ທ່ານ ສີຈິ້ນຜິງ ກ່າວຄຳປາໄສທີ່ມີຫົວຂໍ້ວ່າ: “ສົ່ງເສີມນ້ຳໃຈ ຈີນ-ອາຊີກາງ ເພື່ອຊຸກຍູ້ໃຫ້ການຮ່ວມມືໃນພາກພື້ນໄດ້ຮັບການພັດທະນາດ້ວຍຄຸນນະພາບສູງ”. ທ່ານກ່າວເນັ້ນວ່າ: ໃນທາງປະຕິບັດໄລຍະຍາວ, ພວກເຮົາໄດ້ຄົ້ນຄວ້າ ແລະ ສ້າງ “ນ້ຳໃຈຈີນ-ອາຊີກາງ” ທີ່ “ເຄົາລົບນັບຖືຊຶ່ງກັນ ແລະ ກັນ, ໄວ້ເນື້ອເຊື່ອໃຈກັນ, ຕ່າງຝ່າຍຕ່າງໄດ້ຮັບຜົນປະໂຫຍດ, ຊ່ວຍເຫຼືອຊຶ່ງກັນ ແລະ ກັນ, ຊຸກຍູ້ການຫັນເປັນທັນສະໄໝຮ່ວມກັນດ້ວຍການພັດທະນາທີ່ມີຄຸນນະພາບສູງ”. ຈີນກຳລັງຊຸກຍູ້ພາລະກິດທີ່ຍິ່ງໃຫຍ່ໃນການສ້າງສາປະເທດໃຫ້ເຂັ້ມແຂງ, ຟື້ນຟູຄວາມຈະເລີນຮຸ່ງເຮືອງຂອງປະຊາຊາດຈີນຢ່າງຮອບດ້ານ ດ້ວຍຄວາມທັນສະໄໝແບບຈີນ, ບໍ່ວ່າສະຖານະການສາກົນຈະປ່ຽນແປງໄປຄືແນວໃດ, ຈີນຈະຢຶດໝັ້ນການເປີດປະຕູສູ່ພາຍນອກຢ່າງບໍ່ຫວັ່ນໄຫວຄອນແຄນ ແລະ ສະເໝີຕົ້ນສະເໝີປາຍ. ຈີນຍິນດີຮ່ວມກັບບັນດາປະເທດອາຊີກາງ ດຳເນີນການຮ່ວມມືທີ່ມີຄຸນນະພາບສູງກວ່າເກົ່າ, ລົງເລິກການເຊື່ອມໂຍງເຊື່ອມຈອດກັນທາງຜົນປະໂຫຍດ, ບັນລຸການພັດທະນາຮ່ວມກັນ ແລະ ຊຸກຍູ້ໃຫ້ການຮ່ວມມືລະຫວ່າງຈີນ-ອາຊີກາງ ໄດ້ຮັບໝາກຜົນໃໝ່ຢ່າງບໍ່ຢຸດຢັ້ງ.
ຄໍາເຫັນ