 |
ທ່ານ ນາງ ຢຽນ ເຊຍ (Prof. Yan Xie) ປະທານພັນທະມິດສາກົນດ້ານປ່າສະຫງວນ ຫຼື IAPA (the International Alliance of Protected Areas) ຂອງສະມາຄົມວິທະຍາສາດສັດຕະວະວິທະຍາສາກົນ The International Society of Zoological Sciences (ISZS), ມີບັນດາຜູ້ຊ່ຽວຊານ ແລະ ພາກສ່ວນກ່ຽວຂ້ອງ ຈາກປະເທດເບຣຊິນ, ໂຄເອເຊຍ, ເອຢິບ, ເອທິໂອເປຍ, ອິນເດຍ, ອິນໂດເນເຊຍ, ເນປານ, ໄນຈີເລຍ, ຣວັນດາ, ເຊເນກາລ ແລະ ອາຟຣິກາໃຕ້ ເຂົ້າຮ່ວມ.
ກອງປະຊຸມໃນຄັ້ງນີ້, ເພື່ອແລກປ່ຽນຂໍ້ມູນການຄົ້ນຄວ້າການທ່ອງທ່ຽວແບບຍືນຍົງ ຈາກບັນດາຜູ້ຊ່ຽວຊານ ໃນທົ່ວໂລກ ເພື່ອຮ່ວມກັນຊຸກຍູ້ການທ່ອງທ່ຽວແບບອະນຸລັກຢູ່ເຂດປ່າສະຫງວນຕາມເຂດໜຶ່ງແລວທາງໜຶ່ງເສັ້ນທາງ ແນໃສ່ສ້າງຄວາມເປັນເອກະພາບໃນການດຳເນີນແຜນງານການພັດທະນາແບບຍືນຍົງ ແລະ ສອດຄ່ອງກັບເປົ້າ ໝາຍການພັດທະນາແບບຍືນຍົງຂອງອົງການສະຫະປະຊາຊາດ (SDGs),
 |
ເພື່ອແກ້ບັນຫາທ້າທາຍຕ່າງໆໃນທົ່ວໂລກ ເຊັ່ນ: ການສູນເສຍຊີວະນາໆພັນ ແລະ ການປ່ຽນແປງຂອງດິນຟ້າອາກາດ ຊຶ່ງຜົນຂອງກອງປະຊຸມດັ່ງກ່າວ, ຈະນຳໄປສູ່ການອະນຸລັກ ແລະ ພັດທະນາແບບຍືນຍົງຢູ່ພາກພື້ນໃນອະນາຄົດ. ນອກນັ້ນ, ຍັງມີບົດບາດສຳຄັນໃນການຊຸກຍູ້ການພັດທະນາເສດຖະກິດ, ການອະນຸລັກຊີວະນາໆພັນ, ປົກປັກຮັກສາມໍລະດົກທາງວັດທະນະທຳ ຕິດພັນກັບການທ່ອງທ່ຽວແບບຍືນຍົງ, ເຂດປ່າສະຫງວນສາມາດສ້າງລາຍໄດ້, ສ້າງວຽກເຮັດງານທຳ, ຊຸກຍູ້ການເຕີບໂຕຂອງເສດຖະກິດ ແລະ ຫຼຸດຜ່ອນຜົນກະທົບທາງລົບຂອງການທ່ອງທ່ຽວ ທີ່ມີຕໍ່ສິ່ງແວດລ້ອມ ແລະ ທ້ອງຖິ່ນໃຫ້ໜ້ອຍທີ່ສຸດ.
ຂ່າວ: ຍຸພິນທອງ
ຄໍາເຫັນ