ໃນວັນທີ 17 ມິຖຸນານີ້,ໃນກອງປະຊຸມສະໄໝສາມັນ ເທື່ອທີ 9 ຂອງ ສະພາແຫ່ງຊາດ ຊຸດທີ IX, ທ່ານ ນາງ ແກ້ວ ຈັນທະວີໄຊ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ(ຮສສ)ໄດ້ສະເໜີກ່ຽວກັບການສ້າງກົດໝາຍວ່າດ້ວຍສັງຄົມສົງເຄາະ(ສ້າງໃໝ່),ໂດຍການເປັນປະທານ ຂອງ ທ່ານ ຈະເລີນ ເຢຍປາວເຮີ ຮອງປະທານສະພາແຫ່ງຊາດ,ຈາກນັ້ນບັນດາສະມາຊິກສະມາແຫ່ງຊາດໄດ້ພ້ອມກັນປະກອບຄຳເຫັນໃສ່ກົດໝາຍດັ່ງກ່າວຢ່າງກົງໄປກົງມາ,ໃນຂະນະດຽວກັນ ສສຊ ເຂດເລືອກຕັ້ງທີ 13 ແຂວງສະຫວັນນະເຂດໄດ້ລົງເລິກສະເໜີປັບປຸງເນື້ອໃນບາງມາດຕາຂອງກົດໝາຍວ່າດ້ວຍສັງຄົມສົງເຄາະ.
ທ່ານ ສະແຫວງ ນັນທະວົງ ສສຊ ປະຈຳເຂດເລືອກຕັ້ງທີ 13 ແຂວງສະຫວັນນະເຂດມີຄຳເຫັນຕໍ່ມາດຕາ 26 ການຮັບການຊ່ວຍເຫຼືອ ຂະແໜງການແຮງງານ ແລະ ສະຫວັດດີການສັງຄົມເປັນໃຈກາງໃນການຮັບການຊ່ວຍເຫຼືອ ທັງພາຍໃນ ແລະ ຕ່າງປະເທດໄດ້,ແຕ່ຕ້ອງລາຍງານຂະແໜງການແຮງງານ ແລະ ສະຫວັດດີການສັງຄົມ,ສຳລັບການຮັບການຊ່ວຍເຫຼືອຈາກຕ່າງປະເທດນັ້ນໃຫ້ປະຕິບັດຕາມກົດໝາຍ,ສົນທິສັນຍາທີ່ ສປປ ລາວ ເປັນພາຄີ ແລະ ສັັນຍາສາກົນ ທີ່ກ່ຽວຂ້ອງເພື່ອອຳນວຍຄວາມສະດວກໃຫ້ແກ່ການຊ່ວຍເຫຼືອດັ່ງກ່າວ ຕໍ່ມາດຕານີ້ແມ່ນຢາກໃຫ້ຕື່ມຕາມລະບຽບ ແລະ ກົດໝາຍເຂົ້າຕື່ມ, ໃນມາດຕາ 28 ການຂໍການຊ່ວຍເຫຼືອຂອງເປົ້າໝາຍສັງຄົມສົງເຄາະ,ເປົ້າໝາຍສັງຄົມສົງເຄາະ ຫຼື ຕົວແທນທີ່ໄດ້ຮັບການມອບໝາຍ ຕ້ອງປະກອບເອກະສານ ຂໍການຊ່ວຍເຫຼືອ ແຕ່ລະປະເພດ ໂດຍຜ່ານການຢັ້ງຢືນ ຈາກຫ້ອງການບ້ານ ຕາມລະບຽບການ ເພື່ອສະເໜີຕໍ່ ຂະແໜງການແຮງງານ ແລະ ສະຫວັດດີການສັງຄົມ, ຂະແໜງການ, ອົງການ, ອົງການປົກຄອງທ້ອງຖິ່ນ ແລະ ພາກສ່ວນອື່ນທີ່ກ່ຽວຂ້ອງ ພິຈາລະນາ,ສໍາລັບເປົ້າໝາຍສັງຄົມສົງເຄາະ ທີ່ບໍ່ສາມາດປະກອບເອກະສານ ຂໍການຊ່ວຍເຫຼືອດ້ວຍຕົນເອງໄດ້ ໃຫ້ຫ້ອງການບ້ານ ຫຼື ການຈັດຕັ້ງທີ່ກ່ຽວຂ້ອງ ຊ່ວຍປະກອບເອກະສານ ແລະ ຢັ້ງຢືນການຂໍຄວາມຊ່ວຍເຫຼືອ.ຊຶ່ງໃນມາດຕານີ້ທີ່ ມີເນື້ອໃນວ່າຂໍການຊ່ວຍເຫຼືອໂດຍເປົ້າໝາຍສັງຄົມສົງເຄາະຊຶ່ງໃນການປະກອບເອກກະສານຂໍການຊ່ວຍເຫຼືອແຕ່ລະປະເທດຊຶ່ງເນື້ອໃນວ່າໂດຍຜ່ານອົງການບ້ານ ແຕ່ໃນປັດຈຸບັນ ກົດໝາຍໄດ້ລົບລ້າງບ້ານສະນັ້ນ ຈະໃຫ້ໃສ່ຊື່ ຫ້ອງອງການບ້ານ ຫຼືໃຫ້ໃສ່ຊື່ຫ້ອງການຕາແສງ ຫຼືຈະປ່ຽນໃສ່ວ່າ: ໂດຍຜ່ານອົງການຈັດຕັ້ງທີ່ກ່ຽວຂ້ອງທຸກຂັ້ນ ຕໍ່ບັນຫານີ້ແມ່ນຍາກໃຫ້ພິຈາລະນາເບິ່ງຄືນ, ໃນຂະນະດຽວກັນມາດຕາ 29ການໃຫ້ການຊ່ວຍເຫຼືອແກ່ເປົ້າໝາຍສັງຄົມສົງເຄາະຂະແໜງການແຮງງານ ແລະ ສະຫວັດດີການສັງຄົມ, ຂະແໜງການ, ອົງການ, ອົງການປົກຄອງທ້ອງຖິ່ນ ແລະ ພາກສ່ວນອື່ນທີ່ກ່ຽວຂ້ອງ ທີ່ໄດ້ຮັບການຊ່ວຍເຫຼືອ ຕ້ອງໃຫ້ການຊ່ວຍເຫຼືອແກ່ເປົ້າໝາຍສັງຄົມສົງເຄາະຕາມພາລະບົດບາດ ແລະ ຂອບເຂດຄວາມຮັບຜິດຊອບຂອງຕົນ ຕາມລະບຽບການ.ໃນມາດຕານີ້ແມ່ນຢາກໃຫ້ຕັດອອກທີ່ໃຫ້ການຊ່ວຍເຫຼືອຢາກໃຫ້ເວົ້າວ່າຕ້ອງໃຫ້ການຊ່ວຍເຫຼືອແຕ່ເປົ້າໝາຍສັງຄົມສົງເຄາະຕາມພາລະບົດບາດຂອບເຂດຄວາມຮັບຜິດຊອບຕາມລະບຽບການ ແລະ ກົດໝາຍຕື່ມໃສ່ອີກ, ໃນນັ້ນໃນມາດຕາ33 ມາດຕະຖານ ແລະ ເງື່ອນໄຂຂອງນັກສັງຄົມສົງເຄາະບຸກຄົນທີ່ຈະເປັນນັກສັງຄົມສົງເຄາະ ຕ້ອງມີມາດຕະຖານ ແລະ ເງື່ອນໄຂຄົບຖ້ວນຄື:ເປັນຄົນສັນຊາດລາວ,ມີອາຍຸແຕ່ 23 ປີ ຂຶ້ນໄປ ສໍາລັບນັກສັງຄົມສົງເຄາະອາຊີບ, 18 ປີຂຶ້ນໄປ ສໍາລັບນັກສັງຄົມສົງເຄາະເຄິ່ງອາຊີບ,ມີຄຸນສົມບັດ, ຈັນຍາບັນ, ຈັນຍາທໍາ, ຄວາມບໍລິສຸດສັດຊື່ ຕໍ່ອາຊີບ, ປະຊາຊົນ ແລະ ປະເທດຊາດ,ມີລະດັບການສຶກສາດ້ານສັງຄົມສົງເຄາະ ຫຼື ການສຶກສາສາຂາອື່ນທີ່ກ່ຽວຂ້ອງ ໃນຊັ້ນປະລິນຍາຕີ ຂຶ້ນໄປ ສໍາລັບນັກສັງຄົມສົງເຄາະອາຊີບ ແລະ ມີປະສົບການດ້ານວຽກງານສັງຄົມສົງເຄາະ ຢ່າງໜ້ອຍສອງປີ,ມີລະດັບການສຶກສາທົ່ວໄປຊັ້ນໃດໜຶ່ງ ແລະ ຜ່ານການຝຶກອົບຮົມດ້ານສັງຄົມສົງເຄາະ ຢ່າງເປັນລະບົບ ສໍາລັບນັກສັງຄົມສົງເຄາະເຄິ່ງອາຊີບ, ບໍ່ເຄີຍຖືກລົງວິໄນ ຫຼື ລົງໂທດທາງອາຍາ ຍ້ອນການກະທໍາຜິດໂດຍເຈດຕະນາ,ມີສຸຂະພາບດີ ແລະ ມາດຕາ 34 ມາດຕະຖານ ແລະ ເງື່ອນໄຂຂອງນັກສັງຄົມສົງເຄາະ ສໍາລັບຄົນຕ່າງດ້າວ, ຄົນຕ່າງປະເທດ ແລະ ຄົນບໍ່ມີສັນຊາດຄົນຕ່າງດ້າວ, ຄົນຕ່າງປະເທດ ແລະ ຄົນບໍ່ມີສັນຊາດ ທີ່ມີຈຸດປະສົງສະໝັກເປັນນັກສັງຄົມສົງເຄາະ ຢູ່ ສປປ ລາວ ນອກຈາກມີມາດຕະຖານ ແລະ ເງື່ອນໄຂ ຄົບຖ້ວນ ຕາມທີ່ໄດ້ກຳນົດໄວ້ໃນມາດຕາ 33 ແຕ່ ຂໍ້ 2 ຫາ ຂໍ້ 7 ຂອງກົດໝາຍສະບັບນີ້ແລ້ວ ຍັງຕ້ອງມີ ມາດຕະຖານ ແລະ ເງື່ອນໄຂ ດັ່ງນີ້:ໄດ້ຮັບອະນຸຍາດ ໃຫ້ເຂົ້າມາເຄື່ອນໄຫວ ແລະ ເຮັດວຽກຢ່າງຖືກຕ້ອງຕາມກົດໝາຍ ຫຼື ມີ ບ່ອນຢູ່ຖາວອນ ຢູ່ ສປປ ລາວ,ຮູ້ພາສາ ແລະ ວັດທະນະທໍາລາວດີ. ໃນ ສອງມາດຕາດັ່ງກ່າວຢາກໃຫ້ເອົາເຂົ້າກັນໄດ້ບໍ.
(ຂ່າວ-ພາບ: ສຳນານ)
ຄໍາເຫັນ