ໂອກາດດັ່ງກ່າວ, ທ່ານ ສີຈິ້ນຜິງ ກ່າວວ່າ: ປີນີ້ເປັນປີທີ່ຈີນ-ຊີເລ ສ້າງຕັ້ງສາຍພົວພັນທາງການທູດຄົບຮອບ55 ປີ, ສາຍພົວພັນລະຫວ່າງສອງປະເທດໄດ້ນຳພາກະແສແຫ່ງການຮ່ວມມືລະຫວ່າງຈີນ-ປະເທດອາເມຣິກາລາຕິນແລະ ກາຣາອິບ ຢ່າງສະເໝີຕົ້ນສະເໝີປາຍ. ສອງຝ່າຍຄວນລົງເລິກສາຍພົວພັນຄູ່ຮ່ວມຍຸດທະສາດຮອບດ້ານ ເພື່ອສ້າງໃຫ້ເປັນຕົວແບບແຫ່ງການຮ່ວມມືລະຫວ່າງຈີນ-ປະເທດອາເມຣິກາລາຕິນ ແລະ ກາຣາອິບ, ໂດຍສຸມໃສ່ຊຸກຍູ້ການຮ່ວມມືດ້ານຕ່າງໆພາຍໃນຂອບ “ໜຶ່ງແລວໜຶ່ງເສັ້ນທາງ” ເຊັ່ນ: ກະສິກຳປ່າໄມ້ ແລະ ການປະມົງ, ພື້ນຖານໂຄງລ່າງ, ບໍ່ແຮ່ສີຂຽວເປັນຕົ້ນ, ບົ່ມສ້າງຈຸດເຕີບໂຕໃໝ່ເປັນຕົ້ນແມ່ນ ປັນຍາປະດິດ, ຢາຊີວະພາບ ແລະ ອື່ນໆ. ຈີນຍິນດີຕ້ອນຮັບຜະລິດຕະພັນທີ່ມີຄຸນນະພາບດີຈາກຊີເລເຂົ້າສູ່ຕະຫຼາດຈີນ ແລະ ສະໜັບສະໜູນວິສາຫະກິດຈີນໄປລົງທຶນຢູ່ຊີເລ.
ທ່ານ ໂບຣິກ ກ່າວວ່າ: ຈີນເປັນຄູ່ການຄ້າສຳຄັນທີ່ສຸດຂອງຊີເລ, ຊີເລເດັດດ່ຽວປະຕິບັດຫຼັກການປະເທດຈີນດຽວ, ຄອງຄອຍເປີດກວ້າງການຮ່ວມມືກັບຈີນໃນຂົງເຂດການຄ້າ, ການລົງທຶນ, ປັນຍາປະດິດເປັນຕົ້ນ ແລະ ຮ່ວມກັນປົກປ້ອງລັດທິຫຼາຍຝ່າຍ. ໃນໄລຍະຢ້ຽມຢາມຢູ່ຈີນ, ສອງຝ່າຍໄດ້ລົງນາມໃນສັນຍາຮ່ວມມືຫຼາຍສະບັບເຊັ່ນ: ເສດຖະກິດ, ການພິມຈຳໜ່າຍ ແລະ ອື່ນໆ.
ຄໍາເຫັນ