ກອງປະຊຸມສະຫລຸບການເຄື່ອນໄຫວວຽກງານ ປະຈໍາປີ 2023 ແລະ ກາງສະໄໝ 5 ປີ (2021-2025) ຂອງຄະນະສະມາຊິກສະພາແຫ່ງຊາດ (ສສຊ) ຊຸດທີ IX ປະຈໍາເຂດເລືອກຕັ້ງທີ 16 ແຂວງເຊກອງ ຈັດຂຶ້ນໃນວັນທີ 2 ມັງກອນ 2024 ທີ່ສະໂມສອນສະພາປະຊາຊົນແຂວງ ພາຍໃຕ້ການເປັນປະທານຂອງ ທ່ານ ດົງເພັດ ພະຍົນ ປະທານຄະນະສະມາຊິກສະພາແຫ່ງຊາດ ປະທານສະພາປະຊາຊົນແຂວງເຊກອງ, ມີທ່ານ ເຫລັກໄຫລ ສີວິໄລ ເຈົ້າແຂວງເຊກອງ, ບັນດາທ່ານສະມາຊິກສະພາແຫ່ງຊາດ (ສສຊ), ສະມາຊິກສະພາປະຊາຊົນແຂວງ (ສສຂ) ແລະ ພາກສ່ວນກ່ຽວຂ້ອງ ເຂົ້າຮ່ວວມ.
ໃນກອງປະຊຸມ, ໄດ້ຮັບຟັງການສະຫລຸບຕີລາຄາການຈັດຕັ້ງປະຕິບັດແຜນການເຄື່ອນໄຫວວຽກງານຂອງຄະນະ ສສຊ ປະຈໍາປີ 2023 ແລະ ກາງສະໄໝ 5 ປີ (2021-2025) ພ້ອມທັງວາງແຜນການ ແລະ ວຽກງານຈຸດສຸມໃນຕໍ່ໜ້າ ໂດຍຈະສືບຕໍ່ຍົກສູງຄຸນນະພາບການປະຕິບັດພາລະບົດບາດ, ສິດ ແລະ ໜ້າທີ່ ເປັນຕົວແທນປະຊາຊົນ ໃນການຄົ້ນຄວ້າ, ພິຈາລະນາ ແລະ ຕົກລົງບັນຫາສໍາຄັນພື້ນຖານຂອງປະເທດຊາດ ກໍຄື ທ້ອງຖິ່ນ; ເພີ່ມທະວີການຕິດຕາມ, ກວດກາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ, ລັດຖະທໍາມະນູນ, ກົດໝາຍ ແລະ ນິຕິກໍາໃຕ້ກົດໝາຍ ຂອງຂະແໜງການຕ່າງໆ; ຕິດຕາມ, ກວດກາ ຄົ້ນຄວ້າພິຈາລະນາແກ້ໄຂຄໍາຮ້ອງຂໍຄວາມເປັນທໍາຂອງພົນລະເມືອງ ຮ່ວມກັບສະພາປະຊາຊົນແຂວງໃຫ້ຖືກຕ້ອງ, ຊັດເຈນ, ວ່ອງໄວ, ໂປ່ງໃສ ແລະ ຍຸຕິທໍາ; ສືບຕໍ່ຄົ້ນຄວ້າ, ສ້າງ ແລະ ປັບປຸງນິຕິກໍາໃຕ້ກົດໝາຍໃຫ້ບັນລຸຕາມແຜນການທີ່ວາງໄວ້ ເພື່ອປະກອບສ່ວນຍົກສູງຄຸນນະພາບການຄຸ້ມຄອງລັດຄຸ້ມຄອງສັງຄົມດ້ວຍລັດຖະທໍາມະນູນ ແລະ ກົດໝາຍໃຫ້ເປັນຮູບປະທໍາຫລາຍຂຶ້ນ; ປັບປຸງກົນໄກການປະສານງານ ລະຫວ່າງ ຄະນະ ສສຊ ກັບອົງການປົກຄອງແຂວງ, ສະພາປະຊາຊົນແຂວງ, ຂະແໜງກ່ຽວຂ້ອງອ້ອມຂ້າງແຂວງ ແລະ 4 ຕົວເມືອງ; ປັບປຸງກົງຈັກຊ່ວຍວຽກ ແລະ ແບບແຜນວິທີເຮັດວຽກ ເພື່ອຕອບສະໜອງໜ້າທີ່ການເມືອງໃນສະເພາະໜ້າ ແລະ ຍາວນານ; ປະສານສົມທົບ ກັບສະມາຊິກສະພາປະຊາຊົນແຂວງ ລົງພົບປະ ປະຊາຊົນຜູ້ມີສິດເລືອກຕັ້ງຢູ່ຕາມຈຸດຕ່າງໆ ເພື່ອໂຄສະນາເຜີຍແຜ່ຜົນສໍາເລັດກອງປະຊຸມສະພາແຫ່ງຊາດໃນແຕ່ລະຄັ້ງ ແລະ ສືບຕໍ່ພົວພັນຮ່ວມມື, ຍາດແຍ່ງການຊ່ວຍເຫລືອທາງດ້ານບົດຮຽນ ແລະ ທຶນຮອນຈາກຕ່າງປະເທດ ໂດຍສະເພາະແມ່ນສະພາແຫ່ງຊາດ ແລະ ບັນດາແຂວງຕ່າງໆຂອງ ສສ ຫວຽດນາມ ທີ່ມີຊາຍແດນຕິດຈອດກັບແຂວງເຊກອງ.
ໂອກາດນີ້, ທ່ານ ດົງເພັດ ພະຍົນ ໄດ້ມີຄໍາເຫັນຊີ້ນໍາໃຫ້ຄະນະ ສສຊ ເພີ່ມທະວີການຕິດຕາມ, ກວດກາການປະຕິບັດກົດໝາຍ ແລະ ນິຕິກໍາລຸ່ມກົດໝາຍ ກໍຄື ການປະຕິບັດແຜນພັດທະນາເສດຖະກິດ-ສັງຄົມ, ການແກ້ໄຂຄໍາຮ້ອງຂໍຄວາມເປັນທໍາຂອງພົນລະເມືອງໃຫ້ວ່ອງໄວ ແລະ ຍຸຕິທໍາ; ສືບຕໍ່ນໍາພາກົງຈັກເສນາທິການ (ຂະແໜງຊ່ວຍວຽກຄະນະ ສສຊ ແລະ ເລຂາທິການສະພາປະຊາຊົນແຂວງ) ຄົ້ນຄວ້າເຊື່ອມຊຶມ, ຜັນຂະຫຍາຍ ແລະ ສ້າງແຜນການເຄື່ອນໄຫວວຽກງານໃນຕໍ່ໜ້າໃຫ້ລະອຽດໃນແຕ່ລະໄລຍະ ເພື່ອເຮັດໃຫ້ການເຄື່ອນໄຫວວຽກງານ ແລະ ການປະຕິບັດພາລະບົດບາດ ເປັນຕົວແທນປະຊາຊົນ ໃຫ້ມີຜົນສໍາເລັດ, ມີປະສິດທິພາບ ແລະ ປະສິດທິຜົນສູງຂຶ້ນ.
ຂ່າວ-ພາບ: ສັນຍາ
ໃນກອງປະຊຸມ, ໄດ້ຮັບຟັງການສະຫລຸບຕີລາຄາການຈັດຕັ້ງປະຕິບັດແຜນການເຄື່ອນໄຫວວຽກງານຂອງຄະນະ ສສຊ ປະຈໍາປີ 2023 ແລະ ກາງສະໄໝ 5 ປີ (2021-2025) ພ້ອມທັງວາງແຜນການ ແລະ ວຽກງານຈຸດສຸມໃນຕໍ່ໜ້າ ໂດຍຈະສືບຕໍ່ຍົກສູງຄຸນນະພາບການປະຕິບັດພາລະບົດບາດ, ສິດ ແລະ ໜ້າທີ່ ເປັນຕົວແທນປະຊາຊົນ ໃນການຄົ້ນຄວ້າ, ພິຈາລະນາ ແລະ ຕົກລົງບັນຫາສໍາຄັນພື້ນຖານຂອງປະເທດຊາດ ກໍຄື ທ້ອງຖິ່ນ; ເພີ່ມທະວີການຕິດຕາມ, ກວດກາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ, ລັດຖະທໍາມະນູນ, ກົດໝາຍ ແລະ ນິຕິກໍາໃຕ້ກົດໝາຍ ຂອງຂະແໜງການຕ່າງໆ; ຕິດຕາມ, ກວດກາ ຄົ້ນຄວ້າພິຈາລະນາແກ້ໄຂຄໍາຮ້ອງຂໍຄວາມເປັນທໍາຂອງພົນລະເມືອງ ຮ່ວມກັບສະພາປະຊາຊົນແຂວງໃຫ້ຖືກຕ້ອງ, ຊັດເຈນ, ວ່ອງໄວ, ໂປ່ງໃສ ແລະ ຍຸຕິທໍາ; ສືບຕໍ່ຄົ້ນຄວ້າ, ສ້າງ ແລະ ປັບປຸງນິຕິກໍາໃຕ້ກົດໝາຍໃຫ້ບັນລຸຕາມແຜນການທີ່ວາງໄວ້ ເພື່ອປະກອບສ່ວນຍົກສູງຄຸນນະພາບການຄຸ້ມຄອງລັດຄຸ້ມຄອງສັງຄົມດ້ວຍລັດຖະທໍາມະນູນ ແລະ ກົດໝາຍໃຫ້ເປັນຮູບປະທໍາຫລາຍຂຶ້ນ; ປັບປຸງກົນໄກການປະສານງານ ລະຫວ່າງ ຄະນະ ສສຊ ກັບອົງການປົກຄອງແຂວງ, ສະພາປະຊາຊົນແຂວງ, ຂະແໜງກ່ຽວຂ້ອງອ້ອມຂ້າງແຂວງ ແລະ 4 ຕົວເມືອງ; ປັບປຸງກົງຈັກຊ່ວຍວຽກ ແລະ ແບບແຜນວິທີເຮັດວຽກ ເພື່ອຕອບສະໜອງໜ້າທີ່ການເມືອງໃນສະເພາະໜ້າ ແລະ ຍາວນານ; ປະສານສົມທົບ ກັບສະມາຊິກສະພາປະຊາຊົນແຂວງ ລົງພົບປະ ປະຊາຊົນຜູ້ມີສິດເລືອກຕັ້ງຢູ່ຕາມຈຸດຕ່າງໆ ເພື່ອໂຄສະນາເຜີຍແຜ່ຜົນສໍາເລັດກອງປະຊຸມສະພາແຫ່ງຊາດໃນແຕ່ລະຄັ້ງ ແລະ ສືບຕໍ່ພົວພັນຮ່ວມມື, ຍາດແຍ່ງການຊ່ວຍເຫລືອທາງດ້ານບົດຮຽນ ແລະ ທຶນຮອນຈາກຕ່າງປະເທດ ໂດຍສະເພາະແມ່ນສະພາແຫ່ງຊາດ ແລະ ບັນດາແຂວງຕ່າງໆຂອງ ສສ ຫວຽດນາມ ທີ່ມີຊາຍແດນຕິດຈອດກັບແຂວງເຊກອງ.
ໂອກາດນີ້, ທ່ານ ດົງເພັດ ພະຍົນ ໄດ້ມີຄໍາເຫັນຊີ້ນໍາໃຫ້ຄະນະ ສສຊ ເພີ່ມທະວີການຕິດຕາມ, ກວດກາການປະຕິບັດກົດໝາຍ ແລະ ນິຕິກໍາລຸ່ມກົດໝາຍ ກໍຄື ການປະຕິບັດແຜນພັດທະນາເສດຖະກິດ-ສັງຄົມ, ການແກ້ໄຂຄໍາຮ້ອງຂໍຄວາມເປັນທໍາຂອງພົນລະເມືອງໃຫ້ວ່ອງໄວ ແລະ ຍຸຕິທໍາ; ສືບຕໍ່ນໍາພາກົງຈັກເສນາທິການ (ຂະແໜງຊ່ວຍວຽກຄະນະ ສສຊ ແລະ ເລຂາທິການສະພາປະຊາຊົນແຂວງ) ຄົ້ນຄວ້າເຊື່ອມຊຶມ, ຜັນຂະຫຍາຍ ແລະ ສ້າງແຜນການເຄື່ອນໄຫວວຽກງານໃນຕໍ່ໜ້າໃຫ້ລະອຽດໃນແຕ່ລະໄລຍະ ເພື່ອເຮັດໃຫ້ການເຄື່ອນໄຫວວຽກງານ ແລະ ການປະຕິບັດພາລະບົດບາດ ເປັນຕົວແທນປະຊາຊົນ ໃຫ້ມີຜົນສໍາເລັດ, ມີປະສິດທິພາບ ແລະ ປະສິດທິຜົນສູງຂຶ້ນ.
ຂ່າວ-ພາບ: ສັນຍາ
ຄໍາເຫັນ