ທິດທາງວຽກຈຸດສຸມ ແລະ ມາດຕະການກ່ຽວກັບການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນຕິດພັນກັບການຈັດຕັ້ງປະຕິບັດແຜນພັດທະນາເສດຖະກິດບສັງຄົມ 5ປີ ຄັ້ງທີ IX ໃນທ້າຍສະໄໝ 2025 ແມ່ນຈະສືບຕໍ່ແກ້ໄຂສະພາບຄວາມຫຍຸ້ງຍາກດ້ານເສດຖະກິດ-ການເງິນຕາມມະຕິ XIຂອງພັກໄດ້ກຳນົດໄວ້ຢ່າງຕັ້ງໜ້າ.
ທ່ານ ຄຳເຈນ ວົງໂພສີ ລັດຖະມົນຕີ ກະຊວງແຜນການ ແລະ ການລົງທຶນ(ຜທ) ໄດ້ລາຍງານການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ໄລຍະ(2021-2023) ແລະ ທິດທາງແຜນການຮອດປີ 2025 ຕໍ່ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ IX ໃນວັນທີ 2 ພະຈິກ ນີ້ ໂດຍການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ
ທ່ານລັດຖະມົນຕີ ກະຊວງ ຜທ ກ່າວວ່າ:ວຽກຈຸດສຸມການສົ່ງເສີມການຜະລິດ-ການບໍລິການເພື່ຶອທົດແທນການນຳເຂົ້າ ແລະ ເປັນສິນຄ້າສົ່ງອອກ ຊຶ່ງໃນນັ້ນ ວຽງານກະສິກຳ ແລະ ປ່າໄມ້ສາມາດຄໍ້າປະກັນໄດ້ສະບຽງອາຫານພາຍໃນໄດ້ໂດຍພື້ນຖານເປັນຕົ້ນການຜະລິດເຂົ້າພຽງພໍກັບຄວາມຕ້ອງການພາຍໃນ ຊຶ່ງໃນ ປີ 2021 ຜະລິດໄດ້ 2,07 ລ້ານໂຕນ ແລະ ປີ 2022 ຜະລິດໄດ້ ປະມານ 2,37 ລ້ານໂຕນ ສຳລັບ 9 ເດືອນ 2023 ສາມາດຜະລິດໄດ້ ປະມານ118.204 ເຮັກຕາ ເທົ່າກັບ 79,42% ຂອງແຜນການຄາດຄະເນຜົນຜະລິດ ຈະບັນລຸໄດ້ 2,42 (ລື່ນແຜນປີ 2,39 ລ້ານໂຕນ ນອກຈາກນັ້ນພືດຜັກ ແລະ ຊີ້ນປາອາຫານຕ່າງໆກໍລ້ວນແຕ່ມີທ່າອ່ຽງຂະຫຍາຍຕົວເພີ່ມຂຶ້ນ,ໄດ້ຊຸກຍູ້ການລ້ຽງສັດ ແລະ ສັດນໍ້າເປັນສິນຄ້າແບບເປັນກຸ່ມ,ເປັນຟາມ ມາຮອດປັດຈຸບັນມີ ຟາມທັງໝົດ 2.168 ຟາມ ມີສັດລ້ຽງປະມານ 6,06 ລ້ານໂຕ,ວຽກງານການຜະລິດອຸດສາຫະກຳປຸງແຕ່ງ ໄດ້ຊຸກຍູ້ ແລະ ສ້າງເງື່ອນໄຂໃຫ້ຜູ້ປະກອບການພາຍໃນ ຂະຫຍາຍການຜະລິດສິນຄ້າອຸດສາຫະກຳປຸງແຕ່ງເພື່ອທົດແທນການນຳເຂົ້າ ຊຶ່ງການຜະລິດປຸ໋ຍ ແລະ ຝຸ່ນ ມີ 103 ໂຮງງານດຳເນີນການຜະລິດ ແລະ ມີກຳລັງການຜະລິດ 926.230 ໂຕນ/ປີ , ຊຸກຍູ້ສົ່ງເສີມກຸ່ມຊາວກະສິກອນຜະລິດເພື່ອນຳໃຊ້ເອງ ປະມານ 600.000 ໂຕນ,ການຜະລິດຫົວອາຫານສັດໃນໄລຍະວາລະແຫ່ງຊາດໄດ້ເພີ່ມໂຮງງານຜະລິດອາຫານສັດ 1 ແຫ່ງ(ລວມທັງໝົດ 7 ແຫ່ງ)ສາມາດຜະລິດເພີ່ມ 30.923,61 ໂຕນ ລວມທັງໝົດສາມາດຜະລິດໄດ້ 355.600 ໂຕນ ກວມປະມານ 60%ຂອງຄວາມຕ້ອງການພາຍໃນ(592.670ໂຕນ),ວຽກງານບໍ່ແຮ່ ໄດ້ປັບໂຄງສ້າງລາຄາໄຟຟ້າທີ່ເອື້ອອຳນວຍໃຫ້ແກ່ການລົງທຶນໃນຂະແໜງອຸດສາຫະກຳ ແລະ ກະສິກຳ,ໄດ້ຈັດຕັ້ງປະຕິບັດໂຄງການທົດລອງຂຸດຄົ້ນແຮ່ທາດໂດຍໄດ້ອະນຸຍາດເຊັນສັນຍາໂຄງການພັດທະນາບໍ່ແຮ່ໃນຮູບແບບທົດລອງທັງໝົດ 93 ບໍລິສັດ ລວມເນື້ອທີ່ທັງໝົດ 39.866,11 ເຮັກຕາ ຫຼື ເທົ່າກັບ 0,16%ຂອງເນື້ອທີ່ທົ່ວປະເທດ
ສຳລັບວຽກງານການທ່ອງທ່ຽວໄດ້ສືບຕໍ່ຊຸກຍູ້ພາກທຸລະກິດປັບປຸງການບໍລິການທ່ອງທ່ຽວຢ່າງຮອບດ້ານ ຊຶ່ງເຮັດໃຫ້ຈຳນວນນັກທ່ອງທ່ຽວຕ່າງປະເທດ ເຂົ້າມາ ສປປ ລາວ ໃນ 9 ເດືອນ ປີ 2023 ບັນລຸໄດ້ປະມານເກືອບ 2,5 ລ້ານເທື່ອຄົນ,ສົມທຽບໄລຍະດຽວກັນຂອງປີ 2022,ຄາດວ່າໄດ້ສ້າງລາຍຮັບເປັນເງິນຕາຕ່າງປະເທດປະມານ 602,78 ລ້ານໂດລາ,ວຽກງານໂຍທາທິການ ແລະ ຂົນສົ່ງໄດ້ຊຸກຍູ້ການບໍລິ ການຂອງ 3 ຈຸດທ່າບົກທີ່ເປີດນຳໃຊ້ແລ້ວ ໃນນັ້ນ ທ່າບົກທ່ານາແລ້ງແມ່ນພວມສຸມໃສ່ການເຊື່ອມຈອດທາງລົດໄຟເຂົ້າຫາເຂດທ່າບົກ,ສຳລັບທ່າບົກນາເຕຍຢູ່ໃນຂັ້ນຕອນສຳຫຼວດເນື້ອທີ່ ແລະກຳນົດຮູບແບບຮຸ້ນສ່ວນການລົງທຶນ ສາມາດສ້າງລາຍຮັບເຂົ້າງົບປະມານໄດ້ຈຳນວນ 212,30ຕື້ກີບ; ໃນນັ້ນວຽກຈຸດສຸມການສ້າງສະຖຽນລະພາບດ້ານເງິນຕາໄດ້ສຸມໃສ່ຄົ້ນຄວ້າ ແລະ ອອກນະໂຍບາຍສິນເຊື່ອຖົມຂຸມດອກເບ້ຍ ແລະ ນະໂຍບາຍສິນເຊື່ອກະຈາຍແຫຼ່ງທຶນສູ່ທ້ອງຖິ່ນເພື່ອຂະຫຍາຍການເຂົ້າຫາແຫຼ່ງທຶນໃນຂະແໜງການການຜະລິດເພື່ອທົດແທນການນຳເຂົ້າ ແລະ ສົ່ງອອກ ແລະ ສົ່ງເສີມການຜະລິດສິນຄ້າຂອງ MSME,ໄດ້ສຸມໃສ່ແກ້ໄຂສະພາບຄ່າເງິນກີບ,ຄັງສຳຮອງເງິນຕາຕ່າງປະເທດ ແລະ ຄວບຄຸມອັດຕາເງິນເຟີ້ຕາມແຜນວຽກຂອງຄະນະ 19/ນຍ.
ສຳລັບທິດທາງວຽກຈຸດສຸມ ແລະ ມາດຕະການກ່ຽວກັບການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນຕິດພັນກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5ປີ ຄັ້ງທີ IX ໃນທ້າຍສະໄໝ 2025 ແມ່ນຈະສືບຕໍ່ແກ້ໄຂສະພາບຄວາມຫຍຸ້ງຍາກດ້ານເສດຖະກິດ-ການເງິນຕາມມະຕິ XIຂອງພັກໄດ້ກຳນົດໄວ້ຢ່າງຕັ້ງໜ້າ ຊຶ່ງໃນໄລຍະທ້າຍສະໄໝ ຮອດປີ 2025 ທຸກຂະແໜງການ ແລະ ທ້ອງຖິ່ນຕ້ອງສືບຕໍ່ສູ້ຊົນປະຕິບັດຄາດໝາຍຕ່າງໆ ທີ່ໄດ້ກຳນົດໄວ້ໃນແຜນພັດທະນາເສດຖະກິດ-ສັງຄົມ5ປີ ຄັ້ງທີ IX ໂດຍຖືເອົາ 5 ເປົ້າໝາຍວຽກຈຸດສຸມເປັນມາດຕະການຕົ້ນຕໍ ແລະ ແຂງແຮງກວ່າເກົ່າ,ຫັນບັນດາວຽກງານຈຸດສຸມເຊື່ອມເຂົ້າກັບການເຮັດໃຫ້ການປະຕິບັດວຽກງານຕົວຈິງມີຜົນສຳເລັດທີ່ດີຂຶ້ນກວ່າເກົ່າ.
(ຂ່າວ-ພາບ:ສຳນານ)
ທ່ານ ຄຳເຈນ ວົງໂພສີ ລັດຖະມົນຕີ ກະຊວງແຜນການ ແລະ ການລົງທຶນ(ຜທ) ໄດ້ລາຍງານການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ໄລຍະ(2021-2023) ແລະ ທິດທາງແຜນການຮອດປີ 2025 ຕໍ່ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ IX ໃນວັນທີ 2 ພະຈິກ ນີ້ ໂດຍການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ
ທ່ານລັດຖະມົນຕີ ກະຊວງ ຜທ ກ່າວວ່າ:ວຽກຈຸດສຸມການສົ່ງເສີມການຜະລິດ-ການບໍລິການເພື່ຶອທົດແທນການນຳເຂົ້າ ແລະ ເປັນສິນຄ້າສົ່ງອອກ ຊຶ່ງໃນນັ້ນ ວຽງານກະສິກຳ ແລະ ປ່າໄມ້ສາມາດຄໍ້າປະກັນໄດ້ສະບຽງອາຫານພາຍໃນໄດ້ໂດຍພື້ນຖານເປັນຕົ້ນການຜະລິດເຂົ້າພຽງພໍກັບຄວາມຕ້ອງການພາຍໃນ ຊຶ່ງໃນ ປີ 2021 ຜະລິດໄດ້ 2,07 ລ້ານໂຕນ ແລະ ປີ 2022 ຜະລິດໄດ້ ປະມານ 2,37 ລ້ານໂຕນ ສຳລັບ 9 ເດືອນ 2023 ສາມາດຜະລິດໄດ້ ປະມານ118.204 ເຮັກຕາ ເທົ່າກັບ 79,42% ຂອງແຜນການຄາດຄະເນຜົນຜະລິດ ຈະບັນລຸໄດ້ 2,42 (ລື່ນແຜນປີ 2,39 ລ້ານໂຕນ ນອກຈາກນັ້ນພືດຜັກ ແລະ ຊີ້ນປາອາຫານຕ່າງໆກໍລ້ວນແຕ່ມີທ່າອ່ຽງຂະຫຍາຍຕົວເພີ່ມຂຶ້ນ,ໄດ້ຊຸກຍູ້ການລ້ຽງສັດ ແລະ ສັດນໍ້າເປັນສິນຄ້າແບບເປັນກຸ່ມ,ເປັນຟາມ ມາຮອດປັດຈຸບັນມີ ຟາມທັງໝົດ 2.168 ຟາມ ມີສັດລ້ຽງປະມານ 6,06 ລ້ານໂຕ,ວຽກງານການຜະລິດອຸດສາຫະກຳປຸງແຕ່ງ ໄດ້ຊຸກຍູ້ ແລະ ສ້າງເງື່ອນໄຂໃຫ້ຜູ້ປະກອບການພາຍໃນ ຂະຫຍາຍການຜະລິດສິນຄ້າອຸດສາຫະກຳປຸງແຕ່ງເພື່ອທົດແທນການນຳເຂົ້າ ຊຶ່ງການຜະລິດປຸ໋ຍ ແລະ ຝຸ່ນ ມີ 103 ໂຮງງານດຳເນີນການຜະລິດ ແລະ ມີກຳລັງການຜະລິດ 926.230 ໂຕນ/ປີ , ຊຸກຍູ້ສົ່ງເສີມກຸ່ມຊາວກະສິກອນຜະລິດເພື່ອນຳໃຊ້ເອງ ປະມານ 600.000 ໂຕນ,ການຜະລິດຫົວອາຫານສັດໃນໄລຍະວາລະແຫ່ງຊາດໄດ້ເພີ່ມໂຮງງານຜະລິດອາຫານສັດ 1 ແຫ່ງ(ລວມທັງໝົດ 7 ແຫ່ງ)ສາມາດຜະລິດເພີ່ມ 30.923,61 ໂຕນ ລວມທັງໝົດສາມາດຜະລິດໄດ້ 355.600 ໂຕນ ກວມປະມານ 60%ຂອງຄວາມຕ້ອງການພາຍໃນ(592.670ໂຕນ),ວຽກງານບໍ່ແຮ່ ໄດ້ປັບໂຄງສ້າງລາຄາໄຟຟ້າທີ່ເອື້ອອຳນວຍໃຫ້ແກ່ການລົງທຶນໃນຂະແໜງອຸດສາຫະກຳ ແລະ ກະສິກຳ,ໄດ້ຈັດຕັ້ງປະຕິບັດໂຄງການທົດລອງຂຸດຄົ້ນແຮ່ທາດໂດຍໄດ້ອະນຸຍາດເຊັນສັນຍາໂຄງການພັດທະນາບໍ່ແຮ່ໃນຮູບແບບທົດລອງທັງໝົດ 93 ບໍລິສັດ ລວມເນື້ອທີ່ທັງໝົດ 39.866,11 ເຮັກຕາ ຫຼື ເທົ່າກັບ 0,16%ຂອງເນື້ອທີ່ທົ່ວປະເທດ
ສຳລັບວຽກງານການທ່ອງທ່ຽວໄດ້ສືບຕໍ່ຊຸກຍູ້ພາກທຸລະກິດປັບປຸງການບໍລິການທ່ອງທ່ຽວຢ່າງຮອບດ້ານ ຊຶ່ງເຮັດໃຫ້ຈຳນວນນັກທ່ອງທ່ຽວຕ່າງປະເທດ ເຂົ້າມາ ສປປ ລາວ ໃນ 9 ເດືອນ ປີ 2023 ບັນລຸໄດ້ປະມານເກືອບ 2,5 ລ້ານເທື່ອຄົນ,ສົມທຽບໄລຍະດຽວກັນຂອງປີ 2022,ຄາດວ່າໄດ້ສ້າງລາຍຮັບເປັນເງິນຕາຕ່າງປະເທດປະມານ 602,78 ລ້ານໂດລາ,ວຽກງານໂຍທາທິການ ແລະ ຂົນສົ່ງໄດ້ຊຸກຍູ້ການບໍລິ ການຂອງ 3 ຈຸດທ່າບົກທີ່ເປີດນຳໃຊ້ແລ້ວ ໃນນັ້ນ ທ່າບົກທ່ານາແລ້ງແມ່ນພວມສຸມໃສ່ການເຊື່ອມຈອດທາງລົດໄຟເຂົ້າຫາເຂດທ່າບົກ,ສຳລັບທ່າບົກນາເຕຍຢູ່ໃນຂັ້ນຕອນສຳຫຼວດເນື້ອທີ່ ແລະກຳນົດຮູບແບບຮຸ້ນສ່ວນການລົງທຶນ ສາມາດສ້າງລາຍຮັບເຂົ້າງົບປະມານໄດ້ຈຳນວນ 212,30ຕື້ກີບ; ໃນນັ້ນວຽກຈຸດສຸມການສ້າງສະຖຽນລະພາບດ້ານເງິນຕາໄດ້ສຸມໃສ່ຄົ້ນຄວ້າ ແລະ ອອກນະໂຍບາຍສິນເຊື່ອຖົມຂຸມດອກເບ້ຍ ແລະ ນະໂຍບາຍສິນເຊື່ອກະຈາຍແຫຼ່ງທຶນສູ່ທ້ອງຖິ່ນເພື່ອຂະຫຍາຍການເຂົ້າຫາແຫຼ່ງທຶນໃນຂະແໜງການການຜະລິດເພື່ອທົດແທນການນຳເຂົ້າ ແລະ ສົ່ງອອກ ແລະ ສົ່ງເສີມການຜະລິດສິນຄ້າຂອງ MSME,ໄດ້ສຸມໃສ່ແກ້ໄຂສະພາບຄ່າເງິນກີບ,ຄັງສຳຮອງເງິນຕາຕ່າງປະເທດ ແລະ ຄວບຄຸມອັດຕາເງິນເຟີ້ຕາມແຜນວຽກຂອງຄະນະ 19/ນຍ.
ສຳລັບທິດທາງວຽກຈຸດສຸມ ແລະ ມາດຕະການກ່ຽວກັບການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນຕິດພັນກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5ປີ ຄັ້ງທີ IX ໃນທ້າຍສະໄໝ 2025 ແມ່ນຈະສືບຕໍ່ແກ້ໄຂສະພາບຄວາມຫຍຸ້ງຍາກດ້ານເສດຖະກິດ-ການເງິນຕາມມະຕິ XIຂອງພັກໄດ້ກຳນົດໄວ້ຢ່າງຕັ້ງໜ້າ ຊຶ່ງໃນໄລຍະທ້າຍສະໄໝ ຮອດປີ 2025 ທຸກຂະແໜງການ ແລະ ທ້ອງຖິ່ນຕ້ອງສືບຕໍ່ສູ້ຊົນປະຕິບັດຄາດໝາຍຕ່າງໆ ທີ່ໄດ້ກຳນົດໄວ້ໃນແຜນພັດທະນາເສດຖະກິດ-ສັງຄົມ5ປີ ຄັ້ງທີ IX ໂດຍຖືເອົາ 5 ເປົ້າໝາຍວຽກຈຸດສຸມເປັນມາດຕະການຕົ້ນຕໍ ແລະ ແຂງແຮງກວ່າເກົ່າ,ຫັນບັນດາວຽກງານຈຸດສຸມເຊື່ອມເຂົ້າກັບການເຮັດໃຫ້ການປະຕິບັດວຽກງານຕົວຈິງມີຜົນສຳເລັດທີ່ດີຂຶ້ນກວ່າເກົ່າ.
(ຂ່າວ-ພາບ:ສຳນານ)
ຄໍາເຫັນ