ສະມາຊິກສະພາແຫ່ງຊາດ ຊຸດທີIX ປະຈໍາເຂດເລືອກຕັ້ງທີ1 ນວ ຮອງປະທານກໍາມາທິການເສດຖະກິດເຕັກໂນໂລຊີ ແລະ ສິ່ງແວດລ້ອມສະພາແຫ່ງຊາດ ພ້ອມດ້ວຍຄະນະ.ຈຸດປະສົງ ເພື່ອພົບປະ ແລະ ເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ7 ຂອງສະພາແຫ່ງຊາດ ຊຸດທີIX ແລະ ສະພາປະຊາຊົນ ນວ ຊຸດທີ II.
ໃນພິທີ, ທ່ານ ພັນໂທ ອານຸສັກ ສຸທໍາມະວົງ ຫົວໜ້າການເມືອງກອງພັນທະຫານຮາບ 513 ໄດ້ຂຶ້ນລາຍງານໂດຍຫຍໍ້ບາງດ້ານ ວ່າ: ກອງພັນ 513 ແມ່ນກົມກອງໜຶ່ງທີ່ຂຶ້ນກັບ ກອງບັນຊາການທະຫານນະຄອນຫຼວງວຽງຈັນ ມີໜ້າທີ່ປັບປຸງ, ກໍ່ສ້າງກໍາລັງ ຮັບປະກັນກຽມພ້ອມສູ້ຮົບ, ອົບຮົມຫັດແອບ, ການທະຫານ, ການເມືອງ, ພະລາທິການ, ເຕັກນິກ, ມີໜ້າທີ່ປ້ອງກັນ ເຂດຍຸດທະສາດຈຸດສູງ ການຂຶ້ນ-ລົງ ຂອງຍົນ, ຕາມສາຍພູພະນັງ ຄື: ຈຸດສູງຖໍ້ານໍ້າ, ຖໍ້າແມງຈົງ, ກຳແພງເພັດ ແລະ ພູຮອກ, ປ້ອງກັນທາງລົດໄຟ ລາວ-ຈີນກໍຄືເສັ້ນທາງເລກທີ 13, ໃຫ້ມີຄວາມປອດໄພ 100%.ສະພາບຂອງກົມກອງນາຍ ແລະ ພົນທະຫານ ມີຄວາມອຸ່ນອ່ຽນທຸ່ນທ່ຽງ ຮັບຮູ້ໄດ້ຕໍ່ແຜນນະໂຍບາຍຂອງ ພັກ-ລັດ ໂດຍຈັດຕັ້ງປະຕິບັດຂໍ້ກຳນົດກົດລະບຽບ ຂອງກອງທັບ, ຕິດພັນກັບ 4 ໜ້າທີ່, 26 ແຜນງານຂອງ ກະຊວງວາງອອກ, ໃຫ້ປະກົດຜົນເປັນຈິງ.
ການຈັດຕັ້ງປະຕິບັດວຽກງານ ໄລຍະ 1 ປີຜ່ານມາໜ້າທີ່ແມ່ນເຮັດໃຫ້ມີຄວາມສະຫງົບ, ກໍ່ສ້າງຮາກຖານການເມືອງ, ກຽມພ້ອມສູ້ຮົບ ນໍາໃຊ້ກຳລັງ-ກອບກູ້ໄພພິບັດ, ປັບປຸງກໍ່ສ້າງກໍາລັງ, ປັບປຸງກໍ່ສ້າງພັກ, ພະນັກງານ, ເອົາໃຈໃສ່ວຽກງານອົງການຈັດຕັ້ງມະຫາຊົນ ແລະ ວຽກງານອື່ນໆ. ຄຽງຄູ່ກັນ ໄດ້ນໍາໃຊ້ກໍາລັງເຂົ້າປ້ອງກັນໂຄງການເສັ້ນທາງລົດໄຟ ລາວ-ຈີນ ເລີ່ມແຕ່ຊາຍແດນແຂວງວຽງຈັນ ຈົນຮອດສະຖານີ ຈໍານວນ 7 ຈຸດ, ປ້ອງກັນຝຶກຊ້ອມກອບກູ້ໄພພິບັດ ລາວ-ຈີນ ອ່າງນໍ້າຊ່ວງ, ເຂົ້າຮ່ວມສະກັດກັ້ນການບຸກລຸກດິນ ຂອງກອງບັນຊາການ ກໍຄືສະໜາມກອບກູ້ກັນປະເທດ (ອ່າງນໍ້າຫຸມ), ກະກຽມກໍາລັງກອບກູ້ໄພພິບັດ ຈາກທຳມະຊາດ ທີ່ອາດຈະເກີດຂຶ້ນ.ໂດຍອີງໃສ່ໜ້າທີ່ການເມືອງ ຂອງກົມກອງ ແລະ ຖືເອົາເນື້ອໃນຂໍ້ແຂ່ງຂັ້ນ ຮັກຊາດ ແລະ ພັດທະນາ, ຕິດພັນກັບ 4 ໜ້າທີ່ໃຫຍ່, 26 ແຜນງານ, ທີ່ຄະນະພັກກະຊວງວາງອອກຢ່າງກວ້າງຂວາງ.ໄດ້ເພີ່ມທະວີຊີ້ນໍາວຽກງານປັບປຸງກໍ່ສ້າງພັກທາງດ້ານການເມືອງ-ແນວຄິດ ໃຫ້ພະນັກງານ-ສະມາຊິກພັກ, ມີຄຸນທາດການເມືອງໜັກແໜ້ນເຂັ້ມແຂງທາງດ້ານການຈັດຕັ້ງ, ຈັດຕັ້ງເຊື່ອມຊຶມຂໍ້ກຳນົດກົດລະບຽບ, ຂອງພັກ ປະຕິບັດຕາມ 5 ຫຼັກການ 3 ທິດນໍາ, ເພື່ອຍົກສູງຄວາມຮູ້ຄວາມສາມາດທິດສະດີ ຕິດພັນກັບພາກປະຕິບັດຕົວຈິງ ໃນນັ້ນຍັງໄດ້ປະເມີນຄຸນທາດການເມືອງ ຂອງສະມາຊິກພັກ-ໜ່ວຍພັກ ປອດໃສ, ເຂັ້ມແຂງ, ໜັກແໜ້ນໄດ້ 4 ໜ່ວຍພັກ,ໄດ້ເອົາໃຈໃສ່ ຕິດຕາມຊຸກຍູ້ ອົງການຈັດຕັ້ງມະຫາຊົນຊາວໜຸ່ມ, ສະຫະພັນແມ່ຍິງ ຮັບຮູ້ແລະ ເຂົ້າໃຈ, ເຄື່ອນໄຫວຕາມພາລະບົດບາດຂັ້ນຂອງຕົນ ເປັນກໍາລັງແຮງ ຕັ້ງໜ້າຝຶກຝົນຫຼໍ່ຫຼອມຕົນເອງ ມີສະຕິໃນການກຽມພ້ອມສູ້ຮົບ ເຂັ້ມງວດ ຈັດຕັ້ງປະຕິບັດ 7 ລະບອບ 18 ວຽກຂອງກອງທັບ, ເປັນເຈົ້າການເຕົ້າໂຮມຄວາມສາມັກຄີ ສ້າງຂະບວນການຕ່າງໆ ຢ່າງເປັນຂະບວນການຟົດຟື້ນ.
ເພື່ອປະຕິບັດຕາມທິດຊີ້ນໍາ ຂອງກົມໃຫຍ່ ພະລາທິການ ກໍຄື ຫ້ອງພະລາທິການ ກອງບັນຊາການທະຫານນະຄອນຫຼວງວຽງຈັນ ວາງອອກຄື: ກຸ້ມຕົນເອງ, ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເພື່ອເຮັດໃຫ້ກົມກອງດີຂຶ້ນເທື່ອລະກ້າວ.ໄລຍະຜ່ານມາ ກົມກອງຂອງພວກເຮົາໄດ້ສຸມໃສ່ ການປູກພືດໃຫ້ໃບ-ໃຫ້ໝາກ ຄື: ລ້ຽງປາ ຈໍານວນ 7 ໜອງ, ປ່ອຍປາ 20.000 ໂຕ, ລ້ຽງສັດ 4 ຂາ, ງົວ 16 ໂຕ, ແບ້ 22 ໂຕ, ແລະ ສັດປີກ 645 ໂຕ, ປູກມັນຕົ້ນລວມທັງກອງພັນ, ກອງຮ້ອຍ, ທັງໝົດ 8 ເຮັກຕ້າ, ປູກຕົ້ນໄມ້ອຸດສະຫະກຳ 100 ຕົ້ນ, ຕົ້ນໄມ້ໃຫ້ໝາກ 120 ຕົ້ນລວບລວມທັງໝົດຮັບຈາກການປູກ62.880.000 ກີບ, ຮັບຈາກການລ້ຽງ 75.722.000 ກີບ,ຮັບຈາກການບໍລິການ 34.500.000 ກີບລວມ173.102.000 ກີບ.
ຈາກນັ້ນ, ຍັງໄດ້ສະເໜີຕໍ່ສສຊ ວ່າ: ໃຫ້ແກ້ໄຂບັນຫາທີ່ປະຊາຊົນບຸກລຸກດິນປ່າສະຫງວນ ແລະ ສະເໜີໃຫ້ກວດກາລົດບັນທຸກໜັກທີ່ແລ່ນຜ່ານເສັ້ນທາງກອງພັນ 513 ຊຶ່ງເຮັດໃຫ້ເສັ້ນທາງເພ.
ຂ່າວ: ແສງຈັນ, ຂໍ້ມູນ: ສະພາ ນວ)
ຄໍາເຫັນ