 |
ທ່ານ ພັອ ຄຳສາຍ ບັນດານຸວົງ ສະມາຊິກສະພາແຫ່ງຊາດ (ສສຊ) ເຂດເລືອກຕັ້ງ 11 ແຂວງບໍລິຄຳໄຊ ໄດ້ປະກອບຄຳເຫັນຕໍ່ຮ່າງກົດໝາຍວ່າດ້ວຍສັງຄົມສົງເຄາະ ຊຶ່ງເປັນກົດໝາຍສ້າງໃໝ່ຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນວັນທີ 17 ມິຖຸນານີ້ ພາຍໃຕ້ການເປັນປະທານຂອງທ່ານ ຈະເລີນ ເຢຍປາວເຮີ ຮອງປະທານສະພາແຫ່ງຊາດ.
ທ່ານ ພັອ ຄຳສາຍ ບັນດານຸວົງ ໄດ້ມີຄຳເຫັນແລກປ່ຽນບາງຈຸດໃນມາດຕາ 2 ສັງຄົມສົງເຄາະ ຢາກໃຫ້ປ່ຽນບາງຄຳຊັບໃນແຖວທີ 3 ຂອງມາດຕານີ້ເພື່ອເຮັດໃຫ້ມີເນື້ອໃນສົມບູນຮັດກຸມຄົບຖ້ວນ.
ທ່ານ ວິລະພັນ ສິລິທຳ ສສຊເຂດເລືອກຕັ້ງທີ 5 ແຂວງບໍ່ແກ້ວ ມີຄຳເຫັນແລກປ່ຽນຕໍ່ມາດຕາ 3 ການອະທິບາຍຄໍາສັບໃນຂໍ້ທີ 3 ໃນວັດຖຸທີ່ໃຊ້ສຳລັບສັງຄົມສົງເຄາະນີ້ເຫັນດີຕາມບັນດາ ສສຊ ມີຄຳເຫັນ ແຕ່ຄວນຕື່ມຢາປົວພະຍາດໃສ່ຕື່ມໃນຈຸດນີ້ຖືເປັນປັດໃຈສຳຄັນ, ຕໍ່ມາດຕາ 4 ນະໂຍບາຍຂອງລັດກ່ຽວກັບວຽກງານສັງຄົມສົງເຄາະ ໃນວັກທີ 2 ລັດຊຸກຍູ້ບຸກຄົນ ແລະ ນິຕິບຸກຄົນ ແລະ ການຈັດຕັ້ງຢາກໃຫ້ຕື່ມໃສ່ວ່າພາກ-ລັດ ແລະ ເອກະຊົນທັງພາຍໃນ ແລະ ຕ່າງປະເທດເພື່ອໃຫ້ກວມໄປຮອດພາກເອກະຊົນ, ຊຶ່ງໃນມາດຕາ 9 ປະເພດສັງຄົມສົງເຄາະຢູ່ໃນຂໍ້ທີ 6 ດ້ານການເບິ່ງແຍງລ້ຽງດູ ຢາກໃຫ້ຕື່ມຄຳວ່າດ້ານການເບິ່ງແຍງລ້ຽງດູ ແລະ ໃຫ້ຄຳປຶກສາໃນການດຳລົງຊີວິດ ທັງນີ້ເພື່ອໃຫ້ມີເນື້ອໃນຄົບຖ້ວນຍິ່ງຂຶ້ນ. ຂ່າວ: ພູວັນ, ພາບ: ສຳນານ
ຄໍາເຫັນ