ກອງປະຊຸມສະໄໝສາມັນ ເທື່ອທີ່ 6 ຂອງສະພາແຫ່ງຊາດ(ສພຊ) ຊຸດທີ IXໂດຍການເປັນປະທານ ຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ຊຶ່ງໃນວາລະພາກເຊົ້າ10 ພະຈິກນີ້, ທ່ານ ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ ໄດ້ຂຶ້ນລາຍງານການຈັດຕັ້ງປະຕິບັດແຜນການເຄື່ອນໄຫວວຽກງານ ກາງສະໄໝ5 ປີ (2021-2025)ແລະ ທິດທາງແຜນການທ້າຍສະໄໝ ຮອດປີ 2025, ການຈັດຕັ້ງປະຕິບັດແຜນການ ປະຈໍາປີ 2023 ແລະ ແຜນການປະຈໍາປີ 2024 ຂອງສະພາແຫ່ງຊາດ ຊຸດທີ IX ຄື: ການຈັດຕັ້ງປະຕິບັດແຜນການເຄື່ອນໄຫວວຽກງານກາງສະໄໝ 5 ປີ (2021-2025).
ໂອກາດນີ້, ທ່ານ ນາງ ສູນທອນ ໄຊຍະຈັກ ໄດ້ກ່າວບາງເນື້ອໃນສໍາຄັນວ່າ: ການເຄື່ອນໄຫວກາງສະໄໝຂອງສະພາແຫ່ງຊາດຊຸດທີIXດຳເນີນໄປໃນທ່າມກາງສະພາບການຂອງໂລກແລະພາກພື້ນມີການຜັນແປຢ່າງສະຫຼັບສັບຊ້ອນສົ່ງຜົນກະທົບຕໍ່ສັນຕິພາບ, ສະຖຽນລະພາບແລະຄວາມໝັ້ນຄົງ, ສະພາບເສດຖະກິດ-ການເງິນຂອງໂລກ, ສ່ວນຢູ່ ສປປ ລາວພວກເຮົາກໍໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ແລະຄວາມຫຍຸ້ງຍາກທາງດ້ານເສດຖະກິດ-ການເງິນ ທີ່ແກ່ຍາວມາເປັນເວລາຫຼາຍປີ.ແຕ່ໂດຍໄດ້ຮັບຄວາມເອົາໃຈໃສ່ນໍາພາ-ຊີ້ນໍາຂອງກົມການເມືອງສູນກາງພັກ, ຄະນະເລຂາທິການສູນກາງພັກ, ເຮັດໃຫ້ສະພາແຫ່ງຊາດສາມາດຍາດໄດ້ຜົນສໍາເລັດໃນຫຼາຍດ້ານເປັນຕົ້ນການປະຕິບັດພາລະບົດບາດດ້ານນິຕິບັນຍັດ. 1)ປະຕິບັດແຜນການສ້າງແລະປັບປຸງກົດໝາຍຂອງສະພາແຫ່ງຊາດຊຸດທີIXໄດ້ທັງໝົດ52ສະບັບເທົ່າກັບ54,16% ຂອງແຜນການ 5 ປີແລະຄົ້ນຄວ້າປັບປຸງແຜນການສ້າງແລະປັບປຸງກົດໝາຍແຕ່ປີ 2023-2025ມີຈໍານວນ40ສະບັບ; ການປະຕິບັດພາລະບົດບາດດ້ານການຕົກລົງບັນຫາສໍາຄັນພື້ນຖານຂອງປະເທດຊາດ; ກະກຽມແລະດໍາເນີນກອງປະຊຸມຄັ້ງປະຖົມມະລືກຂອງສະພາແຫ່ງຊາດຊຸດທີIXເພື່ອພິຈາລະນາຮັບຮອງເອົາບັນຫາສໍາຄັນພື້ນຖານຂອງປະເທດຊາດ;ດໍາເນີນກອງປະຊຸມສະໄໝສາມັນຂອງສະພາແຫ່ງຊາດ6ຄັ້ງ,ສະມາຊິກສະພາແຫ່ງຊາດໄດ້ຄົ້ນຄວ້າປະກອບຄໍາເຫັນຕໍ່ເນື້ອໃນຕ່າງໆມີທັງໝົດ160ເນື້ອໃນຊຶ່ງໄດ້ຮັບຮອງເປັນມະຕິຈໍານວນ122ສະບັບ.ນອກນັ້ນ, ຍັງໄດ້ດໍາເນີນກອງປະຊຸມສະໄໝວິສາມັນເທື່ອທີ 1 ເພື່ອພິຈາລະນາຮັບຮອງເອົາວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນແລະ ການແກ້ໄຂບັນຫາຢາເສບຕິດ ແລະ ບັນດາກົດໝາຍທີ່ກ່ຽວຂ້ອງຊຶ່ງໄດ້ຮັບຮອງເປັນມະຕິຈໍານວນ 4 ສະບັບ; ດໍາເນີນກອງປະຊຸມຄະນະປະຈໍາສະພາແຫ່ງຊາດຈໍານວນ33ຄັ້ງເພື່ອພິຈາລະນາຕົກລົງບັນດາເນື້ອໃນຕ່າງໆຈໍານວນ 513ເນື້ອໃນແລະອອກມະຕິຂອງຄະນະປະຈໍາສະພາແຫ່ງຊາດຈໍານວນ223ສະບັບ.ການປະຕິບັດພາລະບົດບາດດ້ານການຕິດຕາມກວດກາ: 1)ປະເມີນຜົນການຈັດຕັ້ງປະຕິບັດກົດໝາຍ; ສ້າງແລະຈັດພິມປຶ້ມຄູ່ມືການຕິດຕາມກວດກາການປະເມີນຜົນການຈັດຕັ້ງປະຕິບັດກົດໝາຍ; ປຶ້ມປະມວນເອກກະສານຕິດຕາມກວດກາການປະເມີນຜົນການຈັດຕັ້ງປະຕິບັດກົດໝາຍ 4 ສະບັບທີ່ຕິດພັນກັບວາລະແຫ່ງຊາດ; 2)ເອົາໃຈໃສ່ຊີ້ນໍາການຄົ້ນຄວ້າ, ກໍານົດຫົວຂໍ້ເຂົ້າໃນແຜນການຕິດຕາມກວດກາຂອງສະພາແຫ່ງຊາດແລະບັນດາກົງຈັກຂອງສະພາແຫ່ງຊາດຈໍານວນ 70 ຄັ້ງ. 3).ດໍາເນີນກອງປະຊຸມຮ່ວມລະຫວ່າງຄະນະປະຈໍາສະພາແຫ່ງຊາດກັບລັດຖະບານຈຳນວນ5ຄັ້ງຊຶ່ງໄດ້ພິຈາລະນາເນື້ອໃນ ຈໍານວນ39ຫົວຂໍ້ ແລະ ໄດ້ເຊັນຂໍ້ຕົກລົງຮ່ວມໃນການປະສານງານຊຶ່ງກັນ ແລະ ກັນ, ແຕ່ງຕັ້ງຜູ້ປະສານງານ ເພື່ອຍົກສູງປະສິດທິພາບໃນການເຄື່ອນໄຫວວຽກງານຂອງຕົນໃຫ້ນັບມື້ດີຂຶ້ນ. ພ້ອມກັນນັ້ນ, ກໍໄດ້ດໍາເນີນກອງປະຊຸມຮ່ວມ ລະຫວ່າງຄະນະປະຈໍາສະພາແຫ່ງຊາດ ກັບພາກສ່ວນກ່ຽວຂ້ອງໃນແຕ່ລະປີ ເປັນປົກກະຕິ;ໄດ້ຈັດກອງປະຊຸມສໍາມະນາວິທະຍາສາດ ກ່ຽວກັບການເພີ່ມທະວີການຄຸ້ມຄອງ ແລະຫຼັກການການລົງທຶນຂອງລັດ; 4)ໃນເວລາດໍາເນີນກອງປະຊຸມ ສພຊ ແຕ່ລະຄັ້ງ, ບັນດາສະມາຊິກສະພາແຫ່ງຊາດ ໄດ້ເປັນເຈົ້າການຄົ້ນຄວ້າ, ປະກອບຄໍາເຫັນ ຕໍ່ບົດລາຍງານຂອງພາກສ່ວນຕ່າງໆ; ສົ່ງຄໍາຊັກຖາມໃຫ້ພາກສ່ວນກ່ຽວຂ້ອງຈໍານວນ 22ພາກສ່ວນກວມເອົາ 183 ຄໍາຖາມ;5)ເອົາໃຈໃສ່ຊີ້ນໍາການຄົ້ນຄວ້າ, ພິຈາລະນາຄໍາຮ້ອງຂໍຄວາມເປັນທໍາຂອງພົນລະເມືອງທີ່ສົ່ງມາຫາສະພາແຫ່ງຊາດມີທັງໝົດ1.429ເລື່ອງ,ສາມາດພິຈາລະນາແລະສົ່ງໃຫ້ພາກສ່ວນກ່ຽວຂ້ອງໄດ້ຈໍານວນ919ເລື່ອງຖ້າທຽບໃສ່ຄໍາຮ້ອງເຂົ້າມາຊຸດທີ IXກວມເອົາ64,31%, ປັດຈຸບັນຄໍາຮ້ອງຄ້າງ 510 ເລື່ອງ; ຮັບຕ້ອນແລະໃຫ້ຄໍາປຶກສາແກ່ປະຊາຊົນຈຳນວນ834ຄັ້ງ;ເກັບກໍາສັງລວມຄໍາສະເໜີຂອງປະຊາຊົນຜ່ານໂທລະສັບສາຍດ່ວນຈໍານວນ2.841ສາຍ, ມີຈໍານວນ 1.628ເນື້ອໃນ,ສົ່ງໃຫ້49ພາກສ່ວນເພື່ອຄົ້ນຄວ້າພິຈາລະນາແກ້ໄຂ; ເຂົ້າຮ່ວມການແກ້ໄຂຄໍາຮ້ອງຂອງປະຊາຊົນທ້ອງຖິ່ນຕ່າງໆຫຼາຍກວ່າ 10 ຄັ້ງ. ແຜນການເຄື່ອນໄຫວວຽກງານແຕ່ລະດ້ານຄື: ການປະຕິບັດພາລະບົດບາດດ້ານນິຕິບັນຍັດ 1)ການສ້າງ ແລະປັບປຸງກົດໝາຍປະຈໍາປີ2024 ຈໍານວນ26ສະບັບ; ຮຽບຮຽງບັນດາກົດໝາຍທີ່ຮັບຮອງເອົາຢູ່ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີIXເພື່ອສະເໜີຂໍການພິຈາລະນາປະກາດໃຊ້; 2)ຂໍທິດຊີ້ນໍາຈາກກົມການເມືອງສູນກາງພັກ ກ່ຽວກັບການຄົ້ນຄວ້າ ແລະ ກະກຽມປັບປຸງລັດຖະທໍາມະນູນ ແຫ່ງ ສປປ ລາວ;3) ຄົ້ນຄວ້າການຕີຄວາມໝາຍກົດໝາຍ, ການໃຫ້ສັດຕະຍາບັນແກ່ສົນທິສັນຍາ-ສັນຍາສາກົນທີ່ສປປລາວເປັນພາຄີຕາມການສະເໜີຂອງລັດຖະບານ ແລະ ພາກສ່ວນກ່ຽວຂ້ອງ;4)ໂຄສະນາເຜີຍແຜ່ກົດໝາຍ,ນິຕິກໍາໃຕ້ກົດໝາຍ ແລະຊຸກຍູ້ການຜັນຂະຫຍາຍເນື້ອໃນຂອງກົດໝາຍອອກເປັນນິຕິກໍາໃຕ້ກົດໝາຍໃຫ້ສໍາເລັດ. ການປະຕິບັດພາລະບົດບາດ ດ້ານການຕົກລົງບັນຫາສໍາຄັນພື້ນຖານຂອງປະເທດຊາດເຊັ່ນ: ກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີIX.
ທິດທາງແຜນການທ້າຍສະໄໝ ຮອດປີ 2025. 1) ເພື່ອສືບຕໍ່ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ IX ຂອງພັກ, ລັດຖະທຳມະນູນ, ກົດໝາຍ; ແລະ ແຜນການເຄື່ອນໄຫວວຽກງານ 5ປີ ຂອງສະພາແຫ່ງຊາດ ຊຸດທີ IX ບັນລຸຕາມຄາດໝາຍທີ່ວາງໄວ້; 2) ເພື່ອສືບຕໍ່ຍົກສູງຄຸນນະພາບການເຄື່ອນໄຫວວຽກງານຂອງສະພາແຫ່ງຊາດ ໃນການປະຕິບັດພາລະບົດບາດ, ສິດ ແລະ ໜ້າທີ່ ໃຫ້ມີປະສິດທິຜົນ. 3) ເພື່ອປະກອບສ່ວນຍົກສູງປະສິດທິພາບ ໃນການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍ ໃຫ້ກາຍເປັນຮູບປະທຳດີຂຶ້ນຄື: ການປະຕິບັດພາລະບົດບາດ ດ້ານນິຕິບັນຍັດ1). ປະຕິບັດແຜນການສ້າງ ແລະ ປັບປຸງກົດໝາຍ ແຕ່ປີ 2023-2025 ຊຶ່ງມີຈຳນວນ 40 ສະບັບໃນນີ້, ກົດໝາຍປັບປຸງ 27 ສະບັບ, 2) ຄົ້ນຄວ້າ ແລະ ກະກຽມໃຫ້ແກ່ການປັບປຸງລັດຖະທຳມະນູນແຫ່ງ ສປປ ລາວ ໃຫ້ທັນສະເໜີຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX; 3). ປັບປຸງຮຽບຮຽງບັນດາກົດໝາຍ ທີ່ໄດ້ຮັບຮອງໃນກອງປະຊຸມສະພາແຫ່ງຊາດ ເພື່ອສະເໜີ ປະທານປະເທດ ອອກລັດຖະດຳລັດປະກາດໃຊ້ທັນຕາມກຳນົດເວລາ; 4) ເອົາໃຈໃສ່ຄົ້ນຄ້ວາຕີຄວາມໝາຍ ຫຼື ອະທິບາຍລັດຖະທຳມະນູນ, ກົດໝາຍ ແລະ ນິຕິກຳກ່ຽວຂ້ອງ; ຄົ້ນຄວ້າໃຫ້ສັດຕະຍາບັນແກ່ສົນທິສັນຍາ-ສັນຍາສາກົນ ທີ່ ສປປ ລາວເປັນພາຄີ; 5) ເອົາໃຈໃສ່ຄົ້ນຄວ້າ, ກຳນົດແຜນການເຜີຍແຜ່ກົດໝາຍ ແລະ ນິຕິກຳໃຕ້ກົດໝາຍ ເພື່ອລົງໂຄສະນາເຜີຍແຜ່ໃຫ້ເປົ້າໝາຍຕ່າງໆ ທັງສູນກາງ ແລະ ທ້ອງຖິ່ນ ຜ່ານສື່ມວນຊົນຕ່າງໆ.
(ຂ່າວ: ພັດ ລໍວັນໄຊ, ພາບ: ສຸກສະຫວັນ)
ໂອກາດນີ້, ທ່ານ ນາງ ສູນທອນ ໄຊຍະຈັກ ໄດ້ກ່າວບາງເນື້ອໃນສໍາຄັນວ່າ: ການເຄື່ອນໄຫວກາງສະໄໝຂອງສະພາແຫ່ງຊາດຊຸດທີIXດຳເນີນໄປໃນທ່າມກາງສະພາບການຂອງໂລກແລະພາກພື້ນມີການຜັນແປຢ່າງສະຫຼັບສັບຊ້ອນສົ່ງຜົນກະທົບຕໍ່ສັນຕິພາບ, ສະຖຽນລະພາບແລະຄວາມໝັ້ນຄົງ, ສະພາບເສດຖະກິດ-ການເງິນຂອງໂລກ, ສ່ວນຢູ່ ສປປ ລາວພວກເຮົາກໍໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ແລະຄວາມຫຍຸ້ງຍາກທາງດ້ານເສດຖະກິດ-ການເງິນ ທີ່ແກ່ຍາວມາເປັນເວລາຫຼາຍປີ.ແຕ່ໂດຍໄດ້ຮັບຄວາມເອົາໃຈໃສ່ນໍາພາ-ຊີ້ນໍາຂອງກົມການເມືອງສູນກາງພັກ, ຄະນະເລຂາທິການສູນກາງພັກ, ເຮັດໃຫ້ສະພາແຫ່ງຊາດສາມາດຍາດໄດ້ຜົນສໍາເລັດໃນຫຼາຍດ້ານເປັນຕົ້ນການປະຕິບັດພາລະບົດບາດດ້ານນິຕິບັນຍັດ. 1)ປະຕິບັດແຜນການສ້າງແລະປັບປຸງກົດໝາຍຂອງສະພາແຫ່ງຊາດຊຸດທີIXໄດ້ທັງໝົດ52ສະບັບເທົ່າກັບ54,16% ຂອງແຜນການ 5 ປີແລະຄົ້ນຄວ້າປັບປຸງແຜນການສ້າງແລະປັບປຸງກົດໝາຍແຕ່ປີ 2023-2025ມີຈໍານວນ40ສະບັບ; ການປະຕິບັດພາລະບົດບາດດ້ານການຕົກລົງບັນຫາສໍາຄັນພື້ນຖານຂອງປະເທດຊາດ; ກະກຽມແລະດໍາເນີນກອງປະຊຸມຄັ້ງປະຖົມມະລືກຂອງສະພາແຫ່ງຊາດຊຸດທີIXເພື່ອພິຈາລະນາຮັບຮອງເອົາບັນຫາສໍາຄັນພື້ນຖານຂອງປະເທດຊາດ;ດໍາເນີນກອງປະຊຸມສະໄໝສາມັນຂອງສະພາແຫ່ງຊາດ6ຄັ້ງ,ສະມາຊິກສະພາແຫ່ງຊາດໄດ້ຄົ້ນຄວ້າປະກອບຄໍາເຫັນຕໍ່ເນື້ອໃນຕ່າງໆມີທັງໝົດ160ເນື້ອໃນຊຶ່ງໄດ້ຮັບຮອງເປັນມະຕິຈໍານວນ122ສະບັບ.ນອກນັ້ນ, ຍັງໄດ້ດໍາເນີນກອງປະຊຸມສະໄໝວິສາມັນເທື່ອທີ 1 ເພື່ອພິຈາລະນາຮັບຮອງເອົາວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນແລະ ການແກ້ໄຂບັນຫາຢາເສບຕິດ ແລະ ບັນດາກົດໝາຍທີ່ກ່ຽວຂ້ອງຊຶ່ງໄດ້ຮັບຮອງເປັນມະຕິຈໍານວນ 4 ສະບັບ; ດໍາເນີນກອງປະຊຸມຄະນະປະຈໍາສະພາແຫ່ງຊາດຈໍານວນ33ຄັ້ງເພື່ອພິຈາລະນາຕົກລົງບັນດາເນື້ອໃນຕ່າງໆຈໍານວນ 513ເນື້ອໃນແລະອອກມະຕິຂອງຄະນະປະຈໍາສະພາແຫ່ງຊາດຈໍານວນ223ສະບັບ.ການປະຕິບັດພາລະບົດບາດດ້ານການຕິດຕາມກວດກາ: 1)ປະເມີນຜົນການຈັດຕັ້ງປະຕິບັດກົດໝາຍ; ສ້າງແລະຈັດພິມປຶ້ມຄູ່ມືການຕິດຕາມກວດກາການປະເມີນຜົນການຈັດຕັ້ງປະຕິບັດກົດໝາຍ; ປຶ້ມປະມວນເອກກະສານຕິດຕາມກວດກາການປະເມີນຜົນການຈັດຕັ້ງປະຕິບັດກົດໝາຍ 4 ສະບັບທີ່ຕິດພັນກັບວາລະແຫ່ງຊາດ; 2)ເອົາໃຈໃສ່ຊີ້ນໍາການຄົ້ນຄວ້າ, ກໍານົດຫົວຂໍ້ເຂົ້າໃນແຜນການຕິດຕາມກວດກາຂອງສະພາແຫ່ງຊາດແລະບັນດາກົງຈັກຂອງສະພາແຫ່ງຊາດຈໍານວນ 70 ຄັ້ງ. 3).ດໍາເນີນກອງປະຊຸມຮ່ວມລະຫວ່າງຄະນະປະຈໍາສະພາແຫ່ງຊາດກັບລັດຖະບານຈຳນວນ5ຄັ້ງຊຶ່ງໄດ້ພິຈາລະນາເນື້ອໃນ ຈໍານວນ39ຫົວຂໍ້ ແລະ ໄດ້ເຊັນຂໍ້ຕົກລົງຮ່ວມໃນການປະສານງານຊຶ່ງກັນ ແລະ ກັນ, ແຕ່ງຕັ້ງຜູ້ປະສານງານ ເພື່ອຍົກສູງປະສິດທິພາບໃນການເຄື່ອນໄຫວວຽກງານຂອງຕົນໃຫ້ນັບມື້ດີຂຶ້ນ. ພ້ອມກັນນັ້ນ, ກໍໄດ້ດໍາເນີນກອງປະຊຸມຮ່ວມ ລະຫວ່າງຄະນະປະຈໍາສະພາແຫ່ງຊາດ ກັບພາກສ່ວນກ່ຽວຂ້ອງໃນແຕ່ລະປີ ເປັນປົກກະຕິ;ໄດ້ຈັດກອງປະຊຸມສໍາມະນາວິທະຍາສາດ ກ່ຽວກັບການເພີ່ມທະວີການຄຸ້ມຄອງ ແລະຫຼັກການການລົງທຶນຂອງລັດ; 4)ໃນເວລາດໍາເນີນກອງປະຊຸມ ສພຊ ແຕ່ລະຄັ້ງ, ບັນດາສະມາຊິກສະພາແຫ່ງຊາດ ໄດ້ເປັນເຈົ້າການຄົ້ນຄວ້າ, ປະກອບຄໍາເຫັນ ຕໍ່ບົດລາຍງານຂອງພາກສ່ວນຕ່າງໆ; ສົ່ງຄໍາຊັກຖາມໃຫ້ພາກສ່ວນກ່ຽວຂ້ອງຈໍານວນ 22ພາກສ່ວນກວມເອົາ 183 ຄໍາຖາມ;5)ເອົາໃຈໃສ່ຊີ້ນໍາການຄົ້ນຄວ້າ, ພິຈາລະນາຄໍາຮ້ອງຂໍຄວາມເປັນທໍາຂອງພົນລະເມືອງທີ່ສົ່ງມາຫາສະພາແຫ່ງຊາດມີທັງໝົດ1.429ເລື່ອງ,ສາມາດພິຈາລະນາແລະສົ່ງໃຫ້ພາກສ່ວນກ່ຽວຂ້ອງໄດ້ຈໍານວນ919ເລື່ອງຖ້າທຽບໃສ່ຄໍາຮ້ອງເຂົ້າມາຊຸດທີ IXກວມເອົາ64,31%, ປັດຈຸບັນຄໍາຮ້ອງຄ້າງ 510 ເລື່ອງ; ຮັບຕ້ອນແລະໃຫ້ຄໍາປຶກສາແກ່ປະຊາຊົນຈຳນວນ834ຄັ້ງ;ເກັບກໍາສັງລວມຄໍາສະເໜີຂອງປະຊາຊົນຜ່ານໂທລະສັບສາຍດ່ວນຈໍານວນ2.841ສາຍ, ມີຈໍານວນ 1.628ເນື້ອໃນ,ສົ່ງໃຫ້49ພາກສ່ວນເພື່ອຄົ້ນຄວ້າພິຈາລະນາແກ້ໄຂ; ເຂົ້າຮ່ວມການແກ້ໄຂຄໍາຮ້ອງຂອງປະຊາຊົນທ້ອງຖິ່ນຕ່າງໆຫຼາຍກວ່າ 10 ຄັ້ງ. ແຜນການເຄື່ອນໄຫວວຽກງານແຕ່ລະດ້ານຄື: ການປະຕິບັດພາລະບົດບາດດ້ານນິຕິບັນຍັດ 1)ການສ້າງ ແລະປັບປຸງກົດໝາຍປະຈໍາປີ2024 ຈໍານວນ26ສະບັບ; ຮຽບຮຽງບັນດາກົດໝາຍທີ່ຮັບຮອງເອົາຢູ່ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີIXເພື່ອສະເໜີຂໍການພິຈາລະນາປະກາດໃຊ້; 2)ຂໍທິດຊີ້ນໍາຈາກກົມການເມືອງສູນກາງພັກ ກ່ຽວກັບການຄົ້ນຄວ້າ ແລະ ກະກຽມປັບປຸງລັດຖະທໍາມະນູນ ແຫ່ງ ສປປ ລາວ;3) ຄົ້ນຄວ້າການຕີຄວາມໝາຍກົດໝາຍ, ການໃຫ້ສັດຕະຍາບັນແກ່ສົນທິສັນຍາ-ສັນຍາສາກົນທີ່ສປປລາວເປັນພາຄີຕາມການສະເໜີຂອງລັດຖະບານ ແລະ ພາກສ່ວນກ່ຽວຂ້ອງ;4)ໂຄສະນາເຜີຍແຜ່ກົດໝາຍ,ນິຕິກໍາໃຕ້ກົດໝາຍ ແລະຊຸກຍູ້ການຜັນຂະຫຍາຍເນື້ອໃນຂອງກົດໝາຍອອກເປັນນິຕິກໍາໃຕ້ກົດໝາຍໃຫ້ສໍາເລັດ. ການປະຕິບັດພາລະບົດບາດ ດ້ານການຕົກລົງບັນຫາສໍາຄັນພື້ນຖານຂອງປະເທດຊາດເຊັ່ນ: ກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີIX.
ທິດທາງແຜນການທ້າຍສະໄໝ ຮອດປີ 2025. 1) ເພື່ອສືບຕໍ່ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ IX ຂອງພັກ, ລັດຖະທຳມະນູນ, ກົດໝາຍ; ແລະ ແຜນການເຄື່ອນໄຫວວຽກງານ 5ປີ ຂອງສະພາແຫ່ງຊາດ ຊຸດທີ IX ບັນລຸຕາມຄາດໝາຍທີ່ວາງໄວ້; 2) ເພື່ອສືບຕໍ່ຍົກສູງຄຸນນະພາບການເຄື່ອນໄຫວວຽກງານຂອງສະພາແຫ່ງຊາດ ໃນການປະຕິບັດພາລະບົດບາດ, ສິດ ແລະ ໜ້າທີ່ ໃຫ້ມີປະສິດທິຜົນ. 3) ເພື່ອປະກອບສ່ວນຍົກສູງປະສິດທິພາບ ໃນການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍ ໃຫ້ກາຍເປັນຮູບປະທຳດີຂຶ້ນຄື: ການປະຕິບັດພາລະບົດບາດ ດ້ານນິຕິບັນຍັດ1). ປະຕິບັດແຜນການສ້າງ ແລະ ປັບປຸງກົດໝາຍ ແຕ່ປີ 2023-2025 ຊຶ່ງມີຈຳນວນ 40 ສະບັບໃນນີ້, ກົດໝາຍປັບປຸງ 27 ສະບັບ, 2) ຄົ້ນຄວ້າ ແລະ ກະກຽມໃຫ້ແກ່ການປັບປຸງລັດຖະທຳມະນູນແຫ່ງ ສປປ ລາວ ໃຫ້ທັນສະເໜີຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX; 3). ປັບປຸງຮຽບຮຽງບັນດາກົດໝາຍ ທີ່ໄດ້ຮັບຮອງໃນກອງປະຊຸມສະພາແຫ່ງຊາດ ເພື່ອສະເໜີ ປະທານປະເທດ ອອກລັດຖະດຳລັດປະກາດໃຊ້ທັນຕາມກຳນົດເວລາ; 4) ເອົາໃຈໃສ່ຄົ້ນຄ້ວາຕີຄວາມໝາຍ ຫຼື ອະທິບາຍລັດຖະທຳມະນູນ, ກົດໝາຍ ແລະ ນິຕິກຳກ່ຽວຂ້ອງ; ຄົ້ນຄວ້າໃຫ້ສັດຕະຍາບັນແກ່ສົນທິສັນຍາ-ສັນຍາສາກົນ ທີ່ ສປປ ລາວເປັນພາຄີ; 5) ເອົາໃຈໃສ່ຄົ້ນຄວ້າ, ກຳນົດແຜນການເຜີຍແຜ່ກົດໝາຍ ແລະ ນິຕິກຳໃຕ້ກົດໝາຍ ເພື່ອລົງໂຄສະນາເຜີຍແຜ່ໃຫ້ເປົ້າໝາຍຕ່າງໆ ທັງສູນກາງ ແລະ ທ້ອງຖິ່ນ ຜ່ານສື່ມວນຊົນຕ່າງໆ.
(ຂ່າວ: ພັດ ລໍວັນໄຊ, ພາບ: ສຸກສະຫວັນ)
ຄໍາເຫັນ