ທ່ານນາງ ອາດີນາ ມະຫາວົງ ໄດ້ຮັບລາງວັນ THE WORLD MADAM 2025

10:30 16/12/2025

ປີ 2025ນັບວ່າເປັນອີກໜຶ່ງເຫດການທີ່ໜ້າພາກພູມໃຈ ຂອງແມ່ຍິງລາວ ເມື່ອທ່ານນາງ ອາດີນາ ມະຫາວົງ ໄດ້ຮັບລາງວັນ (ມົງກຸດ)THE WORLD MADAM 2025, ລາງວັນ The World Madam ASIA 2025 ແລະ ລາງວັນ The World Madam Laos 2025ເຊິ່ງເປັນລາງວັນທີ່ຊົງກຽດ, ດ້ວຍຄຸນສົມບັດອັນໂດດເດັ່ນ ທາງດ້ານບຸກຄະລິກກະພາບ, ຄວາມຮູ້-ຄວາມສາມາດ ແລະບົດບາດການເປັນຜູ້ນໍາໃນສັງຄົມ.

ທານນາງ ອາດນາ ມະຫາວງ ໄດຮບລາງວນ THE WORLD MADAM 2025 - image 1

ທ່ານນາງ ອາດີນາ ມະຫາວົງ ປະທານບໍລິສັດໂທລະພາບລາວສະຕາຈຳກັດ ປະທານຄະນະບໍລິຫານງານສະມາຄົມນັກຂ່າວລາວ ທັງເປັນຄະນະບໍລິຫານງານສະມາຄົມນັກທຸລະກິດຍິງລາວ ແລະ ເປັນທີ່ປຶກສາສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ໃຫ້ສໍາພາດຕໍ່ສື່ມວນຊົນ ໃນວັນທີ 13 ທັນວາຜ່ານມາທີ່ນະຄອນຫຼວງວຽງຈັນ ວ່າ: ການປະກວດ World Madam ເປັນການປະກວດລະດັບນານາຊາດ ທີ່ຈັດຂຶ້ນເປັນປະຈໍາທຸກປີ ເພື່ອສົ່ງເສີມບົດບາດ ແລະ ສັກກະພາບຂອງແມ່ຍິງ ທີ່ມີຄວາມພ້ອມ ທາງດ້ານບຸກຄະລິກກະພາບ, ຄວາມຮູ້, ຄຸນນະທຳ, ຄວາມສາມາດ ແລະ ຈິດໃຈການຮັບໃຊ້ສັງຄົມ ໂດຍການສ້າງໃຫ້ເພດຍິງມີຄວາມເປັນຜູ້ນໍາ.

ປີນີ້ ນັບເປັນຄັ້ງທໍາອິດທີ່ ແມ່ຍິງລາວ ໄດ້ເຂົ້າຮ່ວມການປະກວດ The World Madam ASIA 2025 ໂດຍທ່ານນາງ ອາດີນາ ມະຫາວົງ ເປັນຕົວແທນຂອງແມ່ຍິງລາວ ເຂົ້າຮ່ວມການປະກວດດັ່ງກ່າວ ຊຶ່ງມີຜູ້ເຂົ້າຮ່ວມຈາກຫຼາຍກວ່າ 20 ປະເທດທົ່ວໂລກ ເກືອບ40 ມາດາມ, ການເຂົ້າຮ່ວມຄັ້ງນີ້ ໄດ້ນໍາເອົາຜ້າໄໝ-ແພລາວ ແຕ່ເໜືອ ຮອດໃຕ້ ທີ່ມີລວດລາຍອັນຫຼາກຫຼາຍ ຈໍານວນ 30 ຜືນ ຂຶ້ນປະມູນ ເປັນເງິນຈໍານວນ 3 ພັນກວ່າໂດລາ ເຂົ້າໂຄງການ Madam World.

ໃນເວທີການປະກວດ ທ່ານນາງ ອາດີນາ ມະຫາວົງ ໄດ້ນໍາສະເໜີການຟ້ອນບົດເພງຈໍາປາເມືອງລາວ ໃນຊຸດຜ້າໄໝລາວ ທີ່ມີການປັກດິ້ງລວດລາຍສວຍງາມ ຂອງແຂວງຫຼວງພະບາງ ຊຶ່ງເປັນການສະທ້ອນເຖິງເອກະລັກ ແລະວັດທະນະທໍາອັນງົດງາມຂອງຊາດລາວ ພ້ອມທັງການສະແດງທ່າເຕັ້ນບາສະຫຼົບ ສະແດງເຖິງຄວາມສາມັກຄີປອງດອງ.

ການໄດ້ຮັບລາງວັນ The World Madam ASIA 2025 ໃນຄັ້ງນີ້ ນັບເປັນລາງວັນລະດັບນານາຊາດຄັ້ງທໍາອິດທີ່ແມ່ຍິງລາວ ໃນສາຍການປະກວດນີ້. ທ່ານ ນາງ ອາດີນາ ມະຫາວົງ ໄດ້ສະແດງຄວາມປື້ມປິຕິຍິນດີອັນສູງ ແລະ ກ່າວວ່າ: ມົງກຸດ World Madam ບໍ່ແມ່ນມົງກຸດນາງງາມ ແຕ່ເປັນສັນຍາລັກແຫ່ງຄຸນຄ່າ ແລະ ຄຸນລະສະຕີຂອງແມ່ຍິງ ໃນການອຸທິດຕົນເຮັດວຽກເພື່ອສັງຄົມ, ການເຜີຍແຜ່ວັດທະນະທໍາ ແລະການເຊື່ອມໂຍງທາງທຸລະກິດ. ພ້ອມນີ້ ທ່ານຍັງໄດ້ສະແດງຄວາມຂອບໃຈຢ່າງສຸດຊຶ້ງ ຕໍ່ພາກລັດ, ພາກເອກະຊົນ ແລະທຸກພາກສ່ວນ ທີ່ໄດ້ຊຸກຍູ້ ແລະໃຫ້ການສະໜັບສະໜູນ ຈົນສາມາດນໍາຊື່ສຽງ ແລະ ຄວາມພາກພູມໃຈມາສູ່ປະເທດຊາດໄດ້ໃນຄັ້ງນີ້.

ພິທີມອບລາງວັນ WORLD MADAM ອາຊີ ປະຈຳປີ 2025ຫຼືWORLD MADAM2025 ASIA ANNUAL AWARDS CEREMONY ໄດ້ຈັດຂຶ້ນໃນລະຫວ່າງວັນທີ 27-29 ພະຈິກ 2025 ທີ່ສາທາລະນະລັດປະຊາຊົນຈີນ ພາຍໃຕ້ຄໍາຂວັນ “One small step for Madams, One giant leap for the World”.

ສໍາລັບ World Madam ASIA 2026 ແມ່ນຈະຈັດຂຶ້ນທີ່ປະເທດມາເລເຊຍ.

ຄໍາເຫັນ

ຂ່າວວັດທະນະທຳ-ສັງຄົມ

ຈັດຝຶກອົບຮົມໃຫ້ແກ່ຜູ້ສະໝັກຮັບເລືອກຕັ້ງ ສສຊ ປະຈໍາເຂດທີ 12 ຊຸດທີ X ແລະ ສສຂ ຄໍາມ່ວນ ຊຸດທີ V

04/02/2026 14:42

ກອງປະຊຸມຝຶກອົບຮົມໃຫ້ຜູ້ສະໝັກຮັບເລືອກຕັ້ງເປັນ ສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງທີ 12 ຊຸດທີ X ແລະ ສະມາຊິກສະພາປະຊາຊົນແຂວງ (ສສຂ) ຄໍາມ່ວນ ຊຸດທີ V ໄດ້ຈັດຂຶ້ນໃນວັນທີ 4 ກຸມພານີ້ ທີ່ເຮືອນພັກເລກ 1 ຂອງແຂວງ, ເປັນປະທານໂດຍ ທ່ານ ບຸນມີ ພິມມະສອນ ປະທານສະພາປະຊາຊົນ ແຂວງຄໍາມ່ວນ, ທັງເປັນຮອງປະທານຄະນະກຳມະການເລືອກຕັ້ງຂັ້ນແຂວງ ພ້ອມດ້ວຍບັນດາຜູ້ສະໝັກ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ມອບ-ຮັບໂຮງງານບຳບັດນໍ້າເປື້ອນທັນສະໄໝ

04/02/2026 13:54

ວັນທີ 4 ກຸມພານີ້ ທີ່ບ້ານຂາມງອຍ ເມືອງໄຊເສດຖາ ນະຄອນຫຼວງວຽງຈັນ (ນວ) ໄດ້ຈັດພິທີມອບ-ຮັບໂຮງງານບຳບັດນໍ້າເປື້ອນ ນວ ແລະ ລະບົບສາຍທໍ່ສົ່ງນໍ້າເປື້ອນ ທີ່ມີຄວາມສາມາດບຳບັດ 26,000 ແມັດກ້ອນ/ວັນ ແລະ ຮອງຮັບການຂະຫຍາຍໄດ້ເຖິງ 52,000 ແມັດກ້ອນ/ວັນ ດ້ວຍເຕັກໂນໂລຊີ MBBR ທັນສະ ໄໝ ຕາມມາດຕະຖານ EU.

ສູນກາງ ອພສ ຖະແຫຼງຜົນສຳເລັດງານ 3 ງານບຸນໃຫຍ່ລະດັບຊາດ

04/02/2026 13:51

ສູນກາງອົງການພຸດທະສາສະໜາສຳພັນແຫ່ງ ສປປ ລາວ (ອພສ) ຈັດພິທີຖະແຫຼງຂ່າວຜົນສຳເລັດການຈັດງານບຸນມະຫາກຸສົນຍິ່ງໃຫຍ່ລະດັບຊາດ ຄື: ງານບຸນສະຫຼອງພະໄຕປີດົກລາວ, ພິທີຫົດສົງມະຫາເຖຣາພິເສກ ປະທານສູນກາງ ອພສ ອົງທີ 7, ຫົດສົງເຖຣາພິເສກຄະນະສົງທີ່ຈັດທໍາພະໄຕປີດົກລາວ ແລະ ງານສະຫຼອງເປີດອາຄານສຳນັກງານປະທານສົງສູນກາງ ອພສ ຫຼັງໃໝ່ຂຶ້ນໃນວັນທີ 3 ກຸມພາຜ່ານມາ ທີ່ສຳນັກ ງານສູນກາງ ອພສ ວັດພະທາດຫຼວງເໜືອ ເມືອງໄຊເສດຖາ ນະຄອນຫຼວງວຽງຈັນ.

2025 ຫວຽດເຈັດ ເຕີບໂຕສ້າງລາຍຮັບໃນໄຕມາດ 4 ເຖິງ 47%

04/02/2026 13:49

ບໍລິສັດ ຮຸ້ນສ່ວນການບິນ ຫວຽດເຈັດ (Vietjet Aviation Joint Stock Company - HOSE: VJC). ອີງຕາມບົດລາຍງານການເງິນ, Vietjet ມີລາຍຮັບສະເພາະຂອງບໍລິສັດໃນໄຕມາດ 4 ປີ 2025 ບັນລຸ 29,035 ຕື້ດົງ (ປະມານ 24.01 ຕື້ກີບ), ເພີ່ມຂຶ້ນ 47% ເມື່ອທຽບໃສ່ໄລຍະດຽວກັນຂອງປີຜ່ານມາ. ສຳລັບລາຍຮັບສະເພາະຕະຫຼອດທັງປີແມ່ນບັນລຸ 81,426 ຕື້ດົງ (ປະມານ 67.35 ຕື້ກີບ), ເພີ່ມຂຶ້ນ 14%. ກຳໄລຂັ້ນຕົ້ນສະເພາະຂອງສາຍການບິນໃນປີ 2025 ຢູ່ທີ່ 8,213 ຕື້ດົງ (ປະມານ 6.79 ຕື້ກີບ) ຊຶ່ງເປັນຜົນມາຈາກການຂະຫຍາຍເຄືອຂ່າຍການບິນ ແລະ ຕົ້ນທຶນນ້ຳມັນເຊື້ອໄຟທີ່ຫຼຸດລົງເມື່ອທຽບໃສ່ປີກ່ອນໜ້າ.

ຝຶກອົບຮົມໃຫ້ຜູ້ລົງສະໝັກຮັບເລືອກຕັ້ງເປັນ ສສຊ ຊຸດທີ X ແລະ ສສຂ ວຽງຈັນ ຊຸດທີ V

04/02/2026 13:42

ກອງປະຊຸມຝຶກອົບຮົມໃຫ້ຜູ້ລົງສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ (ສສຊ)ຊຸດທີ X ແລະ ສະມາຊິກສະພາປະຊາຊົນ ແຂວງ (ສສຂ)ວຽງຈັນ ຊຸດທີ Vໄດ້ຈັດຂຶ້ນໃນວັນທີ 4 ກຸມພານີ້ ຢູ່ທີ່ສະໂມສອນໃຫຍ່ຂອງແຂວງ, ໂດຍການເປັນກຽດເຂົ້າຮ່ວມທ່ານ ທອງສະລິດ ມັງໜໍ່ເມກ ກຳມະການກົມການເມືອງສູນກາງພັກລັດຖະມົນຕີກະຊວງສຶກສາ ທິການ ແລະ ກິລາ, ມີບັນດາຜູ້ລົງສະໝັກຮັບເລືອກຕັ້ງເປັນ ສສຊ ຊຸດທີ X ແລະ ສສຂ ຊຸດທີ V ເຂົ້າຮ່ວມ.

ລົງນາມ ຜັນຂະຫຍາຍການຫັນເປັນດີຈີຕອນ

04/02/2026 11:20

ພິທີເຊັນສັນຍາຜັນຂະຫຍາຍການຫັນເປັນດີຈີຕອນໃຫ້ລັດຖະບານ ລະຫວ່າງລັດວິສາຫະກິດລາວ-ເອເຊຍ ໂທລະຄົມ ແລະ ບໍລິສັດ ສະຕາໂທລະຄົມ ຈໍາກັດ (ຢູນີເທວ) ຈັດຂຶ້ນໃນວັນທີ 3 ກຸມພາຜ່ານມາ ທີ່ສໍານັກງານໃຫຍ່ ບໍລິສັດ ສະຕາໂທລະຄົມ ຈໍາກັດ ຮ່ວມລົງນາມໂດຍທ່ານ ພົນຈັດຕະວາ ສຸບັນ ພັນທະວີ ຜູ້ອຳນວຍການໃຫຍ່ ບໍລິສັດ ລາວ-ເອເຊຍ ໂທລະຄົມ ແລະ ທ່ານ ເຈິ່ນ ຈຸງ ຮຶງ ຜູ້ອໍານວຍການໃຫຍ່ບໍລິສັດ ສະຕາໂທລະຄົມ ຈຳກັດ (ຢູນີເທວ) ທັງສອງຝ່າຍເຫັນດີເປັນເອກະພາບ ໃນການສ້າງຕັ້ງສາຍພົວພັນການຮ່ວມມືແບບຍຸດທະສາດ ຮອບດ້ານ ແລະ ຍາວນານ.

ຄົ້ນຄວ້າຮັບຮອງເອົາກາເຄື່ອງໝາຍ ຂອງຄະນະກຳມະການແກ້ໄຂບັນຫາຢາເສບຕິດລະດັບຊາດ

04/02/2026 11:19

ກົມຄົ້ນຄວ້າວິທະຍາສາດ ແລະ ປະຫວັດສາດ (ກົມ 512) ກະຊວງປ້ອງກັນຄວາມສະຫງົບ (ປກສ) ຈັດກອງປະຊຸມສະພາວິທະຍາສາດປ້ອງກັນຄວາມສະຫງົບ ເພື່ອຄົ້ນຄວ້າຮັບຮອງເອົາກາເຄື່ອງໝາຍ ຂອງຄະນະກຳມະການແກ້ໄຂບັນຫາຢາເສບຕິດລະດັບຊາດໃນວັນທີ 3 ມັງກອນ ຜ່ານມາ ໂດຍການເປັນປະທານຂອງທ່ານ ພັອ ທັດສະພອນ ວົງພະຈັນ ຮອງຫົວໜ້າກົມ 512, ເປັນກຽດເຂົ້າຮ່ວມຂອງທ່ານ ພົຈວ ວັນເຮືອງ ນັນທະຈັກ ນັກວິທະຍາສາດອາວຸໂສ ແລະ ທ່ານ ພົຈວ ສຸກນິລັນດອນ ກຸນລະວົງ ຫົວໜ້າອຳນວຍການວິທະຍາຄານການ ເມືອງ ປກສ, ມີບັນດາກຳມະການສະພາວິທະຍາສາດ ປກສ ແລະ ນັກວິທະຍາສາດກົມ 512 ເຂົ້າຮ່ວມ.

ມອບລົດຖີບ ໃຫ້ນ້ອງນັກຮຽນຊັ້ນປະຖົມສຶກສາ ເຂດຫ່າງໄກສອກຫຼີກ ຢູ່ເມືອງແກ່ນທ້າວ.

04/02/2026 11:17

ໃນຕອນບ່າຍວັນທີ 3 ກຸມພານີ້ຢູ່ທີ່ຫ້ອງການສຶກສາທິການ ແລະ ກິລາເມືອງແກ່ນທ້າວ ແຂວງໄຊຍະບູລີ ໄດ້ຈັດພິທີ ມອບລົດຖີບໃຫ້ນ້ອງນັກຮຽນຊັ້ນປະຖົມສຶກສາ ທີ່ຂາດທຶນການສຶກສາ, ຫ່າງໄກສອກຫຼີກ ແລະ ມີຜົນການຮຽນດີຢູ່ພາຍໃນເມືອງ ຈໍານວນ 16 ຄັນ,ໂດຍເປັນກຽດມອບຂອງທ່ານ ບຸນຍັງ ພັນທະວົງ ຮອງປະທານຄະນະກໍາມະການປົກຄອງເມືອງ, ມີຮອງຫົວໜ້າຫ້ອງການສຶກສາທິການ ແລະ ກິລາເມືອງ,ຜູ້ບໍລິຫານການສຶກສາ, ຄູສອນ, ຜູ້ປົກຄອງນັກຮຽນ ເຂົ້າຮ່ວມ.

ອ່ານກະວີ “ສິນໄຊຖານທີ່ໝັ້ນແຫ່ງຍຸກສະໄໝ” ສົ່ງເສີມພາສາ-ວັນນະຄະດີລາວ

04/02/2026 11:15

ງານເສວະນາ ແລະ ອ່ານກະວີເລື່ອງ “ສິນໄຊຖານທີ່ໝັ້ນແຫ່ງຍຸກສະໄໝ” ຕິດພັນກັບບຸນເຂົ້າຈີ່ປະເພນີລາວ ຈັດຂຶ້ນໃນວັນທີ 1 ກຸມພາຜ່ານມາ ທີ່ວັດຕົ້ນຕະກຸນສີຊົມຊື່ນນາຄາຣາມ ບ້ານໜອງບົວທອງເໜືອ ເມືອງສີໂຄດຕະບອງ ນະຄອນຫຼວງວຽງຈັນ ນໍາພາໂດຍພະອາຈານ ໄພວັນ ມາລາວົງ ເຈົ້າອະທິການວັດຕົ້ນຕະກຸນສີຊົມຊື່ນນາຄາຣາມ, ມີນັກກະວີລາງວັນຊີໄຣ ແລະ ແມ່ນໍ້າຂອງ, ທ່ານ ນາງ ຈັນເພັດ ຄຳຟອງ ຫົວໜ້າກົມວັນນະຄະດີ ແລະ ພິມຈຳໜ່າຍ ກະຊວງວັດທະນະທໍາ ແລະ ການທ່ອງທ່ຽວ, ທ່ານ ທອງໃບ ໂພທິສານ ປະທານສະມາຄົມນັກປະພັນລາວ, ມີຄູບາ-ອາຈານ, ນັກປະພັນ-ນັກກະວີເຂົ້າຮ່ວມ.

ມອບ-ຮັບ ທຸງໄຊນໍາໜ້າຂະບວນການແຂ່ງຂັນ 4 ບຸກໃຫ້ແກ່ຄະນະຊາວໜຸ່ມ ກຕທ

04/02/2026 11:12

ກະຊວງການຕ່າງປະເທດ (ກຕທ) ໄດ້ຈັດພິທີມອບ-ຮັບ ທຸງໄຊນໍາໜ້າຂະບວນການແຂ່ງຂັນ 4 ບຸກ ໃຫ້ແກ່ ຄະນະຊາວໜຸ່ມປະຊາຊົນປະຕິວັດລາວ ກະຊວງການຕ່າງປະເທດ ໃນວັນທີ 3 ກຸມພານີ້ ທີ່ກະຊວງການຕ່າງປະເທດ, ໂດຍການໃຫ້ກຽດເຂົ້າຮ່ວມ ຂອງ ສະຫາຍ ທອງສະຫວັນ ພົມວິຫານ ກໍາມະການສູນກາງພັກ ເລຂາຄະນະບໍລິຫານງານພັກກະຊວງ ລັດຖະມົນຕີກະຊວງການຕ່າງປະເທດ ແລະ ສະຫາຍ ທອງລີ ສີສຸລິດ ກໍາມະການສູນກາງພັກ ເລຂາຄະນະບໍລິຫານງານພັກ ເລຂາ ຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ; ພ້ອມທັງມີຄະນະພັກ-ຄະນະນໍາກະຊວງ, ຜູ້ຕາງໜ້າສະຫະພັນກໍາມະບານ ແລະ ສະຫະພັນແມ່ຍິງກະຊວງ, ຜູ້ຕາງໜ້າຄະນະໜ່ວຍພັກ ແລະ ສະມາຊິກຊາວໜຸ່ມຂອງ ກຕທ ພ້ອມດ້ວຍແຂກຖືກເຊີນຈາກສູນກາງຊາວໜຸ່ມ ແລະ ບັນດາ ກະຊວງອ້ອມຂ້າງ ເຂົ້າຮ່ວມຢ່າງພ້ອມພຽງ.

ເພີ່ມເຕີມ