ຮອງປະທາສະພາແຫ່ງຊາດ, ບັນດາສະມາຊິກສະພາແຫ່ງຊາດໄດ້ປະກອບຄຳເຫັນໃສ່ກົດໝາຍດັ່ງກ່າວໃຫ້ມີຄວາມຖືກຕ້ອງ,ຮັດກຸມເພື່ອນຳໄປຈັດຕັ້ງປະຕິບັດໃຫ້ແທດເໝາະກັບສະພາບຄວາມເປັນຈິງ, ໃນຂະນະດຽວກັນ ສະມາຊິກສະພາແຫ່ງຊາດໄດ້ລົງເລິກບາງມາດຕາກ່ຽວກັບສິດ ແລະ ໜ້າທີ່ ຂັ້ນຕາແສງ.
ທ່ານ ສີຄຳ ບຸນມີໄຊ ສະມາຊິກສະພາແຫ່ງຊາດ ປະຈຳເຂດ ເລືອກຕັ້ງທີ 8 ແຂວງຫົວພັນ ມີຄຳເຫັນໃນມາດຕາ 65 ວ່າດ້ວຍສິດ ແລະ ໜ້າທີ່ຂອງຕາແສງຊຶ່ງເບິ່ງໜ້າທີ່ຂອງຕາແສງໃນມາດຕາດັ່ງກ່າວແມ່ນຄົບຖ້ວນ,ແຕ່ຢູ່ໃນ ຂໍ້ທີ12 ທີ່ວ່າແກ້ໄຂຄຳສະເໜີ, ສຶກສາອົບຮົມ ແລະ ໄກ່ເກ່ຍຂໍ້ຂັດແຍ່ງຂອງ ປະຊາຊົນພາຍໃນຕາແສງ ຖ້າຂຽນແບບນີ້ ບ້ານບໍ່ມີຄວາມຮັບຜິດຊອບຫຍັງເລີຍໝາຍວ່າທຸກຂໍ້ຄັດແຍ່ງແມ່ນຂຶ້ນກັບຕາແສງ,ສະນັ້ນໜ້າທີ່ຂອງຕາແສງຈະໜັກໜ່ວງ,ໃນທັດສະນະຂ້າພະເຈົ້າ ຢາກໃຫ້ຂຽນວ່າ ແກ້ໄຂຄຳສະເໜີ, ສຶກສາອົບຮົມ ໄກ່ເກ່ຍຂໍ້ຄັດແຍ່ງຂອງປະຊາຊົນໃນບ້ານຂອບເຂດຕາແສງຕ້ອງໃຫ້ຂຽນຈະແຈ້ງ ເພື່ອເຮັດໃຫ້ຜູ້ຈັດຕັ້ງປະຕິບັດມີຄວາມເຂົ້າໃຈ,ໃນຂະນດຽວກັນສະເໜີໃຫ້ຄະນະຮັບຜິດຊອບຢາກໃຫ້ຂຽນຕື່ມອີກຂໍ້ໜຶ່ງວ່າຕາແສງມີໜ້າທີ່ແນວໃດຢາກໃຫ້ເວົ້າລະອຽດ ແລະ ຈະແຈ້ງຊຶ່ງໃນຂັ້ນບ້ານຈະມາປ່ຽນເປັນການຈັດຕັ້ງຊຸມຊົນ,ແຕ່ຄຳວ່າຊຸມຊົນມັນມີຄົບທຸກວົງຈອນ,ການມາປ່ຽນເປັນການຈັັດຕັ້ງຊຸມຊົນຄືວ່າບໍ່ໜັກແໜ້ນ ແລະ ເບົາບາງ,ໃນຂະນະດຽວກັນຖ້າມາປ່ຽນ ເປັນອົງການຈັດຕັ້ງຊຸມຊົນ ສະນັ້ນນະໂຍບາຍ ຈະທໍ່ເກົ່າ ຫຼື ສູງຂຶ້ນກວ່າເກົ່າ,ເຫັນວ່າຫຼາຍບ້ານຜ່ານການລົງຕິດຕາມກວດກາເບິ່ງສະພາບ ເຫັນວ່ານາຍບ້ານມີຄວາມທໍ້ຖອຍ ເພາະວ່ານະໂຍບາຍຍັງຕໍ່າ ຊຶ່ງນະໂຍບາຍ 300.000 ກີບຕໍ່ເດືອນ, ຕໍ່ບັນຫາດັ່ງກ່າວ ກໍໄດ້ສະເໜີ ຕໍ່ຄະນະປະຈໍາສະພາແຫ່ງຊາດ ເພື່ອສະເໜີຕໍ່ລັດຖະບານ ເພີ່ມນະໂຍບາຍໃຫ້ນາຍບ້ານ, ເພາະນາຍບ້ານເປັນຜູ້ເຮັດວຽກໜັກກວ່າຂົງເຂດອື່ນ,ສຳລັບຕາແສງຍັງເປັນມະຫາພາກໜຶ່ງແຕ່ອັນທີ່ໜັກນໜ່ວງແມ່ນຂັ້ນບ້ານແຕ່ນະໂຍບາຍຍັງຕໍ່າ ແລະ ຢາກໃຫ້ອະທິບາຍໃນກົດໝາຍດັ່ງກ່າວວ່າການຈັດຕັ້ງຊຸມຊົນຂອງບ້ານມີຄວາມໝາຍແນວໃດ ຖ້າຫາກເວົ້າຢູ່ໃນກົດໝາຍຈະມີຄວາມໜັກແໜ້ນກວ່າຕິນິກຳ ແລະ ບັນຫາໜ້າທີ່ຂອງຕາແສງໃນການຊີ້ນຳ-ນຳພາໃນການຈັດຕັ້ງຊຸມຊົນບ້ານ ກໍຕ້ອງໃຫ້ອະທິບາຍລະອຽດເຊັ່ນກັນ.
ທ່ານ ນາງ ວັນນາ ພົມວິສອນ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 7 ແຂວງໄຊຍະບູລີ ມີຄຳເຫັນໃນມາດຕາ 6 ໃນກົດໝາຍວ່າດ້ວຍການປົກຄອງທ້ອງຖິ່ນ ແມ່ນສະເໜີ 2 ຈຸດ ອັນທີໜຶ່ງ ການສ້າງຕັ້ງ ແລະ ຍົກເລີກບ້ານ ແລະ ກຳນົດເຂດຂອງຕາແສງ, ເນື່ອງຈາກວ່າຢູ່ໃນລັດຖະທຳມະນູນ ຢູ່ໃນມາດຕາ 71ຊຶ່ງສິດ ແລະ ໜ້າທີ່ ຂອງລັດຖະບານຢູ່ໃນຂໍ້ 7 ໄດ້ກໍານົດວ່າລັດຖະບານກໍ ມີສິດໃນຂອບເຂດແຂວງ,ເມືອງ ແຕ່ໃນມາດ 88 ຂອງລັດຖະທຳມະນູນກໍບໍ່ໄດ້ອອກວ່າສິດ ແລະ ໜ້າທີ່ຂອງອົງການປົກຄອງທ້ອງຖິ່ນຕ້ອງຮັບຜິດຊອບ ແລະ ອີກຈຸດໜຶ່ງໃນມາດຕາດັ່ງກ່າວ ໂດຍສະເພາະໃນຂໍ້ທີ 9 ການສະຫຼຸບລາຍງານ ການຈັດຕັ້ງປະຕິບັດໜ້າທີ່ຂອງຕົນລວມທັງສະພາບວຽກງານຮອບດ້ານຢູ່ໃນທ້ອງຖິ່ນໃຫ້ຂັ້ນເທິງເປັນປົກກະຕິ ຢາກໃຫ້ປ່ຽນຄຳວ່າຂັ້ນເທິງອອກໃຫ້ໃສ່ວ່າໃຫ້ລັດຖະບານ ຫຼື ວ່າສະພາຂັ້ນທ້ອງຖິ່ນ ແລະ ໃນມາດຕາ 31 ສິດໜ້າທີ່ຂອງຄະນະກຳມະການປົກຄອງທ້ອງຖິ່ນ ກໍຕ້ອງໄດ້ໃສ່ເຊັ່ນກັນ ເພື່ອຄວາມຈະແຈ້ງ.
(ຂ່າວ-ພາບ:ສຳນານ)
ຄໍາເຫັນ