອໃນ 4 ຫົວຂໍ້ດັ່ງກ່າວ ເປັນການຄົ້ນຄວ້າຂອງນັກວິທະຍາສາດ ໂຮງຮຽນການເມືອງ ແລະ ການປົກຄອງ ນະຄອນຫຼວງປັກກິ່ງ ໄດ້ນໍາມາເຜີຍແຜ່ໃຫ້ຄະນະນໍາ ນວ, ຄະນະນໍາ ຂັ້ນເມືອງ, ຂັ້ນບ້ານ, ພະນັກງານກໍ່ສ້າງຮາກຖານການເມືອງ, ຄູ-ອາຈານ ແລະ ນັກສຶກສາ ຂອງໂຮງຮຽນການເມືອງ ແລະ ການປົກຄອງ ນວ ແລະ ຫວັງຢ່າງຍິ່ງວ່າ ບັນດາສະຫາຍຄະນະນໍາແຕ່ລະຂັ້ນ, ແຕ່ລະພະແນກການ, ບັນດາສະຫາຍແຂກ, ຄູ-ອາຈານ, ພະນັກງານສະມາຊິກພັກ ຈະພ້ອມກັນຄົ້ນຄວ້າ, ຕິດຕາມ ແລະ ປະກອບຄໍາຄິດຄໍາເຫັນ ເພື່ອເຮັດໃຫ້ກອງປະຊຸມສໍາມະນາໃນມື້ນີ້ ມີເນື້ອໃນອຸດົມສົມບູນ, ມີບັນຍາກາດທີ່ຄຶກຄື້ນ ແລະ ຖອດຖອນບົດຮຽນທີ່ດີ ເພື່ອຈະໄດ້ນໍາໄປໝູນໃຊ້-ຜັນຂະຫຍາຍ ຢ່າງແຂງແຮງ ເຂົ້າໃນການປະຕິບັດໜ້າທີ່ວຽກງານຕົວຈິງຂອງບັນດາສະຫາຍ ໃຫ້ມີຜົນສໍາເລັດເປັນຢ່າງດີ ແລະ ມີປະສິດທິຜົນສູງ.
(ຂ່າວ: ແສງຈັນ)
ຄໍາເຫັນ