ກອງປະຊຸມສະໄໝສາມັນ ເທື່ອທີ 6 ຂອງສະພາປະຊາຊົນແຂວງ (ສພຂ) ສະຫວັນນະເຂດ ຊຸດທີ II ໄດ້ປິດລົງໃນວັນທີ 12 ມັງກອນ ຜ່ານມາ, ພາຍຫຼັງດຳເນີນມາເປັນເວລາ 4 ວັນ (ນັບແຕ່ວັນທີ 9-12 ມັງກອນ 2024) ພາຍໃຕ້ການເປັນປະທານຂອງ ທ່ານ ກົງແກ້ວ ມີວໍລະຈັກ ປະທານສະພາປະຊາຊົນແຂວງສະຫວັນນະເຂດ, ມີທ່ານ ບຸນໂຈມ ອຸບົນປະເສີດ ເຈົ້າແຂວງສະຫວັນນະເຂດ, ມີການນຳແຂວງ, ສະມາຊິກສະພາແຫ່ງຊາດ (ເຂດເລືອກຕັ້ງທີ 13, ສະມາຊິກສະພາປະຊາຊົນແຂວງ ແລະ ພາກສ່ວນຕ່າງໆເຂົ້າຮ່ວມ.
ກອງປະຊຸມຄັ້ງນີ້ ດໍາເນີນໄປດ້ວຍບັນຍາກາດອັນຟົດຟື້ນບົນພື້ນຖານຄວາມຮັບຜິດຊອບສູງ, ການຍົກສູງບົດບາດຂອງສະພາປະຊາຊົນແຂວງ, ສະມາຊິກສະພາແຫ່ງຊາດ (ສສຊ) ປະຈໍາເຂດເລືອກຕັ້ງທີ 13 ແລະ ສະມາຊິກສະພາປະຊາຊົນແຂວງ (ສສຂ) ທີ່ໄດ້ສຸມສະຕິປັນຍາ, ເສີມຂະຫຍາຍສິດປະຊາທິປະໄຕເຂົ້າໃນການຄົ້ນຄວ້າ ແລະ ປະກອບຄໍາເຫັນຕໍ່ວຽກງານຂອງອົງການປົກຄອງແຂວງກໍຄືພາກສ່ວນທີ່ກ່ຽວຂ້ອງໃນຖານະເປັນຕົວແທນໃນການປົກປ້ອງສິດຜົນປະໂຫຍດຂອງລັດ ແລະ ຂອງປະຊາຊົນບັນດາເຜົ່າເຮັດໃຫ້ບັນດາເນື້ອໃນຕ່າງໆທີ່ນໍາເຂົ້າພິຈາລະນາ, ຮັບຮອງໃນກອງປະຊຸມມີຄວາມເປັນເອກະພາບສູງ ແລະ ສອດຄ່ອງກັບກົດໝາຍ, ສະພາບຄວາມເປັນຈິງຂອງທ້ອງຖິ່ນສາມາດບັນລຸຜົນສໍາເລັດຕາມໄດ້ຕາມລະດັບຄາດໝາຍທີ່ວາງໄວ້.
ທ່ານ ກົງແກ້ວ ມີວໍລະຈັກ ກ່າວວ່າ: ກອງປະຊຸມຄັ້ງນີ້ ໄດ້ພິຈາລະນາ, ຮັບຮອງເອົາບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈຳປີ 2023 ແລະ ທິດທາງແຜນການປີ 2024; ຮັບຮອງເອົາບົດລາຍງານການຈັດຕັ້ງປະຕິບັດແຜນງົບປະມານແຫ່ງລັດຂອງແຂວງປະຈໍາປີ 2023 ແລະ ທິດທາງແຜນການປີ 2024; ຮັບຮອງເອົາບົດລາຍງານການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ການແກ້ໄຂບັນຫາຢາເສບຕິດໄລຍະ 3 ປີຜ່ານມາ (2021-2023); ຮັບຮອງເອົາບົດລາຍງານການຈັດຕັ້ງປະຕິບັດແຜນການການເຄື່ອນໄຫວວຽກງານກາງສະໄໝຂອງແຜນການ 5 ປີ (2021-2025) ແລະ ແຜນການທ້າຍສະ ໄໝຮອດປີ 2025; ການເຄື່ອນໄຫວວຽກງານປະຈໍາປີ 2023 ແລະແຜນການປີ 2024; ບົດລາຍງານຜົນການກວດສອບບົດສະຫຼຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2022 ຂອງອົງການກວດສອບປະຈໍາພາກກາງ 2; ຮັບຮອງເອົາບົດລາຍງານການຈັດຕັ້ງປະຕິບັດແຜນການ ເຄື່ອນໄຫວວຽກງານກາງສະໄໝຂອງແຜນການ 5 ປີ (2021-2025) ແລະ ທິດທາງແຜນການທ້າຍສະໄໝຮອດປີ 2025; ການເຄື່ອນໄຫວວຽກງານປະຈໍາປີ 2023 ແລະ ທິດທາງແຜນການປີ 2024; ບົດລາຍງານຜົນການກວດກາຕາມຜົນການກວດສອບ ປີ 2022 ຂອງອົງການກວດກາລັດແຂວງ; ຮັບຮອງເອົາການຈັດຕັ້ງປະຕິບັດການເຄື່ອນໄຫວວຽກງານປະຈຳປີ 2023 ແລະ ທິດທາງແຜນການປີ 2024 ຂອງອົງການໄອຍະການປະຊາຊົນແຂວງ; ຮັບຮອງເອົາການຈັດຕັ້ງປະຕິບັດການເຄື່ອນໄຫວວຽກງານປະຈຳປີ ແລະ ທິດທາງແຜນການປີ 2024 ຂອງສານປະຊາຊົນແຂວງ; ຮັບຮອງເອົາການປະເມີນຜົນການຈັດຕັ້ງປະຕິບັດນິຕິກໍາໃຕ້ກົດໝາຍ 4 ສະບັບ; ຮັບຮອງເອົາຂໍ້ຕົກລົງຂອງທ່ານເຈົ້າແຂວງວ່າດ້ວຍການຄຸ້ມຄອງກອງທຶນສັງຄົມສົງເຄາະແຂວງ (ສະບັບປັບປຸງ); ຮັບຮອງເອົາຮ່າງຂໍ້ຕົກລົງຂອງທ່ານເຈົ້າແຂວງວ່າດ້ວຍການມີສ່ວນຮ່ວມຂອງສັງຄົມຕໍ່ການສຶກສາກ່ອນໄວຮຽນ ແລະ ສາມັນສຶກສາທົ່ວແຂວງ (ສ້າງໃໝ່); ຮັບຮອງກົງຈັກການຈັດຕັ້ງເຂດເສດຖະກິດພິເສດແຂວງສະຫວັນນະເຂດ ເປັນອົງການລັດທຽບເທົ່າຂັ້ນພະແນກການຂອງແຂວງ; ພິຈາລະນາ, ຮັບຮອງເອົາການແຕ່ງຕັ້ງ ທ່ານ ທະນົງຊາຍ ສຸກຄໍາທັດ ຮອງຫົວໜ້າສະຖາບັນຄົ້ນຄວ້າວິໄຈການພັດທະນາ ແລະ ສູນຝຶກອົບຮົມ (ກະຊວງແຜນການ ແລະ ການລົງທຶນ) ເປັນຫົວໜ້າຄະນະຄຸ້ມຄອງເຂດເສດຖະກິດພິເສດແຂວງ.
ພ້ອມດຽວກັນນີ້, ຍັງໄດ້ພິຈາລະນາ, ຮັບຮອງເອົາການຈັດຕັ້ງປະຕິບັດການເຄື່ອນໄຫວວຽກງານ ປະຈຳປີ 2023 ແລະ ທິດທາງແຜນການ ປະຈໍາປີ 2024 ຂອງສະພາປະຊາຊົນແຂວງ ຊຸດທີ II .
ທ່ານປະທານສະພາປະຊາຊົນແຂວງຍັງໄດ້ຮຽກຮ້ອງມາຍັງຄະນະນຳຂັ້ນຕ່າງໆ ແລະ ທຸກພາກສ່ວນທີ່ກ່ຽວຂ້ອງຈົ່ງໄດ້ຜັນຂະຫຍາຍມະຕິກອງປະຊຸມຄັ້ງນີ້ ເຂົ້າໃນຂອບເຂດຄວາມຮັບຜິດຊອບຂອງຕົນ ແລະ ນໍາໄປຈັດຕັ້ງປະຕິບັດໄດ້ຢ່າງເປັນຮູບປະທຳທີ່ແທ້ຈິງ.
ຂ່າວ-ພາບ: ແຂວງສະຫວັນນະເຂດ
ກອງປະຊຸມຄັ້ງນີ້ ດໍາເນີນໄປດ້ວຍບັນຍາກາດອັນຟົດຟື້ນບົນພື້ນຖານຄວາມຮັບຜິດຊອບສູງ, ການຍົກສູງບົດບາດຂອງສະພາປະຊາຊົນແຂວງ, ສະມາຊິກສະພາແຫ່ງຊາດ (ສສຊ) ປະຈໍາເຂດເລືອກຕັ້ງທີ 13 ແລະ ສະມາຊິກສະພາປະຊາຊົນແຂວງ (ສສຂ) ທີ່ໄດ້ສຸມສະຕິປັນຍາ, ເສີມຂະຫຍາຍສິດປະຊາທິປະໄຕເຂົ້າໃນການຄົ້ນຄວ້າ ແລະ ປະກອບຄໍາເຫັນຕໍ່ວຽກງານຂອງອົງການປົກຄອງແຂວງກໍຄືພາກສ່ວນທີ່ກ່ຽວຂ້ອງໃນຖານະເປັນຕົວແທນໃນການປົກປ້ອງສິດຜົນປະໂຫຍດຂອງລັດ ແລະ ຂອງປະຊາຊົນບັນດາເຜົ່າເຮັດໃຫ້ບັນດາເນື້ອໃນຕ່າງໆທີ່ນໍາເຂົ້າພິຈາລະນາ, ຮັບຮອງໃນກອງປະຊຸມມີຄວາມເປັນເອກະພາບສູງ ແລະ ສອດຄ່ອງກັບກົດໝາຍ, ສະພາບຄວາມເປັນຈິງຂອງທ້ອງຖິ່ນສາມາດບັນລຸຜົນສໍາເລັດຕາມໄດ້ຕາມລະດັບຄາດໝາຍທີ່ວາງໄວ້.
ທ່ານ ກົງແກ້ວ ມີວໍລະຈັກ ກ່າວວ່າ: ກອງປະຊຸມຄັ້ງນີ້ ໄດ້ພິຈາລະນາ, ຮັບຮອງເອົາບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈຳປີ 2023 ແລະ ທິດທາງແຜນການປີ 2024; ຮັບຮອງເອົາບົດລາຍງານການຈັດຕັ້ງປະຕິບັດແຜນງົບປະມານແຫ່ງລັດຂອງແຂວງປະຈໍາປີ 2023 ແລະ ທິດທາງແຜນການປີ 2024; ຮັບຮອງເອົາບົດລາຍງານການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ການແກ້ໄຂບັນຫາຢາເສບຕິດໄລຍະ 3 ປີຜ່ານມາ (2021-2023); ຮັບຮອງເອົາບົດລາຍງານການຈັດຕັ້ງປະຕິບັດແຜນການການເຄື່ອນໄຫວວຽກງານກາງສະໄໝຂອງແຜນການ 5 ປີ (2021-2025) ແລະ ແຜນການທ້າຍສະ ໄໝຮອດປີ 2025; ການເຄື່ອນໄຫວວຽກງານປະຈໍາປີ 2023 ແລະແຜນການປີ 2024; ບົດລາຍງານຜົນການກວດສອບບົດສະຫຼຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2022 ຂອງອົງການກວດສອບປະຈໍາພາກກາງ 2; ຮັບຮອງເອົາບົດລາຍງານການຈັດຕັ້ງປະຕິບັດແຜນການ ເຄື່ອນໄຫວວຽກງານກາງສະໄໝຂອງແຜນການ 5 ປີ (2021-2025) ແລະ ທິດທາງແຜນການທ້າຍສະໄໝຮອດປີ 2025; ການເຄື່ອນໄຫວວຽກງານປະຈໍາປີ 2023 ແລະ ທິດທາງແຜນການປີ 2024; ບົດລາຍງານຜົນການກວດກາຕາມຜົນການກວດສອບ ປີ 2022 ຂອງອົງການກວດກາລັດແຂວງ; ຮັບຮອງເອົາການຈັດຕັ້ງປະຕິບັດການເຄື່ອນໄຫວວຽກງານປະຈຳປີ 2023 ແລະ ທິດທາງແຜນການປີ 2024 ຂອງອົງການໄອຍະການປະຊາຊົນແຂວງ; ຮັບຮອງເອົາການຈັດຕັ້ງປະຕິບັດການເຄື່ອນໄຫວວຽກງານປະຈຳປີ ແລະ ທິດທາງແຜນການປີ 2024 ຂອງສານປະຊາຊົນແຂວງ; ຮັບຮອງເອົາການປະເມີນຜົນການຈັດຕັ້ງປະຕິບັດນິຕິກໍາໃຕ້ກົດໝາຍ 4 ສະບັບ; ຮັບຮອງເອົາຂໍ້ຕົກລົງຂອງທ່ານເຈົ້າແຂວງວ່າດ້ວຍການຄຸ້ມຄອງກອງທຶນສັງຄົມສົງເຄາະແຂວງ (ສະບັບປັບປຸງ); ຮັບຮອງເອົາຮ່າງຂໍ້ຕົກລົງຂອງທ່ານເຈົ້າແຂວງວ່າດ້ວຍການມີສ່ວນຮ່ວມຂອງສັງຄົມຕໍ່ການສຶກສາກ່ອນໄວຮຽນ ແລະ ສາມັນສຶກສາທົ່ວແຂວງ (ສ້າງໃໝ່); ຮັບຮອງກົງຈັກການຈັດຕັ້ງເຂດເສດຖະກິດພິເສດແຂວງສະຫວັນນະເຂດ ເປັນອົງການລັດທຽບເທົ່າຂັ້ນພະແນກການຂອງແຂວງ; ພິຈາລະນາ, ຮັບຮອງເອົາການແຕ່ງຕັ້ງ ທ່ານ ທະນົງຊາຍ ສຸກຄໍາທັດ ຮອງຫົວໜ້າສະຖາບັນຄົ້ນຄວ້າວິໄຈການພັດທະນາ ແລະ ສູນຝຶກອົບຮົມ (ກະຊວງແຜນການ ແລະ ການລົງທຶນ) ເປັນຫົວໜ້າຄະນະຄຸ້ມຄອງເຂດເສດຖະກິດພິເສດແຂວງ.
ພ້ອມດຽວກັນນີ້, ຍັງໄດ້ພິຈາລະນາ, ຮັບຮອງເອົາການຈັດຕັ້ງປະຕິບັດການເຄື່ອນໄຫວວຽກງານ ປະຈຳປີ 2023 ແລະ ທິດທາງແຜນການ ປະຈໍາປີ 2024 ຂອງສະພາປະຊາຊົນແຂວງ ຊຸດທີ II .
ທ່ານປະທານສະພາປະຊາຊົນແຂວງຍັງໄດ້ຮຽກຮ້ອງມາຍັງຄະນະນຳຂັ້ນຕ່າງໆ ແລະ ທຸກພາກສ່ວນທີ່ກ່ຽວຂ້ອງຈົ່ງໄດ້ຜັນຂະຫຍາຍມະຕິກອງປະຊຸມຄັ້ງນີ້ ເຂົ້າໃນຂອບເຂດຄວາມຮັບຜິດຊອບຂອງຕົນ ແລະ ນໍາໄປຈັດຕັ້ງປະຕິບັດໄດ້ຢ່າງເປັນຮູບປະທຳທີ່ແທ້ຈິງ.
ຂ່າວ-ພາບ: ແຂວງສະຫວັນນະເຂດ
ຄໍາເຫັນ