 |
ທ່ານ ລີເບີ ລີບົວປາວ ມີຄຳເຫັນແລກປ່ຽນຈຸດທີໜຶ່ງສຳລັບຂະແໜງທ່ອງທ່ຽວຊຶ່ງພົວພັນເຖິງຫຼາຍຂະແໜງການ ແຕ່ເປົ້າໝາຍສົ່ງເສີມເພື່ອໃຫ້ມີລາຍຮັບໃນແງ່ເສດຖະກິດ ກໍຄືຂະແໜງບໍລິການ ຖືເປັນແຫຼ່ງລາຍຮັບທີ່ສຳຄັນໃຫ້ກັບປະເທດ, ອັນທີສອງ ຕໍ່ກັບພາກສະຫຼຸບຢາກໃຫ້ມີການຄົ້ນຄວ້າວິເຄາະ ວິໃຈ ເພື່ອຍົກໃຫ້ເຫັນບົດບາດໃນໂຄງປະກອບເສດຖະກິດໃຫ້ຫຼາຍຂຶ້ນຕື່ມເພື່ອເປັນຕົວຂັບເຄື່ອນ ເປັນບ່ອນອີງໃຫ້ແກ່ການວາງແຜນເສດຖະກິດໃຫ້ເຕີບໂຕໃນອະນາຄົດ, ສຳລັບພາກທິດທາງມີ 3 ຂໍ້ສະເໜີຄື: ໜຶ່ງ ຢາກໃຫ້ມີການກຳນົດປີທ່ອງທ່ຽວໃຫ້ມັນຊັດເຈນຊິເອົາປີໃດເປັນປີທ່ອງທ່ຽວລາວໃນຕໍ່ໜ້າ, ສອງ ຢາກໃຫ້ກຳນົດຄາດໝາຍຂອງການທ່ອງທ່ຽວໃນປີຕໍ່ໜ້າຈະມີນັກທ່ອງທ່ຽວເຂົ້າມາທ່ຽວຫຼາຍປານໃດ ເພື່ອເປັນບ່ອນອີງໃນການພັດທະນາພື້ນຖານໂຄງລ່າງຄວາມສາມາດຮອງຮັບດ້ານໃດທີ່ຈະຕ້ອງໄດ້ກະກຽມ, ສາມ ການອຳນວຍຄວາມສະດວກດ້ານຕ່າງໆ.
ທ່ານ ພອນສານ ວິໄລເມັ້ງ ສສຊ ເຂດ 13 ແຂວງສະຫວັນນະເຂດ ໄດ້ມີຄຳເຫັນກ່ຽວກັບການລາຍງານການຈັດຕັ້ງປະຕິບັດປີທ່ອງທ່ຽວລາວ 2024 ເຫັນວ່າມີຫຼາຍດ້ານທີ່ໜ້າເພິ່ງພໍໃຈ ແຕ່ຖ້າທຽບໃສ່ປີ 2023ເຫັນວ່າລື່ນຄາດໝາຍ, ຕໍ່ກັບການດຶງດູດນັກທ່ອງທ່ຽວເບິ່ງລວມແລ້ວການໂຄສະນາຍັງມີຂໍ້ຈຳກັດຫຼາຍ, ໃນຕໍ່ໜ້າສະເໜີໃຫ້ມີການໂຄສະນາໃຫ້ກວ້າງຂວາງຕື່ມໂດຍຜ່ານສື່ສັງຄົມອອນລາຍຕ່າງໆ ເພື່ອດຶງດູດນັກທ່ອງທ່ຽວທັງພາຍໃນ ແລະ ສາກົນໃຫ້ເຂົ້າມາທ່ອງທ່ຽວລາວຫຼາຍຂຶ້ນເພື່ອສ້າງລາຍຮັບໃຫ້ປະເທດ, ຕໍ່ກັບທ່າແຮງການທ່ອງທ່ຽວເຫັນວ່າຍັງມີຫຼາຍຈຸດທີ່ຈະຕ້ອງເອົາໃຈໃສ່ໂດຍສະເພາະຫໍພິພິທະພັນຕ່າງໆໃນສູນກາງ-ທ້ອງຖິ່ນ ໃນຕໍ່ໜ້າຢາກໃຫ້ຫັນຫໍພິພິທະພັນວັດຖຸບູຮານ, ປະຫວັດສາດ, ບ້ານຊົນເຜົ່າຕ່າງໃຫ້ມີລາຍຮັບເພີ່ມຕື່ມ ໂດຍເຊື່ອມໂຍງການທ່ອງທ່ຽວເຮັດໃຫ້ນັກທ່ອງທ່ຽວເຂົ້າມາທ່ຽວຊົມໄດ້ເບິ່ງວິຖີຊີວິດ, ວັດທະນະທຳຮີດຄອງປະເພນີອັນດີງາມຂອງເຜົ່າ ຢາກໃຫ້ມີການຄົ້ນຄວ້າໃນການສ້າງໂຮມສະເຕ ເພື່ອສ້າງລາຍຮັບໃຫ້ການທ່ອງທ່ຽວລາວໃຫ້ເຂັ້ມແຂງໃນຕໍ່ໜ້າ. ຂ່າວ: ພູວັນ
ຄໍາເຫັນ