ສພຊ ເຜີຍແຜ່ຜົນສຳເລັດກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ແລະ ເອກກະສານສຳຄັນ ຂອງພັກ

ສພຊ ເພື່ອເຮັດໃຫ້ສະມາຊິກພັກ, ພະນັກງານ-ລັດຖະກອນ ພາຍໃນສະພາແຫ່ງຊາດ ມີຄວາມຮັບຮູ້ ແລະ ເຂົ້າໃຈຢ່າງເລິກເຊິ່ງ ຄະນະບໍລິຫານງານພັກສະພາແຫ່ງຊາດ ໄດ້ນຳພາຈັດຕັ້ງເຊື່ອມຊຶມບັນດາເອກະສານ ກ່ຽວກັບຜົນສຳເລັດການດຳເນີນກອງປະຊຸມກາງສະໄໝຂອງຄະນະບໍລິຫານງານສູນກາງພັກ ສະໄໝທີ XI, ຄຳສັ່ງຂອງຄະນະເລຂາທິການສູນກາງພັກ, ຄຳແນະນຳ ຂອງຄະນະຈັດຕັ້ງສູນກາງພັກ ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ ຊຶ່ງເປັນເອກະສານທີ່ມີຄວາມສຳຄັນ ແລະ ເປັນບ່ອນອີງໃຫ້ສະມາຊິກພັກ, ພະນັກງານ-ລັດຖະກອນ ພາຍໃນສະພາແຫ່ງຊາດ ນຳໄປຈັດຕັ້ງຜັນຂະຫຍາຍເຂົ້າໃນການເຄື່ອນໄຫວວຽກງານຂອງແຕ່ລະພາກສ່ວນ, ເຮັດໃຫ້ແນວທາງນະໂຍບາຍຂອງພັກ ໄດ້ຮັບການຈັດຕັ້ງປະຕິບັດເຂົ້າໃນວຽກງານຂອງສະພາແຫ່ງຊາດຢ່າງເລິກເຊິ່ງ ແລະ ນຳໝາກຜົນມາສູ່ປະເທດຊາດ ກໍຄືປະຊາຊົນບັນດາເຜົ່າ, ໃນວັນທີ  20 ຕຸລາ ຜ່ານມາ ທີ່ສະພາແຫ່ງຊາດ ໄດ້ຈັດກອງປະຊຸມເຜີຍແຜ່ ຜົນສຳເລັດກອງປະຊຸມຄົບຄະ ນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI, ຄຳສັ່ງຂອງຄະນະເລຂາທິການສູນກາງພັກ, ຄຳແນະນຳ ຂອງຄະນະຈັດຕັ້ງສູນກາງພັກ ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ ໂດຍການເປັນປະທານຂອງ ສະຫາຍ ນາງ ສູນທອນ ໄຊຍະຈັກ ຄະນະເລຂາທິການສູນກາງພັກ ຮອງເລຂາຄະນະບໍລິຫານງານພັກສະພາແຫ່ງຊາດ ເຂົ້າຮ່ວມມີບັນດາສະຫາຍຄະນະບໍລິຫານງານພັກສະພາແຫ່ງຊາດ, ຄະນະປະຈຳສະພາແຫ່ງຊາດ, ບັນດາທ່ານປະທານ-ຮອງກຳມາທິການ, ເລຂາ-ຮອງເລຂາທິການສະພາແຫ່ງຊາດ, ຫົວໜ້າສະຖາບັນຄົ້ນຄວ້ານິຕິກຳສະພາແຫ່ງຊາດ, ຄະນະກົມ, ຄະນະພະແນກ, ສະມາຊິີກພັກ, ພະນັກງານ-ລັດຖະກອນເຂົ້າຮ່ວມ.
ກອງປະຊຸມ, ໄດ້ຮັບຟັງການເຜີຍແຜ່ຄຳສັ່ງແນະນຳວ່າດ້ວຍການຜັນຂະຫຍາຍຜົນສຳເລັດຂອງກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI ຂອງພັກ ສະບັບເລກທີ 434/ຄລສພ, ລົງວັນທີ 18 ກັນຍາ 2023, ຮັບຟັງການເຜີຍແຜ່ຄໍາແນະນຳ ຂອງຄະນະໂຄສະນາອົບຮົມສູນກາງພັກ ສະບັບເລກທີ 23/ຄອສພ, ລົງວັນທີ 28 ກັນຍາ 2023; ເຜີຍແຜ່ມະຕິກອງປະຊຸມຄົບຄະນະກາງສະໄໝຂອງຄະນະບໍລິຫານງານສູນກາງພັກ ສະໄໝທີ XI, ເຜີຍແຜ່ເອກະສານຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XI, ເຜີຍແຜ່ເອກະສານຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ  XI ຂອງພັກ ໃນໄລຍະກາງສະໄໝ, ເຜີຍແຜ່ບົດລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025) ກາງສະໄໝຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ ແລະ ທິດທາງແຜນການທ້າຍສະໄໝຮອດປີ 2025, ເຜີຍແຜ່ບົດສໍາຫຼວດການນຳພາລວມ ໃນໄລຍະກາງສະໄໝຂອງຄະນະບໍລິຫານງານສູນກາງພັກສະໄໝທີ XI, ເຜີຍແຜ່ຄວາມເຫັນສະຫຼຸບວາລະເປີດກວ້າງ ແລະ ວາລະພາຍໃນຂອງສະຫາຍເລຂາທິການໃຫຍ່, ເຜີຍແຜ່ມະຕິຂອງຄະນະບໍລິຫານງານສູນກາງພັກ ວ່າດ້ວຍ ສືບຕໍ່ຍູ້ແຮງການຜັນຂະຫຍາຍແນວທາງປ່ຽນແປງໃໝ່ສູ່ລ່ວງເລິກສ້າງການຫັນປ່ຽນແປງທີ່ແຂງແຮງ, ເລິກເຊິ່ງ ແລະ ຮອບດ້ານ ໃນການນຳພາຂອງພັກ (ສະບັບເລກທີ 05/ຄບສພ, ລົງວັນທີ 5 ກັນຍາ 2023), ເຜີຍແຜ່ແຜນດຳເນີນງານ ເພື່ອຜັນຂະຫຍາຍມະຕິ ວ່າດ້ວຍສືບຕໍ່ຍູ້ແຮງການຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ, ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານ ໃນການນຳພາຂອງພັກ ສະບັບເລກທີ 432/ຄລສພ, ລົງວັນທີ 8 ກັນຍາ 2023, ຄຳສັ່ງຂອງຄະນະເລຂາທິການສູນກາງພັກ ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ ສະບັບເລກທີ 411/ຄລສພ, ລົງວັນທີ 8 ສິງຫາ 2023, ຄຳແນະນຳຂອງຄະນະຈັດຕັ້ງສູນກາງພັກກ່ຽວກັບການຈັດຕັ້ງປະຕິບັດຄຳສັ່ງ ຂອງຄະນະເລຂາທິການ ສູນກາງພັກ ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ສະບັບເລກທີ /ຄຈສພ, ລົງວັນທີ 16 ສິງຫາ 2023, ຄໍາແນະນຳຂອງຄະນະກວດກາສູນກາງພັກກ່ຽວກັບການກະກຽມ ແລະ ດຳເນີນຊີວິດການເມືອງທ້າຍສະໄໝກອງປະຊຸມໃຫຍ່  3 ຂັ້ນຂອງພັກ ສະບັບເລກທີ 285/ຄກສພ, ລົງວັນທີ15 ກັນຍາ 2023, ພ້ອມນັ້ນກອງປະຊຸມຍັງໄດ້ຜ່ານມະຕິຂອງຄະນະປະຈຳສະພາແຫ່ງຊາດ ວ່າດ້ວຍການອະນຸມັດໃຫ້ພະນັກງານຮັບອຸດໜູນບຳນານຕື່ມອີກ.
ຕ້ອນທ້າຍກອງປະຊຸມ, ສະຫາຍ ນາງ ສູນທອນ ໄຊຍະຈັກ ໄດ້ໂອ້ລົມວ່າ: ໃນສະພາບ, ເງື່ອນໄຂ ທີ່ເສດຖະກິດການເງິນຂອງປະເທດເຮົາ ກໍາລັງປະສົບກັບຄວາມຫຍຸ້ງຍາກ ເປັນຕົ້ນບັນຫາເງິນກີບອ່ອນຄ່າ, ລາຄາສິນຄ້າຕາມທ້ອງຕະຫຼາດມີການເໜັງຕີງເພີ່ມຂຶ້ນ ຊຶ່ງໄດ້ສົ່ງຜົນກະທົບຕໍ່ຄ່າຄອງຊີບ, ຊີວິດການເປັນຢູ່ຂອງ ພະນັກງານ, ທະຫານ, ຕໍາຫຼວດ ກໍຄືປະຊາຊົນບັນດາເຜົ່າ, ສູນກາງພັກ, ສະພາແຫ່ງຊາດ, ລັດຖະບານ ກໍໄດ້ສຸມທຸກຄວາມພະຍາຍາມໃນການແກ້ໄຂ ດ້ວຍຫຼາຍວິທີ             ການ, ມາດຕະການ ທີ່ວາງອອກໃນແຕ່ລະໄລຍະ. ສະນັ້ນ, ຈຶ່ງສະເໜີໃຫ້ບັນດາສະຫາຍ ເລຂາໜ່ວຍພັກຮາກຖານ, ຄະນະພັກຮາກຖານ, ສະມາຊິກພັກ ທົ່ວສະພາແຫ່ງຊາດ ຈົ່ງໄດ້ເພີ່ມທະວີການສຶກສາອົບຮົມ ການເມືອງ-ແນວຄິດ ໃຫ້ແກ່ພະນັກງານ-ລັດຖະກອນ ທີ່ຢູ່ໃນກົງຈັກການຈັດຕັ້ງຂອງຕົນໃຫ້ມີຄວາມອົດທົນ, ຕັ້ງໜ້າປະຕິບັດໜ້າທີ່ວຽກງານ, ພ້ອມກັນສູ້ຊົນຜ່ານຜ່າອຸປະສັກ, ຄວາມຫຍຸ້ງຍາກໃຫ້ສາມາດຫຼຸດພົ້ນໄປໄດ້ ເພື່ອເຮັດໃຫ້ຊີວິດການເປັນຢູ່ໄດ້ຮັບການປັບປຸງດີຂຶ້ນ, ມີສະຕິຕໍ່ການບໍລິໂພກຂ່າວໃນສື່ສັງຄົມອອນລາຍທີ່ມີການໂຄສະນາໂຈມຕີ, ໃສ່ຮ້າຍປ້າຍສີພັກ-ລັດ ແລະ ລະບອບໃໝ່ຂອງພວກເຮົາ, ໃນທ້າຍເດືອນຕຸລາ 2023 ນີ້, ສະພາແຫ່ງຊາດ ກໍຈະໄດ້ດໍາເນີນກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ຊຶ່ງຈະໄດ້ພິຈາລະນາຮັບຮອງເອົາບັນຫາສໍາຄັນພື້ນຖານຂອງປະເທດຊາດ ຕາມທີ່ໄດ້ກໍານົດໄວ້ໃນລັດຖະທໍາມະນູນ ແລະ ກົດໝາຍ ເປັນຕົ້ນບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ, ແຜນເງິນຕາ ກາງສະໄໝ 5 ປີ, ແຜນການເຄື່ອນໄຫວກາງສະໄໝຂອງອົງການຈັດຕັ້ງຕ່າງໆ. ເພື່ອເຮັດໃຫ້ການດໍາເນີນກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ໄດ້ຮັບຜົນສໍາເລັດຕາມຄາດ                        ໝາຍທີ່ວາງໄວ້ ຈຶ່ງສະເໜີມາຍັງບັນດາກໍາມາທິການ ເພີ່ມທະວີຄວາມເອົາໃຈໃສ່ ຄົ້ນຄວ້າເນື້ອໃນຂອງບົດລາຍງານຢ່າງເລິກເຊິ່ງ, ຊອກໃຫ້ເຫັນຄາດໝາຍໃດທີ່ສາມາດບັນລຸຕາມແຜນການ, ຄາດໝາຍໄດ້ບໍ່ສາມາດບັນລຸ, ຈະມີມາດຕະການແກ້ໄຂແນວໃດ ແລະ ອື່ນໆ; ກະກຽມບົດປະກອບຄໍາເຫັນ, ຄໍາຖາມເຈາະຈີ້ມ, ຄໍາຊັກຖາມ, ຮ່າງມະຕິກອງປະຊຸມ ໃຫ້ມີເນື້ອໃນໜັກແໜ້ນ, ຮັດກຸມ ເພື່ອເຮັດໃຫ້ການຕົກລົງຂອງກອງປະຊຸມສະພາແຫ່ງຊາດ ກາຍເປັນນິຕິກໍາທີ່ສັກສິດ ແລະ ສາມາດຈັດຕັ້ງປະຕິບັດໄດ້ຮັບຜົນດີ, ການສ້າງ ແລະ ປັບປຸງກົດໝາຍ ເປັນບົດບາດສໍາຄັນອັນໜຶ່ງຂອງສະພາແຫ່ງຊາດ ຊຶ່ງຈະເປັນບ່ອນອີງໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ຈຶ່ງສະເໜີໃຫ້ບັນດາກໍາມາທິການທີ່ກ່ຽວຂ້ອງເພີ່ມທະວີຄວາມເອົາໃຈໃສ່ຕໍ່ວຽກງານດັ່ງກ່າວໂດຍສະເພາະແມ່ນບັນດາກົດໝາຍທີ່ຈະນໍາເຂົ້າພິຈາລະນາ ແລະ ຮັບຮອງເອົາໃນກອງປະຊຸມຄັ້ງທີ 6 ຂອງສະພາແຫ່ງຊາດໜ້ານີ້, ການສ້າງສິ່ງເອື້ອອໍານວຍຄວາມສະດວກຮອບດ້ານ ໃຫ້ແກ່ການດໍາເນີນກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ກໍເປັນວຽກງານທີ່ຈະຕ້ອງໄດ້ເພີ່ມທະວີຄວາມເອົາໃຈໃສ່ ເປັນຕົ້ນການກະກຽມສະຖານທີ່ປະຊຸມ ລວມທັງລະບົບເອເລັກໂຕຣນິກຕ່າງໆ, ການເດີນທາງເຂົ້າຮ່ວມກອງປະຊຸມ ຂອງສະມາຊິກສະພາແຫ່ງຊາດ, ສະຖານທີ່ພັກເຊົາຂອງຜູ້ແທນກອງປະຊຸມ, ວຽກງານປ້ອງກັນຄວາມສະຫງົບ  ຈຶ່ງສະເໜີໃຫ້ ຄະນະເລຂາທິການສະພາແຫ່ງຊາດ ເປັນໃຈກາງ ໃນການຈັດຕັ້ງປະຕິບັດ, ໃນກອງປະຊຸມເຜີຍແຜ່, ເຊື່ອມຊຶມ ຄັ້ງນີ້, ນອກຈາກທີ່ໄດ້ເຜີຍແຜ່ເອກະສານສໍາຄັນຂອງພັກແລ້ວ, ຄະນະບໍລິຫານງານພັກສະພາແຫ່ງຊາດ ຍັງໄດ້ແຈ້ງກ່ຽວກັບການຕົກລົງປັບປຸງຊັບຊ້ອນບຸກຄະລາກອນຂອງສະພາແຫ່ງຊາດ ທີ່ຄົບເງຶ່ອນໄຂຮັບນະໂຍບາຍອຸດໜູນບໍານານຈໍານວນ 2 ສະຫາຍ ແລະ ການສັບຊ້ອນຍົກຍ້າຍ ແລະ ການເລື່ອນຕໍາແໜ່ງບໍລິຫານໃຫ້ພະນັກງານຈໍານວນໜຶ່ງຕາມກົດໝາຍວ່າດ້ວຍພະນັກງານ-ລັດຖະກອນ ຈໍານວນໜຶ່ງຕາມຄວາມສາມາດ ແລະ ຄວາມຮຽກຮ້ອງຕ້ອງການຂອງໜ້າທີ່ວຽກງານຢູ່ພາຍໃນສະພາແຫ່ງຊາດເຮົາ. ຢາກໃຫ້ບັນດາສະຫາຍເຂົ້າໃຈວ່າໄລຍະນີ້ຄະນະພັກສະພາແຫ່ງຊາດ ພວມສຸມໃສ່ການປັບປຸງ, ກົງຈັກການຈັດຕັ້ງພັກ-ພະນັກງານ ພາຍຫຼັງທີ່ກະຊວງພາຍໃນໄດ້ຮັບຮອງຜ່ານການຂຽນຕໍາແໜ່ງງານຂອງເຮົາທັງ 28 ກົມກອງ ທີ່ຂຶ້ນກັບສະພາແຫ່ງຊາດເຮົາ ແລະ ການທີ່ມີການຊັບຊ້ອນ ແລະ ເລື່ອນຊັ້ນບໍລິຫານໃຫ້ພະນັກງານ ແມ່ນເພີ່ມເຕີມກໍາລັງແຮງໃຫ້ກົມກອງຕ່າງໆ ແລະ ໃຫ້ຖືກກັບວິຊາສະເພາະໄດ້ຈົບການສຶກສາມາ. ສືບຕໍ່ໃຫ້ຄໍາປຶກສາຢ່າງໃກ້ຊິດກັບບັນດາສະຫາຍທີ່ໄດ້ເຮັດສໍາເລັດໜ້າທີ່ການເມືອງຂອງຕົນ ຂໍສະແດງຄວາມຊົມເຊີຍ ແລະ ຕີລາຄາຢ່າງສູງຕໍ່ບັນດາສະຫາຍທີ່ໄດ້ຮັບນະໂຍບາຍບໍານານເປັນຈຸດໝາຍລວມຂອງພະນັກງານ-ລັດຖະກອນທຸກຄົນ ໃຫ້ແກ່ສະພາແຫ່ງຊາດເປັນຜູ້ຖ່າຍທອດຄວາມຮູ້ໃຫ້ພະນັກງານໜຸ່ມສະພາແຫ່ງຊາດ ຊຶ່ງເປັນນະໂຍບາຍຂອງພັກ ແລະ ປະຕິບັດຕາມກົດໝາຍວ່າດ້ວຍພະນັກງານ-ລັດຖະກອນ ຈຶ່ງຂໍໃຫ້ບັນດາສະຫາຍໄດ້ເຂົ້າໃຈວ່າ ເມື່ອການປະຕິບັດໜ້າທີ່ການເມືອງຂອງພະນັກງານຄົບຕາມເງື່ອນໄຂແລ້ວ ກໍຈະໄດ້ຮັບນະໂຍບາຍພັກຜ່ອນ ເພື່ອຮັກສາສຸຂະພາບ, ຢູ່ນໍາລູກຫຼານ, ແຕ່ໄດ້ຮັບເງິນອຸດໜູນບໍານານຕາມລະບຽບການ. ການຮັບນະໂຍບາຍຮັບອູດໜູນບໍານານ ເປັນຈຸດໝາຍລວມຂອງພະນັກງານ-ລັດຖະກອນທຸກຄົນ.
(ຂ່າວ: ໄຊໂສພາພອນ ມິ່ງມຸງຄຸນ)