 |
ຈຸດປະສົງຂອງໂຄງການແມ່ນເພື່ອເລັ່ງໃສ່ການຝຶກອົບຮົມວິຊາຊີບ ທີ່ສອດຄ່ອງກັບຄວາມຕ້ອງການຕະຫຼາດແຮງງານ ໃຫ້ແກ່ຊາວໜຸ່ມ-ໄວໜຸ່ມ ຜູ້ດ້ອຍໂອກາດ ໃນຂົງເຂດຊົນນະບົດ ແລະ ເທດສະບານເມືອງ ໃຫ້ມີວຽກເຮັດງານທຳທີ່ໝັ້ນຄົງ, ຊຶ່ງໂຄງການໄດ້ຈັດຕັ້ງປະຕິບັດມາແຕ່ເດືອນມີນາ 2025 ຫາ ເດືອນກຸມພາ 2026. ຜ່ານການຈັດຕັ້ງປະຕິບັດ ມີຊາວໜຸ່ມ-ໄວໜຸ່ມ ກຸ່ມເປົ້າໝາຍຈາກເມືອງສາລະວັນ ແລະ ເມືອງເລົ່າງາມ ເຂົ້າຮ່ວມເບື້ອງຕົ້ນ 102 ນ້ອງ ຍິງ 65 ນ້ອງ.
ຊຸດຝຶກອົບຮົມຄັ້ງນີ້, ໄດ້ດໍາເນີນໄປເປັນເວລາ 3 ເດືອນ, ມີເຂົ້າຮ່ວມຝຶກອົບຮົມ 78 ນ້ອງ ຍິງ 50 ນ້ອງ ມີ 10 ສາຂາ ອາຊີບຄື: ຕັດຫຍິບມີ 25 ນ້ອງ, ເສີມສວຍ 21 ນ້ອງ, ສ້ອມແປງໂທລະສັບ 2 ນ້ອງ, ສ້ອມແປງລົດໃຫຍ່ 5 ນ້ອງ, ສ້ອມແປງລົດຈັກ 8 ນ້ອງ, ຂັບລົດໃຫຍ່ 6 ນ້ອງ, ຕັດຜົມຊາຍ 8 ນ້ອງ, ລ້ຽງກົບ, ປູກເຫັດ ແລະ ສ້ອມແປງຄອມພິວເຕີ ສາຂາລະ 1 ນ້ອງ. ຜ່ານການຝຶກອົບຮົມທາງພາກທິດສະດີ ແລະ ໄດ້ລົງຝຶກອົບຮົມຕົວຈິງຢູ່ສະຖານທີ່ປະກອບການ ເຮັດໃຫ້ຜູ້ເຂົ້າຮ່ວມ ໄດ້ຮຽນຮູ້ໃນສາຂາອາຊີບທີ່ຕົນເອງມັກ ແລະ ມີແຜນຈະລິເລີ່ມທຸລະກິດເປັນຂອງຕົນເອງ ເພື່ອກາຍເປັນຜູ້ປະກອບການ ທີ່ສາມາດສ້າງລາຍຮັບເຂົ້າສູ່ຕົນເອງ ແລະ ຄອບຄົວ ເພື່ອເຮັດໃຫ້ຊີວິດການເປັນຢູ່ດີຂຶ້ນເລື້ອຍໆ ແລະ ເປັນຕົວແບບໃຫ້ແກ່ຊາວໜຸ່ມ- ໄວໜຸ່ມ ນໍາເອົາເປັນບົດຮຽນໄດ້.
ໃນພິທີ, ໄດ້ມີການມອບໃບຢັ້ງຢືນໃຫ້ແກ່ຜູ້ທີ່ສໍາເລັດການເຂົ້າຮ່ວມຝຶກອົບຮົມ ຊຶ່ງເປັນກຽດມອບໃບຢັ້ງຢືນຂອງ ທ່ານ ນາງ ພູວຽງ ອິນທະສອນ ແລະ ທ່ານ ນາງ ສົມຄິດ ແທ່ງສົມບັດ ໃຫ້ແກ່ຜູ້ເຂົ້າຮ່ວມຈຳນວນ 78 ນ້ອງ ຍິງ 50 ນ້ອງຕື່ມອີກ.
(ພາບ-ຂ່າວ: ທິດລານີ ໂຄດໂຍທາ)
ຄໍາເຫັນ