 |
ທ່ານ ສຸກສົມພອນ ແສງອາລຸນ ຮອງເລຂາທິການສະພາປະຊາຊົນແຂວງໄດ້ຜ່ານຮ່າງບົດສະຫຼຸບຕີລາຄາຄືນການເຄື່ອນໄຫວວຽກງານຂອງຄະນະເລຂາທິການສະພາປະຊາຊົນແຂວງຄໍາມ່ວນ ຊຸດທີ II ປະຈໍາ 6 ເດືອນຕົ້ນປີ ແລະ ທິດທາງແຜນການປະຈໍາ 6 ເດືອນທ້າຍປີ 2025 ໂດຍສັງເຂບ. ຊຶ່ງໄດ້ຍົກໃຫ້ເຫັນດ້ານດີ, ດ້ານຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນແຕ່ລະດ້ານເປັນຕົ້ນດ້ານວຽກງານການເມືອງ-ແນວຄິດ, ດ້ານການເປັນເສນາທິການໃຫ້ແກ່ສະພາປະຊາຊົນຂັ້ນແຂວງ, ດ້ານການເປັນເສນາທິການໃຫ້ແກ່ ຄະນະປະຈໍາສະພາປະຊາຊົນຂັ້ນແຂວງ, ດ້ານການເຄື່ອນໄຫວວຽກງານ ຂອງຄະນະເລຂາທິການສະພາປະຊາຊົນຂັ້ນແຂວງ, ດ້ານການເປັນເສນາທິການຂອງຂະແໜງການສັງກັດ ຄະນະເລຂາທິການສະພາປະຊາຊົນຂັ້ນແຂວງ, ດ້ານການສ້າງຄວາມເຂັ້ມແຂງໃຫ້ແກ່ຄະນະເລຂາທິການສະພາປະຊາຊົນຂັ້ນແຂວງ, ພ້ອມກັນນັ້ນ ປະທານກອງປະຊຸມຍັງມີຄໍາຖາມເຈາະຈີ້ມເພື່ອເປັນທິດໃຫ້ແກ່ຜູ້ເຂົ້າຮ່ວມກອງປະຊຸມໄດ້ມີການປະກອບຄໍາຄິດເຫັນໃສ່ບົດສະຫຼຸບດັ່ງກ່າວ ພ້ອມທັງມີການຊີ້ແຈງບາງບັນຫາ ແລະ ສະຫຼຸບສັງລວມການປະກອບຄໍາເຫັນ. ຜ່ານມະຕິວ່າດ້ວຍການແຕ່ງຕັ້ງພະນັກງານນໍາພາ-ຄຸ້ມຄອງທີ່ຍົກຍ້າຍມາຈາກອົງການປົກຄອງແຂວງ ເປັນຮອງເລຂາທິການສະພາປະຊາຊົນແຂວງ ຊຶ່ງໃຫ້ກຽດມອບໂດຍທ່ານ ບຸນມີ ພິມມະສອນ ແລະ ຮັບໂດຍທ່ານ ນິລະພົນ ສຸວັນນະລາດ ຮອງເລຂາທິການສະພາປະຊາຊົນແຂວງ. ຜ່ານມະຕິວ່າດ້ວບການປັບປຸງສັບຊ້ອນບຸກຄະລາກອນຂະແໜງຊ່ວຍວຽກຂອງສະພາປະຊາຊົນແຂວງ, ຜ່ານມະຕິວ່າດ້ວຍການແບ່ງຄວາມຮັບຜິດຊອບພາຍໃນຄະນະເລຂາທິການຂອງສະພາປະຊາຊົນແຂວງຊຸດທີ II (ສະບັບປຸງ), ຊຶ່ງຄະນະປະຈໍາສະພາປະຊາຊົນແຂວງຄໍາມ່ວນຕົກລົງເຫັນດີແບ່ງຄວາມຮັບຜິດຊອບພາຍໃນຄະນະເລຂາທິການສະພາປະຊາຊົນແຂວງ.
(ຂ່າວ-ພາບ: ແດງສະຫວັດ ແສນພານິດ)
ຄໍາເຫັນ