ສະມຊິກສະພາແຫ່ງຊາດ (ສສຊ) ໄດ້ສືບຕໍ່ປະກອບຄໍາເຫັນໃສ່ບົດລາຍງານວຽກງານຂອງອົງການກວດສອບແຫ່ງລັດ ແລະ ອົງການກວດກາແຫ່ງລັດ ໃນກອງປະຊຸມ ສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ໃນວັນທີ 7 ພະຈິກນີ້ ພາຍໃຕ້ການເປັນປະທານຂອງທ່ານ ໄຊສົມພອນ ພົມວິຫານ ປະທານສະພາແຫ່ງຊາດ.
ທ່ານ ໄມສີ ວຽງວິໄລ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 9 ແຂວງຊຽງຂວາງ ໄດ້ມີຄຳເຫັນແລກປ່ຽນ ຊຶ່ງທ່ານໄດ້ເວົ້າວ່າ: ໃນແຜນປີ 2024 ນີ້ ມີແຜນກວດສອບ ຢູ່ 117 ເປົ້າໝາຍ ຢາກໃຫ້ມີການກວດສອບຂັ້ນເມືອງແດ່ ເພາະທີ່ຜ່ານມາບໍ່ມີການກວດສອບຂັ້ນເມືອງ ແລະ ໃນປີ 2024 ຈະມີການກວດສອບການຈັດຕັ້ງປະຕິບັດວາລະແຫ່ງຊາດ ໂດຍສະເພາະແມ່ນການເກັບລາຍຮັບ,ການປະຢັດລາຍຈ່າຍ ແລະ ອື່ນໆ ແລະ ທັງສອງອົງການຄື ອົງການກວດສອບແຫ່ງລັດ ແລະ ອົງການກວດກາແຫ່ງລັດ ແມ່ນເລື່ອງການແກ້ໄຂຜົນການກວດສອບ,ແກ້ໄຂຜົນການກວດກາ ຕາມຜົນການກວດສອບໃນສອງປີເຄິ່ງນີ້ ໃຫ້ຖືເອົາວຽກງານການຕິດຕາມຊຸກຍູ້ແກ້ໄຂຜົນການກວດສອບ,ຜົນການກວດກາ ຕາມຜົນການກວດສອບເປັນວຽກບຸລິມະສິດ ໃນການເຄື່ອນໄຫວວຽກງານຂອງທັງສອງອົງການໃນຕໍ່ໜ້າ ເພາະວຽກນີ້ມັນກໍພົວພັນເຖິງລັດຖະບານ,ພົວພັນເຖິງອົງການປົກຄອງທ້ອງຖິ່ນໂດຍສະເພາະຂັ້ນແຂວງ ແຕ່ສິ່ງສຳຄັນແມ່ນຄວາມເປັນເຈົ້າການຂອງທັງສອງອົງການ ໂດຍປະສານສົມທົບກັບບັນດາກຳມາທິການສະພາແຫ່ງຊາດ ກໍໍຄືຄະນະປະຈຳສະພາແຫ່ງຊາດຢູ່ໃນການແກ້ໄຂຜົນການກວດສອບ,ຜົນການກວດກາ,ຕາມຜົນການກວດສອບ ທີ່ຄ້າງຜ່ານມາໃຫ້ມັນສຳເລັດເຊັດສິ້ນ.
ທ່ານ ຄອນປະພັນ ເລືອງສີຈັນທອງ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 8 ແຂວງຫົວພັນ ໄດ້ມີຄຳເຫັນແລກປຽນດັ່ງນີ້: ຜ່ານການກວດກາ ແລະ ການກວດສອບ ໄດ້ເຫັນລາຍຮັບເພີ່ມ ແລະ ລາຍຈ່າຍເພີ່ມ ແລະ ການຫັກລົບມູນຄ່າໂຄງການລົງທຶນຂອງລັດເປັນຈຳນວນຫຼວງຫຼາຍ ຢູ່ໃນນີ້ຈະສາມາດເກັບກູ້ໄດ້ແທ້ ເປັນງົບປະມານທໍ່ໃດ ທີ່ສາມາດເອົາເຂົ້າງົບປະມານ ປີ 2024 ແລະ ອັນໃດທີ່ຈະສືບຕໍ່ແກ້ໄຂໃນຕໍ່ໜ້າ ແລະ ອັນໃດທີ່ບໍ່ສາມາດແກ້ໄຂໄດ້ ແລະ ຢູ່ໃນເຂດເລືອກຕັ້ງທີ 8 ແຂວງຫົວພັນ ຕາມການລາຍງານຂອງອົງການກວດສອບປະຈຳພາກເໜືອກໍເຫັນວ່າ ຢູ່ໃນ 19 ເປົ້່າໝາຍ ກໍຍັງມີໜີ້ຕ້ອງຮັບເປັນຈໍານວນຫຼວງຫຼາຍ. ໃຫ້ອົງການກວດສອບແຫ່ງລັດ ແລະ ອົງການກວດກາແຫ່ງລັດ ກວດກາຄືນເບິ່ງປະສິດທິພາບ ແລະ ປະສິດທິຜົນຂອງການນຳໃຊ້ເງິນກູ້ ທີ່ລັດຖະບານໄດ້ມອບໃຫ້ໄປຈັດຕັ້ງປະຕິບັດຢູ່ແຕ່ລະຂະແໜງການ ວ່າມີປະສິດທິພາບ ແລະ ປະສິດທິຜົນສໍ່າໃດ ເພາະຜ່ານມາສັງເກດເຫັນວ່າບັນດາເງິນຮວງນີ້ ສ່ວນຫຼາຍແມ່ນໄປນຳໃຊ້ບໍລິຫານຫຼາຍກວ່າ.
ຂ່າວ: ບຸນຕອມ
ທ່ານ ໄມສີ ວຽງວິໄລ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 9 ແຂວງຊຽງຂວາງ ໄດ້ມີຄຳເຫັນແລກປ່ຽນ ຊຶ່ງທ່ານໄດ້ເວົ້າວ່າ: ໃນແຜນປີ 2024 ນີ້ ມີແຜນກວດສອບ ຢູ່ 117 ເປົ້າໝາຍ ຢາກໃຫ້ມີການກວດສອບຂັ້ນເມືອງແດ່ ເພາະທີ່ຜ່ານມາບໍ່ມີການກວດສອບຂັ້ນເມືອງ ແລະ ໃນປີ 2024 ຈະມີການກວດສອບການຈັດຕັ້ງປະຕິບັດວາລະແຫ່ງຊາດ ໂດຍສະເພາະແມ່ນການເກັບລາຍຮັບ,ການປະຢັດລາຍຈ່າຍ ແລະ ອື່ນໆ ແລະ ທັງສອງອົງການຄື ອົງການກວດສອບແຫ່ງລັດ ແລະ ອົງການກວດກາແຫ່ງລັດ ແມ່ນເລື່ອງການແກ້ໄຂຜົນການກວດສອບ,ແກ້ໄຂຜົນການກວດກາ ຕາມຜົນການກວດສອບໃນສອງປີເຄິ່ງນີ້ ໃຫ້ຖືເອົາວຽກງານການຕິດຕາມຊຸກຍູ້ແກ້ໄຂຜົນການກວດສອບ,ຜົນການກວດກາ ຕາມຜົນການກວດສອບເປັນວຽກບຸລິມະສິດ ໃນການເຄື່ອນໄຫວວຽກງານຂອງທັງສອງອົງການໃນຕໍ່ໜ້າ ເພາະວຽກນີ້ມັນກໍພົວພັນເຖິງລັດຖະບານ,ພົວພັນເຖິງອົງການປົກຄອງທ້ອງຖິ່ນໂດຍສະເພາະຂັ້ນແຂວງ ແຕ່ສິ່ງສຳຄັນແມ່ນຄວາມເປັນເຈົ້າການຂອງທັງສອງອົງການ ໂດຍປະສານສົມທົບກັບບັນດາກຳມາທິການສະພາແຫ່ງຊາດ ກໍໍຄືຄະນະປະຈຳສະພາແຫ່ງຊາດຢູ່ໃນການແກ້ໄຂຜົນການກວດສອບ,ຜົນການກວດກາ,ຕາມຜົນການກວດສອບ ທີ່ຄ້າງຜ່ານມາໃຫ້ມັນສຳເລັດເຊັດສິ້ນ.
ທ່ານ ຄອນປະພັນ ເລືອງສີຈັນທອງ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 8 ແຂວງຫົວພັນ ໄດ້ມີຄຳເຫັນແລກປຽນດັ່ງນີ້: ຜ່ານການກວດກາ ແລະ ການກວດສອບ ໄດ້ເຫັນລາຍຮັບເພີ່ມ ແລະ ລາຍຈ່າຍເພີ່ມ ແລະ ການຫັກລົບມູນຄ່າໂຄງການລົງທຶນຂອງລັດເປັນຈຳນວນຫຼວງຫຼາຍ ຢູ່ໃນນີ້ຈະສາມາດເກັບກູ້ໄດ້ແທ້ ເປັນງົບປະມານທໍ່ໃດ ທີ່ສາມາດເອົາເຂົ້າງົບປະມານ ປີ 2024 ແລະ ອັນໃດທີ່ຈະສືບຕໍ່ແກ້ໄຂໃນຕໍ່ໜ້າ ແລະ ອັນໃດທີ່ບໍ່ສາມາດແກ້ໄຂໄດ້ ແລະ ຢູ່ໃນເຂດເລືອກຕັ້ງທີ 8 ແຂວງຫົວພັນ ຕາມການລາຍງານຂອງອົງການກວດສອບປະຈຳພາກເໜືອກໍເຫັນວ່າ ຢູ່ໃນ 19 ເປົ້່າໝາຍ ກໍຍັງມີໜີ້ຕ້ອງຮັບເປັນຈໍານວນຫຼວງຫຼາຍ. ໃຫ້ອົງການກວດສອບແຫ່ງລັດ ແລະ ອົງການກວດກາແຫ່ງລັດ ກວດກາຄືນເບິ່ງປະສິດທິພາບ ແລະ ປະສິດທິຜົນຂອງການນຳໃຊ້ເງິນກູ້ ທີ່ລັດຖະບານໄດ້ມອບໃຫ້ໄປຈັດຕັ້ງປະຕິບັດຢູ່ແຕ່ລະຂະແໜງການ ວ່າມີປະສິດທິພາບ ແລະ ປະສິດທິຜົນສໍ່າໃດ ເພາະຜ່ານມາສັງເກດເຫັນວ່າບັນດາເງິນຮວງນີ້ ສ່ວນຫຼາຍແມ່ນໄປນຳໃຊ້ບໍລິຫານຫຼາຍກວ່າ.
ຂ່າວ: ບຸນຕອມ
ຄໍາເຫັນ