 |
ໂອກາດນີ້ ທ່ານ ຄໍາກ້ຽງ ຈົ່ງຮົ່ວຖໍ່ ກໍາມະການພັກແຂວງ ເລຂາບໍລິຫານງານພັກ ຫົວໜ້າຄະນະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງໂພນໄຊ ໄດ້ລາຍງານວ່າ: ຄະນະພັກ-ຄະນະກຳມະການປົກຄອງເມືອງ ເອົາໃຈໃສ່ຊຸກຍູ້ການຜະລິດກະສິກໍາ, ຜະລິດສະບຽງອາຫານ ໂດຍເລັ່ງໃສ່ການປູກເຂົ້ານາແຊງ, ນາປີ, ປູກໄມ້ອຸດສາຫະກຳປະເພດຢາງພາລາ, ກາເຟ, ຕົ້ນໄມ້ໃຫ້ໝາກ, ຫຍ້າອາຫານສັດ ແລະ ລ້ຽງສັດ ປະເພດງົວ-ຄວາຍ ເປັນຕົ້ນຕໍ ອັນໄດ້ເຮັດໃຫ້ລວມຍອດຜົນຜະລິດພາຍໃນບັນລຸຫຼາຍກວ່າ 502 ຕື້ກີບ, ສະເລ່ຍລາຍຮັບໄດ້ 13.8 ລ້ານກວ່າກີບຕໍ່ຄົນຕໍ່ປີ, ດ້ານການກະກຽມ ແລະສ້າງຕັ້ງຕາແສງ ໄດ້ກຳນົດມີທັງຫມົດ 4 ຕາແສງ, ພ້ອມນັ້ນ ທ່ານໄດ້ມີຄໍາສະເໜີ ໃຫ້ການນຳແຂວງ ຊ່ວຍຊຸກຍູ້ໃຫ້ບໍລິສັດ ສຸມໃສ່ການກໍ່ສ້າງໄຟຟ້າແຕ່ຜາຕູບເໜືອ ໄປຫາບ້ານລັງກ໋ອງ-ຜາແຕ້ມ ແລະ ແຕ່ບ້ານຫ້ວຍລຸ້ງສູງ ຫາ ບ້ານຈອມຈຽງ ທີ່ກໍ່ສ້າງບໍ່ທັນສໍາເລັດ, ລວມທັງບັນຫາເສັ້ນທາງເຂົ້າຫາເຂດການຜະລິດ, ການກໍ່ສ້າງຂົວຈົມຂ້າມນໍ້າງາ ແລະ ການສ້ອມແປງເສັ້ນທາງ ແຕ່ ສາມແຍກປາກເຊືອງ ນະຄອນ ຫຼວງພະບາງ ຫາເທດສະບານເມືອງໂພນໄຊ.
ໂອກາດນີ້ ທ່ານ ບຸນເລື່ອມ ມະນີວົງ ໄດ້ເຜີຍແຜ່ເນື້ອໃນ ຜົນສໍາເລັດຂອງກອງປະຊຸມຄັ້ງປະຖົມມະລືກຂອງ ສະພາແຫ່ງຊາດ ຊຸດທີ X ແລະ ສະພາປະຊາຊົນແຂວງ ຊຸດທີ V ພ້ອມທັງເປີດໂອກາດໃຫ້ຜູ້ເຂົ້າຮ່ວມ ມີຄໍາຄິດເຫັນ, ຄໍາສະເໜີ ຕໍ່ກັບບັນຫາປະກົດການຫຍໍ້ທໍ້, ຂໍ້ສະດວກ, ຂໍ້ຫຍຸ້ງຍາກ ທີ່ຕິດພັນກັບການດໍາລົງຊີວິດຂອງປະຊາຊົນ ເພື່ອນໍາສະເໜີຕໍ່ຂັ້ນເທິງ ແລະ ປະສານສົມທົບກັບຂະແໜງການທີ່ກ່ຽວຂ້ອງ ຄົ້ນຄວ້າພິຈາລະນາ, ແກ້ໄຂຕາມຄວາມເໝາະສົມ ແລະ ຖືກຕ້ອງຕາມລະບຽບການ, ທັງໄດ້ອະທິບາຍ-ຊີ້ແຈງ ບາງຄຳເຫັນ ໃຫ້ປະຊາຊົນ ຮັບຮູ້, ເຂົ້າໃຈຕໍ່ແນວທາງນະໂຍບາຍ, ມະຕິ, ຄຳສັ່ງ, ກົດໝາຍ, ລະບຽບການ ແລະ ນິຕິກຳທີ່ກ່ຽວຂ້ອງ, ເພື່ອໃຫ້ປະຊາຊົນ ພ້ອມກັນສືບຕໍ່ປະກອບສ່ວນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກໍຄືແຂວງຫຼວງພະບາງ ໃຫ້ນັບມື້ດີຂື້ນໃນຕໍ່ໜ້າ.
ຂ່າວ-ພາບ: ທະນູສີນ ອິດທິພົນ
ຄໍາເຫັນ