 |
ໃນພິທີ, ທ່ານ ພັທ ບຸນມີ ແກ້ວລຽງສາ ເລຂາຄະພັກຮາກຖານ ຫົວໜ້າການທະຫານກອງພັນ 28 ໄດ້ລາຍງານສະພາບລວມໂດຍຫຍໍ້ ແລະ ຈຸດພິເສດທີ່ຕັ້ງຂອງກົມກອງ, ຂໍ້ສະດວກ, ຂໍ້ຫຍຸ້ງຍາກ ໃນການປະຕິບັດໜ້າທີ່ວຽກງານປ້ອງຊາດ. ໂອກາດນີ້, ທ່ານ ນາງ ອາລີ ວົງໜໍ່ບຸນທໍາ ໄດ້ມີບາງຄຳເຫັນ ໂດຍທ່ານໄດ້ຍ້ອງຍໍຊົມເຊີຍນາຍ ແລະ ພົນທະຫານ ທີ່ປະຈໍາການຢູ່ກອງພັນ 28 ພ້ອມທັງຮຽກຮ້ອງໃຫ້ພ້ອມກັນສືບຕໍ່ອອກແຮງເສີມຂະຫຍາຍທາດແທ້ມູນເຊື້ອຂອງຊາດ, ຂອງກອງທັບ, ເດັດ ດ່ຽວປະຕິບັດແນວທາງປ່ຽນແປງໃໝ່ຮອບດ້ານ ຢ່າງມີຫຼັກການຂອງພັກ, ເສີມຂະຫຍາຍບົດບາດ ເປັນ ກໍາລັງຫຼັກແຫຼ່ງແກ່ນສານໃນການຈັດຕັ້ງປະຕິບັດສອງໜ້າທີ່ຍຸດທະສາດຄື: ປົກປັກຮັກສາ ແລະ ສ້າງ ສາພັດທະນາປະເທດຊາດກອງທັບຈົ່ງກ້າວຂຶ້ນຍາດເອົາຜົນງານໃໝ່ຍິ່ງໃຫຍ່ກວ່າເກົ່າ.
 |
ສໍາລັບເຄື່ອງທີ່ນຳໄປມອບໃນຄັ້ງນີ້ປະກອບມີ: ເຄື່ອງອຸປະໂພກ-ບໍລິໂພກ ແລະ ເງິນສົດ ລວມເປັນມູນຄ່າ 311,150,000 ກີບ ທີ່ໄດ້ມາຈາກນໍ້າຈິດ, ນໍ້າໃຈ ແລະ ຄວາມຄິດຮອດຄິດເຖິງມາສູ່ອ້າຍນ້ອງທະຫານກໍາລັງປ້ອງກັນຊາດ ທີ່ປະຕິບັດໜ້າທີ່ຢູ່ເຂດຊາຍແດນ ຊຶ່ງເປັນການປະກອບສ່ວນຈາກ ພະນັກງານຂອງ ສສຍລ, ສະຫະພັນແມ່ຍິງຫຼາຍພາກສ່ວນ ແລະ ສະມາຄົມນັກທຸລະກິດໜຸ່ມ, ສະມາ ຄົມນັກທຸລະກິດແມ່ຍິງລາວ ແລະ ບໍລິສັດເອອີຊີ ການຄ້າຈຳກັດຜູ້ດຽວ. ໃຫ້ກຽດມອບເຄື່ອງໃນຄັ້ງນີ້ໂດຍ ທ່ານ ນາງ ອາລີ ວົງໜໍ່ບຸນທໍາ, ພ້ອມດ້ວຍຄະນະ.
 |
ຂ່າວ-ພາບ: ສູນກາງສະຫະພັນແມ່ຍິງລາວ
ຄໍາເຫັນ