ສພຂ ຄຳມ່ວນ ດຳເນີນກອງປະຊຸມສະໄໝສາມັນເທື່ອທີ 6

13:33 23/01/2024

ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນ ແຂວງ (ສພຂ) ຄໍາມ່ວນຊຸດທີ II ໄດ້ເປີດຂຶ້ນໃນວັນທີ 23 ມັງກອນ ນີ້ ທີ່ສະໂມສອນແຂວງຄໍາມ່ວນ ໂດຍການເປັນປະທານ ຂອງ ທ່ານ ບຸນມີ ພິມມະສອນ ປະທານສະພາປະຊາຊົນແຂວງ, ເປັນກຽດເຂົ້າຮ່ວມມີ ທ່ານ ຄຳໃບ ດຳລັດ ຮອງປະທານສະພາແຫ່ງຊາດ ທັງເປັນສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 12 ແຂວງຄໍາມ່ວນ, ທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນ, ມີບັນດາການນຳແຂວງ, ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 12, ສະມາຊິກສະພາປະຊາຊົນແຂວງ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ບຸນມີ ພິມມະສອນ ກ່າວວ່າ: ກອງປະຊຸມຄັ້ງນີ້ ຈະໄດ້ພິຈາລະນາຮັບຮອງເອົາບົດລາຍງານຂອງອົງການປົກຄອງແຂວງ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດຂອງແຂວງ ປະຈໍາປີ 2023 ແລະ ທິດທາງແຜນການ ປະຈໍາປີ 2024; ບົດສະຫຼຸບຕີລາຄາການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ຂອງແຂວງໄລຍະ 3 ປີຜ່ານມາ (2021-2023); ບົດສະຫຼຸບ ຕີລາຄາການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຂອງແຂວງ ໄລຍະ 3 ປີຜ່ານມາ (2021-2023);ບົດລາຍງານຂອງອົງການກວດສອບປະຈໍາພາກກາງ ກ່ຽວກັບການເຄື່ອນໄຫວວຽກງານ ປະຈໍາປີ 2023 ແລະ ທິດທາງແຜນການເຄື່ອນໄຫວວຽກງານປະຈໍາປີ 2024;ບົດລາຍງານຜົນການກວດສອບຄືນບົດສະຫຼຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດຂອງແຂວງ ປະຈໍາປີ 2022 ແລະ ແຜນການກວດສອບຄືນບົດສະຫຼຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດຂອງແຂວງຄໍາມ່ວນ ປະຈໍາປີ 2023; ບົດລາຍງານຂອງອົງການກວດກາລັດແຂວງ ກ່ຽວກັບການຈັດຕັ້ງປະຕິບັດວຽກງານປະຈໍາປີ 2023 ແລະ ທິດທາງແຜນການປະຈໍາປີ 2024; ບົດລາຍງານຜົນການກວດກາຕາມຜົນການກວດສອບ ປະຈໍາປີ 2021 ແລະ ແຜນການກວດກາຕາມຜົນການກວດສອບ ປະຈໍາປີ 2022;ບົດລາຍງານຂອງອົງການໄອຍະການປະຊາຊົນແຂວງຄໍາມ່ວນ ກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານ ປະຈຳປີ 2023 ແລະ ທິດທາງແຜນການເຄື່ອນໄຫວວຽກງານ ປະຈໍາປີ 2024; ບົດລາຍງານຂອງສານປະຊາຊົນແຂວງຄໍາມ່ວນກ່ຽວກັບການເຄື່ອນໄຫວວຽກງານ ປະຈໍາປີ 2023 ແລະ ທິດທາງແຜນການເຄື່ອນໄຫວວຽກງານ ປະຈໍາປີ 2024; ບົດລາຍງານຂອງສະພາປະຊາຊົນແຂວງຄໍາມ່ວນ ຊຸດທີ II ກ່ຽວກັບການເຄື່ອນໄຫວວຽກງານ ປະຈໍາປີ 2023 ແລະ ທິດທາງແຜນການເຄື່ອນໄຫວວຽກງານ ປະຈໍາປີ 2024.
ນອກນັ້ນ, ຍັງຈະໄດ້ຮັບຮອງເອົາຂໍ້ຕົກລົງຂອງເຈົ້າແຂວງຄຳມ່ວນ ກ່ຽວກັບວຽກງານການສ້າງ ແລະ ປັບປຸງນິຕິກໍາໃຕ້ກົດໝາຍ ຂອງແຂວງ ຈຳນວນ 3 ບົດຄື: ຂໍ້ຕົກລົງຂອງເຈົ້າແຂວງຄໍາມ່ວນ ວ່າດ້ວຍການຫຼຸດຜ່ອນອຸບັດເຫດ ແລະ ການຮັກສາຄວາມປອດໄພຕາມທ້ອງຖະໜົນຫຼວງ ພາຍໃນແຂວງຄໍາມ່ວນ, ຂໍ້ຕົກລົງ ວ່າດ້ວຍການຄຸ້ມຄອງຂໍ້ມູນຂ່າວສານຜ່ານອິນເຕີເນັດ ແລະ ການຕ້ານ, ສະກັດກັ້ນການກະທຳຄວາມຜິດຕ່າງໆຜ່ານທາງລະບົບຄອມພີວເຕີ ພາຍໃນແຂວງຄໍາມ່ວນ, ຂໍ້ຕົກລົງ ວ່າດ້ວຍການຄຸ້ມຄອງ ແລະ ພັດທະນາທີ່ດິນປ່າໄມ້ ທົ່ວແຂວງຄໍາມ່ວນ ແລະ ຮັບຟັງການຊີ້ແຈງໃນບັນດາຂົງເຂດວຽກງານຕ່າງໆ ທີ່ຕິດພັນກັບບົດລາຍງານ ທີ່ໄດ້ພິຈາລະນາ ແລະ ຮັບຮອງໃນກອງປະຊຸມຄັ້ງນີ້.
ຂ່າວ-ພາບ: ມະນີວັນ

ຄໍາເຫັນ

ຂ່າວການເມືອງ

ກອງປະຊຸມໃຫຍ່ສະຫະພັນກໍາມະບານທະນາຄານ ແຫ່ງ ສປປ ລາວ ຄັ້ງທີ IX

30/06/2025 15:36

ສະຫະພັນກໍາມະບານທະນາຄານ ແຫ່ງ ສປປ ລາວ (ສກບ.ທຫລ) ໄດ້ຈັດກອງປະຊຸມໃຫຍ່ຜູ້ແທນສະຫະພັນກໍາມະບານທະນາຄານແຫ່ງ ສປປ ລາວ ຄັ້ງທີ IX ຂຶ້ນໃນວັນທີ 30 ມິຖຸນາ ນີ້ ທີ່ສະຖາບັນການທະນາຄານ ໂດຍການເປັນປະທານຂອງສະຫາຍ ນາງ ມະໂນລາ ເມືອງມະນີ ຮັກສາການປະທານຄະນະບໍລິຫານງານ ສກບ.ທຫລ ໂດຍການໃຫ້ກຽດເຂົ້າຮ່ວມຂອງ ສະຫາຍ ນາງ ບຸນຄໍາ ວໍລະຈິດ ກໍາມະການສູນກາງພັກ ເລຂາຄະນະບໍລິຫານງານພັກ ຜູ້ວ່າການທະນາຄານແຫ່ງ ສປປ ລາວ; ສະຫາຍ ນາງ ອາລິຍາວັນ ອັກຄະວົງ ຮອງປະທານສູນກາງສະຫະພັນກໍາມະບານລາວ, ມີແຂກຖືກເຊີນ ພ້ອມດ້ວຍສະມາຊິກກໍາມະບານ ແລະ ພາກສ່ວນກ່ຽວຂ້ອງເຂົ້າຮ່ວມ.

ກອງປະຊຸມສະໄໝວິສາມັນເທື່ອທີ 1 ຂອງສະພາປະຊາຊົນແຂວງຜົ້ງສາລີ ຊຸດທີ II

30/06/2025 15:32

ໃນວັນທີ 30 ມິຖຸນານີ້, ສະພາປະຊາຊົນແຂວງຜົ້ງສາລີ ໄດ້ຈັດກອງປະຊຸມສະໄໝວິສາມັນ ເທື່ອທີ 1 ຂຶ້ນ, ພາຍໃຕ້ການເປັນປະທານຂອງທ່ານ ທອງສີ ເສົາສຸລິພົມ ຮອງເລຂາພັກແຂວງ ປະທານສະພາປະຊາຊົນແຂວງ, ມີທ່ານ ຄຳຜອຍ ວັນນະສານ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຜົ້ງສາລີ.

ຫສພ ເຜີຍແຜ່ເອກະສານສຳຄັນ ແລະ ປະກາດແຕ່ງຕັ້ງຕຳແໜ່ງບໍລິຫານ

30/06/2025 15:29

ໃນຕອນເຊົ້າວັນທີ 30 ມິຖຸນາ ນີ້, ຫ້ອງວ່າການສູນກາງພັກ (ຫສພ) ໄດ້ເຊື່ອມຊຶມມະຕິ 10 ສະ ໄໝ XI ຂອງສູນກາງພັກ ແລະ ເອກະສານວັນສຳຄັນຂອງພັກຂອງຊາດຈຳນວນໜຶ່ງ, ໂດຍການເຂົ້າຮ່ວມແລະ ເຜີຍແຜ່ຂອງ ສະຫາຍ ເພັດ ພົມພິພັກ ຫົວໜ້າຫ້ອງວ່າການສູນກາງພັກ ຊຶ່ງມີຄະນະພັກ, ຄະນະນຳ, ພະນັກງານ-ລັດຖະກອນທົ່ວ ຫສພ ເຂົ້າຮ່ວມ.

ສະຫວັນນະເຂດ ເປີດກອງປະຊຸມສະໄໝວິສາມັນເທື່ອທີ 1 ຂອງສະພາປະຊາຊົນແຂວງຊຸດທີ II

30/06/2025 14:24

ໃນວັນທີ 30 ມິຖຸນານີ້, ຢູ່ຫ້ອງປະຊຸມສະພາປະຊາຊົນແຂວງສະຫວັນນະເຂດ ໄດ້ເປີດກອງປະຊຸມສະໄໝວິສາມັນເທື່ອທີ 1 ຂອງສະພາປະຊາຊົນແຂວງຊຸດທີ II, ໂດຍການເປັນປະທານຂອງທ່ານ ກົງແກ້ວ ມີວໍລະຈັກ ປະທານສະພາປະຊາຊົນແຂວງສະຫວັນນະເຂດ, ມີທ່ານ ບຸນໂຈມ ອຸບົນປະເສີດ ເລຂາຄະນະບໍລິຫານງານພັກແຂວງເຈົ້າແຂວງສະຫວັນນະເຂດ, ມີການນໍາພັກ-ລັດຂັ້ນແຂວງ, ບັນດາສະມາຊິກສະພາແຫ່ງຊາດເຂດເລືອກຕັ້ງທີ 13 ແລະ ສະມາຊິກສະພາປະຊາຊົນແຂວງ, ອົງການຈັດຕັ້ງຕ່າງໆອ້ອມຂ້າງແຂວງ, ເມືອງເຂົ້າຮ່ວມ.

ສຳເລັດກອງປະຊຸມຄົບຄະນະບໍລິຫານງານພັກເມືອງໄຊຍະບູລີຄັ້ງທີ 2 ສະໄໝທີ X

29/06/2025 10:23

ກອງປະຊຸມຄົບຄະນະບໍລິຫານງານພັກເມືອງໄຊຍະບູລີ ແຂວງໄຊຍະບູລີ ຄັ້ງທີ 2 ສະໄໝທີ X ໄດ້ສໍາເລັດລົງໃນວັນທີ 26 ມິຖຸນາຜ່ານມາ ທີ່ຫ້ອງປະຊຸມຫ້ອງວ່າການເມືອງ. ໂດຍການເປັນປະທານຂອງສະຫາຍ ເສນ ພັນລັກ ເລຂາຄະນະບໍລິຫານງານພັກເມືອງ ຫົວໜ້າຄະນະສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງ ໄຊຍະບູລີ.

ສໍາເລັດກອງປະຊຸມໃຫຍ່ ຜູ້ແທນອົງຄະນະພັກເມືອງຍົມມະລາດ

29/06/2025 10:20

ກອງປະຊຸມໃຫຍ່ຄັ້ງທີ XIV ຜູ້ແທນອົງຄະນະພັກເມືອງຍົມມະ ໄດ້ອັດລົງໃນ ວັນທີ 28 ມິຖຸນານີ້ ທີ່ສະໂມສອນຂອງເມືອງ ໂດຍມີຜູ້ແທນສົມບູນເຂົ້າຮ່ວມຈໍານວນ 150 ສະຫາຍຍິງ 16 ສະຫາຍ ທີ່ເປັນຕົວແທນໃຫ້ແກ່ສະມາຊິກພັກ 1,549 ສະຫາຍໃນທົ່ວເມືອງ.

ຍົມມະລາດ ດຳເນີນກອງປະຊຸມໃຫຍ່ຜູ້ແທນອົງຄະນະພັກເມືອງຄັ້ງທີ XIV

28/06/2025 12:42

ກອງປະຊຸມໃຫຍ່ຜູ້ແທນອົງຄະນະພັກເມືອງຍົມມະລາດ ແຂວງຄໍາມ່ວນ ຄັ້ງທີ XIV ໄດ້ໄຂຂຶ້ນໃນວັນທີ 27 ມິຖຸນານີ້, ໂດຍການເປັນປະທານຂອງສະຫາຍ ຄໍາໝັ້ນ ສໍປະເສີດ ກຳມະການພັກແຂວງ, ຮັກສາການເລຂາພັກເມືອງເຈົ້າເມືອງຍົມມະລາດ, ເປັນກຽດເຂົ້າຮ່ວມມີສະຫາຍ ວັນໄຊ ພອງສະຫວັນ ກຳມະການສູນກາງພັກເລຂາຄະນະບໍລິຫານງານພັກແຂວງເຈົ້າແຂວງຄຳມ່ວນ, ມີແຂກຖືກເຊີນ ແລະ ຜູ້ແທນສົມບູນ ຈຳນວນ 150 ສະຫາຍທີ່ເປັນຕົວແທນໃຫ້ແກ່ສະມາຊິກພັກໃນທົ່ວເມືອງເຂົ້າຮ່ວມ.

ສຳເລັດກອງປະຊຸມໃຫຍ່ຄະນະພັກຮາກຖານຫ້ອງວ່າການແຂວງຊຽງຂວາງ

28/06/2025 11:07

ກອງປະຊຸມໃຫຍ່ ຄະນະພັກຮາກຖານຫ້ອງວ່າການແຂວງຊຽງຂວາງ ຄັ້ງທີIII ໄດ້ດຳເນີນໃນວັນທີ27ມິຖຸນານີ້ທີ່ຫ້ອງວ່າການແຂວງ ໂດຍການເປັນປະທານຂອງສະຫາຍ ບຸນຈັນ ສີວົງພັນ ກຳມະການສູນກາງພັກ ເລຂາພັກແຂວສງ ເຈົ້າແຂວງໆຊຽງຂວາງ.

ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ປິດລົງດ້ວຍສໍາເລັດຜົນຢ່າງຈົບງາມ

27/06/2025 11:56

ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ (ສພຊ) ຊຸດທີ IX ໄດ້ປິດລົງດ້ວຍຜົນສຳເລັດຢ່າງຈົບງາມ ໃນວັນທີ 26 ມິຖຸນານີ້, ທີ່ ສະພາແຫ່ງຊາດ ໂດຍການເປັນປະທານ ຂອງທ່ານ ໄຊສົມພອນ ພົມວິຫານ ປະທານສະພາແຫ່ງຊາດ, ໃຫ້ກຽດເຂົ້າຮ່ວມຂອງທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ປະທານປະເທດແຫ່ງ ສປປ ລາວ, ທ່ານ ສອນໄຊ ສີພັນດອນ ນາຍົກລັດຖະມົນຕີ, ມີບັນດາການນໍາຂັ້ນສູງ, ອະດີດການນໍາຂັ້ນສູງຂອງພັກ-ລັດ, ບັນດາສະມາຊິກສະພາແຫ່ງຊາດ ເຂົ້າຮ່ວມ.

ອົງຄະນະພັກກອງບັນຊາການທະຫານແຂວງຄໍາມ່ວນດໍາເນີນກອງປະຊຸມໃຫຍ່ຜູ້ແທນສະມາຊິກພັກຄັ້ງທີ VI

27/06/2025 11:00

ກອງປະຊຸມໃຫຍ່ຜູ້ແທນສະມາຊິກພັກຄັ້ງທີ VI ອົງຄະນະພັກກອງບັນຊາການທະຫານແຂວງຄໍາມ່ວນໄດ້ໄຂຂຶ້ນໃນຕອນເຊົ້າຂອງວັນທີ 26 ມິຖຸນາຜ່ານມາ ຢູ່ທີ່ສະໂມສອນກອງບັນຊາການທະຫານແຂວງ ໂດຍພາຍການເປັນປະທານຂອງສະຫາຍ ພັອ ສີສົມພູ ແກ້ວບຸນລ້ອມ ເລຂາຄະນະພັກຮັກສາການຫົວໜ້າການເມືອງ ກອງບັນຊາການທະຫານແຂວງ, ມີສະຫາຍ ວັນໄຊ ພອງສະຫວັນ ກໍາມະການສູນກາງພັກ ເລຂາພັກແຂວງ ເຈົ້າແຂວງທັງເປັນປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບຂັ້ນແຂວງ, ສະຫາຍ ພົຈ ແສງມະນີວອນ ຄໍາມະນີ ຄະນະພັກກະຊວງປ້ອງກັນປະເທດຮອງຫົວໜ້າກົມໃຫຍ່ການເມືອງກອງທັບ.

ເພີ່ມເຕີມ