 |
ການກຳນົດຕຳແໜ່ງ ແລະ ຍົດ (ມາດຕາ 45):ສະເໜີໃຫ້ເພີ່ມ ແລະ ໃຊ້ຄຳວ່າ "ພັນໂທ" ສຳລັບຫົວໜ້າກອງບັນຊາການປ້ອງກັນຄວາມສະຫງົບເມືອງ/ນະຄອນ ເນື່ອງຈາກທຽບເທົ່າກັບບັນດາຮອງກອງພັນໂຮງຮຽນປ້ອງກັນຄວາມສະຫງົບຊັ້ນຕົ້ນ ແລະ ມີຕຳແໜ່ງວຽກງານຮອດຊັ້ນ 7 ເຊັ່ນດຽວກັນ (ກຳນົດໄວ້ໃນຂໍ້ 2.3), ສ່ວນຮອງກອງບັນຊາການປ້ອງກັນຄວາມສະຫງົບເມືອງ/ນະຄອນ ແມ່ນສະເໜີໃຫ້ກຳນົດໄວ້ໃນຂໍ້ໜຶ່ງຕ່າງຫາກ ໂດຍບໍ່ຄວນກຳນົດຊັ້ນພັນຕີຂຶ້ນໄປ ເນື່ອງຈາກບໍ່ສອດຄ່ອງ, ການຍົກຂັ້ນເງິນເດືອນ (ມາດຕາ 51):ສະເໜີຂຽນໃຫ້ ຈະແຈ້ງ ວ່າການກຳນົດການຍົກຂັ້ນເງິນເດືອນສຳລັບຜູ້ທີ່ບໍ່ມີເງື່ອນໄຂເລື່ອນຊັ້ນຄວນປະຕິບັດແນວໃດ ເຊັ່ນ: ການກຳນົດເປັນຈຳນວນຮອບ (ຕົວຢ່າງ: ພັນໂທກິນເງິນເດືອນພັນຕີ) ຫຼື ການກຳນົດໄລຍະເວລາ 8 ປີ ເພື່ອຫຼີກລ່ຽງຄວາມບໍ່ຈະແຈ້ງ ແລະ ປ້ອງກັນບັນຫາການກະຕຸກຊຸກຍູ້ໃນກຳລັງປະກອບອາວຸດທີ່ຕ້ອງອາໄສເງິນຕາມຊັ້ນ, ສະເໜີໃຫ້ມີລະບຽບສະເພາະສຳລັບນາຍຕຳຫຼວດ ທີ່ປະຕິບັດໜ້າທີ່ໃນເວລາປະຈຳການ ເມື່ອຮັບການອຸດໜູນແລ້ວ ຄວນໄດ້ຮັບການຍົກຂັ້ນເງິນເດືອນຂຶ້ນອີກ 1ຊັ້ນ.
ທ່ານ ພັນເອກວິລະສິນ ມິດຕະພອນ ສສຊເຂດເລືອກຕັ້ງທີ 6 ແຂວງຫຼວງພະບາງ ໄດ້ມີຄຳເຫັນຕໍ່ຮ່າງກົດໝາຍວ່າດ້ວຍກຳລັງປ້ອງກັນຄວາມສະຫງົບປະຊາຊົນ ສະບັບປັບປຸງທ່ານໄດ້ມີຄຳເຫັນແລກປ່ຽນ ແລະ ສະເໜີເພີ່ມເຕີມ 2 ປະເດັນຕົ້ນຕໍ ຄື: 1. ການປະດັບຊັ້ນ ແລະ ການປຽບທຽບຊັ້ນນາຍແລະ ພົນຕຳຫຼວດ, ສະເໜີໃຫ້ຄົ້ນຄວ້າຄືນໃນມາດຕາ 40 ວ່າດ້ວຍການປະດັບຊັ້ນ ແລະ ການປຽບທຽບຊັ້ນນາຍແລະ ພົນຕຳຫຼວດ (ສະເພາະຂໍ້ 4) ຊຶ່ງໄດ້ລະບຸຊັ້ນກາງ ແລະ ຊັ້ນສູງປະດັບວາທີຢາກໃຫ້ແຍກກ່ຽວກັບການປະດັບຊັ້ນຕາມວຸດທິການສຶກສາ, ໝາຍຄວາມວ່າ ຊັ້ນກາງ ປະດັບວາທີ ແລະ ຊັ້ນສູງ ປະດັບຮ້ອຍຕີ; 2. ນະໂຍບາຍຕໍ່ນາຍ ແລະ ພົນຕຳຫຼວດຕໍ່ກັບມາດຕາ 52 ວ່າດ້ວຍການຮັບອຸດໜູນບຳນານ (ຂໍ້ 5) ທີ່ກຳນົດວ່າ ນາຍຕຳຫຼວດອາຍຸ 50 ປີ ເຮັດວຽກກ່ຽວກັບທາດເບື່ອ, ທາດເຄມີ ຫຼື ເຮັດວຽກຢູ່ເຂດທຸລະກັນດານ 15 ປີຢ່າງຕໍ່ເນື່ອງມີສິດສະເໜີຮັບການອຸດໜູນບຳນານຕາມກົດໝາຍ, ແຕ່ຢາກໃຫ້ພິຈາລະນາປັບປຸງສຳລັບພາກສ່ວນທີ່ເຮັດວຽກຫຍຸ້ງຍາກຢູ່ເຂດທຸລະກັນດານ (ຫາກເປັນໄປໄດ້)ສະເໜີໃຫ້ເອກະພາບກັນໃນການຈັດຕັ້ງປະຕິບັດກັບກຳລັງ ປກສ ໂດຍປ່ຽນຈາກອາຍຸ 50 ປີ ໃຫ້ເປັນ 55 ປີ ແລະ ຈາກອາຍຸການເຮັດວຽກ 15 ປີ ໃຫ້ເປັນ 30 ປີ.
(ຂ່າວ-ພາບ: ແສງຈັນ+ບຸນຕອມ)
ຄໍາເຫັນ