ທ່ານ ນາງ ພອນເພັດ ອຸ່ນແກ້ວ ສະມາຊິກສະພາແຫ່ງຊາດປະຈຳເຂດເລືອກຕັ້ງ 14 ແຂວງ ສາລະວັນ ໄດ້ປະກອບຄຳເຫັນໃສ່ຮ່າງກົດໝາຍດັ່ງກ່າວວ່າ: ກົດໝາຍສະບັບນີ້ຈະເປັນເຄື່ອງມືທີ່ສຳຄັນໃນການຄຸ້ມຄອງພະນັກງານໄອຍະການໃນຂອບເຂດທົ່ວປະເທດຢ່າງລວມສູນຊຶ່ງຈະເຮັດໃຫ້ການເຄື່ອນໄຫວປະຕິບັດໜ້າທີ່ມີປະສິດທິຜົນ ແລະ ປະສິດທິພາບ,ແຕ່ເຖິງຢ່າງໃດກໍ່ຕາມຂໍມີຄຳເຫັນເພື່ອເຮັດໃຫ້ເນື້ອໃນຂອງກົດໝາຍດັ່ງກ່າວມີຄວາມຈະແຈ້ງ,ຮັດກຸມສາມາດນຳໄປຈັດຕັ້ງປະຕິບັດໃຫ້ໄດ້ຮັບຜົນສຳເລັດ,ຂໍສະເໜີໃນມາດຕາ14ຫາມາດຕາ 17 ທີ່ກຳນົດກ່ຽວກັບມາດຕະຖານຂອງພະນັກງານໄອຍະການ ແລະ ຜູ້ຊ່ວຍພະນັກງານໄອຍະການ ຊຶ່ງເນື້ອໃນທີ່ຂຽນຢູ່ໃນມາດຕາເປັນເນື້ອໃນທີ່ເໝາະສົມ,ແຕ່ເພື່ອເຮັດໃຫ້ເນື້ອໃນໜັກແໜ້ນຂຶ້ນຕື່ມ, ຢາກສະເໜີໃນ ຂໍ້ 2 ແລະ ຂໍ້ 5,ສຳລັບຂໍ້ທີ 2 ມີຄວາມຊຳນານ ມີຫົວຄິດປະດິດສ້າງ ໃນການຳໃຊ້ສິດ ແລະ ການປະຕິບັດໜ້າທີ່ຂອງອົງການໄອຍະການປະຊາຊົນຢາກໃຫ້ໃສ່ຕື່ມຄຳວ່າເອົາອົງການໄອຍະການທະຫານໃສ່ດ້ານຫຼັງຂອງອົງການໄອຍະການປະຊາຊົນສູງສຸດໃຫ້ມີເນື້ອໃນວ່າມີຄວາມຊຳນານງານ ມີຫົວຄິດປະດິດສ້າງໃນການນຳໃຊ້ສິດ ແລະປະຕິບັດໜ້າທີ່ຂອງອົງການໄອຍະການປະຊາຊົນ ຫຼື ອົງການໄອຍະການທະຫານ ເນື່ອງຈາກວ່າໄອຍະການທະຫານກໍມີກົດໝາຍສະເພາະວ່າດ້ວຍອົງການໄອຍະການທະຫານ, ສຳລັບ ຂໍ້ 5 ຄຳສັບຕາມລະບຽບການໃສ່ຕື່ມທີ່ມີເນື້ອໃນວ່າໄດ້ຜ່ານການປະເມີນຜົນຈາກຄະນະກຳມະການທີ່ກ່ຽວຂ້ອງຕາມລະບຽບການ,ໃນຂະນະດຽວກັນມາດຕາ 21 ສິດ ແລະ ໜ້າທີ່ຄະນະກຳມະການສອບເສັງ, ຢາກສະເໜີເນື້ອໃນທີ່ຂຽນ ໃນຂໍ້ 3 ພິຈາລະນາຜູ້ສອບເສັງໄດ້, ຢາກສະເໜີ ປ່ຽນເປັນປະໂຫຍກຄຳສັບການສອບເສັງໃຫ້ມີເນື້ອໃນວ່າ:ໜຶ່ງ: ຄົ້ນຄວ້າເນື້ອໃນ,ອອກຂໍ້ສອບເສັງ; ສອງ:ດຳເນີນການສອບເສັງກວດບົດສອບເສັງໃຫ້ຄະແນນ; ສາມ:ສັງລວມຜົນການສອບເສັງລາຍງານຕໍ່ຫົວໜ້າອົງການໄອຍະການປະຊາຊົນສູງສຸດ ຫຼື ຫົວໜ້າອົງການໄອຍະການທະຫານຂັ້ນສູງ; ສີ່: ປະກາດຜົນການສອບເສັງ ແລະ ສຳລັບຂໍ້ ຫ້າ: ເຫັນດີເປັນເອກະພາບ, ໃນນັ້ນ ມາດຕາ 24 ສິດ ແລະ ໜ້າທີ່ຄະນະກຳມະການປະເຜີນຜົນ,ຊຶ່ງໃນ ຂໍ້2 ຂອງມາດຕານີ້ທີ່ມີເນື້ອໃນວ່າ: ຮັບຮອງເອົາການປະເມີນຜົນ ພະນັກງານທີ່ມີຕຳແໜ່ງບໍລິຫານປະເພດສອງທີ່ຖືກແຕ່ງຕັ້ງໃຫ້ເປັນພະນັກງານໄອຍະການປະຊາຊົນຂັ້ນໜຶ່ງຕາມການສະເໜີຂອງກົມຈັດຕັ້ງພະນັກງານຂອງອົງການໄອຍະການປະຊາຊນສູງສຸດ ຕໍ່ບັນຫານີ້ຢາກສະເໜີຕື່ມໃສ່ກົມພະນັກງານ, ກົມໃຫຍ່ການເມືອງກອງທັບໃສ່ດ້ານຫຼັງວ່າ:ກົມຈັດຕັ້ງພະນັກງານອົງການໄອຍະການປະຊາຊົນສູງສຸດເນື່ອງຈາກໃຫ້ມີເຫດຜົນ ເພື່ອໃຫ້ສອດຄ່ອງຕາມມາດຕາ 23 ຂອງກົດໝາຍສະບັບດັ່ງກ່າວ ແລະ ສອດຄ່ອງຕາມຂໍ້ກໍານົດວ່າດ້ວຍການຈັດຕັ້ງ ແລະ ການເຄື່ອນໄຫວຂອງ ກະຊວງປ້ອງກັນປະເທດ.(ຂ່າວ-ພາບ:ສຳນານ)
ຄໍາເຫັນ