ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ IX ທີ່ດຳເນີນໃນເຊົ້າວັນທີ 14 ພະຈິກ ນີ້ ໂດຍການເປັນປະທານຂອງ ທ່ານ ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ; ກອງປະຊຸມໄດ້ຮັບຟັງ ແລະ ພິຈາລະນາ, ປະກອບຄໍາເຫັນຕໍ່ຮ່າງກົດໝາຍວ່າດ້ວຍການບັນຊີ ສະບັບປັບປຸງ ຊຶ່ງໃນນີ້ບັນດາທ່ານສະມາຊິກສະພາແຫ່ງຊາດ (ສສຊ) ຫຼາຍທ່ານ ກໍມີຄໍາເຫັນໃນຫຼາຍຈຸດຢູ່ບັນດາມາດຕາຕ່າງໆ ໂດຍສະເພາະການປັບປຸງເນື້ອໃນ ມາດຕາ 7 ຊຶ່ງສະເພາະ ສສຊ ເຂດ 10 ກໍໄດ້ເຫັນດີ ແຕ່ກໍຍັງເປັນຫວ່ງເນື່ອງຈາກຈະກະທົບຕໍ່ຫຼາຍລະບົບ ເປັນຕົ້ນລະບົບການຮຽນ-ການສອນ.
ທ່ານ ລໍາໄມ ກຸດລາວົງ ສສຊ ເຂດ 10 ແຂວງວຽງຈັນ ກ່າວໃຫ້ຮູ້ວ່າ: ຕົນເອງໄດ້ເຫັນດີເປັນເອກະພາບສູງ ຕໍ່ການສະເໜີເຫດຜົນ ແລະ ຄວາມຈໍາເປັນໃນການປັບປຸງກົດໝາຍວ່າດ້ວຍການບັນຊີ ຂອງທ່ານລັດຖະມົນຕີກະຊວງການເງິນ ແລະ ຊົມເຊີຍຕໍ່ຄະນະຮັບຜິດຊອບປັບປຸງກົດໝາຍວ່າດ້ວຍການບັນຊີ ທີ່ມີຄວາມພະຍາຍາມ ໃນການປັບປຸງເນື້ອໃນຂອງກົດໝາຍສະບັບນີ້ ຖ້າທຽບໃສ່ສະບັບປັດຈຸບັນເຫັນວ່າ ຮ່າງກົດໝາຍສະບັບນີ້ມີເນື້ອໃນຄົບຖ້ວນ ຈະແຈ້ງພໍສົມຄວນ; ພ້ອມກັນນັ້ນ, ໄລຍະຜ່ານມາ ກໍໄດ້ສົ່ງໃຫ້ທ້ອງຖິ່ນໄດ້ປະກອບຄໍາຄິດຄໍາເຫັນກ່ອນໜ້າແລ້ວ. ຢ່າງໃດກໍຕາມ, ຜ່ານການຄົ້ນຄວ້າ ແລະ ການເຈາະຈີ້ມຂອງປະທານກອງປະຊຸມ ກໍໄດ້ມີບາງຄໍາເຫັນເພື່ອເປັນການແລກປ່ຽນ ໂດຍສະເພາະມາດຕາ 7 (ປັບປຸງ) ພາສາ, ສະກຸນເງິນຕາ ແລະ ໂຕເລກຈໍານວນເງິນ.
ຈຸດມີຄໍາເຫັນແລກປ່ຽນ ໃນມາດຕາ 7 ແມ່ນວັກທີ 3 ໂຕເລກຈໍານວນເງິນໃນບັນຊີ ໃຫ້ນໍາໃຊ້ຕົວເລກອາຣັບ (0, 1, 2, 3,.... ແລະ 9) ເຄື່ອງໝາຍໂຕເລກເຊັ່ນ: ພັນ, ລ້ານ, ຕື້ ຂຶ້ນໄປ ໃຫ້ໃຊ້ເຄື່ອງໝາຍຈຸດ (,) ແລະ ຈໍານວນເສດສ່ວນ ໃຫ້ນໍາໃຊ້ເຄື່ອງໝາຍຈໍ້າ (.). ໃນນີ້, ທ່ານ ລໍາໄມ ກຸດລາວົງ ກໍໄດ້ກ່າວວ່າ: ບົນພື້ນຖານດັ່ງກ່າວແມ່ນເຫັນດີ, ແຕ່ກໍຍັງເປັນຫ່ວງ ເພາະໄລຍະຜ່ານມາເລກເສດ ແມ່ນພວກເຮົາໃສ່(,) ຊຶ່ງບັນຫານີ້ກໍຢ້ານວ່າສັງຄົມຈະເຂົ້າໃຈຍາກ. ສະນັ້ນ, ຈຶ່ງສະເໜີໃຫ້ຄະນະຮັບຜິດຊອບພິຈາລະນາຕື່ມ, ເຖິງວ່າຈະກຳນົດສະເພາະໂຕເລກຈໍານວນເງິນກໍຕາມ ແຕ່ກໍຈະມີຜົນກະທົບຕໍ່ຫຼາຍລະບົບ ຕະຫຼອດຮອດການຮຽນ-ການສອນ; ພ້ອມກັນນັ້ນ, ອີງໃສ່ກົດໝາຍການບັນຊີ ຂອງປະເທດເພື່ອນບ້ານ ເພື່ອນມິດຍຸດທະສາດ ຄື ສສ ຫວຽດນາມ ເຄື່ອງໝາຍໂຕເລກເຊັ່ນ: ພັນ, ລ້ານ, ຕື້ ຂຶ້ນໄປ ກໍຍັງໃຊ້ເຄື່ອງໝາຍຈໍ້າຢູ່ ແລະ ເສດສ່ວນ ກໍເປັນເຄື່ອງໝາຍ (,).
(ຂ່າວ-ພາບ: ສຸກສະຫວັນ)
ທ່ານ ລໍາໄມ ກຸດລາວົງ ສສຊ ເຂດ 10 ແຂວງວຽງຈັນ ກ່າວໃຫ້ຮູ້ວ່າ: ຕົນເອງໄດ້ເຫັນດີເປັນເອກະພາບສູງ ຕໍ່ການສະເໜີເຫດຜົນ ແລະ ຄວາມຈໍາເປັນໃນການປັບປຸງກົດໝາຍວ່າດ້ວຍການບັນຊີ ຂອງທ່ານລັດຖະມົນຕີກະຊວງການເງິນ ແລະ ຊົມເຊີຍຕໍ່ຄະນະຮັບຜິດຊອບປັບປຸງກົດໝາຍວ່າດ້ວຍການບັນຊີ ທີ່ມີຄວາມພະຍາຍາມ ໃນການປັບປຸງເນື້ອໃນຂອງກົດໝາຍສະບັບນີ້ ຖ້າທຽບໃສ່ສະບັບປັດຈຸບັນເຫັນວ່າ ຮ່າງກົດໝາຍສະບັບນີ້ມີເນື້ອໃນຄົບຖ້ວນ ຈະແຈ້ງພໍສົມຄວນ; ພ້ອມກັນນັ້ນ, ໄລຍະຜ່ານມາ ກໍໄດ້ສົ່ງໃຫ້ທ້ອງຖິ່ນໄດ້ປະກອບຄໍາຄິດຄໍາເຫັນກ່ອນໜ້າແລ້ວ. ຢ່າງໃດກໍຕາມ, ຜ່ານການຄົ້ນຄວ້າ ແລະ ການເຈາະຈີ້ມຂອງປະທານກອງປະຊຸມ ກໍໄດ້ມີບາງຄໍາເຫັນເພື່ອເປັນການແລກປ່ຽນ ໂດຍສະເພາະມາດຕາ 7 (ປັບປຸງ) ພາສາ, ສະກຸນເງິນຕາ ແລະ ໂຕເລກຈໍານວນເງິນ.
ຈຸດມີຄໍາເຫັນແລກປ່ຽນ ໃນມາດຕາ 7 ແມ່ນວັກທີ 3 ໂຕເລກຈໍານວນເງິນໃນບັນຊີ ໃຫ້ນໍາໃຊ້ຕົວເລກອາຣັບ (0, 1, 2, 3,.... ແລະ 9) ເຄື່ອງໝາຍໂຕເລກເຊັ່ນ: ພັນ, ລ້ານ, ຕື້ ຂຶ້ນໄປ ໃຫ້ໃຊ້ເຄື່ອງໝາຍຈຸດ (,) ແລະ ຈໍານວນເສດສ່ວນ ໃຫ້ນໍາໃຊ້ເຄື່ອງໝາຍຈໍ້າ (.). ໃນນີ້, ທ່ານ ລໍາໄມ ກຸດລາວົງ ກໍໄດ້ກ່າວວ່າ: ບົນພື້ນຖານດັ່ງກ່າວແມ່ນເຫັນດີ, ແຕ່ກໍຍັງເປັນຫ່ວງ ເພາະໄລຍະຜ່ານມາເລກເສດ ແມ່ນພວກເຮົາໃສ່(,) ຊຶ່ງບັນຫານີ້ກໍຢ້ານວ່າສັງຄົມຈະເຂົ້າໃຈຍາກ. ສະນັ້ນ, ຈຶ່ງສະເໜີໃຫ້ຄະນະຮັບຜິດຊອບພິຈາລະນາຕື່ມ, ເຖິງວ່າຈະກຳນົດສະເພາະໂຕເລກຈໍານວນເງິນກໍຕາມ ແຕ່ກໍຈະມີຜົນກະທົບຕໍ່ຫຼາຍລະບົບ ຕະຫຼອດຮອດການຮຽນ-ການສອນ; ພ້ອມກັນນັ້ນ, ອີງໃສ່ກົດໝາຍການບັນຊີ ຂອງປະເທດເພື່ອນບ້ານ ເພື່ອນມິດຍຸດທະສາດ ຄື ສສ ຫວຽດນາມ ເຄື່ອງໝາຍໂຕເລກເຊັ່ນ: ພັນ, ລ້ານ, ຕື້ ຂຶ້ນໄປ ກໍຍັງໃຊ້ເຄື່ອງໝາຍຈໍ້າຢູ່ ແລະ ເສດສ່ວນ ກໍເປັນເຄື່ອງໝາຍ (,).
(ຂ່າວ-ພາບ: ສຸກສະຫວັນ)
ຄໍາເຫັນ